У ноч на 26 красавіка 1986 года на чацвёртым энергаблоку Чарнобыльскай атамнай станцыі адбылася тэхнагенная катастрофа.
Прычыны аварыі караніліся ў тэхнічным адставанні СССР і сур'ёзных праліках у развіцці атамнай энергетыкі. Непасрэдна 26 красавіка ў выніку непрадуманых дзеянняў дзяжурнай змены пры наяўнасці слабасцей у канструкцыі рэактара і станцыі ў цэлым адбыўся выбух на чацвёртым энергаблоку ЧАЭС. Разбурэнне рэактара прывяло да выкіду ў паветра велізарнай колькасці радыеактыўных рэчываў, якія патокамі паветра сталі хутка распаўсюджвацца.

Але саветы не прызнавалі сваю памылку нават тады, калі пра рэзкае павышэнне радыяцыйнага фону ў паветранай прасторы сваіх краін загаварылі прадстаўнікі Швецыі, Нарвегіі, Англіі і інш. Людзі выйшлі на "першамай", у час якога пайшоў дождж з хмараў, што прынесла з поўдня.

На тэрыторыю Беларусі прыпала 70% усяго радыеактыўнага забруджвання. У гэтай зоне апынулася каля 2 млн. 100 тыс. чалавек (25 % насельніцтва). #26krasavika

Зянону Пазьняку — 80! 🎉****

24 красавіка 1944 г. нарадзіўся Зянон Пазьняк, беларускі палітык, грамадзкі і культурны дзяяч. Унук беларускага дзеяча БХД Яна Пазняка.

210 гадоў таму нарадзіўся Яўстах Тышкевіч
Беларускі археоляг, гісторык, этнограф, краязнаўца, музэязнаўца Яўстах Тышкевіч нарадзіўся ў Лагойску 18 красавіка 1814 году. З братоў Тышкевічаў — Яўстаха і Канстанціна — пачалася беларуская археалёгія.

Яўстах Тышкевіч — заснавальнік Віленскага музэя старажытнасьцяў. Музэй, над стварэньнем якога Яўстах працаваў усё жыцьцё, адкрыўся ў 1856 годзе, але прапрацаваў усяго 8 гадоў. Пасьля паўстаньня Каліноўскага музэй зачынілі, а каштоўныя экспанаты на загад Мураўёва-вешальніка вывезьлі ў Санкт-Пецярбург. Пазьней зь некалькіх тысяч прадметаў у Вільню вернуцца толькі дзьве сотні.

13 красавіка адзначаецца Дзень Памяці Ахвяр Катынскага Злачынства.

Вясной 1940 года карнікі з НКУС (НКВД) расстралялі 22 тыс. грамадзян тагачаснай польскай дзяржавы, якія трапілі ў савецкі палон. Многімі ахвярамі гэтага злачынства сталі беларусы ды ўраджэнцы Беларусі. Саветы прызналіся да злачынства толькі ў 1990 годзе.

‼️ УВАГА, ФІШЫНГАВЫЯ МЭЙЛЫ!

🛡 Контрвыведка Паспалітага Рушэння папярэджвае адносна несапраўдных мэйлаў нібыта ад «Офісу Святланы Ціханоўскай», які месцяць у сабе формы заявак – і вірусы!

Пасля звароту да нас чальцоў Каардынацыйнай Рады, была праведзена праверка мэйлаў і даданых файлаў, у выніку якой мы нагадваем:

❗️ Правярайце мэйл, з якога атрымалі ліст (асабліва звяртайце ўвагу на дамены першага і другога ўзроўню, бо замест "tsikhanouskaya" можа быць "cihanouskaya", а замест ".org" можа быць ".com" ці іншы дамен першага ўзроўню);

❗️ Ніколі не адчыняйце даданыя файлы, памер якіх не супадае са звычайным памерам (напрыклад: .doc файл з вагою ў 100 MB замест 50 KB).

Асабліва ўважлівымі трэба быць прадстаўнікам беларускіх дэмакратычных сіл і актывістам беларускіх дыяспар за мяжою!

Не дапамагайце карнікам атрымаць дасяг да вашых дадзеных і перапісак!

Абавязкова пішыце ў наш бот t.me/vr_kr_bot, калі заўважылі нешта падазронае.

Хрыстос Уваскрос! Сапраўды Уваскрос!

Паважаныя вернікі каталіцкай канфесіі!
Сардэчна віншуем вас са светлым святам Вялікадня! У гэтае свята, якое сімвалізуе бессмяроцце, мудрасць і міласэрнасць, нам хочацца пажадаць усім вам, шчасця і духоўнага адраджэння, цярпення, даравання, узнёсласці духу, паразумення з людзьмі, згоды з уласным сумленнем, ладу ў душах вашых. Няхай вялікі светлы дзень Хрыстова Уваскрэсення пашле вам любоў і Боскае блаславенне, умацуе веру і надзею, азнамянуе сабой сапраўднае духоўнае адраджэнне нашага грамадства на аснове вечных хрысціянскіх каштоўнасцей!

Усіх са святам, сябры! З Днём Волі! 🇧🇾

Дня 25-га сакавіка 1918 г. была прынятая 3-я Устаўная грамата, якой была абвешчана незалежнасць першай сучаснай беларускай дзяржавы - Беларускай Народнай Рэспублікі. Будзьма беларусамі, са святам!

#БНР #БНР106 #ДзеньВолі

🎩 4 лютага 1746 году нарадзіўся Тадэвуш Касьцюшка, герой нацыянальна-вызваленчага руху ў Рэчы Паспалітай і ў ЗША.

📌  Дапамога Паспалітаму рушэньню📌Сбор сродкаў на плятформе BYSOL

📝  t.me/rushennie_bot
✍️ t.me/vr_kr_bot
📧  rushennie@protonmail.com
🌐  rushennie.org
📷  instagram.com/rushennie
📹  youtube.com/@rushennie
📰  facebook.com/rushenni
🇧🇾🇺🇦🇵🇱