گلبي بجمر .. يكتب شعر
عالمنذبح وكت الظهر
وعلى الجواد المسموم كل القوافي بحسره

????

تنزف دواوين الشعر لطميات
وابياتهن مثل الخيم محتركات
عالمنذبح وخيول فوكه مسحكات

وبمسمعي .. طور النعي
وشيكضه لوصب مدمعي
بطور الزريجي المعررف من شيخ عبدالزهره

????

وبطور سيد جاسم الماسامع
بالمقتل ومن يقره ليلة سابع
بنفس البواجي على الامام التاسع

المافاهمه .. خل يفهمه
تحضر المجلس فاطمه
وتهل دمعها على حسين من الجواد نذكره

????

تحضر مجالسنه وتهل دمع العين
مات الجواد وعمره خمسه وعشرين
وبلا دفن ظل بالشمس مثل حسين

بالسم گضا .. ابن الرضا
بس جثته مامترضرضا
عالسطح وثلاثة ايام بس منه سالم نحره

????

من ال اميه توارثو ذاك الساس
كلهم بني العباس نفس المقياس
للمهدي مطلوبين دم والعباس

بكرسي الحكم .. جور وظلم
بالتكنلوجيا والنظم
قائم محمد لو ثار عالظالم الله ينصره

????

لثار الجواد يثور وي خدامه
وبالمعتصم يحكم المهدي اعدامه
وبدولته عاشور كل ايامه

بلحن العبي .. وتل زينبي
بكل خطوه من درب السبي
يقراهن المهدي بصوت يم الگمر بالحضره

????

علي حسين المنصوري

نزلة✳?✳

تشهد رايتي .. وسيفي وجربتي
مايمر بيج الضمه .. مايمر بيج
✳✳✳✳✳
عد عينچ امريني يابت فاطمه
كفالج بخيامج لو مر الضمه
وادي الطف وعيونج يسبح بالدمه
لو واحد زعلني متلمني السمه

مثل الزلزله .. اگلب كربله
✳✳✳✳✳
شديتهن راياتي من ضعنج حده
جفيني لحسيني وعيوني فده
شما تكثر ماتگدر توصلني العده
يفنيهم بتاري كل اهل الرده

سبع الگنطره .. وارث حيدره
✳✳✳✳✳
يالحره وبالزهره اقسملج قسم
مايوصل عسكرهم لحدود الخيم
من اغضب يازينب ويرف العلم
احلامج تتحقق واحلامهم وهم

گدامج گمر .. يفديلج نحر
✳✳✳✳✳
يعرفوني وتربيتي من عقد الوله
وصاني بالخوه وبطف كربله
ذاخرني الساعاتهه وخدر العايله
حد موتي وسكينه تبقى مدلله

وفاي الوعد .. ما اخلف عهد
✳✳✳✳✳
علي حسين المنصوري

شور

ابا عبدالله .. اباعبدالله
????
بكربله وكفت ضعون الساده
ابوفاضل ويه اخوته القاده
حرس يمشون ويه ناكة زينب
للاميره الكمر حيهم ناده

يطب للحومه .. شحلاة رسومه
يضوي لزينب .. كمر ونجومه

ضوه الحريه .. ابن بدويه
ونعم من عنده .. اخو العلويه
????
خيّم بطف كربله ابن الزهره
اسبوع وترض الحوافر صدره
بنار شامت تحترك كل خيمه
وطيحة العباس تكسر ظهره

وتضيك انفاسه .. بفكد عباسه
سهم بعيونه .. وعمود براسه

استحه من سكينه .. وشمر جفينه
اخاف تكله .. العطش ماذينه
????
العينه عالحك بالكحل يعمونه
واليحب الله ولايردونه
هاي وادم تكره الله هوايه
حته عبدالله تره يذبحونه

نسوها الرحمه .. جفوها النعمه
العطش بكماطه .. ايتروه بدمه

بحيّل محتاله .. اجت جتاله
بشر ماتعشگ .. محمد واله
????
زلمه مايبقى اليعين ارقيه
بس علي السجاد والعوجيه
بالغرب تحتار زينب بيها
ووالله صعبه قصة الترجيه

زغيره ايتيمه .. تظل بالهيمه
تريد الكافل .. يجيب الخيمه

الذبح ولياها .. بيسر مشاها
العزيزه رقيه .. الشمر بجاها
????
الزهره ع الطاح على المسنايه
مجلسه تدوره ولايه ولايه
تريد كل هذا وانشف دموعي
وهو ياهو الكال ماكو قرايه

لمحرم نحسب .. ليالي ونكتب
الزجيه تلمنه .. بفياي الموكب

عشگ مامنه .. اليطب مجلسنه
اليهل ادموعه .. تعشگه الجنه
????
علي حسين المنصوري

لسفير الحسين (ع??
مسلم ابن عقيل (ع
??????

