https://youtu.be/PDJeqYHrYcM?si=aNUXr0r7LAQWhzVc

YouTube

اعذرني يحسين | الرادود علاء الغريباوي

[ اعذرني يحسين] أداء: الرادود #علاء\_الغريباوي كلمات: الشاعر #عبدالله\_الشويلي مجالس شهر محرم الحرام ( العشرة الثالثة) لسنة 1446 هجرية - 2024م ليالي ذكرى استشهاد الامام الحسين واهل بيته وانصاره عليهم السلام عزاء مجموعة عشاق الحسين ع - العراق - الديوانية…

https://youtu.be/ij0C-wIo-XI?si=A4frmgeNoL6NhS8r

YouTube

وكف كلبي || حيدر الفريجي || موكب الامام الباقر الحسيني

الســلام على الـذبيح الــعطشان من نـِعم مولاتنا فاطمة الزهراء صلوات الله عليها الــقصيدة : وكف كلبي الــرادود : حــيدر الـفريجي ​⁠ الـذاكر : محمد الـحصناوي الشاعر : عبدالله الشويلي إنتاج : شركة العطش للانتاج الفني مــجالس شهر رمضان المبارك ١٤٤٥ هـ…

شيرجعه محرم | علي ابو تراب | 1445هـ
https://youtube.com/watch?v=x58Fw4DAsWc&si=R1hlqBQg6xuGKtxz

YouTube

شيرجعه محرم | علي ابو تراب | 1445هـ

***▪***︎ قصيدة : شيرجعه محرم ***▪***︎ أداء : #علي\_ابو\_تراب ***▪***︎ كلمات : عبد الله الشويلي ***▪***︎ ذكر : قاسم ابو تراب ***▪***︎ هيئة دعاء الندبه | 1445 ***▪***︎ المكان : بابل - الهاشميه ***▪***︎ المكساج : عقيل المنصوري ***▪***︎ المونتاج : قاسم محمد ***▪***︎ مخطوطة : حيدر محسن ***▪***︎ تنفيذ #فضه للانتاج…

فتح من الله :: كلمات الشاعر عبدالله الشويلي :: اداء الرادود ماجد الساعدي
https://youtube.com/watch?v=VAPmyQIzYCE&si=0uvCEZXD8PfNys_n

YouTube

فتح من الله :: كلمات الشاعر عبدالله الشويلي :: اداء الرادود ماجد الساعدي

قصيــــــــــدة :: فتح مــــــــــــــــن الله كلمات الشاعر :: عبدالله الشـــــــــــويلي اداء الــــرادود :: ماجد الساعــــــــــــــــدي مكســـــــــــاج :: علــــي الوائلــــــــــــــــــي مونتـــــــــــاج :: محمد باقر عبــــــــــــاس مجــــــــــ…

بوصلة العشگ دخلت بنذار
الموعد بالنجف يم حامي الجار

تتغازل اجدامي ارد امشي بالامي لحيدر علي الدامي حن گلبي الضريحه
يمه العيون تصب موعدنا موعد حب لو نفترض بالجُب ياخذني امنَ اصيحه

منو مثل ابو الحسن اقرب من الابهر
منو شايفله بشر يوگع يمه الاشتر
على الماعنده خبز نلگاه خبزه حيدر
وعلى اعدائه بالحرب هو الموت الاحمر

زلمتنا شهم لا ما نحتار
الموعد بالنجف يم حامي الجار
.
.
.
.
للمايسد بابه ...الطلعني من غابه ...طينتي من اترابه..... وكل الحب والحساس
الغيره الحسينيه ....بگلبي وسواجيه ....طگت وما بيه ...احمل بُعده يا ناس

عدل ميت يم علي ما اگدر اعوفه
ماشوف ابني والأهل بس كون اني اشوفه
بدمي يمشي ابو الحسن ماي بوجهي خَله
عكس كل الحَب أنه جرحي اسمه كوفه

گلبي ما يحب غير الكرار
الموعد بالنجف يم حامي الجار
.
.
.
.
هذا أنه المرتب .....مو مثل كلمن حَب.....بالحُب ولا اتعب. ...ما شفته وعشگته
ما اگدر بدونه ......خلاني بعيونه.....مجنونه مجنونه ......بوجداني كتبته

