‏احب انوه عن نقطه صغيرررره التعوّد اسوء من التعلق بأضعاف تخيل تكون أصابعك 10 وبيوم وليّلة تصير 9 أنت قادر تعيش بدونه، بس مكانه فاااااارغ لدرجة ‏تتؤهم إنك متعلق بس No انت متعود عليه فقط .

‏والله إني مثل ماقال الشاعر "عندي على كل الدروب إستطاعه" ولكنّي بطبعي أتجنب دروب الردى والردايا .. حيا في وجهي ماهو عشان أحد .

خلك على مبدأ طاح الشر.. حتى لو ان اللي طاح غالي.

تجي أيام للأنسان يعيش فيها خاوي مشاعر حالة اللاشعورية الأنسان بس يبي تمشي الأيام ويطالع فيها وأيدينه على خده مُش سعيد بس برضو مُش حزين "normal" يعني خلّوه جاته حالته .

دايم يقولون "ما شرهت إلا من محّبة" لكن حالياً وصلنا لمرحلة مات الغلا مالك علينا مشاريه .

على ماقالوا العرب "من عاشر الليل يتحمل مواويله" وانا من زود عشرته اعتبر مواويله مثل قصائد بن فطيس تقنّد راسي .

انا هالأيام مثل مساعد يوم قال :"لاني اشوا و لاني مسفهلّي و أتهيّا .. وانا ضايعٍ جداً".

‏لا تبرر أفعالك للجميع قول "مو شغلك" وانتهينا .

لا تعاود الكّره إن تم صدك رفضك ردعك يا إنسان لا تتشبث بخيوط واهيه على أنها حبل يشدّك نحو الوصول والمحاولات تأكل من عُمرك لأن ماعاد بقي أكثر من الي مضى .. إلحق نفسك.

والله الانسان ما يبغى من الدنيا غير سلامة قلبه ويكون في المكان إللي يحبه ما يضر و لا أحد يضره ، اللهم أرزقنا السماحه والذكر الطيب وسلامة الصدر بعيدًا عن الدنيا وما فيها.