بجفوفي دافن اغله محبوب 
كل جسمه دامي ثوبه مسلوب 
راح ابوي وحيلي انهدم 
الدنيه ضلمه وعايش ابعدم غربه غربه 

…….١

بويه عكبك دمعي جاري 
والغيابك شيطفي ناري 
ضلمه بويه الدنيا بعدك 
وحشه تصبح بيه داري 
وانه شفتك عالوطيه 
مسلب وجسمك يبقه عاري 
والم بعدك يبقى بيه 
ويالدمه كل جرح ساري 

البعد يكتل اخذ روحي 
مشه الغالي ويضل نوحي 
مثل جرحك انه اجروحي  ..  ألم فكدك 

شلي بحياتي بويه بجفاك 
ريت ويموتك موتي وياك 
ولجفاك ادموعي دم 
الدنيا ضلمه وعايش ابعدم غربه غربه 

………٢

بصدره داست هل حوافر 
وكاع جسمه الها صاير 
فوك صدره الشمر كاعد
ويحز نحره  بيوم عاشر
وانه هسه بيش اشيعك
بالحصيره بويه حاير 

وذر صاير شفت جسمه 
على الغبره منو يلمه 
بقه مرمي ابو اليمه ..  عالوطيه

عالغبره جسمه بخيل مسحوك 
وي ضهره صدره شفته مطبوك 
راسه عن جسمه انقسم 
الدنيا ضلمه وعايش ابعدم غربه غربه 

………..٣

من اشيلك يطيح جسمك 
 وريت بويه موتي يمك 
من وريدك ودمك السال 
انحب بحركه واشمك 
كون بويه بصدري كبرك 
تراب وسفه بويه ضمك 

الشمر حاقد كطع نحرك 
الشمس بويه جوت صدرك
وانه بيدي احفرت كبرك  بهل مسيه 

بجفوفي فوكك هلت التراب
والجفن بويه عليك سجاب 
والدمع عالوجنه انرسم 
الدنيا ضلمه وعايش ابعدم غربه غربه 

……..٤

المات عده ابو صعبه 
يكضي عمره يعيش غربه 
يعاشر الون والبواجي 
وللمكابر صار دربه 
وعلى افراكه يشيب راسه 
وسهم هجره يصيب كلبه 

بجفن فاكد يصب دمعه 
وعلى افراكه حنه ضلعه 
وعلى الوالد صعب وضعه .. من يعوفه 

اليفكدله والد يبقه مهموم 
يكضي حياته كلبه ملجوم 
وساكن ابوسط الألم 
الدنيا ضلمه وعايش ابعدم غربه غربه 

………٥

الدنيا بعدك بعيني ضلمه 
واليفارك يحجي هضمه 
بريتي بعدك الهوه يخنك 
يجرح حساسي من اشمه 
بويه وينك يا حبيبي 
هاي عدي احلى كلمه 

ردت يمك شبقه بعمري 
البعد جمره حدر صدري 
على فراكك انحنى ضهري  بهالمصيبه 

قلبي على بعدك يبقه مجروح 
غالي واحسك تملك الروح 
وروحي صارت كلها هم 
الدنيا ضلمه وعايش ابعدم غربه غربه 

سجاد باسم الهلالي

بسيفه عباس اليذل فرسانها 
وعجه صارت من دخل ميدانها 

عجه صارت من دخل ليها الكفيل 
العسكر كباله يضل بالطف يميل 
روس من أجساد بالحومه يشيل 
وحنه سيفه من دمه شريانها 

حنه سيفه من الدمه بيوم الطفوف 
كبال سيفه ما يسلون السيوف 
فوك عالهامه يضل بيده يطوف 
وتغرگ ابسيل الدمه وديانها

ما يثني بهام سيفه لو غضب 
جفه نار الجيش كدامه حطب 
شما طفت ناره يزودها الركب 
والحطب روس وشعل نيرانها 

الحطب روس ويلزمهم سره 
وكلمن اكباله يقدم منحره 
من الجثث تله يسوي ومجزره 
ويالدمه يخبط يضل تربانها 

