Vampir Cullen'lar oilasiga óxshab doim 18 yosh kórinish, órmon bilan óralgan va yomg'ir kóp yog'adigan shaharchada yashash orzularim amalga oshdi. Lekin ularday yuzlab universitetda óqiy oladigan abadiy talaba bólolmasam, istalgan payt boshqa ólkaga surolmasam, ovqat, uyqu, tozalik masalalariga kuniga 12 soatlab vaqt sarflasam — nima foyda?

P.S. Kanalimda Twilight'sevarlar bor deb umid qilaman

• Yangi óquv yilini "endi tartibli, irodali bólaman" deya boshlab, oktyabrda ózingizdan hafsalangiz pir bólishi odatiy hol bólsa

• Ishlaringizni qilishda prokrastinatsiya(keyinga surish), ichki tanqid, hafsalasizlik doimiy hamrohingiz bólsa

"Structure&Flow" kursimni sotib olib, ózingizga mos yechimlar topishingiz mumkin. Ayniqsa, ADHD sindromli kishilarga asqotadi. Kurs shu yilning iyun oyida ótilgan. Yozib olingan video-darslardan ózlashtirishingiz mumkin. Kurs haqida ma'lumotlar: https://t.me/sarvinoz_omonova/1296

Kurs narxi — 700 ming sóm. Faqat 3 kishiga sotiladi (Noyabr-dekabr oylarida yangi potok bóladi).

Murojaat uchun akkauntim: @ps_sarvinoz_omonova

Quyida kursga yozilgan review'larni bólishaman:

Jahl. Ayollar. Kókrak saratoni

"Kimnidir kechirolmaslik — saratonga olib keladi" degan asossiz va zararli fikr aylanib yuradi ózbek internet olamida. Bizda nomutaxassis psixologlarning sharofati bilan "psixologiya" — mentalitetni yanayam mustahkamlash, qurbonlarni yanayam qiynash vazifasini bajaradi.

Hozir Gabor Maté'ning "Tanangiz yóq deganida" (When the body says no") kitobini turk tilida óqiyapman. Jahl hissi va kókrak saratonning aloqasi haqida bobi bor ekan. Shunda yozibdi:

• "1974-yili Angliyada ótkazilgan bir tadqiqotga kóra — kókrak saratoniga chalingan bemorlarda eng kóp uchraydigan xususiyat 'jahlni haddan ziyod bostirish' ekan".

• Tadqiqotlar bir necha ón yildan beri — ota-onasidan hissiy uzilgan holda bolalik kechirgan yoki voyaga yetish paytida boshqa travma yetkazilgan ayollar; avvalambor jahl va keyin boshqa hislarini bostirishga moyil ayollar; ulg'ayganida ruhiy ozuqa beradigan ijtimoiy munosabatlardan mosuvo ayollar; fidokor va óta 'beruvchi' tipdagi ayollar kókrak saratoniga moyilroq bólishini kórsatib kelmoqda".

Kókrak saratoniga chalinganlarning 1%ini erkaklar tashkil qilar ekan va ularda ham yuqoridagi xususiyatlar bólarkan.

Bunday kishilar aslida jahl hissini ózlashtirishi va bu hisni adekvat ifodlashni órganishi kerak paytda — "nafratlangan odamingizni kechiring" degan gapga duch kelishini tasavvur qiling. Bu kasal odamni tezroq óldirishdan boshqa narsa emas.

Jahl hissi — tana va ruhiyatimizni asrab, zarardan himoya qilishga yordam beradi. Shaxsiy chegaralaringiz qayerdan ótishini kórsatadi. Har qanday zarar yetkazgan odam: ota-onangiz-u sevgan insoningizga nisbatan jahl his qilish normal. Zóravonlik qilganlarni hech qachon kechirmaslik normal. Surunkali jahl hissi — bu muhit, bu munosabatlar sizga to'g'ri kelmasligini, siz gullaydigan joy boshqa yerda ekanini anglatadi.

Ba'zida jahlni (noroziligini) ifodalash kishini qiyinroq vaziyatga solib qóyishi mumkin. Bunda hech bólmasa jahl his qilishga haqli ekaningizni bilish foydalidir.

Avtoritet kishilardan separatsiya

Separatsiyaning qiyinroq bir kórinishi bor — bizdan aqlli, bilimli, tajribali, muvafaqqiyatli deb óylagan kishilarimizdan, biror ijtimoiy guruhdan separatsiya.

