الشام الشام
من بيك ادور الايام
ومجبور اعله الهزله تنام
بالشام اتصبح مجتوف
ويكعدك صوت الدمام

تعيش اوهام
تحاول تقنع بس شتقنع
وي ذباح اخوانك تطلع
تاليتك تحلم بالخيمه
وتحلم يم ماضيك ترجع

كوه توكف ونت مشدود بحبل
الروس يمك وانته ماخوذ ابهزل

الناكه لوبينه تميل
انطيح من فوكل الهزيل
والأيدة مجتوفه بحبل
بشنو يجلب يالكفيل
&&&&&&&&&&&&&&&&&&&&&&&&

مالك راي.
بكيف الذابح اهلك دمعك
اسولف بس ياهوه يسمعك
تريد اتروح اتشوف الروس
بأول خطوه الخوف ايرجعك

تطلب ماي
يغله الماي وترخص انته
أدنك تخجل تبجي بسكته
الخيل اهنا تتقدر عدهم
وتشرب والتهظم ماضكته

الشام يرفض ينطي زينب مايه
برمح تنطك لو حجيت احجايه

بكلبي تلجم حيل هاي
خيلهم. تشرب الماي
وانه اعطش يالحسين
واصل الكلبي ضماي
&&&&&&&&&&&&&&&&&&&&&&&&&8
اتمر ايام
محروك يتجي المحروك
تلكه الغربه محظره النوك
تتفاجأ تسمع من يمهم
يله امشينه الذاك. السوك

يغث الشام
مدنك بس كلبك مامات
وتسمع من يمهم جلمات
أتعبر الكالو بس التهظم
الوكفه بصف باب الساعات

اباب ساعاتي عشت كلشي نتظار
الكتل زينب شامهم والصار صار
٠
ساعات نوكف عله الباب
عشنه يحسين بعذاب
الاجمتني حسين هاي
يضحك الطالع الطاب
&&&&&&&&&&&&&&&&&&&&&&

تعيش الصار
مسلوب وضعنك نسوان
تحير الحرمه ابلا خوان
تتلفت بس. خصمك يمك
وساعه وتوكف نص ديوان

ادور اخبار
من مذبوح ادور اخبار
اشسويت وهيج انه احتار
ماعندي ويل الوادم جلمه
وحركو فوكي خيامي بنار

درب اضلم والشماته اتعيل بيك
الروس تختاض وترد تلتفت ليك

ذباح اخوتي والصعب
يماشيني وبنفس الدرب
المسلوب خايف يلتفت
ويضحك كباله المنطلب

سجاد عزيز الدلفي

مولاي الحسين ع ومولاي علي الأكبر ع

نمت وياك طول بطول..
يروحي وصاحبي ويبني
شيكسر خاطرك ودكوم
علي شرايك تموتني
يالمعود ابوك اعليك
اعله هاذ الضيم عودني

موهاذه كدرك تكطع ويل العاشروك
علي ارحم كلبي وكعد وكف ابوك

مامعودني انه اجيك
مهدل والطم عليك
عمامتي طاحت وراي
ودوسهم شمسويه بيك
༺༻༺༻༺༻༺༺༻༺༻
علي جلب ببوك وكوم
ورده البيته مايندل
ينراد الجفاك اركاض
وحيلي شويه يمدلل
اذا مدكوم بويه وياي
اشكن ثوبي وتهدل

راح اشكن ثوبي وتهدل عليك
قيس هاذ الصار بيه يصير بيك

نشلع بويه كلب ابوك
صاحبك وحسبني اخوك
الرايده جلب وكوم
لا تعب الصاحبوك
༺༻༺༻༺༻༺༺༻༺༻
أكعد بويه خل انروح
يالاكبر راشده النيه
بزرك مايكوم وياك
الشماته صاحت اعليه 
كوم شبكني ورجع موت
اوكفني اعله رجليه

