الى اخوتي الذين ادعوا لهم بالتوفيق وحسن العاقبة واوصيهم التزود بخير الزاد وهو التقوى وخدمة اهل البيت عليهم السلام .. لا تنسوني بالفاتحة والدعاء في هذه الليلة
اخوكم من دار البقاء الى دار الفناء رسالتي اليكم
دمتم بخير وعافية وعمر في خدمة اهل البيت عليهم السلام طويل
اخوكم زيد

الى اخوتي من اخيكم زيد في دار البقاء حيث جوار الله واهل بيته الاطهار عليهم السلام الى دار الفناء اقول لكم تزودا فان خير الزاد التقوى ... لا تنسوني بالفاتحة والدعاء واهداء الصلوات
اخوكم زيد

الرحمة والغفران لشاعر المنبر الحُسيني زيد عدنان الزيدي

وفي ليلة الجمعة

اللهم أرحم من توسدت أجسادهم
الأكفان وأجعل قبورهم خير مسكن تغفوبه أعينهم حتى تقوم الساعة وارحمنا إذا صرنا إلى ما صاروا إليه .

**الليلة الجمعة
ارجوا قراءة سورة الفاتحة لروح المرحوم

زيد عدنان ..

ولكم الاجر والثواب**

حسين ااااه حسين ااااه
**قصه حبيبي التلجم كلبي واشما يذكرونه انجرح
بنار الخيام امضولي دربي يرشدني راسه من الرمح

وينك بكل شده الكاه لو صحت
وينك يلاكيني بيده اشما طحت
وينك بس بضريحه امنت

امن اكصد ازوره احسن حضرته
بيتي وملاذي بنوره وكبته
نعمه الهي عليه امحبته
اميتم بناته وهاديني حضنته

كلب امي شايل دومه يحبني كلبه عليه من الخطر
عاشك عزائه الماحارمني لجرحه دموعي والنظر

عايش بالمجلس اتنفس دمع
عايش شمحلاها لحسين انوجع
عايش كون الله يرزقني الجزع

كون الدموع الاصبها من دمه
يستاهل ابنج روحي فاطمه
غير اعله امودي اضلوعه امهشمه
واشفافه مفطورات امن الضمه

عطشان اجي المجلس واتروه ابذكره أحس ماي العذب
بنص الصحاري نايم هوه جم يوم اله فوك الترب

اصرخ يالنايم بحر الشمس
اصرخ اشيوجعك كلي شتحس
اصرخ ياخافر اشساحك نفس

جاوب عليه اليوجع ياجرح
سهم الغدر لو ساعات الذبح
لو سبي نسوانك اعله الهزل
لو نحرك مخلينه اعله الرمح
*
جم طفله رادت منك حضنه حضن الابو خلوني اشم
الجابك عليها يضحك جنه راسك يبوها كله دم

صاحت هو الضحك مو مرجله
صاحت للراس طفله مدلله
صاحت اه يامصايب كربلا

ياعمه نعمه وسالم منحره
شويه الملامح بيه متغيره
صح ماعرفته وشفته امفطره
الخيل اسحكت كل اضلوعه تره

جمره خيامك تسري بروحي لا مايطفيها اللطم
امنيتي اعيش انه اويه اجروحي وتحركني وحده من الخيم

اسمع كوم الحك بصوت الحرم
اسمع حركوها يحسين الخيم
اسمع طكت اضلوعك والالم

مجلس عزائك بالصرخه انمله
شعظم المصيبه احا ياكربله
للغربه صاير مجلسك وطن
واليبجي دمعه اعليك اتسجله

