هتستفاد ايه من انك تتعلم و تشتغل بحث علمي ؟

1 - حاجة اساسية بتدخل في تقييمك في اي معادلة سواء USMLE , PLAB او زمالة اجنبية MRCS , MRCP او منحة دراسات عليا زي Chevening , Fullbright هو شغلك البحثي

من حيث خبرتك ( اشتغلت فين و مع مين و الفيدباك بتاعه عنك كان ايه ؟ ) و مهاراتك ( بتعرف تشتغل انواع ايه من الابحاث و بتعرف تكتب بيبر كويس و ليك في التحليل الاحصائي مثلا ) منتجاتك ( عدد الابحاث ) و مؤشراتك البحثية ( الH index و الI10 index و عدد الCitations ) و الجودة بتاعة الشغل الي انتا عملته

اي مستشفي جامعي و بعض المستشفيات القوية الي مهتمة بالبحث العلمي بجانب الممارسة خبرتك البحثية شي ضروري علشان تشتغل فيها في تراك الPhysician scientist

2 - ممكن انك تشتغل بشكل أساسي في معامل بحثية و يبقي ده الكارير بتاعك الي انتا بتسترزق منه و تقدر تسافر و تشتغل في جامعات و مستشفيات برا كباحث فيها

اغلب الفرص دي بتكون برا فانتا لو بتعمل ريسيرش كويس و مؤشراتك كويسة تقدر تسافر برا مصر لكونك باحث و فيه فرص محلية كتير في شركات الادوية أو شركات CRO و الادوات الطبية و مرتباتهم محترمة جدا

3 - لو هتاخد نيابة جامعة فالماستر و الدكتوراة اخرهم يخلوك اخصائي اول و اي ترقية بيكون من متطلباتها انك نشرت عدد معين من الأبحاث في مجلات عالمية فكونك بتنشر ابحاث كتير هيخلي ليك مكانة كبيرة جوا جامعتك و لو انتا مكنش ليك نيابة جامعة و لكنك شاطر في الريسيرش تقدر تدخل الجامعة كباحث و بعدين تبقي معيد و تتدرج في الاكاديميا

4 - هتعرف تقرأ و تقييم قوة و صحة الابحاث المنشورة في المجال بتاعك و بالتالي هتحسن ممارستك و هتبقي دايما شغال up-to-date و ده هيميزك عن باقي زمايلك الي شغالين في مجالك و هتتعرف بده

5 - العائد النفسي للموضوع Very Rewarding و هتحس ان ليك دور حقيقي انك بتساهم في تقدم الطب و حل المشكلات العلمية و اكتشاف الحاجات الي لسا منعرفهاش و متستهونش بالعائد النفسي للموضوع لان فعلا دي حاجة بتفرق جامد و بتخلي ناس تغيير التخصص بتاعها لان مثلا مش حاسس ان ليك قيمة كبيرة

6- واحد من احسن الطرق الي بتتعرف بيها علي دكاترة في جامعات مختلفة حول العالم الدكاترة دول بيكونوا مسئولين في مستشفياتهم و ممكن يساعدوك تاخد بوزيشن تدريبي من خلال الConnections و دي حاجة شائعة جدا بيعملها كل طلبة الطب و متعارف عليها عالميا احنا بس الي مش في بالنا اوي

لو حابب تعرف بقي ازاي تتعلم عن الريسيرش و مين GNRA و دكتور محمود بسيوني و ازاي تقدر تبدأ التراك بتاعك من الSub Zero لحد ما تنشر أبحاثك في مجلات علمية دولية تواصل مع الرقم ده
https://Wa.me/+201032091832

لطلاب الثانوية المقبلين علي كلية الطب كيف تختار كلية الطب الأنسب ليك ؟ ( إعادة نشر لكثرة السؤال )

- لو انتا حريت دراسة و اكيد هتبقي من اوائل الدفعة و عايز الاسم و السمعة وممكن تبقي ستاف خليك في ال5 جامعات الحكومي القدام ( القصر - عين شمس - اسيوط - المنصورة - اسكندرية ) و ده السبب الوحيد الي يخليك تفكر فيهم غير كدا اهرب

