ياهب قلبي لياهبت هبوب الرياح
أنس بقلبي هبوبً مثل برد الشتاء

الحب نار وجحيمً من وقع فيه طاح
والحب هو جنةً الدنيا وعمر الفتاء .

: العوض عَ الله والجروح تطيبها الايام .

صوتو ???? .

يا ضميرٍ فيك من جاير الفرقا رسوم
وبينك وبين الشقى مابقى الا فاصله

دام ترهقك الطواري وتسهر كل يوم
لو تدور راحة البال ماهي حاصله

ادري انك صاير ماش وعلومك علوم
والحزن له مده يواصلك وتواصله

ومبطي من السجه اللي تنسيك الهموم
والمزاج الزين و النومه المتواصله .

كيف لامر السهر من دونك أستعذب نعاسي
‏وأنت تدري ما لـ عيني من بعد عينك مسره

‏كل ماطال السكوت بسور صدري طال باسي
‏كني اللي راضي التعذيب . . من قوّ المضره

‏والله إني ما تحلويت الجفى لو كنت قاسي
‏"مير قلبي من كثر حبك عجز منك يتشرّه .

‏على الله ياهبوب الليل والذكرى لها تعبير
‏ليالي من عمر راحت و لا زالت لها ذكرى .

حاولت أجامل و أترك الماضي مع مر السنين
‏و أشغلت قلبي لأجل يسهى عنك لكن ما سهى .

الطواري كل يومٍ تجيبك والطيوف
‏والمشاعر في غيابك مراضى وتعبا

‏لو تاخذك الليالي وتاخذك الظروف
‏ما نسيتك شاء من شاء ويأبى من أبى

‏ولو مايبقى من الوصل شي إلا الصدوف
‏مرحبا بالصدفة إللي تجيبك مرحبا .

ياحبيبي كان شوفك ما تهّيا
‏لا يغيب الصوت يامال الغنيمه

‏كل شيٍ ينهضم كون الجفيّا
‏والله أنها منك في حقي جريمه

‏الجفا ممنوع ياسمح المحّيا
‏والعذر مرفوض والشرهه قديمه .