طحت بويه سندني لا فوكك اطيح
انه اموتن بمكانك ونته كعد ستريح
‏
خيلهم شمسويه بيك
دايره الوادم عليك
طحت فوك من اجيت
وحاضنك وعصر بديك
༺༻༺༻༺༻༺༺༻༺༻
راحو وادمك يحسين
الياهوه اكض ضهري
اليغثني يكلي ابنك. مات
وفراكك بويه مو كدري
متت من كالو ابنك طاح
عدل ومدد ابكبري

بعد ساعه اعطش وجهك جان ماي
وحده ابوك بكربله يضل ماله راي

ديتك يعيرون ابوك
علي هم بالعاشروك
كمت اشوف الدنيه خيل
وبالحوافر هشموك
༺༻༺༻༺༻༺༺༻༺༻
تراضها الشماته اتصيح
وتضحكت وانته ماتنهض
حلاتك طشرتها الخيل
وجفنك سلهم وغمض 
الناس بكثر ما سحكوك
اكض الهوه وما تنكض

الدرب تيهته يالكبر مامعودني جفاك
الوادم تصيح عليه ضال ابنك ابراك

حيل تعبني السكوت
كوم. عيش وانه اموت
لاتحير فدوه ابوك
الهوه مايرضه يفوت
༺༻༺༻༺༻༺༺༻༺༻
قصائد محرم الحرام ١٤٤٥ هجري
سجاد عزيز الدلفي

مولاي الحسين ع ومولاي علي الااكبر ع

ياورده سنيني علي
يكبر يفتشت عيني
ذبلان طولك بالخيم
ويابس شتال اسنيني
اعطش اعيونك والنضر
الطولك علي يحيني
&&&&&&&
ذباحك يناطر علي
يكسر كلب جم حره
ويثكلها ليله
&&&
وفراك يزيد الحزن
مابيه حيل انتضره
ومك نحيله
&&&
رايح وابوك ابروحتك
راح انذبح جم مره
الخطوه ثكيله
&&&&&&&
بويه علي& & كضيت كلبي بروحتك
بويه علي &&ماضنها تنسد عازتك
بويه علي& & تانيني فدوه امروتك
&&&&&&&&&&&&&&&&&&&&&&&&&&
بويه الحرب ماتنأمن
وخايف يسباح الكلب
ويخرب جمالك والزلم
تخلف قوانين الحرب
وهاذه جمالك ينغدر
ومايأتمن دربك صعب
&&&&&&

خايف عليك وماارد
بويه طلب لوينطلب
بس انته غالي
&&&
تدري احبك واليحب
مايرضه ينطيك بحرب
ونسه دلالي
&&&
وانه ادري مهرك ياعلي
بصوب الخصم رايح يطب
ويكثر سؤالي
&&&&&&&

بويه علي &&ماينمشي دربك ذبح
بويه علي& & والخيل بضلوعك تلح
بويه علي &&من ناضري طولك يشح
&&&&&&&&&&&&&&&&&&&&&&&&&&

خايف تروح وماترد
ومنيدي ترحل يكبري
تكسر عشيره لوطحت
ومكسور يبقه خاطري
هوه انه عندي جم علي
وياهوه يترس ناضري
&&&&&&
تكسر عشيره بروحتك
وطيح اخيام وزلم
وصاحب الموت
&&&
والحيره بعدك انولي
وعمك وربعي والخيم
بعازت التابوت
&&&
ومايبقه اليكض الضهر
ومايرف لضعوني علم
وماينسمع صوت
&&&&&&&

بويه علي &&جيتك ركض وتهدلت
بويه علي &&يم جثتك وماصدكت
بويه علي& & بين الشماته اتحيرت
&&&&&&&&&&&&&&&&&&&&&&&&&&

ضامي وجيتك أرتوي
العطشان ياهوه ياعلي
الساني خشبه امن العطش
وبعيد ماي العلكمي
يكسرني بيكم العدو
وخايف عله ابني ينولي
&&&&&&&

الكيت خيل وغايره 
فوك بني تركض تنعقل
ومتغيره الرسوم
&&&
الصوته صايرلي دوه
ال من عنده مالحضه امل
مايكدر يكوم
&&&
اتحيرت وبصفك طحت
نته انه ياهو المنكتل
والذابحه يحوم