سيفه عطشان ويرويه الدمه 
وراس كل واحد دناله يهشمه 
هاذا ابن حيدرعلي حامي الحمه 
بيده للعسكر يحضر اجفانها

تمت
سجاد الهلالي

نعي

عالثره طايح كفيل ضعونها 
وغربه زينب باليسر يسبونها
عالهزل بت حيدر يركبونها 
وعمده من صوب الجثث مروها 

عالجثث حاديها مرها بالهزل
وشافت العباس أخيها منجتل 
جم مصيبه شافت الما تنحمل
ويم ابو فاضل سبي جابوها 

عالترب أجساد ضلت عالفرات 
وبلسهم عبدالله اشوفه بيها مات
من الضمه اشفاف الرضيع مفطرات
وروحه من دمه العده رووها

عالترب أجساد والروس برماح 
بلا اخو زينب اديها عالصفاح 
وبكلب نبضات زينب بس جراح 
وخارجيه بت علي سموها 

سجاد الهلالي 

شهر الحزن عالباب يلي تخدمون 
خل نلطم على حسين ونبجي العيون
ننصب عزاء … في كربلاء 
يلي تخدمون

يخدام استعدو هل قرب عاشور 
فوك الوجنه خلو هالدمع منثور
شحلات الطمه لو بيها ضلع مكسور 
لحسين وأهل بيته العمر منذور

مو بيدي كون عليه صدري الطمه 
بحافر عده وينداس ضلعي ويهشمه
افدي الدماء   … في كربلاء
يلي تخدمون 

شهر حسين هذا وبيه خدامه
بنص دمع الحزن من تخلص ايامه
تلطم عالصدر وطبر الهامه
تواسي بيوم عطشت بيه ايتامه

نعطش نضل ياريت ما نشرب الماي 
نتذبح احنه اريد نتمنه بس هاي
حسين الهواء … في كربلاء 
يلي تخدمون 

شاهدنه الدمه امطوك وجه الهلال
بحصيره حسين جسمه ابلا نعش ينشال
وحرم ويتام يشدوها العده  بحبال
خوارج صعبه عنهم باليسر تنكال

راحن حرم ويتام كلهن سبايه 
وفوك التراب أجساد ضلو ضحايه 
وجه السماء … في كربلاء
 يلي تخدمون 

فوك الكاع جسم حسين ضل مطروح 
وحكنه عليه نبجي ولو نزيد النوح
بعالي الصوت صيحو يا بدر مذبوح 
وجسمه من السهام بكل كتر مجروح

مخضب يسيل ادموم جسمه وتوذر 
وضلعه بحوافر خيل بالطف تكسر 
فوك الثراء  … في كربلاء 
يلي تخدمون 

ابمجالس نحضر ونقره على العطشان
الضل جسمه صريع بلا غسل وكفان 
ولعايف طريق حسين ضل خسران 
وهنياله المشه بدربه صدك ربحان 

اليتبع طريق حسين بالجنه بيته 
وتتمنه كل الناس توصل لصيته 
بيده النجاء … في كربلاء 
يلي تخدمون 

الشاعر سجاد الهلالي

سلام عليكم شلونكم اخواني خدمه الحسين ع اليه الشرف بوجودكم بقناتي اي رادود عده لحن او عاجبه لحن يدزه خاص واني بخدمته واكتبله قصيده على اي لحن يعجبه واسأل من الله التوفيق للجميع أن شاءالله

يالاكبر .. كوم طر الحومه

شد الحزام .. يضرغام .. تعنه أعله الزلم
بسيفك النار عله الشرار تخط دمهم رسم
ابمهرك تحوم على الكوم يالاكبر يا شهم
بكيفك أختار بالاكبار الزلمهم لا تهم

يالاكبر .. الحشر هاذه يومه
يالاكبر .. كوم طر الحومه

تلاوي الجفوف والسيوف يالاكبر بالحرب
تذل الرجال . والابطال ... تدخلهم رعب
وحدك اطوف بالصفوف ترجف كل كلب
بيدك الموت بلا صوت عليهم من تطب