Separatsiya bólmasak, ular bizni baholashi, tanqid qilishi, maslahat berishiga ochiq bólamiz. Bunday qilishmagan taqdirda ham, ularning obrazi psixikamizdan joy olib, "tanqidchi ichki ota-ona"ga aylanishi mumkin.

Bizdan "teparoq"dagi odamlar tomonidan baho yoki maslahat olgimiz kelsa, buning qanday yomon tomoni bor, deyishingiz mumkin.

Avvalo, "teparoq" odamlar mavjud emas. Har bir odam óz hayot sharoitlaridan kelib chiqib, unikal yólda yuradi. Pomidor bilan qahvani solishtirib bólmaganiday, odamlarni ham solishtirib bólmaydi. "Odam" nomli bitta turga oid mavjudot ekanimiz — bir xil ekanimizni anglatmaydi.

Ikkinchidan, sizni baholamoqchi, tanqid qilmoqchi, maslahat bermoqchi bólgan kishi — sizning imkoniyat va cheklovlaringizdan tóla xabardor bólmaydi. Ayniqsa, psixikangizda bólayotgan jarayonlardan. Uning qaysidir nuqtaga borishiga yordam bergan vositalar sizga umuman yordam bermasligi mumkin. Chunki ham uning boshlang'ich nuqtasi, ham yóli siznikidan farqli.

Albatta, qaysidir ijtimoiy guruh a'zosi bólish ehtiyojimiz bor. Bu guruhdagi kishilar tomonidan qabul qilinishni istaymiz. Lekin hali u guruhga kirmay turib ham, bizni hozirgi holimizcha qabul qilmasliklariga ishonishimiz mumkin. Bu yerda proyeksiya himoya mexanizmi ishlayotgan bóladi. Odam ózini qabul qilmasa, buni boshqalarga ham proyeksiya qiladi va ular tomonidan chetlashtirilayotgandek tuyuladi. Masalan, havaskor bir qóshiqchi boshqa qóshiqchilar oldida kuylashdan qochadi — bunda uni boshqa qóshiqchilar chetlashtirmayapti, ulardan oldin ózini izolyatsiya qilyapti.

Bunday fikrlash tarzi odatda nartsisstik ota-onalarning tarbiyasi tufayli shakllanadi. Ular bolaning individualligini kórmasdan, boshqalar bilan solishtiradi, ayovsiz tanqid qiladi.

Biror sohada professional, usta bólgan kishilarda esa odatda sizni baholash, tanqid qilish, ózgartirish istagini kórmaysiz. Chunki uzun yólni bosib ótgan kishi — bu yólning nafaqat boshqa insonlar tomonidan, balki ózi tomonidan ham takroran bosib ótilishi va ayni manzilga kelish imkonsizligini his qiladi. Ham ózi qilgan qurbonliklar, yóqotishlarni boshqalarga ravo kórmasligi mumkin.

Ayollar qanchalik sadoqatli, olamdan uzilgan, 'uyim-joyim deydigan' bólsa — hammasi yaxshi bóladi deb óylashadi.

Yechim aslida — erkaklarda. Aniqrog'i ularning ota-onasidan separatsiya (ruhan mustaqil) bólishida.

Separatsiya bólgan erkaklar — sevgan ayoliga uylanadi. Sevishib oila qursa — ózaro ishonch kuchli bóladi. Munosabatlaridan kóproq qoniqish oladi. Boshqa ayollarga yeb qóyguday qaramaydi. Boshqa erkaklarni ham uning xotinini yeb qóyishga tayyor maxluqday tasavvur qilmaydi.

Shunday erkaklardan iborat jamiyatda ayollar xotirjam yashaydi, óqiydi, ishlaydi, ózini namoyon qiladi. Baxtli, xotirjam, ózini realizatsiya qilolgan ayol bilan — baxtliroq, qiziqroq hayot kechirishi mumkin erkaklar.

Yóq, separatsiya bólishdan kóra, konservator (rijol deyishadi xalq tilida) erkaklarga — xotinini cheklash, xotinini cheklamaydigan erkaklarni haqorat qilish va ularga odobnoma kórinishidagi videolar olish, foxishalar xizmatidan foydalanish va ularni sókish, oilali ayollar bilan flirt qilish, ózini rashkchi va "haqiqiy erkak" ekani bilan maqtanish osonroq.

#twitterda_aylanib_kelgach

Bugun birinchi marta moybóyoqda portret ishladim. Tabiiyki, oson bólmadi.

