السحاب اللي جحدني يوم أجي له ظامي
‏لا يجيني لا أرتويت و دمعته مصبوبه

‏والشروق اللي تمنيته يزيل عتامي
‏ما قدرت أشرق معاه ولا لحقت غروبه

‏الفضا اللي ما يعاتب بالغياب أنسامي
‏ليه ألومه يوم غابت عن فضاي هبوبه

‏والله أن الدمع ما جرب يضم أكمامي
‏كيف أصافح بسمةٍ من خاطري مسلوبه

وانا والله يا روح القصايد ما عرفت الدار
‏ اهيمك كل ما هب النسيم وليلتي غدرى

‏يسود الصمت وديان القصيد ومدمعي ثرثار
‏سهجت الدرب وعتادي حنين وتمتمة عذرى

لا أنطوى يومًا من العمر في جيب الغروب
‏ ما أنقطع طيب الرجاء فالصباح اللي يليه

استر بجلباب الفرح عورة الجرح
ما كل من فتش جروحك حضنها

يقول علي ال صبيح في والده عندما تنوّم في المستشفى :

‏عشت ياللي أسمك من أسمي وكونك مثل كوني
‏عد كل رماش عين وضحك ناب ونبض خافق

‏منظرك على السرير المستوي خذ من عيوني
‏دمعة ماهيب لادمعة كذوب ولا منافق

‏خدروك من الوجع لكن نسو ما خدروني
‏ليتهم يدرون وش فرق المريض من المرافق

‏مثل ما عودتني للكايدات أرخي متوني
‏هاك عافيتي وجب مواجعك وأنا موافق

لاتمدح الصانع على صنعة السيف
امدح يمين ٍ.. في اللقاء.. لوحت به !!

﴿ إنّ الله وملائكته يصلّون على النَّبِيِّ يا أيها الذين آَمَنُوا صَلّوا عليه وَسَلّمِوا تَسْلِيمًا ﴾

ياوجودي لو مالي على الدنيا معين
‏غير شوقٍ لا دنا الليل في قلبي سرى

احسبن الحزن لحظه وأثر ماله شبيه
‏هز حالي واحتواني وليلي سرمدي

‏والله أن مثله فقيده وفقده مانبيه
‏ياعسى روحه بخضر الجنان تخلّدي

‏مؤمن أن القبر واجب ونزلناه فيه
‏واسمه وفعله مابين الثريا والجدي