- احسن جامعة هي اسهل جامعة و اقربها للبيت لأنه في الاخر كله بيذاكر من اليوتيوب و كله بيتساوي في التنسيق فخريج الزقازيق ( جامعة جميلة والناس بتجيب درجات حلوة ) فرصته في نيابات وزارة الصحة احسن من خريج عين شمس ( من أصعب المناهج في مصر )

- لا انصح في المطلق بالجامعات الكبيرة اسم عالفاضي و التنافس عليها بقي عالي لانه اغلب المقاعد بقت للطلاب العرب و الاجانب ف انسي الخناقة بتاعة احسن كلية طب في مصر لأن دي بقت للي بيدفع بالدولار خلاص

- لو عايز تتعين في الجامعة بسهولة دور علي الجامعات الي لسا فاتحة جديد و هتبقي يدوبك اول أو تاني دفعة بياخدوا منكم اعداد ستاف كتير

- لو انتا مستواك الدراسي ضعيف روح اسهل جامعة لانك مش هتستفيد حاجة لو روحت اشهر و اتقل جامعة و في الاخر قعدت تسقط و دخلت في دوامة شيل

- الجامعات الأهلية و الخاصة الجديدة هتاخد وقت علي ما تخرج أول دفعة و تتقيدوا في النقابة و السيستم يتظبط و يردوا علي الايميلات صح فده مش مناسب لحد عايز يسافر بسرعة

- لو في الحكومي و ناوي علي سفر ركز انك تدخل جامعة من الي واخدين اعتماد نقاء بتاع الجودة

- لو معاك فلوس كتير جدا و عايز تسافر امريكا ادخل premed في الجامعة الأمريكية و بعدها خد امتحان MCAT و بعدها سافر امريكا كمل دراسة الطب هناك بس هتتكلف كتير جدا

- لو عايز تسافر دور علي جامعة نظامها سهل يخليك تفضي للمذاكرة و متعملكش خوازيق "امتحانات" كل شوية تخليك مش عارف تذاكر للمعادلات

- لو في الخاص و ناوي علي سفر روح جامعة قديمة عندها مستشفي جامعي و خرجت دفعات قبل كدا زي ماست و اكتوبر

- الاقسام الخاصة في الجامعات الحكومية زي IPKA في القصر و EMP عين شمس و المنصورة مانشيستر و دول اتعملوا كسبوبة للجامعات و للتمايز الاجتماعي فقط مش اكتر لكن ملهمش اي فائدة مختلفة

لو حد ناوي يسافر فرنسا فيه قسم خاص لدراسة الطب البشري باللغة الفرنسية في جامعة اسكندرية

- مافيش حاجة اسمها اتفاقات دولية في كلية طب أو هتاخد شهادة تانية من جامعة مش عارف ايه كله نصب في نصب ومافيش حاجة من دول تغنيك عن امتحانات المعادلة

- لو عايز تدخل الجيش من بدري يبقي لازم تقدم في طب عسكري لانه الظباط المتخصصين اتلغت للجيش بس لسا متاحة في الشرطة

- جامعة نيوجيزة متفردة بالنظام بتاعها عن كل مصر و محدش عارف إذا كويس أو لا بس الاكيد انها صعبة جدا و غالية جدا فمش خيار تقليدي يعني

- متدفعش في كلية طب خاصة أو أهلية اكتر من 200 الف جنيه في السنة لأنه مافيش مبرر منطقي لاي رقم أغلي مني كدا

- لو جايب مجموع وحش ومصر تدخل طب فبدل ما تسافر برا ادخل الجامعات الروسية الجديدة الي فتحت في مصر من 50% حد أدني

- لو عايز ارخص طب غير حكومي فهو الجامعات الأهلية الجديدة و ربنا يبارك لك انا شايفها صفقة رابحة

- بالنسبة للجامعات الخاصة والأهلية مافيش نظام موحد للقبول و كل جامعة ليها طريقة مختلفة فبيكون هدفك تضمن مقعد بانك تقدم علي اكتر من جامعة و الي تجيلك لانه بيبقي فيه تنسيق داخلي و تنافس شديد

