🤩🤩🤩🤩🤩🤩

🇺🇿 ЎЗБЕКИСТОН РЕСПУБЛИКАСИ КОНСТИТУЦИЯСИ - 32 ЁШДА*🪶*Ҳурматли юртдошлар, азиз ҳамкасблар ва қадрли ватандошлар!

Бугун биз Ўзбекистон Республикасининг Конституцияси қабул қилинган тарихий кунни нишонлаяпмиз. Ушбу кун — юртимизда ҳуқуқий давлат ва демократик жамият қуриш йўлида қўйилган муҳим қадамлардан биридир. Конституция, нафақат бизнинг асосий ҳуқуқий ҳужжатимиз, балки ҳар бир фуқаронинг ҳуқуқ ва эркинликларини кафолатлайдиган, адолат ва тенгликни таъминлайдиган ягона асосдир.

Бугунги кун одами давлатимизнинг ҳуқуқий пойдевори, бизни бирлаштирувчи куч бўлмиш Қомусимизнинг аҳамиятини чуқур англаяпти, десам муболаға бўлмайди. Вилоятимизда, айниқса, барча фуқаролар ва ташкилотларда ҳуқуқий маданиятни шакллантириш, Конституциянинг тамойилларини амалиётда ҳаётга тадбиқ этиш борасида катта эътибор қаратилмоқда. Бизнинг бурчимиз — ушбу қадриятларни ҳар куни амалда кўрсатиш, халқимизга тўлиқ ҳуқуқий ҳимоя ва адолатни таъминлашдир.

Асосий Қонунимизнинг 32 йиллиги муносабати билан, Сизларга мустаҳкам соғлиқ, фаровонлик, тинчлик ва юртимизнинг юксалишига ҳисса қўшишда муваффақиятлар тилайман! Мамлакатимизда тинчлик, барқарорлик ва тараққиёт бардавом бўлсин!

Байрамингиз муборак, азизлар!

🪶Ҳурмат билан Нормат Турсунов,
Навоий вилояти ҳокими, сенатор