د فلسطینیانو د نابودولو لپاره د صهیونیسټانو کوشش به ماتې وخوريFeb 05, 2025 06:18 Asia/Kabul
د فلسطینیانو د نابودولو لپاره د صهیونیسټانو کوشش به ماتې وخوري
د حماس غورځنګ ویاند ټینګار وکړ چې د فلسطین د خلکو د ختمولو او په غزې او لویدیځې غاړې کښې د هغوي د حقوقو د سلبولو لپاره د نیواکګر صهیونیسټي رژیم هلې ځلې به ماتې وخوري.

د فلسطین د اسلامي مقاومت غورځنګ (حماس) ویاند «عبداللطیف القانوع» وویل: نیواکګر صهیونیسټي رژيم چې په غزې کښې یې خپل اهداف ترلاسه نه کړې شول، په لویدیځې غاړې کښې به هم هیڅکله کامیاب نه شي.

القانوع دې ټکي ته په اشارې سره چې صهیونیسټي رژیم د اوربند په موافقه کښې د غزې په هکله د انساني پروټوکولونو په لړ کښې خنډونه اچوي، زیاته کړه: په دویم پړاؤ کښې ځینې ستونزې او پيچلتیاوې شته چې د مینځګړو په مرستې سره یې د ختمولو هلې ځلې کیږي.

د حماس دغه چارواکي ټینګار وکړ چې د فلسطین اوسنې لومړیتوب، د غزې د خلکو د پایدارۍ پياوړتیا او د انساني اړتیاؤ د پوره کولو او د دې سیمې د ویجاړیو بیارغونه ده.

حماس په دغې بیانیې کښې له مینځګړو او په غزه کښې د اوربند د موافقې د ضامنو لورو په تیره بیا مصر او قطر څخه وغوښتل چې لاس په کار شي او د دې موافقې د انساني پروټوکولونو په اجرا کښې ارمینځته شوي ګډوډي هوار کړي.

له مقاومت څخه د اسرائیلو د ناکامۍ پایلې؛
صهیونیسټي کارپوه: اسرائیل له دننه مړ شوی دی!Feb 05, 2025 13:27 Asia/Kabul
صهیونیسټي کارپوه: اسرائیل له دننه مړ شوی دی!
پارس ټوډې – د لوېدیځي آسیا د چارو صهیونیسټي کارپوه په ایکس ټولنیزه شبکه کې له مقاومت څخه د اسرائیلو د ناکامۍ لاملونو په تړاو بحث کړی دی.

د لوېدیځي آسیا د چارو صهیونیسټي کارپوه اوري گلدبرگ په یوه ټویټ کې لیکلي: نتانیاهو نشي کولای د بندیانو د تبادلې دویم پړاو ته ژمن پاته شي، مګر دا چې "حماس" له منځه ولاړ شي.

د پارس ټوډې د راپور له مخې، گلدبرگ زیاته کړې: ژوند ته په ژمنتیا کې پاتې راتلل، د مرګ د مطلق منلو په معنی دی. نتانیاهو لکه د نورو اسرائیلو په څېر، په بې پروایۍ سره اقدام کوي او کافي ارزښت نه ورکوي. اسرائیل له دننه څخه مړ دی. له همدې امله موږ وبایلله.

Netanyahu "cannot commit" to phase 2 of the hostage deal unless "Hamas is eliminated". The inability to commit to life demonstrates an absolute embrace of death. Netanyahu, like most other Israelis, simply doesn't care. Israel is dead inside. That is why we have lost.

صهیونیسټي رژیم د امریکا په ملاتړ د ۲۰۲۳ میلادي کال د اکتوبر له ۷مې نېټې څخه د ۲۰۲۵ میلادي کال د جنورۍ تر ۱۹مې نېټې پورې د غزې د اوسېدونکو پرضد ویجاړوونکی جنګ ترسره کړ، چې د پراخې تباهۍ او مرګونې قحطۍ سبب شو.