- اوبشن السفر برا حاليا جورجيا و روسيا الاسعار بقت خزعبلية و ظروف المعيشة اصلا و اللغة مشاكلها كتير

- فيه جامعات سودانية فتحت مقرات غير رسمية ليها في مصر بعد اذنك بلاش تاخد مخاطرة ملهاش لازمة

- في النهاية اهلا بيكم في المشرحة ياريت تحاولوا تقرأوا قد ما تقدروا من البوستات الي كتبتها هتلاقوا اللينكات في البوست المثبت هتختصر عليكم كتير إن شاء الله

إن شاء الله صديقي الدكتور محمود بسيوني هيبدأ كورس ريسيرش جديد يوم 8 / 8 القادم و الناس بعدها هتتقسم مجموعات و تشتغل علي Papers

لو حد انتريستد يحضر وحابب يعرف التفاصيل يبعت مسدج عالرقم ده
Wa.me/+201032091832

و بالتوفيق يا شباب ❤️

والله يجماعة السفر أرزاق بشكل لا تتخيلوه

اعرف ناس كانت مخلصة الUSMLE و بعدين جات كورونا و اجراءات امريكا كانت صعبة فاضطروا يغيروا التراك تماما لبريطانيا و بالفعل استقروا هناك خلاص إرادة ربنا

اعرف ناس بقالهم سنتين واكتر بيقدموا علي Jobs في الUK و عاملين CV قوي و لحد دلوقتي مجاتش ليهم وظائف ومسافروش ولسا قاعدين في مصر لحد دلوقتي ربنا يرزقهم يارب و ناس خلصت امتحانات و سافرت علطول أرزاق

اعرف ناس مكانتش لاقية تاكل حرفيا جه علي حظهم و موضوع السفر للمالديفز فتح وكانت الشروط بسيطة في الاول و جابوا فلوس المعادلات في سنة و سافروا بينما دلوقتي المالديفز عايزة خبرة 5 سنين ? بس الله اعلم ايه الدولة الجديدة الي ممكن تفتح ؟

اعرف ناس قاعدين في مصر و بيروحوا UK اسبوع في الشهر locum يجيبوا مصاريفهم لان المعيشة كعائلة في UK غالية جدا ومعهمش فلوس الجنسيات أو الجامعات أو البيت و مستقرين في مصر و عايشين زي الفل دخل بالباوند و مصاريف بالجنيه ❤️

اعرف ناس خلصت كل الUSMLE و قدموا علي مستشفيات بالعبيط و متوافقش عليهم في ولا انترفيو و ناس تانية قدموا علي مستشفيات أقل و مجالهمش غير انترفيو واحد أو اتنين بالكتير و اتقبلوا عادي مافيش قاعدة

اعرف ناس ستاف جامعة تخصص Tropical medicine و للأسف مسمي الشهادة بتاعتهم مش معترف بيه في السعودية فاضطروا يسافروا تحت مسمي باطنة عامة دي كانت قلة معرفة صراحة ومشكلة في مصر

اعرف ناس سافرت و الدولار كان لسا ب15 جنيه و العملة كانت مرطرطة في كل حتة ومكنش فيه مشكلة و ناس خسرت مدخراتها بسبب التعويم لأنها كانت بالجنيه و ضاع حلم السفر وفيه الي كان محوش بالدولار و تجاوز كل الأزمات و لا همه

اعرف ناس سافرت الخليج علي اسوء عقود و اسوء اماكن و كانوا عايشين جحيم عالارض و بيقولوا ياريتنا ما سافرنا و دلوقتي ماشاء الله في مستشفيات محترمة جدا و عيشة كويسة محدش بياخد كل حاجة من الاول خش جوا الSystem بس ده هدفك التنقل بعد كدا اسهل

اعرف ناس سافرت بريطانيا بمجرد شهادة الماستر بتاعته اول ايام العجز ما كان شديد دلوقتي انتا بتتنطط علشان تلاقي Service job حتي بس محدش عارف المستقبل

اعرف ناس بقي سافروا قطر اخدوا نيابة ثم USMLE و سافروا امريكا ثم رجعوا عالسعودية و بيقولوا عايزين يرجعوا مصر في الاخر حرفيا قفلوا اللعبة وعايزين الBoss ?

