قصيده شور إلى مولاي إلامام الكاظم ع

حادي الظعن مر الهله خليهم يودعونه

ياحدي  الظعن  مر بثناياهم
تراى المسموم ظل عمره يترجاهم
هظول اهله الهواشم كون تنخاهم
ينشف الريج لو مراك  طرواهم

جده الحسين ابركربله ماوصلته الخياله
حادي الظعن مر الهله خليهم يودعونه

دوم اهواء  العزاء  وما امل منه
شيعنه النعش وعيوني يربنه
على المسموم اجر ونه بآلاف ونه
نعش ابن الزجيه جفوف شالنه

غرب وحيد بلا ولي وسم صبح جتاله

حادي الظعن مر الهله خليهم يودونه

حكي نزف دمع وانا الكلب هايم
ثلث تيام ظل فوك الجسر نايم
ترى تفطر الكلب يمصيبت الكاظم
خل يحجي اليريده ويظحك الايم

هدمته حيلي منلطم وعيوني الك هماله

حادي الظعن مر الهله خليهم يودعونه

هارون  وزمرته  ما يعرفونه
ومن كثر السناسل غيرو لونه
ما بيهم حميه ولا يرحمون
وين اهله وعمامه ما يحظرونه

مجتوف وبطن السجن خاف ويشد عيونه
حادي الظعن مر الهله خليهم يودعونه

اريد  انشد  ياخوتي يالتشيعونه
خبر واحد  اظنكم  ما تعرفونه
الكاظم ياهو يمه يغمظ عيونه
بس عدوان بالكاظم  يدورونه

مابين حيطان ربعه محد يغمظ عيونه
حادي الظعن مر الهله خليهم يودعونه

حزنان السويد دموعه  هماله
نظر مطروح محد غسله وشاله
دكتور المسيح الواكف كباله
جيبو هله وعمامه وجيبو عياله

الدكتور صاح على النعش وين اهله تطلب ثاره

حادي الظعن مر الهله خليهم يودعونه

ابو هاجر المجراوي

قصيده الى مولاي الامام الكاظم ع

بدمع وهموم ***  وكلب مهظوم
نشيع الكاظم الليله
انشيع الكاظم الليله

ياهو اليعتني لأرض المدينه يروح
الكاظم على الجسر ظل النعش مطروح
لايمه كرابه  ولا  بناته تنوح
من كثر السلاسل كل كتر مجروح

بلايه خوان *** ولا دفان
ناس الغربه تبجيله
انشيع الكاظم الليله

موسى الكاظم وجده النبي المختار
هذا اطيب نسب من حيدر الكرار
عليه جار الزمن وادري الزمن دوار
ليش بلا ذنب وسط السجن محتار

عمر مسجون  ***بحكم هارون
ماكو والي يشكيله
نشيع الكاظم الليله

سجان السجن ما خاله رازونه
ولو شفتوه الكاظم ما تعرفونه
عده انصار لاجن ما يزورونه
غريب وماكو ناس تغمض عيونه

وحيد ومات *** شبع حسرات

المنيه خلصت حيله
نشيع الكاظم اليله

أمام من الطفوله من الصغر عالم
وبحب الرسول وعترته هايم
خلص عمره وحياته بالسجن صايم
يهز حته السجن من يسجد الكاظم

تعب هارون *** وليحرسون

الكاظم سجدته طويله
انشيع الكاظم الليله

بنص ليل  وسجن خلصهن سنينه
وما بطل دمعها ولا نشف عينه
على حسين ورظيعه كثر ونينه
من خلفت محمد ما ترك دينه

جميع انسان  *** الك حزنان
نعشك عيني تربيله
نشيع الكاظم الليله

ابو هاجر المجراوي 07807808421

قصيده الى لامام الكاظم ع

(على لحن هاذا الغريب منين )

بسمه تعالى المستهل 👇

فوك الجسر ياناس شاب الكلب والراس
انا الرضا ومهموم
ياويلي عالمسموم
ياويلي عالمسموم
فوك الجسر يا ناس شاب الكلب والراس

ساعة فراكك جبيره وانا بديار الغريبه
كلفت عليه المسافة ويتعب الظيع حبيبه
عالجسر ماكو كرابه هيجي ما مرت مصيبه
عذبت حالي اليالي بويه والراح شيجيبه

انشد ودور خبار ماكو عرف لاجار

يم الجسر يمشون
وعلى النعش يبجون

فوك الجسر ياناس شاب الكلب والراس

بالسجن عشت اليالي والبعد طول عليه
وروحي مشتاكة الحظرتك ياوكت نكعد سويه
من البعد ظليت اعاني بويه يالكلك حمية
خابت ظنوني على فكدك عالجسر طايح رميه

