القصائد الخاصه لخادمة الزهراء الشاعره أم أحمد المنصوريه
للتواصل @Gggslbot
مرحبا بكم في قناة مسلسلات نتفليكس الاصلية✅
نقوم في نشر اكثر من مسلسل في اليوم
للاعلانات @PpFFBOT
قناتنا الاخرى للافلام? @Qaflam
لطلب المسلسلات✅ @netflix239bot
القناة الرسمية لمسلسل أبو العروسة الموسم الثالث علي تيليجرام?
- بوت تحميل من الأنستا ومن جميع مواقع التواصل الإجتماعي: ✅ .
- بوت التحميل من التيك توك: @EEEBOT
بوت التحميل من الأنستا: @xxzbot
- بوت التحميل من اليوتيوب: @EMEBOT
- ? ? .
- للتمويل: @NNEEN
قصيده فزاعيه لمسلم ابن عقيل عليه السلام
❥ًً ❥❥ًً ❥❥ًً ❥❥ًً ❥❥ًً ❥❥ًً ❥
مسلم ياعجيد الراي
يالكلكم تعرفونه
مسلم مايهاب الموت تدرونه
❥ًً ❥❥ًً ❥❥ًً ❥❥ًً ❥❥ًً ❥❥ًً ❥
مسلم مايهاب الموت
بلكلفات اهو منعوت
وينك يالتصيح ابصوت
ربكم ماتخافونه
مسلم ياعجيد الراي
❥ًً ❥❥ًً ❥❥ًً ❥❥ًً ❥❥ًً ❥❥ًً ❥
حاطو بيه عدوانه
وتگنطر من احصانه
ماكو اوياه عوانه
ضل ايدير بعيونه
مسلم ياعجيد الراي
❥ًً ❥❥ًً ❥❥ًً ❥❥ًً ❥❥ًً ❥❥ًً ❥
ضل اوحيد بين اعداه
اوحاطو بيه، واويلاه
لوما العطش فت اچلاه
ماگدرو يگربونه
مسلم ياعجيد الراي
❥ًً ❥❥ًً ❥❥ًً ❥❥ًً ❥❥ًً ❥❥ًً ❥
احا يامسلم المضلوم
ضل اوحيد بين الگوم
چبده من العطش مجسوم
مايرضون يروونه
مسلم ياعجيد الراي
❥ًً ❥❥ًً ❥❥ًً ❥❥ًً ❥❥ًً ❥❥ًً ❥
بعد الحيله والتدبير
غدروه اوكع بالبير
ضلت عينه لهله اتدير
والبته ا لزغيرونه
مسلم ياعجيد الراي
❥ًً ❥❥ًً ❥❥ًً ❥❥ًً ❥❥ًً ❥❥ًً ❥
بته ازغيره خلاها
عگبه اتسيل عيناها
متألم الفرگاها
ضلت حيل محزونه
مسلم ياعجيد الراي
يالكلكم تعرفونه
❥ًً ❥❥ًً ❥❥ًً ❥❥ًً ❥❥ًً ❥❥ًً ❥
✍ ام احمد المنصوريه
نعي لسيده زينب عليها السلام
تنعى اخيها الحسين عليه السلام
❥ًً ❥❥ًً ❥❥ًً ❥❥ًً ❥❥ًً ❥❥ًً ❥
احوي خويه يابن امي
وشلون اخبرنك ابهمي
افراگك لعد العين يعمي
❥ًً ❥❥ًً ❥❥ًً ❥❥ًً ❥❥ًً ❥❥ًً ❥
عليك تبچي اعيوني ادموم
يبن امي ياخويه يمضلوم
من والغسل والچفن محروم
❥ًً ❥❥ًً ❥❥ًً ❥❥ًً ❥❥ًً ❥❥ًً ❥
صعبه الاخت من غير خوان
وتروح من امچان لمچان
وهيه غريبه ابين عدوان
❥ًً ❥❥ًً ❥❥ًً ❥❥ًً ❥❥ًً ❥❥ًً ❥
يخواني زينبكم وحيده
اوكافل اضعوني اليوم اريده
خذاني العدو الديره بعيده
❥ًً ❥❥ًً ❥❥ًً ❥❥ًً ❥❥ًً ❥❥ًً ❥
بعدوني العدوان عنكم
ياهو اليخبركم ويگلكم
بالگوه زينب عايفتكم
❥ًً ❥❥ًً ❥❥ًً ❥❥ًً ❥❥ًً ❥❥ًً ❥
نومه عفتكم عالترايب
اولشام رحت ام المصايب
گعدوني يخواني ابخرايب
❥ًً ❥❥ًً ❥❥ًً ❥❥ًً ❥❥ًً ❥❥ًً ❥
لاسكف لابيبان بيها
اونسوانكم تستر بديها
حته الصخر حن البچيها
❥ًً ❥❥ًً ❥❥ًً ❥❥ًً ❥❥ًً ❥❥ًً ❥
يبچن اورادنه وليهن