له دې ټولو جنایتونو سره سره، صهیونیسټي رژیم اعتراف وکړ چې د غزې د اوسېدونکو پر وړاندې له ۴۷۰ ورځو جنګ وروسته، ونه توانېدو د دې جګړې موخې، یعنې د حماس غورځنګ له منځه وړل او له غزې څخه د صهیونیسټي بندیانو بیرته ستنول ترلاسه کړو، بلاخره، د ۲۰۲۵ کال د جنورۍ په ۱۹مه نېټه د حماس او صهیونیسټي رژیم ترمنځ د اوربند موافقه اجرا شوه.

د یوې سروې حیرانوونکې پایلې: نوی نسل له اسرائیلي محصولاتو څخه کرکه کوي!Feb 05, 2025 13:59 Asia/Kabul
د یوې سروې حیرانوونکې پایلې: نوی نسل له اسرائیلي محصولاتو څخه کرکه کوي!
پارس ټوډې - د ساحوي تحقیقاتو او د یوې سروې پایلې ښیي چې د صهیونیسټي رژیم لخوا جوړ شوي محصولات، د نړۍ د مصرفوونکو په منځ کې ډېر ټیټ مقام لري.

صهیونیسټي ګلوبس ویب پاڼې اعتراف کړی چې صهیونیسټي رژیم د کورني سوداګریزو برنډونو په ډلبندۍ کې وروستی ځای لري.

د مهر خبري آژانس په حواله او د پارس ټوډې د راپور له مخې، په تېرو میاشتو کې په ۲۰ هېوادونو کې د ۴۰ زره کسانو په منځ کې یوه سروې د سوداګریزو برنډونو د پیاوړتیا د شپږو شاخصونه لکه: سیاست، کلتور، خلکو، صادراتو، کډوالۍ او ګرځندوی په تړاو ترسره شوې ده.

د المیادین د راپور له مخې، د څېړنو پایلې ښيي چې نوی نسل په بشپړه توګه له صهیونیسټي رژیم سره مخالف دی او په ټولو برخو کې دې رژیم ته ترټولو کم امتیاز ورکوي.

په دې راپور کې راغلي چې د صهیونیسټي رژیم د محصولاتو پر وړاندې یو عملي بندیز شتون لري، چې د دې لامل شو د تل ابیب صادرات له ستر ګواښ سره مخ شي، هغه محصولات چې د اشغال شویو سیمو نښان ولري، خلک ترې کرکه کوي.

د اسرائیلي برنډونو د شرکت بنسټګر موتي شرف چې په نړیواله کچه د دې برنډونو د تبلیغ لپاره هڅه کوي اعتراف کړی چې، په غزه کې د جنګ له پیله د صهیونیسټي رژیم سوداګریز نښانونه له ناوړه وضعیت سره مخ دي.

د کوزې کورمې علیزئ روغتون ته د ۲۵ شهیدانو جنازې او لسګونو نور ټپیان رسول شوي دي چې وئيل کیږي، په روغتون کې د درملنې لپاره د ددرملو او تجهیزاتو د نه شتون له امله ځیني ټپیانو ژوند هم مرګي حاله راپور شوی دی.

زمونږخبریال له پاراچناره راپور راکوي،نن سهار د پاکستان د خیبر پختونخواه صوبې دکورمې ضلعې له پاراچناره د پوځ او ایف سي په سرپرستۍ کې د مسافرانو یوه ستره کانوائي دپیښو ر په لور او دغه راز له پیښوره د پاراچنار په لور روانه وه چې د کوزې کورمې دبګن له اوچت سیمې سره کله دغه کانويي یوځاي شوي،نو په دغې سیمې کې دیره په سلګونو تکفیری ترهه ګرو ورباندې ناڅاپي ناتار جوړ کړ،چې د وروستیو راپورونو په اساس پکې د ښځو او ماشومانو پشمول ۳۳ کسان شهیدان او کابو ۴۵ نور ټپیان شوي دي.

د رارسیدلي راپور په اساس، وئيل کیږي،دتکفیری ترهه ګرو دغه جنایت تر ۴۵ دقیقو پورې دوام درلود او د پوځ او ایف سي ځواکونو هیڅ عکس العمل نه دی ښودلی.