فكدك يهد الحيل  من دم دمعتي اتسيل
دار الزمن وياك
وماكو رحم بعداك

فوك الجسر ياناس شاب الكلب والراس

هم شفت  غربه بحياتي  بس لجن لتظن نسيتك
وطارش الخبرني عنك هملن عيوني ونعيتك
وحسره ظلت في دليلي  بويه ما ودعيتك
مكيد بذيج السناسل عالجسر لمن لكيتك

شفتك جسد مطروح من كل كتر وجروح

لاناصر ولاخوان
وبوليت العدوان

فوك الجسر ياناس شاب الكلب والراس

يصعب فراكك عليه بويه ما يحصل مثيله

الغالي يالكلك محنه والهجر ما بيه حيله
كل شخص يحظرله والي ويقراء عد راسه العديله
بالبعد ظليت اعاني وانا بدروب الطويله

كلبي شكثر مالوم من شوفتك محروم
كل ساعه الك يشتاك
ما بيه حيل فراك
فوك الجسر ياناس شاب الكلب والراس

من السجن لو سم شربته هيجي متغير جمالك
عيوني ما بطل مطرها عالجسر عذبني حالك
شيعيتك من  وصلتك وكل كلب مؤمن بجالك
ولو يصح بيدي اعوفك وادفنت حالي ابدالك

جنك غصن ريحان طايح بلا دفان

لامن شهر لايوم
خلص عمر مظلوم
فوك الجسر ياناس شاب الكلب والراس

ابو هاجر المجراوي
07807808421

قصيده نزله سريعه إلى مولاتي الزهراء ع

شكثر ناس بلا حساس
رادو يظيعوها  
وراء الباب الصحاب الزهراء من ظلموها

تبقين انتي علراس     معلينه  بحجي الناس
يالزهراء الزجيه

خليهم يلومون     وشكال عنه يجون
متهمنه ال اميه

ثابت حبنه  لدين       نخلص الم الحسين
شيعه ورافظيه

علموت نمشي ومنفوت    نصرخ يا علي بصوت
منهاب المنيه

**
الصحاب بلا داب الزهراء ما رحموها
وراء الباب الصحاب الزهراه من ظلموها

رغم الدوسه ولدار    صارن من النصار
ما همج حقدهم

الوذ ردنه بحماج    وياج كنه وياج
صدكي ما نودهم

خرجو من السلام  يعرفهم ابو الثام
ولدين كله ظدهم

باجر نرفع سيوف   كل العالم يشوف
ثارج ندري عدهم

النبي كال بالقوال وصيه الج نكروها
وراء الباب الصحاب  الزهراه من ظلموها

والله يا ام الحسين   اسمج كرت العين
عد خير البريه

اقسم بالضحى ونون   لجلك خلقو الكون
غير انتي الزجيه

اليدعي  ويذرف   دموع  فورن صوته مسموع
من تمسي المسيه

لينعد من النصار   ابدن ما تجيه نار
وبزودج وفيه

دوت نار بلكتار لو يصح سموها
وراء الباب الصحاب الزهراه من ظلموها

كبرج ما لكينه     بس شخصج عرفنه
شرفتي المدينه

تشهد بنتج ام عون    كلشي يمج يهون
من الطفج علينه

يرتاح بسمج انسان   لو جان عمره تعبان
يالمتي حزينه

التقدير كله ولزود   يمج هذا موجود
من لطفج  علينه

بلسهام ولرماح العتبه من داسوها
وراء الباب الصحاب الزهراه من ظلموها

ابو هاجر المجراوي
07807808421

يالزهرءا مو مال فراك
لعيونج بساع اشتاك
اجلي السفر يا يمه
مابيه وحمل لجمه
لعيونج بساع اشتاك

