شن الامور ؟

كوز سريع على المتبـاينات والدوال 📌.

هيي جربو روحكم في الكوز 👀

• السلام عليكم، ياريت توسعوا بالكم معانا وتفهموا الكلام سواء طلبة ولا غير الطلبة ?**.

-أول شيء نتمنوا جو الأخبار الحصرية يوقف في دفعتنا وما حد ينزل خبر غير مؤكد أو أي كلام مش ضروري، قبل ما تنزل فكر هل حـنفيد الطلبة بشيء ولالا.

-ثاني شيء كلام الدكاترة في المحاضرات موجود في قنواتهم كل الطلبة مدايرين إنضمام ويشوفوا فيه زي ما يشوفوا في مناشيرك مش لازم تعاود تنشره، لأن الدكاترة أكثر من مره يكلموا فينا على الموضوع عادي نوسعوا بالنا ونديروا كيف ما يبوا مش خاسرين شيء.

-ثالث شيء لو زميلك مثلاً غاب ولا ما شافش الكلام خبّره في الخاص وساعدوا بعضكم عادي ما تشدوش العلم على بعض لكن النشر على العام أكثر من دكتور يقوللنا ما نبيشي فخلاص عادي نوقفوه مافيش مشكلة بإذن الله.

-ياريت ما حد يزعل ولا يحساب الكلام عليه لأنه أصلاً أغلبنا وحتى أني يلي كتبت المنشور كنت انزل في أخبار المنهج هلبا ولكن طلع هذا الشيء مش ل مصلحتنا ابداً...

-كل يلي نبوه إنه ما نخلوش سبلة لحد يقوللنا أنتم السبب، فا لما تلقوا حد منزل شيء من اللي ذكرناه ياريت تفهموه إنهم مش ضروري ينزله أو ماتساهموش ف نشره سواء منزله طالب أو أستاذ.
• موفقين وشكراً ع تفهمكم ?.**

شوية وبنزل كوز ع الدوال الاسية واللوغارتمية منغير خيارات يعني كل واحد يبعت الحل وشوية وانزل بعدها الحل انا تمام??‍♀️? ؟!

الحمدلله بعد ما مشي هالسيم ع خير وكل واحد تنسب ل كليته وزي ما وعدتكم قتلكم بنفتح قناة ل رياضة 2 وحينزل فيها المنهج كامل ومجاني ❤️. هذا رابط القناة ??: https://t.me/math2elfitoury أسال الله ان يوفقنا في باقي مسيرتنا و ان يعيننا في بداية خطوات مستقبلنا ❤️.