يالاكبر .. الجيش ضاع رسومه
يالاكبر .. كوم طر الحومه

عزمك حسين والجبين تنكط غيرته
عمك وياك .. عله الكوم ترفرف رايته
تسحك الخوف يمعروف علي وبصولته
ابضربة الهام بالحسام صعقها ابيمنته

يالاكبر .. علي هاي علومه
يالاكبر .. كوم طر الحومه

عدك ايتام .. بالخيام تناطر جيتك
وي الحسين.. بالونين يالاكبر تانتك
لمن اطيح دمه اسيح يصب من جثتك
بحضنه خلاك يفركاك تحرمه شوفتك

يالاكبر .. حسين صعبه همومه
يالاكبر .. كوم طر الحومه

ينحب عليك يحاجيك ابن سيد البشر
بفكدك شلون والعيون يرافجها السهر
ضهره مكسور طفه نور علي وجهك كمر
بحجره خلاك لمن جاك صريع بلا نحر

يالاكبر .. اليل ماهي نجومه
يالاكبر .. كوم طر الحومه

سجاد الهلالي

يحسين اجانه عاشور .. والكربلاء جينه نزور
وحنه العزاء أنقيمه .. يم زينب العظيمه

1......

قرب محرم يالخدم . وحسين هاي ايامه
خلونه نتجمع سوه . ونواسي هم ايتامه
ونعاهده بهذا العمر . نبقه اله وخدامه
لوخلص ادموع الجفن . ينصب عزه بحلامه

طاري الخيم ما ننساه .. ودمع اليصب أشمحلاه
منبع وفه والشيمه .. يم زينب العظيمه

2......

كل عام احنه وكل سنه نكصد الك مشايه
نوصل ضريحك والدمع منثور فوك الرايه
جنه نحسه ابحضرتك ونوار تظوي اهوايه
ويم النهر راعي الوفه واكف يعزب مايه

يروينه بالطف عباس .. ويرحب بهاي الناس
الله علينه يديمه .. يم زينب العظيمه

3......

نلبس سواد وبالحزن كل خادم انت اشوفه
والدمعه بعيونه تصب تبقه الك مذروفه
فوك الصدر شد اللطم يطوي الضلع بجفوفه
وبين الهظم بين الحزن گبرك نجي ونطوفه

نتمنه يحسين وياك ..ونقاتل ابصف الواك
نتمنه نصبح خيمه .. يم زينب العظيمه

4......

ترظه يبو اليمه السنه مانحضر احنه انخدمك
ولا نحيي ايام العزه ولا يمنه تحضر امك
ماظن گلبنه يسطبر شوفه بدمعنه يكلمك
وسط الرمش لمن طبك هذا الجفن يظمك

ياگلبي تحمل نيران ... من العتب والهجران
وبقصتي الاليمه .. يم زينب العظيمه

5......

شنهي المرض يابو علي خاطر صدك يبعدنه
ونت العلاج الكل مرض غيرك ابد ما عدنه
يابو علي احنه الخدم يم عتبتك موعدنه
ندعي ونحلفك بالضلع لا تكسر اب خاطرنه

يم بابك اليله انطوف .. والعتبتك جينه ازحوف
حبك يهب نسيمه .. يم زينب العظيمه

6......

يابو علي ضاك الصدر وشح الهواء علينه
عطشانه كل هاي الخدم بس حبك اليروينه
يحسين نقسملك قسم من عوفك التالينه
منا لحد يوم الفرج لمن يجي مهدينه

كل الفرج بيده يصير .. من يظهر ابجفه الخير
يطلب اثر جريمه .. يم زينب العظيمه

الشاعر سجاد الهلالي

هاي ايامه ... حسين ويتامه
عاشر محرم هل اجه 
وهنياله بعيونه البجه .. هنياله 
خلونه نجريله الدمع 
للكسرو بصدره الضلع .. خياله