كسر الكلب ما ينجبر شل الحال
وعيوني تجري على الوجه هماله

وليفكد امه من الصغر يبقه وحيد
وبس الحزن طول العمر يحلاله

وانا الفكدت امي بعمر ثلث سنين
وجدامي تمشي ويا نعش تبراله

مابيه حيل الفركتج وانا صغير
سهام البعد وسط الكلب جتاله

لو سولفو طاري ظلوع
انا الحسين ابجي دموع

فراكج صدك ماذيني
وطولج رسمته بعيني

لعيونج بساع اشتاك

ظلمه المنازل والدرب راح النور
والزهره راحت ياخلك من عدي

حسباتي كثرن ولوكت شل الحال
كل حسبه تاخذ بالكلب وتودي

روحي الحزينه تمرمرت من النوح
محتار اناشدمن بقيت الوحدي

مر  الصبر  ما ينحمل يا دنياي
ولايم افكد المشت ما يدري

من الزمن شفت شكال
وبعدج صدك شل الحال

بغربه الوكت خلاني
وانا الحرت بحزاني

لعيونج بساع اشتاك

غطاني حزني وما شفت راحت بال
وشال الفراح يوم المشت غاليتي

يا دنيه كافي من الهظم ولجمات
شاب الكلب شعدج  بعد خليتي

ظليت اناطر بالدرب لمته تعود
مارد خبر يوم الجفت من بيتي

ما بيه حيل انكل جدم راح الحيل
وي امي راحت يا زمن عافيتي

من الحزن واللجمات
ورده وذبل غصني ومات

ديره وخلت وياها
كل عمري ما انساها

لعيونج بساع اشتاك

يم الحنان وسلوتي طولج ظاع
وانا انتظر منج خبر لو جيه

انشد عليج بكل كتر حته الباب
ومتاني طولج بالدرب يوميه

وين الكه مثلج بالخلك يم حسين
يم الرحم يم الوفاء وحنيه

عالفركه ماضل كل صبر بالدلال
يصعب علي ليل الهجر مابيه

ذكره البقت شيله وثوب
يمه البعد ما مرغوب

ليل اليمر سهريته
ودم الجفن بجيته
لعيونج بساع اشتاك

فراشج ليكيته وما شفت طولج بيه
وظليت اعاين كل كتر واتنطر

وتذكرت يام الحسن ليل الفات
وكلبي الترف من الحزن يتفطر

فراكج جبل ما ينحمل وانا صغير
يمه وغلاتج عالبعد ما أكدر

ياساعه اشوفج يا وكت وتردين
خلصته لجمات الوكت واتحسر

بطاريج اتذوب الروح
وتفرغت بس للنوح

يالعشتي وسط عيوني
عنج فلا يغيروني

لعيونج بساع اشتاك

ابو هاجر المجراوي

(قصيده لطميه  الى مولاتي الزهراء ع )
بسمه تعالى
              المستهل ?

اصيحن ونحب ابعبره
سلاماً يمه يالزهره  سلاماً يمه يالزهره

يمه آنه الحسن  مشتاگ اشوفنج
ابنج    يالعزيزه   وما امل  منج
ما جان اعله بالي ابساع اودعنج
جوه تراب  صعبه اشلون اعوفنج

دمعه اتسابگ ابدمعه
سلاماً يمه يالزهره

طفت من بيتي يمه بروحتج شمعه
عليج ابجي وصب دمعه ابثر دمعه 
صوتج  يمه ظاع  ومحد  يسمعه
بعد ما ظن تجينه وهم الج رجعه

وگول الراح شيرجعه
  سلاماً يمه يالزهره

اصيحن بصوت  وينج يمه  يالزهره
اويلي اعله الظلع ومصيبته وكسره
كلبي يون  عليج  وخنگته  العبره
الظالم داس  بابج ما عرف قدره

كلب ابنج نفذ صبره
  سلاماً يمه يالزهره

دارج   ظلمه  يمه من  جفيتيها
وروحي وياج من رحتي اخذتيها
عليج ابجي بدمع وعيوني اعميها
العزيزه امي  ابگبر ما بيه  خليها

راضي بقسمته وقدره
سلاماً يمه يالزهره

تربي اعيوني يمه اعله الدرب وينج
وعيني من الصغر ما فارگت عينج
من اسنيني ردت يندار  لسنينج
وحدج بالگبر جا ياهو اليعينج

دليلي اتحير بأمره
سلاماً يمه يالزهره

الى خادم الزهراء ع الشاعر ابو هاجر المجراوي
07807808421

ابو ذيه ملمع
اخوي الشافته عيوني قد حماي
النهر بس ما شرب منه قد حماي
فهل تدري الجمر بعدك قد حماي
جدامي وخربط دروبي عليه
ابو هاجر المجراوي

ابو ذيه
يون الكلب ليل نهار بيداي
وحرت ما تنكطع وبعيد بيداي
كلت يحسين اجيبن ماي بيداي
احس عطشان بعدك علوطيه
ابو هاجر المجراوي

قصيده الى الامام الحسن العسكري ع

المستهل
يومك مثل يوم حسين يالعسكري ما ننساه
لازم يجي ويطلب ثار ولمهدي نطلع وياه

نطلبها ناس الطغيــان
سبي الحرم ولرضعان

سامره تشهد عالصار من فجرو گبته عداه
يومك مثل يوم حسين يالعسكري ما نتساه

لازم تمر ساعت فرح ونصيح كلنه البيعه
يثبت قوانين العدل ونوافق بتشريعه
نتحزم بسيف وعلم ولمهدي امره انطيعه
وجبريل يصرخ بالسمه منصوره كل الشيعه

