Шавкат Мирзиёев 7-8 октябрь кунлари амалий ташриф билан Москва шаҳрида бўлади ҳамда МДҲ Давлат раҳбарлари кенгашининг навбатдаги мажлиси доирасидаги тадбирларда иштирок этади.
@protodayuz

Сенат ниҳоят қонунни рад этди

Сенат ҳуқуқ-тартибот идоралари ходимлари фаолиятига оид тасвирларни «обрўсизлантириш мақсадида» тарқатганлик учун жавобгарликни назарда тутувчи қонунни рад этди.

Қонун қайта қўриб чиқиш учун қайтарилди. Энди парламент палаталарининг келишув комиссияси тузилади.

@protodayuz

Давлат миқёсидаги кўзбўямачилик

“Яшил макон” доирасидаги ишлар аҳволи  ўрганилганда, 541 та ҳолатда амалда экилмаган 1 миллиондан зиёд кўчат ҳисоботларга қўшиб ёзилганлиги, 580 мингтаси суғориш тизими мавжуд бўлмаган жойларга экилганлиги ва 19 мингдан ортиқ кўчат ўз вақтида экилмаганлиги сабабли нобуд қилинганлиги аниқланган, - Бош прокуратура.

@protodayuz

Цемент ишлаб чиқарувчилар арзон цемент сотаётган Андижондаги завод устидан шикоят қилди

Цемент ишлаб чиқарувчиларнинг Рақобат қўмитасига киритган арзномасига кўра, Булоқбоши туманидаги завод таннархдан паст нархларда цемент сотяпти, натижада қолган корхоналар банкротлик ёқасига келиб қоляпти. Шикоятга асосан бу ҳолатда демпинг аломатлари бор-йўқлиги кўриб чиқилмоқда. Қўмита раиси соҳадаги компаниялар вакиллари билан очиқ мулоқот ўтказди.

@protodayuz