يله يخدام حسين خل نستعد هاليله
عاشر محرم عالباب كل خادم متانيله
بين الضماير هاليوم مجلس عزه نسويله 
والناعي ينعه يحسين وبحركه من نبجيله

هنياله الدموعه تصب 
للمجلس بلهفه يطب ... بجروحه
من يسمع بكطع النحر 
بعيونه بركان انفجر ... وبروحه 
تموت اجدامه ... هاي ايامه 

من ذاك عاشور الراح نحسب نضل ليامه
وبكل كلب جمره نار مشتعله من اخيامه 
من نعطش ونشرب ماي نذكر عطش ايتامه 
ونتمنه ويه الانصار يحشرنه من خدامه

بالخدمه خلصنه العمر 
من المهد حد الكبر ... من عوفك 
والعافك بكلشي خسر 
والحبك بجنه انحشر .. بجفوفك 
تهيد الامه ... هاي ايامه 

بكل منزل احنه لحسين نرفع بدينه الرايه 
والله يحبه الإنسان لجلك يسوي قرايه
بالخدمه عشنه وللموت ماعدنه غيرك غايه
كل همنه ترضه يحسين نبقه الك وفايه

خدامك بهيبه تضل 
للقمه واحدنه وصل ... من حبك
ماعدنه غيرك بالعشك 
ما لحضه عنك نفترك ... عن دربك 
الدين وسلامه ... هاي ايامه 

بين البشر هيبه يعيش لا مايذل هالخادم
وبحب ابو اليمه حسين كل عمره لا مانادم
كلبي بمحبتك للموت يا سيدي ضل هايم
كل اليحب فتره يروح بس انت حبك دايم

يالساكن بكلبي صرت 
وبعيني غيرك ماشفت ... يالغالي 
حبك مزجته ويالنبض 
يالخدمتك صارت فرض ... تحلالي 
هاي خدامه ... هاي ايامه 

بين المجالس هنيال كلمن يخلص عمره
وعله الذبيح العطشان عالفطره لمن يقره 
تسوي وعلي كل الكون لو منه حصل نضره
وهنياله كلمن حباك يالمنذبح عالغبره

مجنونه كل هاي الخدم 
حبك يبو اليمه ارسم ... بدمانه
واحدنه عابس من يحب 
يالساكن اب نبض الكلب ... ويانه
روح كدامه ... هاي ايامه

سجاد الهلالي...

موشح نجفي

عيني للمهدي تضل مشبوحه
وما يعيش الي يفارك روحه

عيني للمهدي تصد بكل درب
وناري تطفه وتشتعل نارالكلب
حالي بغيابه صبح كلش صعب
بشوفته كلبي تطيب جروحه

بشوفت المهدي اكحل عيني
وضامي كلبي وحبه اليرويني
بنتظار المهدي اكضي سنيني
وعيني ماتغمض تضل مفتوحه

كلبي للمهدي يضل ينطر خبر
ينبض ابحبه لون يمه حضر
ادعي كل جمعه الامامي المنتضر
يحضر وكلبي يشاهد نوحه

يحضر المهدي ويحاسب هالامم
بسيفه يحكم كل فرد منهم ظلم
ونار بتاره مثل حرك الخيم
والجثث من خزرته مذبوحه

يطلب بثار البقه بالطف وحيد
ضامي عالغبره يضل جده شهيد
ويمحي كل واحد تبع رآيه اليزيد
ادموم خصمه عالترب مسفوحه

يطلب بثارات من يوم الطفوف
عنده رآيه طاحت بصف الجفوف
وعين عباس بسهم ماضل يشوف
وبسهم عين الكمر مجروحه

وبسهم من ال اميه بجربته
وعالنهر عباس طاحت رايته
هاي سكنه امنالعطش من نادته
وهوه بس جثه بقه مطروحه

يمته يالمهدي ترف برآيتك
وتأخذ بثار العقيله عمتك
وتطرد الصوبين كلها بحملتك
والدنه منك تسلب روحه

تمت سجاد الهلالي