​​#tolibalarga
#just

Bugungi darsni A1 darajadagilar uchun o'taman deganimda yodimga ilk arab ustozim keldilar. Ularning dars o'tish uslublari, o'rganganlarim, bir-biridan ajib xotiralar... (Yotoqxonamiz eshigining yonida ustozni qidirib topib yurib she'rlar o'qib, shkoladlar yutib olganimizni aytmaysizmi🥹)

Rasmdagi inson o'sha qadrli ustozim. Ustaz Hilal. Akademiyada 1-kursligimizda bizga dars bera boshlaganlar. Arab tilida hali o'zimizni tanishtirishni bilmaydigan vaqtimizdan boshlab ustozning darslaridan bahra olganmiz, ustoz 100% arab tilida dars o'tardilar, o'zbek tilida sanoqli so'zlarnigina biladilar. Ustozni tushunish uchun birinchi partaga shoshib borib o'tirib, ko'zimni ayirmay, quloqlarim va diqqatimni ustozga qaratardim, miyamda og'riq va quloqlarda "zingngng" etgan tovush bilan chiqardim har safar. "Miyya kengayyapti shunga og'rib qoldi", deb hazillashardik. 1 yarim soat dars ichi faqat arabcha eshitish va har bir kalimasini tushunishga urinishim sabab ko'zlarim ichigacha og'riq kirardi. Nafsimiz yaxshigina qiynalardi, ammo foydasi mislsiz...

Ilm olish mashaqqatli, boshlash qiyin, boshlagach davom ettirish yana qiyin, sabr va ijtihod talab qiladi. Miyya charchaydi. Kitob o'qidingiz, biror yangi narsa o'rgandingiz, boshingizga qattiq og'riq kirdimi, qiynalyapman deb o'ylamang, "Miyyam kengaydi", deb hursand bo'ling va yanada ko'proq harakat qiling. Shunda in Shaa Alloh natijalar go'zal bo'ladi, hatto kutganimizdan a'lo.

Shamsiyya muallima