“Davlat byudjetidan qimmatbaho sovgʻalar berilishini taqiqlash kerak” — Oʻzbekiston Xalq Demokratik Partiyasi
OʻzXDP Norin tuman kengashi raisi Nilufar Abdumajidovaning fikricha, davlat byudjeti bitmas-tuganmas zaxira emas va buni har bir mansabdor shaxs his etishi kerak.

Shuningdek, kengash raisi turli darajadagi amaldorlarga bayramlar, toʻylar, tugʻilgan kun yoki boshqa muhim sana munosabati bilan qimmatli sovgʻalar yuborish, xizmat safarlariga borganda noz-neʼmatga toʻla dasturxonlar yozilib mehmon qilishu bu mehmondorchiliklar ʻarzimasʻ, deb ataladigan sovgʻalar berib yakunlanishi bilan bogʻliq odat hali-hamon saqlanib qolayotganini alohida taʼkidlagan.

“Partiyamiz mazkur yoʻnalishda javobgarlikni kuchaytirish bilan birga davlat byudjeti hisobidan qimmatbaho sovgʻalar hadya etishni ham qonuniy taqiqlashni taklif qilmoqda”, — deb qoʻshimcha qilgan Nilufar Abdumajidova.

@markaz_uzbekistan

XDP tashabbusi bilan aholini 120 turdagi dori va tibbiy vositalar bilan bepul taʼminlash yoʻlga qoʻyilgan.
Oʻzbekiston Xalq Demokratik partiyasi xabar berishicha, partiya oʻtgan saylovda bepul taqdim etiladigan majburiy tibbiy xizmatlar roʻyxatini qonuniy qilishni maqsad qilgan.

Oradan 5 yil oʻtib partiya 120 turdagi dori va tibbiy buyumlar bilan bepul taʼminlash yoʻlga qoʻyilishi, bepul dorilar hamda vositalarga ajratiladigan mablagʻlar 12 baravarga oshirilishi, tibbiy xizmatlar va dori-darmonlarning kafolatlangan paketi joriy qilinishiga erishganini maʼlum qildi.

@markaz_uzbekistan

OʻzLiDeP elektr energiyasi boʻyicha ijtimoiy normani qayta koʻrib chiqishni saylovoldi dasturiga qoʻshganini maʼlum qildi.

Partiyaning saylovoldi dasturi muhokamasida Siyosiy Kengash ijroiya qoʻmitasi departamenti rahbari Sardor Maripov elektr energiyasi va tabiy gaz isteʼmoli boʻyicha belgilangan ijtimoiy norma miqdorini mavsumiylik, xonadon aʼzolarini ijtimoiy reyestrga kiritilganligi va oilalar sonidan kelib chiqib, qayta koʻrib chiqishni taklif qilinganini aytdi.

Uning taʼkidlashicha, partiya jamiyatning har bir qatlamini himoya qilishga harakat qiladi.

@markaz_uzbekistan