اوجاهن الليل اشلون بيهن
وعيوني سهرانه عليهن
❥ًً ❥❥ًً ❥❥ًً ❥❥ًً ❥❥ًً ❥❥ًً ❥
راحت ايام اوردة ايام
وعيوني ماغمضت وتنام
اولضيم انه امحزمه احزام
❥ًً ❥❥ًً ❥❥ًً ❥❥ًً ❥❥ًً ❥❥ًً ❥
لضيم حزمني زماني
واعله النوايح علماني
واسط الخرايب گعداني
❥ًً ❥❥ًً ❥❥ًً ❥❥ًً ❥❥ًً ❥❥ًً ❥
✍ ام احمد المنصوريه
قصيده لسيده زينب عليها السلام
تقول عن محرم
❥ًً ❥❥ًً ❥❥ًً ❥❥ًً ❥❥ًً ❥❥ًً ❥
آه واويلاه من هذا الشهر
بي على اخواني تره گلبي انفطر
❥ًً ❥❥ًً ❥❥ًً ❥❥ًً ❥❥ًً ❥❥ًً ❥
ياشهر بيك الحزن والفاجعه
اوبالمصايب گلبي ليش اتصدعه
بيك بيت امنه العزيزه انودعه
بالعويل اوبالدموع اوبالقهر
آه واويلاه من هذا الشهر
❥ًً ❥❥ًً ❥❥ًً ❥❥ًً ❥❥ًً ❥❥ًً ❥
ودعينه اديارنه ابآه اوعويل
امنين ماميل الحزن بيه يميل
وجهت وجهي لعد حامي الدخيل
گتله بويه ابشاربك لاتعتذر
آه واويلاه من هذا الشهر
❥ًً ❥❥ًً ❥❥ًً ❥❥ًً ❥❥ًً ❥❥ًً ❥
بويه ويه حسين اروح الكربله
وآخذ اوياي الحرم والعايله
انه أريدك تحضر ابيوم البله
يوم حزت راس اخوي من الضهر
آه واويلاه من هذا الشهر
❥ًً ❥❥ًً ❥❥ًً ❥❥ًً ❥❥ًً ❥❥ًً ❥
ياشهر عاشور بيك اكبر مصاب
بيك ذبح اخواني اوكل الشباب
گلي انه شلون احمل ياعذاب
يمشي جدامي اشوفنه الشمر
آه واويلاه من هذا الشهر
❥ًً ❥❥ًً ❥❥ًً ❥❥ًً ❥❥ًً ❥❥ًً ❥
ياشهر بيك الحزن والنايحه
حسين اخوي الشمر رايح يذبحه
وانه يوم اهدعش بيه امصبحه
ابحبل مچتوفه وروحن للأسر
آه واويلاه من هذا الشهر
❥ًً ❥❥ًً ❥❥ًً ❥❥ًً ❥❥ًً ❥❥ًً ❥
ياشهر بيك انه اروح اميسره
شلون اشيل اكبر حمل وانه مره
يگلي العباس ارجو المعذره
طاحن الچفين مني اعله النهر
آه واويلاه من هذا الشهر
بي على اخواني تره گلبي انفطر
❥ًً ❥❥ًً ❥❥ًً ❥❥ًً ❥❥ًً ❥❥ًً ❥
✍ ام احمد المنصوريه
هوسات للإمام الكاظم عليه السلام
اويلي عالغريب التفجع احواله
ضل مطروح ماواحد تدناله
من سم اللعين انفطر دلاله
((ولكاظم بيش اطلبونه))
شيطلبه اللعين اشراد من عنده
سماه بالسجن ويلي اومرد چبده
محد من هله يمه گضه وحده
((ياهو ايخبرهم عن حاله))
ياهو ايروح ويخبر المعصومه
ميت بالسجن والچبده مسمومه
ماحضرت منيته اوساعته اويومه
((ماحضرت دفنه اوتشييعه)) ***
من جاها الخبر صاحت ابعالي الصوت
ياوسفه غريب اوبالسجون اتموت
عليك الروح راحت والگلب مفتوت
((يانارك بويه اشيطفيها)). ***
شيطفيها نارك بالدليل اتفور
مثل نيران زينب من يهل عاشور
افتر اعلي زماني فرت الناعور
((ويام الطف ردت لينه)) ***
رد طف الحزن ونعادت أيامه
نيشن ماخطه اوصابني اسهامه
عليك الليل بويه ابد مانامه
((وفراگك عاميها اعيوني)) ***
✍ ام احمد المنصوريه
هوسات للإمام الكاظم عليه السلام لطلب الحوائج
