ОНАМНИ СОҒИНДИМ...*Тунлари ой билан диллашган,
Тупроққа куйиниб сирлашган,
Бир умр ўт билан тиллашган,
Онамни соғиндим, онамни...

Қийшайган тандири қорайди,
Дунё кўз олдимда торайди,
Пандлари коримга ярайди,
Онамни соғиндим, онамни...

Тоғларим кўз тикар йўлимга,
Қаламим толгандек қўлимда,
Байтларим бўй бермас ўлимга,
Онамни соғиндим, онамни...

Армоним тизилиб кетади,
Гоҳ кўнглим бузилиб кетади,
Хаёлим тўзилиб кетади,
Онамни соғиндим, онамни...

Ўтади хориққан кунларим,
Қуёшни йиқитган тунларим,
Оламни титратар унларим,
Онамни соғиндим, онамни...

Умримни қиймалаб карвонлар,
Ташийди зафарон ҳижронлар,
Боши хам гуноҳкор «полвон»лар,
Онамни соғиндим, онамни...

Хиёнат эшигин ёпганман,
Тўрт қатор мужмал шеьр топганман,
Қалбимни ҳовучлаб чопганман,
Онамни соғиндим, онамни...

Титилсин битмаган китобим,
Ҳаётдан топмаган жавобим,
Ўлимдан оғирроқ азобим,
Онамни соғиндим, онамни...* . Ахтамкули

⚡️Prezidentimiz farmoni bilan “Ma’rifat” targ‘ibotchilar jamiyati a’zosi, shoir — Karimov Axtamkul Sattorovich “Shuhrat” medali bilan mukofotlandi!

*?Tabriklaymiz!*

Rasmiy sahifalarimiz?*
Telegram *| Facebook | YouTube | Instagram

YOZUVCHILAR UYUSHMASI AʼZOLARI DAVLAT MUKOFOTLARI BILAN TAQDIRLANDI

O‘zbekiston Respublikasi
Prezidentining "O‘zbekiston Respublikasi mustaqilligining o‘ttiz uch yilligi munosabati bilan fan, taʼlim, sog‘liqni saqlash, adabiyot, madaniyat, sanʼat sohalari va ommaviy axborot vositalari xodimlaridan bir guruhini mukofotlash to‘g‘risida"gi farmoni bilan qator yurtdoshlarimiz taqdirlandi. Ular orasida O‘zbekiston Yozuvchilar uyushmasi aʼzolari ham borligi ijodkorlarni xursand qildi. Fursatdan foydalanib, ularning barchasiga mukofot muborak bo‘lsin, deymiz.

O‘zbekiston Yozuvchilar uyushmasi Axborot xizmati

«O‘zbekiston Respublikasida xizmat ko‘rsatgan yoshlar murabbiysi» faxriy unvoni bilan

Mirzamaxmudov Ismaildjan - O‘zbekiston Yozuvchilar uyushmasi aʼzosi, shoir, Farg‘ona viloyati

“Do‘stlik” ordeni bilan

Arslanov Negmat  - O‘zbekiston Yozuvchilar uyushmasi aʼzosi, yozuvchi, Toshkent viloyati

Bomuradov Bobir Hodiyevich - O‘zbekiston Yozuvchilar uyushmasi aʼzosi, shoir

Matrizayev Kurambay - O‘zbekiston Yozuvchilar uyushmasi aʼzosi, yozuvchi, Xorazm viloyati

Satbayev Orazbay Jumabayevich - O‘zbekiston Yozuvchilar uyushmasi aʼzosi, shoir, Qoraqalpog‘iston Respublikasi

Shodmonov Nafas Namozovich - Qarshi davlat universitetining o‘zbek mumtoz adabiyoti kafedrasi mudiri, Qashqadaryo viloyati

“Shuhrat” medali bilan

Boyqo‘ziyev Abdunabi - O‘zbekiston Yozuvchilar uyushmasi aʼzosi, shoir

Isxakov Akzamjan Giyazovich - O‘zbekiston kinoarboblari ijodiy uyushmasi aʼzosi

Karimov Axtamkul Sattorovich - O‘zbekiston Yozuvchilar uyushmasi aʼzosi, shoir

Karimov Xakimdjan - O‘zbekiston Yozuvchilar uyushmasi aʼzosi, adabiyotshunos

Niyozov Turab Mamadiyorovich - O‘zbekiston Yozuvchilar uyushmasi aʼzosi, shoir

Rajabova Ibodat Abdullayevna - O‘zbekiston Yozuvchilar uyushmasi aʼzosi, shoira, Buxoro viloyati

