لعيونك الله خلق خفّاق محسوبك
‏يا طيب حظٍ تثنّى بك على بابي

وإن تطرّقت القصايد ولا وفّت غلاك
‏يكرم البيت المسكّت من البيت الركيك

‏أنت لو تطلب ما ضمّت ضلوعي قلت جاك
‏اسهج الضلع الموالي واخذ ممّا يليك

هرجك رذاذٍ على الصحراء وصمتك عجاج
سولف و إذا زانت علومك يطيح بردي

ولك فياضٍ ورا حدب الضلوع وخباري
‏يا سحابٍ عليّ أرخى غشاين ثعوله

لقيتك مثل همّال السحايب في سنين عجاف
‏وخذيتك غيث يسقي هالجفاف ويأمن جزوعي

جعل يفداك القصيد اللي يثير أعجابك
‏تدري إن ذكراك بين الذكريات أزينها

‏حافظك بـ أصغر تفاصيلك و أدقّ أسبابك
‏و معتبرك أجمل توافيق القدر و أثمنها

والناس تتزاحم على شرب الأنهار
‏وأنا مكفيّني عن الناس بيري

‏ويوم الطيور تهاجر وتقطع أبحار
‏أنا مبرقع داخل الصدر طيري

‏ماني لكل مضيّع دياره ديار
‏وماهو ضروري كلٍ يذوق خيري

أنا فدا اللي ينتظرني على نار
إن غبت عنه ما يعوّضه غيري

على ترنيمة حكاك العفيف
‏الكون يزهالي
‏وأحس أني الوحيد المبتسم لو دنيتي جارت

أشرقت منك إبتسامة على ثغر النهار
‏كنّ ما للشمس ضوح وسناك شروقه