ولا اشوفه منذهل قيس وكل جنونه
ينسى روحه والهوى لو شايف عيونه
أنه بحبي الهاشمي چم قيس العبرته
صرت عبده منشمل بالطافه الحنونه

وبجاله صرت املك اسرار
الموعد بالنجف يم حامي الجار

.
.
.
.
حي الله اسد خيبر ....الفارس القسور .....صاعقه موت احمر ... بالعركه جفوفه
فقاره المرتب .....يحمر اذا يغضب ...حيدر علي لو طب .....بيها يخلي خوفه

على العركه من يطب من اربع محاور
طلع مثله ابو الفضل لذا دمه فاير
ادخيله يسطر سطر شد الله وثاقه
العدو ما كاتب شطر وحيدر قاده شاطر

يصهر بالرگب بيده الفَقْار
الموعد بالنجف يم حامي الجار
.
.
.
.
حاشا المدليني ...گبره ودرب ديني ..باجر يخليني.....بوحشة گبري وحدي
يحل الوصال وياه .... حتما بكبري الكاه .....ما ينسه من أنساه....حيدر كلشي عندي

يِّضَوي الظلمه غدا من يجبل عليه
وجناح الخدمه يجي وي نوره اليه
يركبني جف علي وياخذني لعظمته
وأنه شاهر دمعتي عالخد للزجيه

وما دامه يجي ما اشوف النار
الموعد بالنجف يم يم حامي الجار

الشاعر عبد الله الشويلي
@AbdullahAlshwaily

أمنية خادم بعد انتهاء الخدمة

خلْصت وانتهت هاي السنة ويالنوح
لچن يبقى الگلب مذبوح عالمذوح
زغير وجانت امنيتي اعله گد گلبي
من تخلَص الخدمه العمر كله يروح

واموتن بالحسينية
شهيد الدمعه والنيه
بگلب محروگ عالضامي
مثل ما ماتت ارقيه

اعله گبري تكتبون مشه وعنده حسره
اعله زينب واهلها بعد بي لطم صدره
على اترابي ما اريد اسم ماي يخوتي
عطاشى لهسه ومهجهم چنها صحره

.
.
.
.
اذا لا سامح الله والسنه الجايه
أخذني الموت منكم واحتزم رايه
ارفعوا صورتي اباب الحسينية
وابچولي اعله زينب وكت القرايه

غطو الصوره بالرايه
لمن تبدي القرايه
بكلت الله ارد ابچي
ما شابع بچي اهوايه

أنه ادري بعيوني بمحرم حنينه
يبچيها الحسين بغربته وآنينه
اذا عايش انعى واريد بمماتي
نواعي يربعي بنبرتي الحزينه

.
.
.

بالسابع الصورة لا تعلگوها
وي چفيّ الدلال الحاره اچفوها
زحمه من الخيم توگع واضل واگف
ويم الماي أبدًا لا تخلوها

حطو الجربه عالصوره
ونبله حمره مكسوره
وراية مشگگه خضره
وخوذت راس مفطوره

أنه الماله موقف اذا ماله دمعه
شرجعه محرم يخوتي شرجعه
خلص شهر الحسين گضت احلى ايام
شعود الليالي حچي گلبي اسمعه

.
.
.
ما شابع طبر بالرأس احس تقصير
اذكروني يربعي بساعة التطبير
بكل عاشر لحيتي مطينه اعله حسين
وعيوني حمر مثل الخدود اتصير

من اسمع نعي الناعي
احس تتكسر اضلاعي
واذا كال الخيم طاحت
اطيح ودمعتي الساعي

رغبتي بحياتي الحسين اشوفه
يرد للعليله وتِقَبل جفوفه
ورضيعه يشربه ويرد ببتسامه
وربابه تحضنه وبعد ماكو خوفه

.
.
.
.
اذا حل المشي بجم خطوه اذكروني
من گبري واصيح وياكم اخذوني
سوولي قبر رمزي بطريق حسين
والزوار خليهم يسحگوني

الزاير لو مشه اعليه
يرضى عني ابو ارقيه
عدل ميت يربعي اني
روحي بالحسينية

خلود اليخدمه يجي بالاطاعه
اليضيع بعبرته يوصله ضياعه
اليدور الحقيقه الخيم كلها واقع
السلك درب الحسين دمعته متاعه

