Уллув тешаме наькъахо хилча, моллагӏа никъ а атта хул.

Наьха къиношка хьежашехь хьайдараш диц ма долда ӏа.

Воча нахацара доттагӏало дика нахах во уйла хулийта.

Хьоцара гаргарло хедаешехь, из юха хотташ, Даьла духьа да-кх са ер, аьнна, сатохаш, ӏимерза чакхвала веза бусалба саг.

Хьайца дика волчунца дика хиларах йоаккхаш яц Ялсмале, хьайца во волчунца а дика хила веза.

Хьайна даь во диканца юхатоха.

АллахӀа Элчано, ﷺ, аьннад:

مَنْ صلَّى عَلَيَّ صَلَاةً وَاحِدَةً صلَّى اللَّهُ عَلَيْهِ عَشْرَ صَلَوَاتٍ ، وَحُطَّتْ عَنْهُ عَشْرُ خَطِيئَاتٍ ، ورُفِعَتْ لَهُ عَشْرُ دَرَجَاتٍ

«Сона цкъа салот диллáчунна АллахӀа итт салот а дулларгда, цунна тӀера итт къа дӀаай а дергда, итт даржах из сов а воаккхаргва».
*?Хьадис хьадоаладаьр ан-Насаи ва.*

до чего же прекрасное чтение?

23-гӏа февраль

Вайнаха ма дукха бала, халонаш, ӏазап эза ди ди да-кх. Цӏаккха дийца варгвоацаш, цӏаккха дицлургдоацаш. Даьш-ноанош хьа мел даь хӏама дита а дита, мича болха цаховш арабаьха, хьайбаш леладу вагонаш тӏа нах дӏатӏабаьха дӏабигар.. Йоккха сагото хиннай из, боккха бала хиннаб из..

Иззал хало кхаьчача а боха ца бохаш, шоай дин ца дуташ, «Аллахӏ воацача дугаргдац вай хӏаьта а», яхаш, цу юкъе а эздел, гӏулакх леладе гӏерташ, цу эзделах ца боха шоай са ӏодулаш, яхь йолаш чакхбаьннаб вай боккхий нах. Цул совгӏа, вайна из дин хьаденад цар, из гӏулакх хьалхадаьккхад, из дицде бокъо яц вай. Цаховчарга дӏадувцаш, массаза кердадоахаш, даим дагалоаттаде дезаш доккха хӏама да вай къамо лайнар.

Дала даькъала болба уж. Дала Ший къахетамах ма боахалба уж. Дала низ лолба вайна а царна тарахила а, низ ма кхоачча тӏехьален из эздел, гӏулакх хьалхадаккха а.