الشاهد من كل ده أن محدش كان عنده تصور واضح الخطة هتمشي ازاي بس الاكيد أن الناس كانت مستعدة ماديا و عندها خبرة عملية أو مذاكرة العلم كويس و اول ما جات قدامهم فرصة ربنا وفقهم و اغتنموها

الله اعلم بالفرص الي ممكن تفتح في المستقبل يس علي اي حال خليك مستعد و ثق في ربنا أنه لن يضيعك ابدا وأنه سيرزقك الخير حيث كان و يرضيك به

الطب بيعلمك التواضع

مهما كنت الاستاذ الدكتور الاستشاري الي درست برا و جوا و جدار عيادتك مليان شهادات من المؤتمرات و الزمالات برضو هتجيلك حالة قد لا تعلم عنها شيئا لأن بحر الطب واسع و هتجيلك حالة ملهاش حل في الطب المعاصر و اخرك بتعالج الأعراض و المضاعفات و هتجيلك حالة هتبذل معاها قصاري جهدك و علمك و هتموت غصب عنك وكل علمك وشهاداتك وخبرتك دي ممكن متكونش كفاية عادي بل و هتضر مريض و هتكتشف غلطتك و تأثيرها بعدين و هتتعايش مع هذا الذنب غصب عنك بل ده الي هيدفعك للمزيد من تطوير نفسك ليه بقي ؟

لان دور الطبيب و حتي توصيفه في القانون هو "بذل عناية" للمريض وليس "الشفاء" اصل الشفاء مش بايدك ده بايد ربنا هو الشافي وما أنت إلا أداة هتبذل قصاري جهدك بس ده ملهوش علاقة بأي نجاح أو فشل هو فضل و إرادة الله اولا و اخيرا

فتواضع

مساء الخير يا شباب طبعا كلنا بنسمع من ناس كتير قد ايه تعلم الClinical Research مهم جدا لكل دكتور و أنك تنشر ابحاث ده بيقوي الCV بيساعدك تسافر بعد كدا في منح أو في أي معادلة

علشان كدا إن شاء الله هيبقي عندنا free online Orientation Session مع د.محمود بسيوني هيكلمنا فيها عن المجال ككل وازاي تدخل فيه وهيشارك تجربته الشخصية معانا و هيبقي فيه مساحة للاسئلة في الاخر

دكتور محمود هو Research Instructor لأكتر من 5 سنين، تخرج من كلية طب ب 16 international publications معظمهم عبارة عن Primary Research مش Secondary، وبيعمل حاليا fellowship في التعليم الطبي من UK.

شارك في كتابة 3 Chapters في Texts و حصل علي 2 international research awards

المعاد بتاع السيشن : يوم الجمعة القادم الساعة 8 مساءا

علشان تحضروا السيشن لازم تدخلوا تشانيل التيليجرام دي https://t.me/+vw-IrZtJk0owZjlk

شيروها مع اصحابكم وإن شاء الله بعدها هنكون مجموعة بحثية و هيكون فيه شغل عملي

لو انتا طالب في كلية طبية و حابب تتعلم و تشتغل في مجال الماركتنج فالإعلان ده ليك ??

مطلوب طلبة أو امتياز أو خريجين للعمل في شركة ماركتنج تعمل بالمجال الطبي بالمواصفات دي :

- مش لازم يكون عندك خبرة احنا هنعلمك كل حاجة طالما عندك الاستعداد تتعلم

- لازم تعرف تشتغل في Team work احنا أسرة مع بعضينا

- الشغل اونلاين / فيزيكال / الاتنين مع بعض

- المرتب مجزي جدا و هيتحدد بعد الInterview و بيكون فيه bonus و ترقيات حسب الأداء بتاعك

لو مهتم تقدم علي الوظيفة ياريت تملأ الفورم دي
https://forms.gle/Z2TSDSwnS1RabsXUA
و هيتم التواصل معاك لتحديد معاد الاونلاين انترفيو

و شير المسدج مع أي حد محتاجها و ربنا يجعلنا باب رزق حلال يارب