الشاعر عبدالله الشويلي
@AbdullahAlshwaily

ذيج الحياة وهذا الحسين
عالم .... قرر الوين
تمشي.... بدمعت العين

بابين عندك وانت تختار
باب الحسين وباب للنار

بين الخلود وعدمه خيّر مسار القدم
بالدنيا لازم تنچوي لو تنجوي بالخيم
مو عاقل الباع الوفه واشترى دنيا العدم
العباس عاف المشرعه وكله ركض للسهم

وي آل هاشم أنكر الذات
والمات وي حسين ما مات
كون النفس لحسين آهات
شمحله العمر لو يكضي بالخدمه

صفيها نيتك عندك حسين
المن ....ضام العين
افهم ....كلنا ميتين

دارين عندك تمشي يا دار
باب الحسين وباب للنار

.
.
.
.
لو تنسي لو تنذكر بيدك اختار الدرب
ذاكه وهب كلشي ترك واختار عقله الحرب
وعلمنا جون المابچه لحسين ماله گلب
درب الحسين شكد صعب وبس الزلم للصعب

عاين وهب نصراني بس صار
جندي حسيني وغيرته نار
وبرجعته الحر فاق الاحرار
فز الضمير بداخله اورده

انظر العابس شگگ الثوب
ولسه .... ذكره مكتوب
عابس ....رجل مهيوب

شختار شوذب والمن اندار
باب الحسين وباب للنار
.
.
.
.
تخيل يرد بيك الزمن وتحضر حرب كربله
سبعين ألف ضد السبط وسبعين واحد اله
وينطون ملك الري الك بس ترمي وي حرمله
اويه ابو الأكبر تنذبح شتختار يا مسأله

تسمع الصوت امنِ الصواوين
هل من مناصر ينصر حسين
وتشوف ربعه كلها ميتين
ودمعته بعينه ومنحني ضهره

معقوله ما راضي الله وتروح
يمه ... وتوهب الروح
وتالي ....تصير مذبوح

تشوف الشمر وتشوف الازغار
باب الحسين وباب للنار
.
.
.
.
كل البشر تعشگ لچن بس علي حبه صدگ
تحب علي لوما تحب هو الگلب يحترگ
ميثم التمار انصلب والسبب چان العشگ
يا أبا الحسن يا أبا الحسن سلمان گلبه يدگ

وشأخذ من دنياه وشعاف
غير ابو حسين بعينه ما شاف
كل العرب من هيبته اتخاف
من بيت حيدر فارسي اصله

المقداد عاف الدنيا واختار
حيدر...شايب وغار
بالحب..صار تذكار

شايب وصار وغيره ما صار
باب الحسين وباب للنار

.
.
.
.
الدنيا عِله والدوه چف علي وچف الگمر
بحر المتاعب والحزن لا تغرگ بهل البحر
والدمع تذكرت السفر ولابد يحل هالسفر
المجلس متاع الاخره الما لطم صدره خسر

بيوم القيامه انت حيران
اتخيل الزهره تنادي يفلان
انت الخدمت بيت الاحزان
وياي گوم الجنه تنتظرك

الوي الحسين اليوم وياه
باجر....بصفه تلگاه
ومنه....يسمع ال آه

تنصر حسين اتخاوي الأنصار
باب الحسين وباب للنار

الشاعر عبدالله الشويلي

@AbdullahAlshwaily

https://youtu.be/fhRa9MDHesY?si=bSTTlgwMGB56mbzN

YouTube

باب الحسين | الرادود حسام العتابي | هيئة شباب علي الاكبر- العراق - النجف الاشرف- ناحية الحيدرية

قصيدة [باب الحسين ع] كلمات: الشاعر عبد الله الشويلي المكان: هيئة شباب علي الاكبر ع ليالي شهادة الإمام الحسن المجتبى ع 7صفر تنفيذ // شركة فطرس للإنتاج للتواصل مع الحسابات الرسمية للرادود حسام العتابي #facebook :https://www.facebook.com/ profile.php…

https://youtu.be/U7y4aZmWY-Q?si=xrB9EgSGUE0ythL9

YouTube

#فزعه_للمشايه ( الرادود الميرزا احمد الزيادي ) محرم الحرام ١٤٤٥