Qiziq savol: Suv xavfliroqmi yoki olovmi?! @Mufarridaa

Qiziq savol:

Suv xavfliroqmi yoki olovmi?!

@Mufarridaa

Bulut bo'lsam senga soya berolarmidim?
Daraxt bo'lsam, ayt mevamdan totinarmiding?!
Gul bo'lsamchi,dimog'ingni bo'yga burkasam.
Gar suv bo'lsam bir ho'plashga botinarmiding?!

Shamol bo'lsam sochlaringga daxl etolmay,
Gir aylanib ro'molingni uchirarmidim?
Sochiq bo'lsam,afsuslarning iziga qo'shib
Yuzingdagi pardozingni o'chirarmidim?!

Buloq bo'lsam bir o'pmoqqa jur'at etmagan
Yanog'ingni faqat o'zim yuvib qo'yardim.
Bolish bo'lsam ,silamoqqa qo'lim yetmagan
Sochlaringni iforiga har tun to'yardim.

Senla yashash istagida o'rtanib yonib
Ko'zgu bo'lsam ,menga qarab jilmayib boqsang.
Ketsang hamki mendan,bebosh ishqimdan tonib
Ne qilay ayt menga faqat sen o'zing yoqsang.

Rozi edim hayotimdan,chandon roziman.
Hayotingning eng eski bir ertagi bo'lsam
Kapalakka aylansamu umrimni yashab
Va shu kunning oxirida qo'lingda o'lsam.

2016-yil

#arxiv

@Mufarridaa

Uyqusizligimga rossa 40 soat boʻldi.

(Agar bu davom etaversa ertaga texnik koʻrikka boraman)

@Mufarridaa

Bugungi kunimga bag'ishlanadi...

@Mufarridaa

Odam va inson farqi haqida gaplashdik.

Oxirida uni erkalab qoʻydim))

@Mufarridaa

Талабалик дафтаридан

ЭШИТЯПСАНМИ...

Олийгоҳ....
Маъруза...
Эшитяпсанми?
Орқа партадаги юрак зарбини.
Сен илк бор ўргандинг шу маърузада
Улкан муҳаббатнинг кичик ҳарфини.

Қизларнинг шовқини...
Йигитлар сўкар,
Булар - иккимиздан бегона дунё.
Улар бошқа гуруҳ бўлиб ўқийди,
Бошқа гуруҳдамиз иккимиз гўё.

Парталар оралаб синфхонанинг
Шовқинида сузар сезилмас севги.
Манави нигоҳга қараб тўймайман,
Секин жилмаяди.
Бу қандай белги?

Дарс эса давомлар...
Ёз, чиз ва тингла....
Норизо овози келди устознинг.
Бир онда ўзгарди шундоқ манзара,
Мен эсимдан оғдим...
Сен эса ёздинг.

Дарслар тугаб кетди....
Танаффуслар ҳам,
Соғинчларнинг охир келдими гали?
Сабоқдошлар ҳам йўқ.
Сен ҳам узоқда.
Қанисан жонажон маъруза зали?

Олийгоҳ...
Маъруза...
Эшитяпсанми?
Орқа партадаги юрак зарбини?

©Abdurashid

@Mufarridaa