الدنيا صعبة، والزمن اللي عايشين فيه دلوقتي فيه تسارع رهيب في الاحداث.. فبلاش تلت حاجات... بلاش شعور بالاستحقاقية، بلاش سُخط على الاقدار، بلاش جلد ذات... واستبدلهم بتلت حاجات... كثرة الذكر لانها تورث الرضا والاطمئنان... الرفيق الطيب، زوجة او زوج او صاحب.. واذا ما فيش ادعي، ادعي بيهم... لان وجودهم ونس.. و دوام الاجتهاد مع حسن التخطيط مع الخلوة من وقت للتاني... لان الشكل ده من الحياة بيخليك حقيقي مِسَلِمْ وراضي... ربنا يهون على كل مُصاب، ويفتح على كل مُجتهد... يا رب... يا وهاب..

لما تيجى ترفض حد أرفضه بوضوح متعتمدش على البلوك أو إنك تعمل سين وماتردش لا فهمه كويس انكوا مالكوش فرضة مع بعض عشان يروح يشوف حياته ومايتعلقش بقشايه فى الحوار بتاعكوا رحمةً بيه لأن حقيقى بقابل ناس معلقه نفسها بقالها سنين بأمل ضعيف ودا كله لأن اسلوب الرفض مكانش واضح كفايه ، مفيش حد يستاهل يعيش مع كلمه ليه ، فا خليك إنسان محترم وواضح وارفض بوضوح .

“كان عندي صاحب “ عُمر ما كان سهل تبعد عن صاحب معاك بقاله سنين ولا كان سهل تنساه ف يوم ولا اتنين و الاصعب اما يجي يوم و يجمعكم مكان بالصدفه و تتصرفوا اكانكم اغراب كل ده مش سهل اما حد يجبلك سيرته و يقولك صاحبك الفُلاني وانت ترد ب "مبقاش صاحبي" ، مش سهل اما تمسح صوركم اللي بقالها سنين و ذكريات ، عُمر خذلان الصحاب ما كان سهل ولا هيكون الصاحب عُمره ما بيتنسي ب يوم ولا اتنين ولا سنه

" كُنا صُحاب ويعز عليا أقول كُنا" 💔

مينفعش تبقىٰ " حد والسلام " ، لو مش هيتحارب عشانك ومش هيتقال : يا " انت يا بلاش " .. يبقىٰ بلاش فعلًا !

هحاول عشانك بدل المرة الف ..

"مش عادة أتكلم كده، بس بجد أنا في مرحلة صعبة جدًا ونفسيتي في الأرض. أفكار مش كويسة كتير بتيجي في دماغي، ومش لاقي طريقة أخرج منها. بتمنا من أي حد يشوف البوست دا يكتب لي أي كلمة دعم أو تحفيز، يمكن ده يكون السبب إني أقدر أعدي الفترة دي
مش مسامح اي حد يشوف المسدج ويتجاهل
@aj2222221

انا لاول مره يطلع مني كلام زي ده ان انا اكتر حد ف الدنيا حزين ع نفسي انا عمري ما اتمنيت حاجه و اتحققت ولا عمري كنت مخير ع اي حاجه انا دايما بلاقي نفسي مجبور علي اللي انا فيه مع اني مباذيش حد ولا بوجع حد انا يوم ما بأذي نفسي والله بأذي نفسي بس و برده بوجع نفسي ومفيش حد يقدر يتحمل اللي انا اتحملته ع مدار حياتي كلها انا فعلا جميع مراحل حياتي كلها ضغوطات و تعب نفسي و اصبر نفسي واقول بكره هرتاح و لاقي بكره دا مستنيني فيه تعب ومشاكل اكبر اي حاجه بس مكنش موجود ومش اتعب ولا اعاني ولا حس باي احساس وحش

أنا بحب أتعامل مع الناس المحترمة ؛
محترمة في شكلها، لبسها، عقلها، تفكيرها..
اللي بيستخدموا دايماً كلمة :
"آسف - لو سمحت - شكراً - حضرتك" ، اللي بيضحكوا في وشي، اللي في حالهم، اللي بيحترموا الخصوصية، الناس الذوق دول بيفرحوني جداً لمجرد إني بتعامل معاهم !

انت متعرفش حاجه عني حرفيا حط الفڪرة دي في دماغك ڪويس اوي متعرفش اي ظروفي واسبابي متعرفش اي الضغوطات وتعب الأعصاب اللي انا فيه فبلاش تحڪم عليا وحط نفسك مڪاني قبل ما تقول اني اتغيرت وتزعل، لانك ببساطة متعرفش عني غير يدوب شوية تفاصيل بسيطة أو الواضح قدامك مش اڪتر .

عُمري م قولت عن نفسي إني مبغلطش و إني كامل مفيش فيا عيوب ، انا فيا عيوب الدُنيا و متصالح مع ده جداً ، بس برضو انا كبير جداً في نظر نفسي ، يعني محدش ليه الحق إنه يساويني بغيري ولا يقارنني بحد ، لو شايف حد أحسن مني روحله لكن متحطنيش معاه في مقارنه

عُمري ما ندمت على خُسارة شخص أيًا كان هو مين؛ ودا لإني بعمل اللي عليا وزيادة وعندي قوّة تمسُّك باللي قُدامي مش طبيعية، بسامح وبحتوي المواقف وباجي على نفسي ومتصالح مع فكرة إن كل العلاقات فيها مشاكل وعادي نقصر في حق بعض فبلتمس العُذر دايمًا للي قدامي، لكن لما ييجي عليا وقت وأقرر أبعد فدا معناه إن الشخص دا استنفز كُل فُرصه وهو اللي وصل علاقتنا لكدا، وفي الحالة دي مُستحيل أندم على خُسارته بالعكس دا أنا الكسبان لما أبعد عن شخص معندوش أي استعداد إنه يتمسك بيا أو يعمل ليا خاطر.