اضافة للعدات والوزن
نروح لموضوع ثاني
وهو تكنيك التمرين الصحيح
انتبه لتمرينك ويا عضلة يستهدف وابتعد عن الاخطاء الي تسوي اصابة بالظهر بالركبه وبالرقبة
اني دائما اگول عدات ثلاثة بس بصورة صحيحه افضل من 100بصورة غلط ....

اهم جزء بالتمرين توصل للفشل العضلي
عداتك للتمرين لا 12 ولا 15ولا 20
والوزن الي تختارة لا نص كيلو ولا سبعين كيلو
هذا الشي يعتمد عليك وعلى مستواك اذا كنت مبتدئ او متوسط او متقدم

الصحيح هو
بالنسبة للعدات تبقى تتمرن الى ان توصل للفشل العضلي (ما تكدر تسوي التمرينه الاخيرة عضلتك تحسها تمزقت و صرت ترجف )

اما الوزن ابدي باي وزن عندك او اي ثقل متوفر وزيد عدات وقلل راحه حتى توصل للفشل العضلي

وراح ارتب اقتراحات تمرين لكل جزء تكدر تختار منهم 5لكل جزء وعضلة

دائما ابتكر طرق وجرب وتعلم ودور وشوف غيرك شنو يسوي حتى يضل ملتزم بهدفة الصحي
لا تبقى على طريق واحد للالتزام اذا تغيرت ظروفك راح يخرب كلشي
لا خليك انسان مرن وويا كل ضرف ابتكر خطة جديدة وطريقة جديدة توصلك اله
صدكني تذكر دائما
النجاح والوصول للهدف راح يكون بالخطوات الصغيرة الي تسويها يوميا
مو بالقفزة الكبيرة الي تسويها كل فترة

طبعا قبل فترة شفت فيديو لليوتيوبر احمد ابو الروب عن رحلته بخسارة الوزن
جان نزولة كلش زين وكلش حلو وكلش يسوي واهس وتحفيز لثواني معدودة
بس لما اجي اريد اسوي دايت راح امر بهواي اشياء ما اشوفهن بالفيدوات الي يصوروها الناس وراح انحبط وتتعب نفسيتي
اغلب الفيديوات تتصورلك انو الموضوع موضوع ارادة ورياضة وسوي اكل خاص واكل

اكيد لا
الموضوع كلش اصعب واطول من هيج

الموضوع مالة علاقة بالارادة ياما ناس ماتاكل وماينزل وزنها ،او تاكل ومايصعد وزنها

محد يصورلك الايام الي يدوخ بيها من الجوع
محد يصورلك الايام الي تتعب بيها النفسية ويرجع للاكل
محد يصورلك الايام الي يطلع بيها الشخص ويا اصحابة ويخرب كل النظام وهالشي كلش عادي
محد يصورلك الالم الي يحس بي من الجوع
محد يصورلك الملل من نفس الاكلات والي تمر اوقات كوة يتجرعها
محد يصورلك شهيته للاكل السيء ويقرر ياكله ويخربط وعادي

وهوايييي اشياء بالحياة الصحيه هي مو صحيه بس صحيحه ولازم تصير سواء بارادتنه او غصب عنه

فـ الزبدة لاتقارن حياتك بغيرك ولا تقارن هدفك بغيرك ولا تقارن الوقت للوصول للهدف بغيرك
كلمن اله تجربته بغض النظر عن الثوابت العلميه الدقيقه

هاي اليوتيوبر 
Hanna kim
تكلمت بهذا الفيديو عن حيل تناول الطعام تخليك تسيطر ع الجوع وتتحكم بأكلك جربتهم هيه ولاحضت الفرق بين ارتفاع الكلوكوز بيهن وبدونهن

اختصرلكم اياهن :

1)تناول وجبتك بالترتيب الصحيح ((يعني خلي اكلك يبدي بخضار و الياف بعدين بروتين بعدين كاربوهيدرات ))هذا راح يقلل ارتفاع الكلوكوز بنسبة 73%تقريبا وافضل من تناول الخبز ببداية الوجبه لان راح يتحلل الكارب بمجرى الدم اسرع
ويرتفع الكلوكوز

2)شرب الخل ((خاصة اذا كنت مشتهي شي حلو راح يخفف ارتفاع الكلوكوز))طبعا لازم اصلي حتى مايأثر عليك سلبا ولازم ينشرب بقصبة حتى ما يأثر ع اللثة والأسنان

3)تناول خضار ((هي جربت بالفيديو تاكل كوسى مشوية  او سلطة ويا بيتزا ولاحظت ان الكلوكوز ارتفع بصورة اقل من لما اكلتها وحدها ))وكالت عادي اي نوع خضار تكدر تاكله خس ،جزر ،بيذنجان مشوي الخ من الخضار

4)التحرك بعد تناول الطعام بغضون 70د ((يعني بهاي الفترة حرك جسمك حتى يستخدم الكلوكوز كمصدر طاقة سواء تمشي او تنظف او تشتغل شغلك او اي حركه تسويها ))

5)تناول الحلويات بطريقة صحيحه((يعني عادي تاكل حلو ضمن احتياجك بس بطريقة صحيحه يعني اذا تاكل حلو وحدة راح يرتفع الكلوكوز بصورة جدا اعلى من لمن تاكله بعد وجبه غنية بالخضار والبروتين  والدهون  وهذا ينطبق على اي شي حلو سواء عصائر او فاكهة او حلويات

طبعا ممكن تجرب اي وحدة منهم وتشوف النتيجه
وتذكر تطبيق وحدة منهم احسن من ولا شي
وجرب ممكن تستفاد

هو اصلا شنو الكلوكوز ؟
الكلوكوز هو مصدر من مصادر الطاقة للجسم ويعتبر سكر بسيط (احادي السكاريد ) موجود بالكاربوهيدرات (خبز ،رز ،فواكه ....الخ)
من راح تاكل كارب راح يتحلل الى كلوكوز يمتصه الجسم عن طريق الدم

اما الانسولين يعتبر هرمون شغله مثل (مفتاح )يفتح الخلايا حتى يدخللهن الكلوكوز ، ينفرز هذا الانسولين عن طريق البنكرياس مثل ماكلنه حتى يفتح الخلايا للكلوكوز ويبدي الجسم ينتج الطاقة

طبعا الأنسولين والكلوكوز عملهم سويا يعني ميگدر گلوكوز يشتغل وحده راح يرتفع سكر الدم بالجسم فوك الطبيعي وتبدي المشاكل
فضروري اثنينهم يكونون ضمن المعدل الطبيعي

زين هسة عرفنا شنو انسولين وشنو كلوكوز ،نريد نعرف شعليهم بزيادة الوزن وشلون يزيدوه؟

شوفوا

الانسولين اذا ارتفع بالجسم وضل مرتفع فترات طويلة ممكن يسبب مقاومة انسولين ،وايضا راح يخلي الكلوكوز يستقر بالخلايا ويخزن الدهون و يزيد الوزن

اما الكلوكوز لمن يرتفع راح يحس الشخص بتعب وخمول وارهاق وحتى يزيد طاقتة راح يضطر يتناول سكريات اكثر وكل شوية تزيد الرغبه ف راح يزيد الوزن

يعني الزبدة
واحد يخزن الدهون اذا زاد
وواحد يزيد الشهية الي هية تؤدي لتناول الاكل الزايد والي تؤدي الي زيادة الوزن

زين احنا نعرف ليش مانريد الكلوكوز يرتفع بسرعه ؟زين واذا ارتفع بسرعه شنو راح يسوي وشنو راح يضرنا خليه يرتفع واذا ؟