الشاعر علي مهودر الحمراني
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated 1 year, 9 months ago
Last updated 3 months, 3 weeks ago
قصيده لاربعينيه الإمام الحسين ع
عن لسان السيده زينب ع
اجيتك من بعد غيبه طويله
اجيت من الهظم خويه نحيله
جنت بلشام يحسين
وفريت الدواوين
وصرت بعد الخدر جني ذليله
___________________
صرت بعد الخدر مجتوفه بحبال
وعفتكم علثره وبيه الظعن شال
طال فراگكم خويه عليه طال
واجيت اليوم وارد اشكيلك الحال
واشوفك ضرب الامتون
وبيه الصاير اشلون
الحمل لو طاح بس اهله التشيله..
_____________________
رحت مكسوره الخاطر يمهيوب
وفروني الكفر من صوب الى صوب
عفتك علثره يبن امي مذبوب
مگطوع النحر بلگلب مصيوب
وصدرك داسته الخيل
وشال الحادي ابليل
وماظلي عضيد الاشتكيله
____________________
اجيتك اعتذر منك يمذبوح
وترى لو مو غصب عنك فلا اروح
ردت اگعد واجيم اعليكم النوح
خذوني امأسره ودلالي مجروح
اضمده بيش وايطيب
والراس انترس شيب
واداوي بيش هالروح العليله.
___________________
اداوي ياجرح يبن امي بجفاك
ردت الموت انه وماحصل وياك
ورجعت من الاسر حسبالي الگاك
واسولفلك يخويه الشفته هناك
شفت أحزان والآلام
من طبيت للشام
وراسك علرمح وانه اصتبيله.
___________________
راسك علرمح وادمومك اتسيل
وانه مسلبه ومرهونه الحيل
وگبالي يون علناگه الاعليل
يبن امي ضگت بغيابك الويل
واجيت لگبرك اليوم
ازورنك يمظلوم
الاخو يحيي الاخت من تعتنيله.
_________________
اريد اگعت على گبرك يعطشان
واجيمن طول عمري اعليك الأحزان
يخويه اعليك من رجع التربان
اريد اعتب عليك ومالي السان
عفتك فوگ الاتراب
بدم مخظب اخظاب
وانه بيه الظعن شدو رحيله.
__________________
هظم ياما هظم راووني اعداك
وابقى هناه ماخلوني اوياك
ردت انصب عزيه واگعد انعاك
واخظب شيبتي يحسين بدماك
واحسب جم جرح بيك
واضمدهن واغطيك
واشربك ماي من دمعي الاسيله.
__________________
اغسلنك ردت بدموعي يحسين
واشوف اصواب گلبك نافذ منين
من ايدي ماحصل يافتشت العين
خذوني غصب هالمجرمين
ولو مو غصب ماروح
وعوفنك يمذبوح
وياليله الوحشه شلون ليله.
___________________
ياليله الوحشه وحرگ الاخيام
ابد ماتنسي شما مرت أعوام
فرت من رعبهه اطفال الايتام
وشي طاحت وماتت تحت الاقدام
وأنه اشگف بديه
غريبه ابهل مسيه
وغير نوح ماعندي وسيله.
__________________
بقلم الشاعر المرحوم علي مهودر الحمراني
قصائد المشاية
قصائد السبي
قصائد السيدة رقية ع
كل هذا واكثر تجدونه في هذه القناة
https://t.me/+_uuVITC_f45iZDky
قصائد المشاية
قصائد السبي
قصائد السيدة رقية ع
كل هذا واكثر تجدونه في هذه القناة
https://t.me/+_uuVITC_f45iZDky
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated 1 year, 9 months ago
Last updated 3 months, 3 weeks ago