دا هم وئيل شوي دي چې د کوزې کورمې علیزئ روغتون ته د ۲۵ شهیدانو جنازې او لسګونو نور ټپیان رسول شوي دي چې وئيل کیږي، په روغتون کې د درملنې لپاره د ددرملو او تجهیزاتو د نه شتون له امله ځیني ټپیانو ژوند هم مرګي حاله راپور شوی دی.

په راپور کې وئيل شوي دي ،سیمې ته پولیس رسیدلی او هلته موجود خلک وائي چې په لسګونو مسافران بې درکه شوي هم دي،چې ممکنه ده په زیات احتمال سره ترهه ګرو نیولي وي.په دغې سیمې کې ترهه ګرو په ځینو جوماتونو کې د غنیمت اعلانونه هم کړي دي.

داپه داسې حال کې دي چې د بګن سیمې مشرانو پرون په یوې عمومی ناستې کې پر حکومتي او ځینو ځاي مشرانو تور لګولی ؤ چې سیمې ته ئې تکفیری ترهه ګر یا هماغه ټي ټي پي وګړي وروستلي دي او ممکنه ده دغه سیمه یو ځل بیا له جنجال او ترینګلتیاؤ سره مخ کړي ، چې نن ئې دا نتیجه نندارې ته وړاندې شوه.

د حق او د باطل د چورلیز نړیواله شخړه؛ سعیدي: بشریت د مصلح موعود په انتظار دیNov 21, 2024 12:33 Asia/Kabul
د حق او د باطل د چورلیز نړیواله شخړه؛ سعیدي: بشریت د مصلح موعود په انتظار دی
پارس ټوډی –د ایران د ټولو قواو د قومندان د عقیدتي او د سیاسي دفتر مشر حجت الاسلام و المسلمین «علي سعیدي شاهرودي» په دې خبرې سره چې نن سبا د مصنوعي ځیرکتیا یعني د مصنوعي هوش ټیکنالوژۍ د نړیوال استکبار او د هغه د هدفونو په خدمت کښې ده وویل باید پوه شو چې له کوم ډول دښمن سره مخامخ یوو.

هغه څه موده مخکې په یوې وینا کښې د نړۍ او د لویدیځې اسیا سیمې د مهم حالت په بیانولو غور وکړ چې غور چاڼ یې لاندې لوستلی شئ.

پارس ټوډې سایټ راپور راکړی د ایران د ټولو قواو د قومندان د عقیدتي او د سیاسي دفتر مشر حجت الاسلام و المسلمین «علي سعیدي شاهرودي» د نړیوالو حالاتو په شننې سره وویل :په ټوله دنیا کښې د زلزلو او د طوفانونو کتونکي یوو، د فلسطین پرضد د صهیونیسټ رژيم جنګ او په غزې تړانګه کښې د دغه ظالم رژیم لخوا د خلکو وژله او دغه راز د عربستان او د یمن جنګ چې تراوسه پاې ته نه دی رسیدلی د لبنان او د سوریې پرضد د اسرائیلو جنګ او د روسیې او د اوکراین جنګ او په اروپا کښې ښي پاله کړچار چې ډیر اندیښمنونکی دی په ټوله دنیا کښې دغه بدلونونه د قدرت د ځاې پر ځاې کیدا ښودنه کوي.

هغه په دوام کښې په دغه ډګر کښې د ایران رول او دندې ته په اشارې سره وویل : یوځل په پینځلسمې پیړۍ کښې اروپا د قدرت مرکز شو او اروپا په ټیکنالوژۍ او پانګونې باندې تکیې کولو او د دغه حاکمیت په صنعتي کیدا سره د لومړي او د دوهم نړیوال جنګ د رامینځته کیدا سبب شوه او یوځل بیا امریکا په دوهم نړیوال جنګ کښې په مینځ لاره کښې د لګښت له ورکولو پرته جنګ ته ورګډه شوه او په میدان کښې بریالۍ شوه او قدرت له اروپا څخه امریکا ته منتقل شو.