ونصول صولات حسين
عالــذله ما تغفه العين

ارض وسمه كلها اتصيح مولاي اكحل عيناه
يومك مثل يوم حسين يالعسكري ما ننساه

يالمهدي گبت العسكري عدك علم ظربوها
والناس كصدولك مشي بنص الدرب ذبحوها
ظلمو ابوك العسكري وزيارته منعوها
لسموه في ذاك الزمن الزوار هم سموها

اتحملنه يالمهدي اهواي
يا يـــــــوم تظهر مولاي

گام الزمن بينه يدور وهذا الوظع ما ترظاه
يومك مثل يوم حسين يالعسكري ما ننساه

سامحنه يابن العسكري زودنه الك حسراتك
كل جمعه نوگف عالدرب ونتبع اثر خطواتك
يالمهدي لاتبطي العجل كثرن ترى ثاراتك
هم فجرونه اهل الحقد الشتمو گبل عماتك

تحملنه يالمهدي الجور
يذبحونه اليروح ايزور

ولراح بالحظره يطوف يظيع وبعد ما نلكاه
يومك مثل يوم حسين يالعسكري ما ننساه

جمر المصيبه الما طفه من فجرو گبره وطاح
كل شيعي ما غمض جفن لسامره شد حيله وراح
ما نقبل بهذا الفعل ولا واحد ابيته ارتاح
ظلمه صبحت كل السماء وما مر علينه المصباح

بگبر الحسن گمنه انطوف
ما همنه تفجير وخـــــوف

نفديك بالدم ولروح وسمك نذوب ابطرواه
يومك مثل يوم حسين يالعسكري ما ننساه

انظر علينه بنظرتك يالمهدي لتخلينه
حته الكبر هم ما سلم ومصابكم يأذينه
وشما كصه وجار الزمن منعوفكم تدرينه
انريدك تجي يالمنتظر بجفوفك تحامينه

تخلصنه من الاشرا ر
ومن الخيم تطفي النار

يرجع شكو واحد مات وعباس ترجع يمناه
يومك مثل يوم حسين يالعسكري ما ننساه

الى خادم اهل البيت ابو هاجر المجراوي

تظامنأ مع ستشهاد الامام الحسن العسكري ع
قصيده الى الامام المهدي المنتظر  عج

بسمه تعالى
المستهل
اجرحك سيدي صبح ومسيه
ابدي  بيا ذنب  يالمهدي بيه
تعبت  هواي *العفو  مولاي
ياذيك الحجي يابن الزجيه
اجرحك سيدي صبح ومسيه

بكلبك جروح** شكثر  سيدي  يابن  الحسن
من مصايبنه وحجينه حكهن عيونك بجن
جني  اعلم يابو  صالح   كلبك بعازت وطن
تنتظر ساعت وعد   وتظهر  اتغير  الزمن 

اشوفك وين***  ياماي العين
خلص عمري انتظر ترجع عليه
ياذيك  الحجي  يابن  الزجيه

اعتذر   منك   ياغالي  ولعفو   يالمنتظر
عذبيتك  يا امامي   وعرف إيأذي  القهر
انا محسوب على ربعك وعيشيتك بالخطر
سيدي تسمع كلامي وعالحزن كلبك صبر

احس كل يوم* تجيك علوم
وجيبلك  ذنب بجفوف  اديه
يأذيك  الحجي  يابن  الزجيه

اخريتك يا ب**و  صالح  واعتقد  عدي  السبب
انته تنظرلي وتعاين  وانا احس كلبي خشب
يعينك الله على المصايب سيدي وذاك التعب
تذكر حسين وذبيحه الراد  ماي  وما شرب

وانا بكل يوم***  اجيب هموم
واجّمل حزنك وعظم الرزيه
ياذيك الحجي يابن الزجيه

انا اكولن انته امامي  بس  لجن  عنك بعيد
انته محزن على  يتامه وانا بثيابي  الجديد
انته دم تبجي على ناسك وانا ابوكلب الحديد
انته حر تريدني ابقه  وانا عا يش بالعبيد
اعاشر ناس** تذم عباس
وتحجي على الشريف البيه حميه
ياذيك الحجي يابن الزجيه

ادري تعلم ي**ابو صالح تخلص الدنيه وتزول
منك ومن الله حاير  شعتذر يمه  وشكول
اقبلني خادم يامامي توسلك بسم  البتول
ارد توبن يم حظرتك  ولعمر يحلاء ويطول

اريد انخاك *وظل ابرجاك
تسامحني وشوفك يا مسيه
ياذيك الحجي  يابن الزجيه

الى خاد اهل البيت ع** ابو هاجر المجراوي