❀✿❀
حوائج عدنه يامولاي ياموسى
نروح المرقدك زوار ونبوسه
تستاهل نسويلك الف هوسه
((يم بابك دمعاتي اجريها يم بابك))
❀✿❀
يم بابك اخلي ادموع عيني اتسيل
وطلب حاجتي مولاي يالكاظم وصيح ادخيل
تعبني زماني اوراح شوفي اوراح مني الحيل
(بس يمك والحاله اشكيها بس يمك)
❀✿❀
بس يمك يموسى اهمومي اشكيها
اعرفك ماتقصر راح تگضيها
خادمتك ابحيره لا تخليها
(ادخيلك يامولاي ادخيلك من هم دنيانه)
❀✿❀
كثر همنه اوعلينه ضاگت الوسعه
اومن اعيونه مانشفت الدمعه
نريدك ياإمامي صوتنه اتسمعه
(ومراد العاجل تنطينه ومراد العاجل)
❀✿❀
اريدك بالعجل تنطيني امرادي
اومن نار الليالي اتبرد افادي
بجاه الزهره امك والنبي الهادي
(كل شده العندي اتحلوها كل
شده العندي)
❀✿❀
بجاهك ياإمامي ماتضل شده
الشيعي والموالي غيرك اشعنده
اعرفك ماتقصر هدتك هده
(بس اطلب منك تنطيني
بس اطلب)
❀✿❀
✍? ام احمد المنصوريه
نعي للإمام الكاظم عليه السلام
❀✿❀
معصومه تبچي ابحيل مهدوم
وتگول اريدن والدي اليوم
ماشفته گالو عنه مسموم
❀✿❀
ماشفت ابوي اولحگت بيه
مسموم والسم حيل ماذيه
ومگيده بحديد رجليه
❀✿❀
فوگ الجسر خلوه احماميل
ابساگه الحديد اودمه ايسيل
كلمن يشوفه ايصيح ياويل
❀✿❀
هذا الغريب امنين جابوه
احماميل فوگ الجسر خلوه
وين اهله عنه مايشيلوه
❀✿❀
باقي ثلث تيام مطروح
تنضر عليه الخلگ وتروح
اومن الحديد الساگ مجروح
❀✿❀
فوگ السجن سممه الملعون
چبده انفطر وتغير اللون
محد اوياه غمضله الاعيون
بويه يابويه
❀ ✿ ❀
ضل الإمام ايلوج وحده
من السموم انمرد چبده
سالت دمعته فوگ خده
❀✿❀
حانت منيته اوصل موته
وتذكر اولاده وخوته
اينادي ولا ينسمع صوته
❀✿❀
اينادي اعله معصومه الحزينه
لفراگها دم تهل عينه
وعله الرضا يجهر ونينه
❀✿❀
يجهر الونه على اولاده
مات ابسجن ماهو بوساده
حزنو على امصابه يساده
❀✿❀
✍?ام احمد المنصوريه
صورة من ام أحمد المنصوريه
- مؤسسة بني هاشم للنساء اقوى القصائد هنا ?
مظبوطة بالوزن وكلماتها جدا مؤثرة...??
- جبتلكم قناة خاصة للمعلومات الدينية ?*?
اسئلة قوية واختبارات الكم دخلوا قبل الحذف...?*?*?*
للتواصل @Gggslbot
مرحبا بكم في قناة مسلسلات نتفليكس الاصلية✅
نقوم في نشر اكثر من مسلسل في اليوم
للاعلانات @PpFFBOT
قناتنا الاخرى للافلام? @Qaflam
لطلب المسلسلات✅ @netflix239bot
القناة الرسمية لمسلسل أبو العروسة الموسم الثالث علي تيليجرام?
- بوت تحميل من الأنستا ومن جميع مواقع التواصل الإجتماعي: ✅ .
- بوت التحميل من التيك توك: @EEEBOT
بوت التحميل من الأنستا: @xxzbot
- بوت التحميل من اليوتيوب: @EMEBOT
- ? ? .
- للتمويل: @NNEEN