د ایران د ټولو قواو د قومندان د عقیدتي او د سیاسي دفتر مشر حجت الاسلام و المسلمین «علي سعیدي شاهرودي» د امریکا د جوړیدا د دوه سوه کلونو تیریدا ته په اشارې سره د بشر د قدرت د مرکز په توګه د واشنګټن هڅو ته په اشارې سره جوته کړه: یوازې د شلمې میلادي پیړۍ په دوهمه نیمايي کښې امریکا نیغ په نیغه په یویشتو هیوادونو باندې پوځي حملې کړي دي لکه د کوریا جنګ، د عراق جنګ او د افغانستان جنګ چې په حقیقت کښې دغه جنګونه د امریکا د جنایتونو د قدرت نښه دی.

د ایران د ټولو قواو د قومندان د عقیدتي او د سیاسي دفتر مشر حجت الاسلام و المسلمین «علي سعیدي شاهرودي» په دې خبرې سره چې په دریم پړاو کښې د دنیا د اغیز شیندونکو قدرتونو د ځاې پر ځاې کیدا کتونکي یوو وویل د دنیا د سیاستوالانو شننه دا ده چې د نړۍ راتلونکي اغیز شیندونکي هیوادونه امریکا، چین ، روسیه ، هند او ایران دي.

د ایران د ټولو قواو د قومندان د عقیدتي او د سیاسي دفتر مشر حجت الاسلام و المسلمین «علي سعیدي شاهرودي» په دې خبرې سره چې مونږ د اخرې زمانې په پړاو کښې یوو او بشریت د مصلح په انتظار دی او مونږ باید هڅه وکړو چې د دغه مسلې بیرغوال شو چې مثبتو نتیجو ته ورسیږو، په دې ډګر کښې د صهیونیسټ رژیم او د امریکا هڅو ته اشاره وکړه او دوام یې ورکړ:صهیونیسټ رژيم او امریکا دوې (۲)ایډیاګانې لري؛لومړۍ ایډیا ګلوبل ایزم یعني په دنیا باندې واکمنۍ کول او بله ایډیا موعود ګرايي یعني د حضرت عیسی علیه السلام د ظهور انتظار کول دي. البته په غلط تعریف سره چې هغوې یې د حضرت عیسی علیه السلام په هکله لري.

د ایران د ټولو قواو د قومندان د عقیدتي او د سیاسي دفتر مشر حجت الاسلام و المسلمین «علي سعیدي شاهرودي» په دې خبرې سره چې ایران په سیمه او دنیا کښې د استکبار د جبهې په مقابل کښې د ستر بدلون بیرغوال دی اعتراف وکړ: د صهیونیسټ رژیم شعار له نیل سیند څخه تر فرات سیند پورې و او د نړۍ د مشرۍ هڅه یې کوله؛ نو ځکه خو یوازې غزه مطرح نه ده بلکې د صهیونیسټ رژيم هڅه د اسلامي دنیا په جغرافیې باندې د سلطې موندل دي.

هغه دې ته په اشارې سره چې اسلامي ایران په نړیوال ډګر کښې د مقاومت د جبهي او د اهل بیت علیه السلام بیرغوال دی یادونه وکړه: طوفان الاقصی عملیاتو د صهیونیسټ رژيم هڅې او سټراټيژیانې ګډې وډې کړې او هغه یې حیرانه کړ؛ او صهیونیسټ رژیم په غزې کښې د څلورڅلویښت زره بې ګناه انسانانو له شهیدولو وروسته په لبنان باندې حملې وکړې چې اوس هم دوام لري.

د ایران د ټولو قواو د قومندان د عقیدتي او د سیاسي دفتر مشر حجت الاسلام و المسلمین «علي سعیدي شاهرودي» د بشریت د ژغورونکي حضرت امام مهدي علیه السلام د ظهور لپاره د زمینې جوړول له دښمن سره د مبارزې نور هدفونه وبلل او زیاته یې کړه ائمه اطهار یعني د اسلام د ګران پیغمبر حضرت محمد صلی الله علیه واله وسلم کورنۍ د تاریخ په اوږدو کښې د عدالت او د حق د اجرا لپاره لګښت ورکړ ، دغه مبارزه او مقاومت به هم له لګښت پرته نه وي؛ نن سبا د صه

ایران او قطر په غزې تړانګې کښې د نسل وژنې د بندولو په ضرورت تاکید کړیNov 21, 2024 07:16 Asia/Kabul
ایران او قطر په غزې تړانګې کښې د نسل وژنې د بندولو په ضرورت تاکید کړی
د ایران او قطر د بهرنیو چارو وزیرانو په تهران کښې په یوه کتنه کښې، په غزې تړانګه کښې د نسل وژنې د بندولو په ضرورت ټینګار وکړ.

