Grafik dizayn — ijod va funksionallikni o‘z ichiga oluvchi murakkab jarayon. Ushbu sohada jamoaning samarali ishlashi ko‘p jihatdan boshqaruv tizimiga bog‘liq. Ammo ba’zan art direktor va kompaniya rahbari o‘rtasida ziddiyatlar yuzaga keladi. Bu holatda dizayn jarayonining har bir bosqichiga rahbarning ortiqcha aralashuvi art direktor va jamoaning ijodiy erkinligini cheklaydi. Art direktor mustaqil qaror qabul qila olmaydi, har bir loyiha rahbarning tasdig‘idan o‘tishi kerak bo‘lib, bu jarayonni murakkablashtiradi va sekinlashtiradi.

Ko‘pincha bunday vaziyatlar rahbarning dizayn jarayoniga oid bilim va tajribasining yetishmasligi sababli yuzaga keladi. Dizayn nafaqat tashqi ko‘rinish, balki strategik ahamiyatga ega ekanligini to‘g‘ri baholay olmaslik jamoa ishiga salbiy ta’sir ko‘rsatadi. Bundan tashqari, rahbar va art direktor o‘rtasidagi maqsad va yondashuvlardagi farqlar tushunmovchiliklarga olib keladi. Har bir qarorni rahbar bilan muvofiqlashtirish zarurati tufayli dizayn jarayoni uzoq davom etadi va bu vaqt yo‘qotishiga olib keladi.

Natijada, jamoa ichida stress va motivatsiyaning pasayishi, loyiha sifatining pastligi, dizaynerlarning ijodiy cheklovga uchrashi kabi muammolar paydo bo‘ladi. Ish jarayonining bunday sustlashuvi kompaniyaning umumiy samaradorligini kamaytiradi. Art direktor esa o‘z vazifalarini to‘liq amalga oshira olmaslikdan norozi bo‘lib, jamoaning faoliyatiga nisbatan mas‘uliyatni to‘liq his qila olmaydi. Bu esa jamoa ichida noqulay muhitni keltirib chiqaradi va uzoq muddatli natijalarga salbiy ta’sir qiladi.

Bunday muammolarni oldini olish uchun boshqaruv tizimini qayta ko‘rib chiqish va har bir ishtirokchining vazifalarini aniq belgilash muhimdir. O‘zaro ishonch va muloqotni yaxshilash orqali jamoa ichida sog‘lom muhit yaratish mumkin. Faqat shundagina grafik dizayn jamoasi o‘z potensialini to‘liq namoyon eta oladi va kompaniya uchun yuqori sifatli natijalar taqdim eta oladi.

@siddikovdesign

#Manipulation #Product #Saberenergy

?"Saber" ichimligi uchun tayyorlangan poster

Telegram | Behance