بويه علي& & ذباحك يكلي انتكل
بويه علي& & من عده ماضلي امل
بويه علي &&كلشي ابجمالك انشغل
&&&&&&&&&&&&&&&&&&&&&&&&&&
جرحي ولافاده دوه
مخنوك ماشم الهوه
تحيرت رايحلي ضنه
وبايكته مني نينوه
اشلون ارجع  انه وحدي
ومانرد لخيامي سوه
&&&&&

تيهت كلساعه بكتر
اركض وماشوف الدرب
ودروبك اغياب
&&&
ونشدمن وليدي علي
مكسور ودموعي تصب
توك صرت شاب
&&&
هيه الهضيمه والصعب
يدلوني بوليدي الغرب
ياعظم المصاب
&&&&&&&
بويه علي& & فوكك طحت ماهيست
بويه علي &&تعبان يمك مددت
بويه علي& & موگبلي لا گبلك متت
&&&&&&&&&&&&&&&&&&&&&&&&&&
قصائد محرم الحرام ١٤٤٥ هجري
سجاد عزيز الدلفي

انطيني من غيره وهب
وخليني اعيش الحب أدب
من جونك ارزقني عشك
وماستمع من هب ودب
&&&&&&
جونك فهم معنه العشك &&وعاش بمصابه
اليفهم دموع الحب صدك &&يفهم عذابه
جرحك يماشيك بدرب &&مكسور خاطر
واليكضي عمره بخدمتك && اجرحه الخرابه
&&&&&&
من العدم تصنع كلب
بفطره سليمه
والعاشك بكلبه تشب
يوميه خيمه
لا ياكلب انسه الاهم
ونكرها ذاتك
والكربله انطي كلب
جرحه يتيمه
&&&&&&&&&&&&&&&&&&&&&&&&&&&
عشتك جرح طول العمر
من شفتك ابذاك الضهر
وحدك غريب ابلا اهل
وكلبك جريح ومنكسر
&&&&&&
طايح وحيد ومن طحت& & ادور الينصرك
وضهرك خله من اخوتك& & ومكسور ضهرك
السانك يبس من العطش& & ومفطور جبدك
وبسدرك اسهام وطحت& & من فوك مهرك
&&&&&&&
كل الحجي وبلا غسل
ضليت مطروح
وختك عله ذيج الهزل
من يمك تروح
شمنطيك حته اعرف احب
وخادم صرتلك
اليفهم جروح الحب صدك
ايعيش مذبوح
&&&&&&&&&&&&&&&&&&&&&&&&&&&
حدد مصيرك ياكلب
غير ابو الاكبر لا تحب
ومن يمه اطلب دمعتك
فشله الخدمته تنطلب
&&&&&&
الدمعه تغسل كل ذنب &&وطهر الذات
تردني الفطرتي ودمعتي وتعوض الفات
شمتاني ياكلبي انكسر &&وأصدك المولاك
عل الضل غريب ابكربله& & ومتروس طعنات
&&&&&&&
شاف المخيم يلتهب
بنار ورزيه
مابين التل والجمر.
حارت رقيه
شنطيك حته اكدر اسد
ووفي بخدمتي
وخايف يجي يوم انحرم
من العزيه
&&&&&&&&&&&&&&&&&&&&&&&&&&&
اكسر قيود الحب الم
حسينك خذو منه خيم
عطشان ضل وماله اخو
وحاير ب اليطلع السهم
&&&&&&&
ياكلبي لاتبرد بعد.&& وستوعب الصار
حسينك غريب ابكربله &&وبروحه محتار
مستوحده ابروحه العدو& & وحركوله خيامت
ونسوانه طلعت بالفه& &. رعبتهن النار
&&&&&&&
كام ورجع ماضل امل
يحمي بناته
يعينه الله منه تنوخذ
كوه خواته
ويل الخيل ركضن والركض
يكسر عشيره
وما يكدر يرد العدو
أمن امدللاته
&&&&&&&&&&&&&&&&&&&&&&&&&&&

قصائد محرم الحرام 1449
سجاد عزيز الدلفي