Meydan TV əməkdaşları həbs edilib

MeydanTV-nin Bakı bürosunun əməkdaşları Aynur Elgünəş, Aytac Tapdıq, Xəyalə Ağayeva, Ramin Deko və Natiq Cavadlıdan artıq bir neçə saatdır ki, xəbər yoxdur.
DİN bir az öncə Ramin Cəbrayılzadənin (Ramin Deko) ölkəyə qanunsuz valyuta gətirmək ittihamı ilə saxlanıldığını bildirib. DİN bununla əlaqədar başqa saxlanılanların da olduğunu qeyd edib. Güman ki, adları çəkilən digər jurnalistlər də saxlanılıb.

“Amnesty International” təşkilatının Şərqi Avropa və Mərkəzi Asiya üzrə direktoru Mari Strazers hüquq müdafiəçisi Rüfət Səfərovun həbsini tənqid edib.

O bildirib ki, Azərbaycan hakimiyyəti hüquq müdafiəçisini dərhal azad etməlidir:

“Rüfət Səfərovun qondarma dələduzluq və xuliqanlıq ittihamı ilə həbsi Azərbaycan hakimiyyətinin ölkədə fərqli səsləri susdurmaq üçün cəhdlərinin daha bir bariz nümunəsidir. Rüfət Səfərovun əsassız həbsi hüquq müdafiəçilərinin işinə xələl gətirmək, ölkədə insan haqlarının vəziyyətinin monitorinqinə mane olmaq, hakimiyyətə həqiqəti söyləməyə cəsarət edən hər kəsi qorxutmaq məqsədi daşıyır”.

“Azərbaycan hakimiyyəti Rüfət Səfərovu dərhal azad etməlidir, çünki o, sırf öz insan hüquqlarının dinc şəkildə həyata keçirilməsinə görə saxlanılır. Səlahiyyətlilər ölkədə hər kəsin insan hüquqlarına, o cümlədən ifadə və birləşmək azadlığına hörmət etməli, onları qorumalı, təşviq etməli və yerinə yetirməlidir”, – Mari Strazers bildirib.

https://www.youtube.com/live/uWc2TIZ7le4?si=qg0H4u-uLNh_bbu9