_ آموزش کتاب İstanbul
_ضربالمثلهای شیرین
_مکالمات روزمره به همراه تلفظ
_تدریس خصوصی
ابتدای کانال
https://t.me/turkce_ogretmenimiz/6
💢ارتباط با مدیر کانال @Samila_ls
Last updated 1 месяц, 1 неделя назад
✍ «یاشام!»
آرخاداشلار
سیزه آندیم اولسون
بو بیر یاشام دئییل
قارانلیغی آلقیشلاماق
گونشین اوزونه پالچیق یاخماق
الاؤپمک، اتک اؤپمک
باشینی دیک توتماماق
دئییل، بو بیر یاشام دئییل!
گونلری کول ائتمک
بوشونا نفس چکمک!
کؤلگهسیندن اورکمک
دئییل، بو بیر یاشام دئییل!
توپوردویون یالا، یالا آج گؤز، یالا
قوسدوغونو یئ، یئ گؤزون دویسون!
دونوزلارا قویروق بولا!
آی قارا گونلو سفیل
آجیناجاقلی یاشا، یوز یاشا! یاشا آی قورومساق پاشا!
سن می سن یارانمیشلارین ان دیرلیسی؟!
منی قوسدورور داورانیشلارین!
اورهییمی بولاندیریر آلنینداکی دؤیهنک!
دئییل، بو بیر یاشام دئییل!
اللرده اولان دؤیهنکلره آند اولسون!
اؤلومو گولدورورسونوز اؤزونوزه
اؤلومه آند اولسون
دئییل، بو بیر یاشام دئییل!
#میرحسین_دلداربناب
۱۴۰۳/۰۲/۲۳
@eldilimiz
✍ «اومسوق»
سؤزلر یئتمیر
سؤزلر یئتیرمیر
ایچیمده اولان قارغاشالاری!
ایچیمده ساواش وار
کسیلمیش باش وار
جهننم وار
نیسگیللی اؤلن ننه وار
یاتاقدا قالان دده وار
اؤزونه قییان قارداش وار
داماغی یانان یولداش وار
ایچیمده دوستاق اولان دیل وار!
دیدرگین ائل وار!
بیتمهین یول وار!
سؤزلر یئتمیر
سؤزلر یئتیرمیر
ایچیمه قان قوسورام!
هر گئجه اؤزومو کابوسلاردان آسیرام!...
#میرحسین_دلداربناب
۱۴۰۳/۰۲/۱۷
@eldilimiz
✍ «دوروم»
شاختا جالانیب قانلارا
دومان اوتوروب جانلارا
باخیشلاردان قیش تؤکولور
اوزلردن بایقوش تؤکولور
اورهییمده یاز گؤمولوب
یاشیل اومودلاریم اؤلوب
گونلر آغیردیر، کئچمهییر
قارانلیق، گؤیدن کؤچمهییر
آغزیم سؤزلریمه قبیر
سؤزلریم اؤلور بیر به بیر!
یوللار بوروق، یوللار اوزاق
هر یئره باخیرسان دوزاق
ایتمیشم منی گؤتورون
منی اؤزومه یئتیرین...
#میرحسین_دلداربناب
۱۴۰۳/۰۲/۱۵
@eldilimiz
✍ «ایچیبوش یاشام»
آییی دیدرگین قورشون
هارا گئدیرسن بئله؟!
منی گؤرمهدین می؟
اوزاقلارا گئتمه، من بوردایام
منی باغرینا باس!
آییی آغاجدا توولانان یالقیز کندیر
نه توولانیرسان بوش بوشونا؟!
من بوردایام
منی اؤزوندن آس!
آییی ایچیبوش یاشام
یوردون منی!
جان ائویندن ووردون منی!
یاخامدان دوش
دینجلمک ایستهییرم...
#میرحسین_دلداربناب
۱۴۰۳/۰۲/۱۰
@eldilimiz
✍ «اؤتوب کئچن»
کئچر
آرتیق
کئچر
بو گونلر ده گلیب کئچر
داغ باشیندا سوسوز قالان آغاج
بیرگون
بولودون گؤزوندن
سو ایچر...
#میرحسین_دلداربناب
۱۴۰۳/۰۲/۰۷
@eldilimiz
✍ «یاشام»
داغین دؤشونده بیر گوزل داغداغان
بودوغیندا بیر یووا
یووادا بیر جوت ساغساغان
قانادلاری آلتیندا
بالالاری میشیل_ میشیل یاتیبلار
گؤیدن بیر ساواش اوچاغی کئچیر
قارنیندا بومبالار
قانادلارینین آلتیندا راكئتلر
اوچونتولارین آلتیندا اوشاقلار
پارام پارچا
قانلارینا باتیبلار!...
#میرحسین_دلداربناب
۱۴۰۳/۰۲/۰۳
@eldilimiz
✍ «دوغولمامیش، یاشایان!»
خیاللاریمین تایسیز کرالیچهسی!
سن یازمادیغیم شعرلرده
یاشاییرسان!
چکمهدیگیم نفسلرده
یاشاییرسان!
یاشامادیغیم گونلرده
یاشاییرسان!
بللی اولمایان گلهجهگیمده
یاشاییرسان!
سن
تانرینین دوداقلاریندان گولوش یاغاندا
ملکلر قیسقاناندا
شیطان سانجیلاناندا
دوغولاجاقسان!
یارانمامیشلارین ان گؤزلی...
#میرحسین_دلداربناب
۱۴۰۳/۰۱/۲۸
@eldilimiz
✍ «یاغیش»
قارا بولود گؤز یاشی تؤکوردو
من ده اونا یولداش اولموشدوم
کیمسه آغلاماغیمی گؤرمهسین دئیه
چتریمی باغلادیم!
یاغیش اوزومدن آخیردی
گؤز یاشلاریم دا
یاز بولودو اولموشدوم!
چتر آلتیندا گئدنلر
عاغلیمی ایتیردیگیمی سانیردیلار
کئشکه عاغلیمی ایتیرمیش اولایدیم
نه یازیق منه کی؛
سنی ایتیرمیشدیم...
#میرحسین_دلداربناب
۱۴۰۳/۰۱/۲۵
@eldilimiz
✍ «سون»
سن گئدندن
کوچهلر داریخیر!
ایندی هاوا بولاشیق
سو بولاشیق
دونیا بولاشیق!
ایندی قوجاقلار بوم_ بوز
اوجاقلار بوم_ بوز!
گؤزلریم اوشویور
ایچیم اوشویور
قوشلارین قانادی قیریلیر!
بالیقلار دنیزدن قاچیر!
دنیزی دنیزه بوراخیر
ایندی گئجهلر آیسیزدیر
گوندوزلر گونشسیز!
دئمیشدیم بیر گون ده سنسیز یاشایا بیلمهرم!
آخشاما آز قالیر
گل منی آپار...
#میرحسین_دلداربناب
۱۴۰۳/۰۱/۲۰
@eldilimiz
_ آموزش کتاب İstanbul
_ضربالمثلهای شیرین
_مکالمات روزمره به همراه تلفظ
_تدریس خصوصی
ابتدای کانال
https://t.me/turkce_ogretmenimiz/6
💢ارتباط با مدیر کانال @Samila_ls
Last updated 1 месяц, 1 неделя назад