ٺْ کاسەو کۊزه‌گه‌د جه‌م که، بـچـوو دی!
وه بێ‌ئاری سه‌رد خه‌م که، بـچـوو دی!
‌
ٺْ که‌ی خه‌یرد ڕه‌سێده که‌س درووزن!
نـیه‌توام خه‌یرد! شه‌ڕد که‌م که، بـچـوو دی...
‌
🖋️‍ #ف_دلاوه‌ری（ئەقاقی）
‌
‌
مْ کاسەو کۊزەگەم جەم کردم‌ و چـێم
وەقەوڵ ٺْ شەڕم کەم کـردم و چـێم

ئڕا هەر بت سەرم مْ خـەم نــەکـردم!
ئڕا ٺْ بێوەفا خەم کـردم‌ و چـێـم...
‌
🖋️‍ #هومایوون_ڕەحیمیان

🆔 @Nishtemanagam

ٺ ئہ‌ڕای چـڕين چ
ناو ڕەیینێگ دێـرید!
‌
‍🖋️‍ #عەلی_ئوڵفەتی
‌
🆔 @Nishtemanagam

وە دووسداشتند ئەتر شوون پای چەپێگ پۊنەس لە بێیاوان پڕلە وایگ! ♥‍🌪

مانگەشەو ڕشیاس لە داوان مْ
یاگەر خوەد نایدە سەر لەشان مْ!؟
‌
بەو بنیش تاگەر من و مانگەشەو
زڵفەهۊڵەگەد، بچنیمنەو!
‌‌
ئاهوو لە چەوەیل لەڕە لەوەرقەو
ئەتر گوڵباخی وەر دایە لە شەو
‌
گەردەن بلوور لەیل پەری تەن
تیەڵی ئەخمەگەی شیرینتر لە قەن
‌
شیرین‌شێوەگەی داوەن گوڵناری
کڕ ڪیشا لەبان مەخش دڵداری!

باوان کیەنی زەوق شێعرەگەم
دارە مەۊەگەی پێچیایه وەخوەم

هەنای وارێدن واران وە کەم‌کەم
چڕێدەم، بەیدەم وێـلـم کـەیـد لـە "تـەم!"

چروو گواری قەلاجە باوان
فڕەی کەو لە قەو، سووسی لە داوان
‌
لەڕە خەی لە گیان زڵفەیل قنجێ
تام دەڵخوەشی ها لە چاڵ زنجێ!

فڕەی باڵ کەو لە خوەم فراری
کڕ ڪیشا لەبان مەخش دڵداری!
‌
سروە وەنازەو کۊیەگان چڕی!
ناوک گوڵەیل گەرمەسێر بڕی!
‌
دەنگ بنملی لە ڕێیەگەی کیەنی
دڵنگ لەوەر گوڵەگان کەنی!
‌
کڕیوە یەقەی کۊیه‌گان وڵ کرد
تنگس ئعڵام جمهووری گوڵ کرد

ڕشیا لەگیانم لرقەی مانگەشەو
ئاشقی لەق دا جوور کیەنی کەو!
‌
کەڵهوڕزایەگەی لە دۊر دیاری!
کڕ ڪیشا لەبان مەخش دڵداری...
‌
‍🖋️‍ #ڕزا_مەوزوونی
‌‌
🆔 @Nishtemanagam

مْ بەرگ نەفەسم وە پەل دار ٺْ بەسامە! ♥‍🌲
‌‌
‍🖋️‍ #حەبیبلا_بەخشوودە
‌‌
🆔 @Nishtemanagam

• دیارە دڵتەنگێ بۊدە!؟
  ‌
  ئە؛ فـەرە.
  ‌
• جا وەتیدە پێ؟
  ‌
  نە.
  ‌
• ئەڕا؟!
  ‌
  ئێرنگە دوانیمان هایمە شوونێگ ناوێن لەهۊرەوبردن و ئەوهۊرهاوردن!
  ئەر بۊشم نە وە دڵێ نریەید، نە ئەڕای گرینگە دی و نە چشتێ گۊەڕیەید!

#وەتووێژ

هەنای هاتن
وەتن‌سە وڵاتەگەم ئافرەت قاچ‌قولڕۊت دەم‌ڕەنگین لابڕیایگە!
تۊەنن بوەنەی کام کەلاوە؟
تۊەنن بوەنەی کام قابەخانە؟
وەتن‌سە وڵاتەگەم ئافرەت قاچ‌قولڕۊت دەم‌ڕەنگین لابڕیایگە!
هەر ها شوون کلوانک و دەزۊنک‌چشت!
هەر ها شوون داک‌دڵنگ و پەنتی‌بازی!
تۊەنن وە قەیرێ زڕزەنگیانە هەڵێخەڵەتنن! نەزانستن وڵاتەگەی م کەعبەسە!
هەزاران پێشمەرگە لە چوارچمکەو چاتمەی دانە!
‌
‍🖋️‍ #لەتیف_هەڵمەت
‌
🆔 @Nishtemanagam

"ئەڕاچە دی نێیەکەیدن هە
سەردانێگ...؟" **نەمەنیە دی لە لەشم هەست و حاڵ هەڵسانێگ
نزێگ ئەڕا مەنن و هاز پاوەگەزدانێگ

تواستی بکوشیدەم، یەسە خو دی کوشیام
نێیەتیەیەو نێیەزانم ئەڕا چە هێمانێگ

هزار کەش وتم ئیسەیشە هەم دوپاتێ کەم
ئەڕاچە دی نێیەکەیدن هە سەردانێگ

ئەگەر لەحاڵ ئەویندار خوەد خەوەردارۊد
ڕەسیدە پێمەوە چۊ دوکتورێ هە وە ئانێگ

بەهای ماچ ئەگەریشەم، گیان بکەی داوا
کەمەی خڕ سەردەو بێ لە چرچ و ڕکیانێگ

خەم ئەوین تو وە دڵ سەنم دلۆڤان یار
ئەڕا ڕەسین، وە تو ها لەسەر م سەرژانێگ

بەوەو ک لە سەر ئی عاشق چەوەڕێدە
نییە جیای لە خەوند لە لایە نیشانێگ‌
وەرگێڕ: #موسڵم_زارعی
‌
🆔 @Nishtemanagam
‌‌
"چرا به دیدن این عاشقت
 نمی‌آیی...؟**"

مرا که نیست دگر طاقت و توانایی ندانم آنکه چرا دور اَز بر `مایی

هزارمرتبهگفتمدوبارهمی‌گویم
چرابدیدناینعاشقتنمی‌آیی؟

زحالتمندلدادهگرشویآگاە
بهپایخودبهسرمچونطبیببازآیی

بهایبوسهاَگرجانطلبکنیجانا
کنمنثاررهت،چون‌کهنیستپروایی

خریده‌امغمعشقتو،مهربانیارم
کهبهروصلتودرسر،مراستسودایی

بیاکهدرسراینعاشقنشستهبراه
بغیردیدنرویتونیسترؤیایی`
‌
‍🖋️‍ #پروین_اسحاقی

ٺْ سەنەد شارەگەی
پلاک مل مــنے! ♥
‌
‍🖋️‍ #سامان_یاسین
‌
🆔 @Nishtemanagam