بأول رساله تعاهد .. من الحسين القائد .. يمسلم
وبمنطلقها الثوره .. الظالم تكّسر ظهره .. يمسلم
@@@
سفير حسين وحسين الختم منطيك
للاصلاح رايه والامر بيديك
يالجنك علي وحيدر علي مربيك
لاتغرك شعارات وهله و لبيك

انته الاديب العالم .. لاتنخدع بالوادم .. يمسلم
بالبايعوك انته ادره .. عدهم ضماير اجره .. يمسلم
@@@
الك شرهم وضح و انكشفت الخطه
وفاهم مايجي وياك ب بحر نقطه
وادم باطله ويه ابليس مرتبطه
تراويك الذهب وتبايعك حنطه

وبعينك انته تشوفه .. واضح غدرها الكوفه .. يمسلم
والشر تبين امره .. لحب الحسين تغدره .. يمسلم
@@
قله من زلمهم لو حجت ترهب
زلم ماعدهم ونسوان التعزب
وباقي الناس بس بصيتها تعجب
الصبح يوفون ويخونون بالمغرب

اتلكتك بس طوعه .. براية وفه مرفوعه .. يمسلم
بدمها الحسين تنصره . وتلعن يزيد وقصره .. يمسلم
@@@
عرشهم والقصر والبالقصر واكثر
عالمعروف تنهي وتامر بمنكر
بعطش خلوك وانته بجفك الكوثر
يهود الأمه هد ذكرهم بخيبر

فزعة علي افزع بيها .. بس الجثث خليها .. يمسلم
والمارووك بكطره .. طلابتهم ويه الزهره .. يمسلم
@@@
اذا الراعي حرامي ووادم بلا حض
بواقع مجتمعها شلون جا تنهض
وياهم مايعيش العنده گلب ابيض
عدهم سهله صدر حسين من ينرض

وراسه برماح ترفعه .. الماكملوها الركعه .. يمسلم
عدهم نوايا خطره .. لحسينك وتنتظره .. يمسلم
@@@@
علي حسين المنصوري

??شــور??

يبوصالح .. يبوصالح
???
يبوالثار تعال وصيح بالثار
على النار صبرنه وتحرگ النار
ولا دار الك ظلت ولا دار
تشب نار لحد الآن الخيام
???
قريباً ظهورك حسب علماي
علامات قدومك صارن اهواي
الك ثار طفل وجفوف عالماي
عليهن اشلون اعيونك تنام
???
وبعد ثار ذبيح الغاضريه
عالرماح خذو راسه هديه
يمهدي ومشت عمتك سبيه
يأذيك يمهدي مجلس الشام
???
على حسين تنوح وتبجي من دم
شگد اجروح دليلك الله يعلم
يملچوم على جروحك تحزم
بفقارك تعال وشد الحزام
???
ولا روح بعد ظلت ولا روح
والجروح تعال وشد الجروح
تتاني يمهدي ليا سبي نروح
يتاماك تعال وسكت الايتام
???
يبوالخير نريد نشوفك بخير
حطب صار عراقك للتنانير
يتانيك يمهدي الشجر والطير
تجينه ويرد بخير الاسلام
???
روايات يحرفون الروايات
والرايات اجنه شكثر رايات
عليهم تعال وصول صولات
يمهدي وعليهم احكم اعدام
???

علي حسين المنصوري

مشاركتي في مسابقة قناديل في زمن العتمة التي اقامتها مديرية الاعلام العسكري لسرايا السلام في بغداد بذكرى استشهاد السيد الشهيد محمد الصدر ونجليه الطاهرين

https://youtu.be/syT6phI3wSA

شمسوي حته تنذبح
يالوجهك احلى من الصبح
كالولي باجر يالولد
راسك يعلكونه برمح
✳✳✳✳
عبدالله يوميه افتتح .. بسمك دعائي وبسمتي
جنك حروف البسمله .. ومضوي وجهك خيمتي
عبدالله لو صار الصبح .. اقراك انه بدمعتي
كماطك ييمه ينكطع .. وانه اموت بحسرتي

قربان ابوگ يقدمك .. والعطش كاسر خاطرك
لو بيك رد عله الخيم .. مذبوح اليه يسلمك
✳✳✳
اشكد سهرت عله المهد .. ومتانيتك للكبر
ست اشهر وياك انكضت .. يوليدي بس جنها شكثر
عبدالله رضعتك وفه .. ومن عمري انطيتك عمر
معقوله ماشوفك بعد .. ويطمك تراب الگبر

تخليني للهم والحزن .. ياوردة الله وتندفن
لوغمضت عينك تره .. مايغمض الامك جفن
✳✳✳
اسم الله عله طولك يالولد .. من هسه كلبي انه انلجم
حرمله متحظر الك .. عنده عله كد عمرك سهم
بعدك زغير على الذبح .. جا وين تتحمل الم
گلبي فكدك يحترك .. ناره مثل نار الخيم

مااظن اهز مهدك بعد .. من ايديه رايح يالولد
تاخذك مني كربله .. من الذبح فكدك اشد

✳✳✳✳
اتهنه يبني بنومتك .. محروس يوليدي بعلي
باجر رقيه تدورك .. وينك يبعد انه وهلي
كاروكك يحركه الهوه .. بارد ومن عندك خلي
الظهر منك ننحرم .. عبدالله اه يمدللي

لو سلمت يمه الشمس .. بالمغرب تضيك النفس
نصلي صلاة الوحشه الك .. يوليدي شيرجع امس
✳✳✳✳
باجر ولا سيد يظل .. من الهواشم بالحرب
جاسم والاكبر والكمر .. متذبحين على الترب
والخيل تسحك والدك .. صدره يصير الهن درب
واحنه ويه زينب ننسبي .. يودونه لديار الغرب

باجر ولايبقى عرف . لا رايه لا بيرغ يرف
وحسين يبقى لوحده .. ومكابل السبعين الف
✳✳✳✳
علي حسين المنصوري