Fayzullayev Vafokul Barnoyevich - O‘zbekiston Yozuvchilar uyushmasi aʼzosi, shoir

Xujaniyazova Zilola Turayevna - O‘zbekiston Yozuvchilar uyushmasi aʼzosi, shoira

Yuldashev Muslum Islamovich - O‘zbekiston jurnalistika va ommaviy kommunikatsiyalar universitetining xalqaro va audiovizual jurnalistika kafedrasi dotsenti

Бугун кеч соат 19 30 да Ўзбекистон тарихи телеканалидан чиқиш қиламиз...

​Olimpiada ilhomlari

HAYOTDA QAYTA UYG‘ONDIM!

“Olimpiada-2024”da oltin medal sohibi bo‘lgan yurtdoshlarimga

Jahon maydonida ko‘rdim buyuk Sohibqironimni,
Zamonlar zulmiga bo‘y bermagan aftoda onimni.

Hayot charx ostida yongay, muhabbat dilda uyg‘ongay,
Raqib mushtim bilan qongay, olarkan imtihonimni.

Bu ko‘nglimga bahor keldi, Diyora Keldiyor keldi,
Yurakda iftixor keldi, to‘shay yo‘lingda jonimni.

O‘zingsan mardu maydonim, samodil Barchinoyjonim,
Sog‘inch ko‘z yoshidek qonim, ravon etgay dovonimni.

Ulug‘bek, sen ulug‘ beksan, agar ko‘nglimni chog‘ etsang,
Raqibga ko‘rsatib ketsang, mening tengsiz jahonimni.

Yozar dil Andijonimga, Hasanboy kelsa yonimga,
Quyosh uyg‘ondi qonimga, ko‘rolmaysiz ziyonimni.

Bu zot farzandi Farg‘ona, kezar maydonda mardona,
Asadbek xo‘ja parvona, ado aylar fig‘onimni.

Lazizbek Mullajonov ham, emas aslo birovdan kam,
Ularning bari jamuljam, yoritgay osmonimni.

Razambek ko‘ngli chog‘imdir, yonib turgan chirog‘imdir,
U ham afsona tog‘imdir, qorishtirganda qonimni.

Qarang, Abdumalik kelgay, raqiblarga hadik kelgay,
U maydon ichra tik kelgay, etib burro zabonimni.

Bahodir o‘zga bir dunyo, boqar alplarga beparvo,
Bu kun Alpomishim go‘yo, quchar qutlug‘ zamonimni.

Ko‘rib Axtamquli yondim, hayotda qayta uyg‘ondim,
Vatanning mehridan qondim, sevib oltin makonimni.

Axtamquli,
O‘zbekiston Yozuvchilar uyushmasi aʼzosi

АРСЛОН ЭДИ, МЕНИНГ ОТАМ
Олимпия ўйинлари байроқдори, жаҳон чемпионати совриндори, темир муштлари билан дунё аҳлини лол қолдирган Баҳодир Жалоловнинг дил армонлариМайдонларда енгилмаган полвон эди, менинг отам,
Алпомишдан дуо олган инсон эди, менинг отам.

Дили дарё, меҳри зиё, кўнглимдаги мунгли садо,
Бошим узра эсган сабо, осмон эди, менинг отам.

Қўллар эди Баҳодирин, англагандек дунё сирин,
Ёзмай кетди дил дафтарин, достон эди, менинг отам.

Рақиб ҳайрон ишларимга, темир янглиғ муштларимга,
Тунлар кириб тушларимга, қалқон эди, менинг отам.

Тўхтамайди кўзёшимиз, ботиб қолгач қуёшимиз,
Қўллагувчи сирдошимиз, меҳмон эди, мениг отам.

Жаҳон билди зўрлигимни, сиз сўзламанг ғўрлигимни,
Эл билади шерлигимни, арслон эди, менинг отам.