د ایران او قطر د بهرنیو چارو وزیرانو په تهران کښې په یوه کتنه کښې، په غزې تړانګه کښې د نسل وژنې د بندولو په ضرورت ټینګار وکړ.

د ایران د اسلامي جمهوریت خارجه وزیر سید عباس عراقچي پرون مازیګر په تهران کښې د قطر له خارجه وزیر سره وکتل چې د دغه هیواد وزیراعظم هم دی او د لویدیځې آسیا د حساسو بدلونونو او دوه اړخیزو اړیکو په هکله د خبرواترو وپه موخه تهران ته راغلی دی.

په دغه ملاقاتو کښې دواړو لورو په غزې تړانګې کښې د نسل وژنې د ختمولو او په لبنان باندې هم د صهیونیسټي رژيم د تیریدو د بندیدو ضرورت ته په اشارې سره، د صلاح مشورو په پراخیدو او په سیمه کښې د ناامنۍ د پراختیا د مخنیوي لپاره د ټولو سیمه ایزو او نړیوالو ظرفیتونو د کارول کیدو په ضرورت ټینګار وکړ.
https://t.me/khabroona/4148

د لبنان حزب الله د صهیونیسټ رژیم د سمندري کنټرول په مرکز توغندیز برید وکړ
November 15, 2024
سحاب - د لبنان اسلامي مقاومت د اشغال شوي سیمو په شمال کې د اسراییلي رژیم د نسل وژنې ستراتیژیک سمندري څارنې او کنټرول اډې باندې د حزب الله د توغندیز برید د ترسره کولو خبر ورکړ.
د سحاب شبکې د ایران د محصلینو خبري اژانس ایسنا له قوله لیکلي: د لبنان حزب الله په یوه بیان کې خبر ورکړی، چې د حیفا په شمال لویدیځ کې د غاصب صهیونیسټي رژیم د ستراتیژیکې سمندري څارنې او کنټرول مرکز "سټیلا ماریس" یې په توغندیز برید سره په نښه کړی.
د لبنان حزب الله هم په المناره ښار کې د صهیونېسټ رژیم د نیواکګرو فوځیانو د راغونډېدو ځایونه او د نیواک شویو سیمو په شمال کې د یسود هامعالا، دوویو او دیشون، عین یعقوب او نهاریه ښارونه په نښه کړي دي.
دغه راز د لبنان د حزب الله په ختیځ کې د اسرائیلو د پوځ د ۱۴۶مې فرقې لوژستیک اډه هم د لبنان د حزب الله د سختو توغندیو د حملې موخه ګرځیدلې وه.

ایټالوي زده کړیالانو د صهیونیسټانو په ملاتړ د دفاعي صنعت د یوې کمپنۍ پر ضد لاریون وکړ
November 15, 2024
سحاب - په لسګونو ایټالوي زده کړیالانو، چې د فلسطین ملاتړ کوي، په تورینو ښار کې د دفاعي صنعت د شرکت "لیونارډو" د مرکزي دفتر مخې ته په اعتراضي ډول را ټول شوي وو.
دوی د ایټالیا شمال لویدیځ په غزې تړانګې باندې د پرلپسې حملو په سیوري کې له صهیونیسټ رژیم څخه د روم دفاعی ملاتړ وغنده او د دغه وژنو د مخنیوي غوښتنه یې وکړه.
سحاب شبکې د ایسنا خبري اژانس له قوله لیکلي: لاریونوالو په غزې تړانګې د صهیونیسټ رژیم وحشیانه یرغل په غندلو سره، د صهیونیسټ نیواکګرو پرضد شعارونه ورکړل.
دوی ټینګار یې وکړ چې د ایټالیې د دفاعي صنایعو شرکت «لیونارډو» صهیونیسټ رژیم ته د نسل وژنې په موخه مرستې او پرزې برابري کړي، چې له امله یې یاد رژیم خپل جنایتونو ته دوام ورکړی.
د ايټاليا د دفاع وزير دا څرګندونې په داسې حال کې کیږي، چې تير کال د ايټاليا حکومت اعلان وکړ، چې د غزې په تړانګه کې د دغه رژيم د دوامدارو يرغلونو په نظر کې نيولو سره به د اسرائيلي رژيم د وسلو د بندولو پرېکړه وکړي.