Uzoq muddat har yangi yil uchun rejalarim róyxatida "moybóyoqda rasm chizish" degan punkt bólardi. Góyo moybóyoqda ishlashni boshlasam — "haqiqiy rassom" bóladiganday bu reja oldidan hayajonlanardim. Men — "kichkina", moybóyoq esa — "katta" edi.

Keyin "haqiqiy rassom"ga aylanish g'oyamdan voz kechdim. Shundoq ham rassom ekanimni tan oldim.

Moybóyoqda ishlangan suratlarni tomosha qilib, qiziqib yurdim. Qiziqishim tobora kuchayib bordi. Xuddi natyurmort janri ham vaqt ótib jozibali bóla boshlagani singari. Mana endi moybóyoq bilan tanishyapman.

Moybóyoq — boshqa bóyoqlar singari bir vosita. Qobilyatim, didim, gózallik idrokimni ifodalash uchun juda kóp vositadan biri. U menga yoqsa, ishlataman. Yoqmasligi ehtimolini ham qabul qilaman.

Intellektni ishlatish ehtiyoji

Kasbiy inqiroz masalasi bilan konsultatsiyaga murojaat qilgan bir necha mijozimda shuni aniqlagan edik: hozirgi ishida intellekti yetarlicha zóriqmagani uchun hafsalasizlik, prokrastinatsiya, tushkunlik bor edi. Murakkabroq vazifalar haqida óylaganida esa kózlarida uchqun paydo bólardi.

Maslou ham shuni kuzatgan ekan: ba'zi holatlarda patologiya (zerikish, hayot ta'mining yóqolishi, ózidan jirkanish, organizm funksiyalarida charchoq holati, intellekt faoliyatining buzilishi kabilar) — intellektual rivojlangan odamlarning ma'nosiz ishda mazmunsiz hayot ótkazayotgani bilan bog'liq bólgan. "Intellektual rivojlangan, ilg'or, lekin ishlamaydigan kóplab ayollarda intellektual bóshliqning ushbu simptomlari asta-sekin rivojlanganini kórdim. Birorta mazmunli ish bilan ózini band qilish borasidagi maslahatga amal qilganlarda yaxshilanish yoki sog'ayish yetarlicha kóp yuz berardi, natijada esa kognitiv ehtiyojlarning mavjudligiga amin bóldim".

Yangi va murakkab narsalarni órganish — ba'zi insonlar uchun rostdan ham hayotiy ehtiyoj. Buni tushunmaydiganlar ichiga tushib qolib, qiynalib yuradiganlarni kóraman. Atrofidagilar kitob óqish, yangi til órganish, birorta kursda qatnashishni ortiqcha lyuks deb hisoblashadi.
Hatto ózi intellektual faoliyat bilan shug'ullanadigan erkaklar orasida ham ayollarning ishlashiga, karyeraviy rivojlanishiga qarshi bólganlari bor. Bu intellektning yuqori bólishi — psixologik yetuklik/sog'lomlikning darajasi bilan har doim ham to'g'ri proporsional bólavermasligini kórsatadigan holatlardan biri.

Ishi/óqishi tufayli doimiy ravishda farzandi bilan vaqt ótkazmagani uchun ayollarda aybdorlik hissi kóp uchraydi. Bu bilan yaxshi ona bólolmayotganday. Lekin ózini, óz ehtiyojlarini birinchi óringa qóyganida (hech bólmasa butunlay chetga surib qóymaganida) ayol yaxshi ona bólishi mumkin. Albatta, atrofidagilar ham buni tóg'ri tushunsa va yordam berishsa.

Ba'zi odamlar uchun estetik ehtiyojlarning — bazaviy ehtiyoj bólishi mumkinligi haqida yozadi Maslou. "Bu odamlar xunuk muhitda kasal bólishi, chiroyli narsalar qurshovida esa sog'ayishi mumkin; ular gózalikka kuchli intiladi va bu chanqoqni faqat gózallik qondiroladi".

Bu satrlarni óqib, birang yengil bóldim-ey. Estetik ehtiyojlarim meni juda kuchli boshqarishini, gózallikning menga ta'siri juda katta ekanini sezaman.

Ba'zi blogerning storiesini shunchaki estetikadan yiroq bólgani uchun kórmayman, qanchalik foydali ma'lumot berilgan bólmasin. Kitobning muqovasi yoqmasa, sotib olmayman. Qadog'i menga yoqadigan kosmetika izlab soatlarimni sarflashim mumkin.

Ham hayotimni qiziqarli qiladigan, ham qiyinchiliklar olib keladigan ehtiyoj. Bu qiyinchiliklarga roziman?