🇧🇾27 ліпеня. З Днём Незалежнасьці Беларусі!
Так, менавіта сёньня, 27 ліпеня, 34 гады з дня падпісаньня Дэкларацыі Незалежнасьці Беларусі (27 ліпеня 1990 Вярхоўны Савештт БССР падпісаў Дэкларацыю пра Дзяржаўны суверэнітэт БССР). І менавіта гэтая дата з 1991 была афіцыйным Сьвятам - Днём Незалежнасьці Беларусі, пакуль у 1996 годзе Лукашэнка праз незаконны "рэферэндум" не перанёс гэтае сьвята на 3 ліпеня (дзень вызваленьня Менску ад нацыстаў), які да незалежнасьці Беларусі не мае ніякага дачыненьня!

Але, мы, працягваем сьвяткаваць нашае законнае Сьвята 27 ліпеня!

Таму, са Сьвятам, беларусы!
Беларусь будзе Вольнаю ад рашызму!
Жыве Беларусь! 🇧🇾

ЗВАРОТ
Аргкамітэта па святкаванні
Дня Беларускіх Герояў у Варшаве

Шаноўныя беларусы Польшчы!

Сотні тысячаў беларусаў вымушаныя былі з'ехаць у Польшчу, каб уратавацца ад палітыкі татальнага тэрору і рэпрэсій, якая праводзіцца дыктатарскім рэжымам Лукашэнкі з сістэмнай маскоўскай падтрымкай. Гэта тэрор – катастрофа для нашай нацыі.

Штодзень арыштоўваюць, катуюць і запалохваюць людзей. Беларускі народ бяспраўны і безабаронны. У гэтых умовах амаль немагчыма ладзіць публічныя акцыі ў практычна акупаванай краіне. За кратамі ў жудасных умовах – тысячы і тысячы палітвязняў.

Мы, беларусы замежжа, не маўчым. Мы ўвесь час праводзім акцыі ў падтрымку вольнай Беларусі.
У 103 гадавіну Слуцкага Збройнага Чына заклікаем да супольнага ўшанавання памяці Герояў, якія загінулі за Незалежную Беларусь, і да салідарнасці  з палітвязнямі.

Далучайцеся да Дня Герояў у Варшаве!

26 лістапада (у нядзелю) а 13:00 у Варшаве на скрыжаванні вуліц Алеі Іерусалімскія і Новы Свят (ul. Nowy Świat 15) пачне фармавацца калона для Марша на Дзень беларускіх Герояў. Будзьма разам!

Калі ласка, прыезжайце ў Варшаву!

Слава Героям беларускага народа!
Слава Героям Слуцкага Збройнага Чына!
Свабоду Беларусі!
Свабоду палітвязням!

Жыве Беларусь!

17.11.2023