د ایران د عدلیې وزارت پلاوي د طالبانو د بهرنیو چارو له وزیر سره لیدلي
November 15, 2024
د طالبانو د بهرنیو چارو وزیر امیرخان متقي د ایران د اسلامي جمهوریت د عدلیې له مرستیال وزیر ډاکټر عسکر جلالیان سره د دوه اړخیزو اړیکو، په ایران کې د افغان کډوالو او بندیانو پر ستونزو، اقتصادي او سوداګریزو همکاریو او سیمه ییزو سیاسي مسایلو په اړه خبري اترې کړي.
متقي وويل، طالبان د افغان بنديانو د ورسپارلو په برخه کې له ايران سره ګډې همکارۍ ته ژمن دي.
د ایران د اسلامي جمهوریت د عدلیې وزارت مرستیال ډاکټر عسکر جلالیان د افغانستان له وروستيو پرمختګونو څخه د خوښۍ په څرګندولو سره ویلي: ايران به په نږدې راتلونکي کې له ايران څخه د افغان بنديانو د ليږدولو عملي بهير د ترسره شويو موافقو پر بنسټ پيل کړي.
ټاکل شوې، په ایران کې زر تنه افغان بندیان د یوې هوکړې له مخې په راتلوونکو دوو میاشتو کې افغان حکومت ته وسپارل شي.

د غزې د عامو خلکو وږي ساتل یو جنګي جنایت دی
د آسټریلیاخارجه وزیرې د صهیونیسټي رژيم د خزانې د چارو د وزیر د څرګندونو په محکومولو سره ووئیل، د عامو خلکو وږي ساتل یو جنګي جنایت دی او باید اسرائيلي رژيم ئې ځواب ویونکی ووسي.

د صهیونیسټي رژیم د خزانې چارو وزیر بزالل السموتریچ په یولړ بحث راپارؤنکو څرګندونو کې وئيلي دي،تر هغه وخته چې اسرائيلي بندیان خوشي نشي، دغزې د اوسیدونکو دوو میلیون اوسیدونکو د وږي ساتلو سیاست یو اخلاقي او روا ځواب کیدلی شي.

له دې مخکې د ملګرو ملتو سره اړونده د خوړو نړیوال پروګرام په یوې اعلامیې کې وئيلي چې په غزې تړانګې کې کابو یونیم میلیون فلسطنییان د لوږې له بوږنونکو حالاتو سره مخ دي.

ایرناخبری اژانس راپور ورکړی،د آسټریلیا خارجه وزیرې پني وانګ د صهوینیسټي رژيم د خزانې چارو د وزیر د څرګندونو په غبرګون کې پخپل ټولنیز چینل کې لیکلي دي، د عامو خلکو قصدا وږي ساتل یوجنګي جنایت دی او ددغه شان اقدام لپاره هیڅ توجیه نشته.

د آسټریلیا خارجه وزیرې په غزې تړانګې کې د اوربند په ټينګیدا باندې په ټينګارسره زیاته کړې ده، په غزې کې فوري اورندد عامو خلکو،د ساتنې د بندیانو د خوشي کیدا او د انسان دوستۍ د مرستو برابرولو لپاره ضروري دی.

له دې مخکې، د اروپائي اتحادې دبهرني سیاست مسئول جوزف بورل هم دغزې تړانګې د اوسیدونکو د وږي ساتلو په باب د صهیونیسټي رژيم د خزانې چارو ددغه وحشي وزیر د څرګندونو په غبرګون کې وئيلي،قصدا د عامو خلکو وږي ساتل یو جنګي جنایت دی او د صهیونیسټي رژیم د کابینې د وزیر څرګندونې د لومړنیو انسانی اصولو او نړیوالو حقوقو سپکاوی ده.
https://t.me/khabroona/3311