مثل القمر خلك رفيع عن القاع
لا بغتك الناس ترفع لك نظرها .

الوداع أصعب من التبرير يا محبوبي
‏والكلام بقلبي أصدق من كلامك كله

‏رد روحي لا تضيّعها . . وطالع صوبي
‏ليه ترخص خاطري وتضايقه وتمله ؟

‏أما الآن:
‏"ما ينتهي كثر الغلا .. إلاّ بقل الإهتمام
‏و إن جيتني بعدين؟ مالك لا حضور ولا غلا"

‏معي قلبٍ لو تْشوفه بعينك مالقيت الّاك
‏تزاحم كل عرقٍ به على دمِّي ونبضاتي

‏ترفَّق به.. ليَا كسَّر عشانك كبْرياه وْجاك
‏دخيلك لا تبادله بْبرودك كل ما ياتي.

‏كرامة الطيب أكبر من كبار الظروف
‏وقسوة ظروف الحياه تلاوعه في شقى

‏والوقت متغير وصلف الليالي تحوف
‏عزيز قومٍ يكابر و الظروف محقى

‏ولو يختلف كل شي وكل شي منه خوف
‏يبقى على أرحب وحي الله و دام البقى

‏لو كان مايملك من المال قيمة خروف
‏يملك وسبعين نعم وهقوة اللي هقى

‏من لا يحس بقيمتك وانت موجود
‏ماهو بناشد عنك لا صرت غايب

‏حاول تفرق بين بيض الأيام و السود
‏يا قلب ما كل الحبايب حبايب

‏اللي يبيك يجيك لو دونك قيود
‏يكسر على شانك خشوم الصعايب

‏واللي يبي فرقاك لو دربك ورود
‏ما جاك لو إنك من أدنى القرايب .

لا حقرت احقر من القوم نكارٍ جحود
‏وان ذخرت اذخر بوقتك سيوفٍ مجربه .

‏المحبه والغلا ماهي على شفك وكيفك
‏ولاتمنن بالوصال وتلحق الصده ملامه
‏
‏وكان صمّلت المراح ومشهر للهجر سيفك
‏ماخلقني ربي المعبود هش ولا هلامه
‏
‏فارق ياللي تحسب انه عاده بيشعاه طيفك
‏ولا تعود رافقتك . . اللي بقى لك والسلامه

تغاضيت عن زلة رفيق و عتب غالين
‏وصبّرت قلبٍ . . سود الايام موجعته

‏رميت العتب في سلة المهملات ايلين
‏لحقني الخطا ، من واحدٍ ما توقعته

امشي على هوني وانا هامتي فوق
‏وغيري يلاحق خطوتي ما وصل لي .