زيد عدنان الزيدي

**چف العباس وياچ
الشمر ادخيلج ناداچ
العسكر ظل يترجاچ
بت علي بت علي

سالم يزينب خدرچ
مضرب امثال بصبرچ
لو طالب الله بنحرچ
تنطينه ابلا خوف

محد گدر لضعونچ
اعله الله مشه وعيونچ
وحدچ وله يعوفونج
الكافل دز اچفوف

كفيلچ خليلچ مشه وياكم سوه
بچفوفه نشوفه ضوه گايد ضوه

امشي وتلگينه افياي
كافل خدرچ وفاي
راسه الضعنچ حماي
بت علي بت علي

ياهو السمعلچ نبره
زينب اصيار الزهره
عالتل اجدامچ خضره
حضره بجدمچ صار

عباس عاش بذاتچ
چنچ علي بنظراتچ
وفوگ الرمح اياتچ
تلعن بالكفار

خيالچ وحالچ مليك من السمه
بكلامه وسلامه تخصچ فاطمه

وگلچ هيچ الاحساس
بعينچ شفت العباس
هاي الخوه شتنقاس
بت علي بت علي

جيشه دخيلچ ناده
جنوده وچبير القاده
ادخيلچ يعمت الساده
حارو شيسوون

والشمر مات بدمه
چن علي يمشي يمه
ما يفك حلگه بكلمه
خدرج هيبت كون

جليله العقيله اكسرت ظهر المحن
عمرها ونظرها فدتهن للضعن

قادت ضعن الايتام
بيهم تسحگ علشام
سلطانه ابدون اخيام
بت علي بت علي

مابقت فوگچ خيمه
واخوان الچ بالهيمه
المثلچ يموت بضيمه
لو ذن بالاحلام

يابسملة كل ايه
متطيح بيدچ رايه
بالعبي اندگت ثايه
من طبيتي الشام

بحجابچ خطابچ نكسر حچي الزلم
قصرهم ظلمهم بكلامچ ينهدم

گلتي يعيشك بالخوف
راس الماعنده اچفوف
بس عيد لگلته وشوف
بت علي بت علي
*
زين العباد اشويه
مو من مقامك هيه
امريّه وترد امريّه
وفنه يرد احچاي

هم تعرف اصلك انته
جدك منو تارثته
المثلك ولا قدرته
اعليك امريه اهواي

احذرك واذكرك انه بت حيدره
بقتلهم وذبحهم اضل مخدره

ونشوف ياهو اليندم
سيفك لو هذا الدم
هيهات لا ما اهزم
بت علي بت علي

زيد عدنان الزيدي

حُسين شلونك ابحر الشمس
حُسين شيوجعك كول شتحس
اجيتك خويه دليني
راسك وينه حاجيني حُسين حُسين *المصيبه غريبه. الليله يغالي
اجيتك. وادور ظلمه الليالي

مشيت ورافكتني ال اه اطيح بمشيتي بحسره
باجر من بعد عيناك الخلك تكتلني بالنظره
راسك ينظر اعله الحال تمشي مجتفه الحره

حُسين جسمك يضل ع الترب
حُسين شفت حافر بالكلب
اكلك يانظر عيني
راسك وينه حاجيني
حُسين حُسين* يوسفه وكلفه ماعندي خيمه
احتركنه وچوتنه. ولمتنه هيمه

اطفالك والحرم يحسين. ركضن والخيم شبت
من لا جاره صحت اعليك. الجيش خيولهم هجمت
واهي الماعدها والي اشلون. بين الجيش لو ضلت

حُسين يادوه يطيب الجرح
حُسين عبر ظهرك جم رمح
السهم ذبلهن اسنيني
راسك وينه حاجيني
حُسين حُسين* الهضيمه امن اشبكك خاف انه اوجعك
واشوفن حوافر ويلي اعله ضلعك

دمك غطه رجل الخيل لمن داست بصدرك
بركبتك جم سهم مكسور. شفتك شابكه بنحرك
عطرك بالذبح من فاح كلها اتنفست عطرك

حُسين اشفت منك مو جسم
حُسين اسهام واتراب اويه دم
هذا انت التِباريني
راسك وينه حاجيني
حُسين حُسين* احيرن شلمن جسمك تطشر
واشوفك. خيمنه وبصحره خدر

التوجع وين ابوي وهاي كسرت ظهري من جيتك
شيكومك ترد وياي. اهواي اتفكدك ابنيتك
شكل للحرم خويه حسين ميت هيج تاليتك

حُسين الضعن باجر بالسفر
حُسين الليل اجه وماهو الكمر
اشمن عطره خليني
راسك وينه حاجيني
حُسين حُسين** اروحن واعوفك واحمل ءالام
يخويه ضعنكم يمشي للشام

اويانه يروح بس راسك وارفع راسي بالكوه
من اشوفك كمت ما اميز اكولن هوه مو هوه
زغيره الدنيا وانه امشي. اويه وادم ما الها امروه

حُسين اولا غفه جفن الضعن
حُسين انت جنت النه وطن
يالفكدك مبجيني
راسك وينه حاجيني
حسين حسين*

رزق مولاي يقية الزهراء عج زيد عدنان الزيدي

وفي يوم عيد الاضحى اسعد الله ايامكم بطاعته وانتظار ولي امره الحجة بن الحسن عج واتمنى ان يبعثني الله يوم ظهوره لاجاهد بين يديه وتكون لي كرّةً اخرى لاراكم فيها ... لا تنسوني بالفاتحة والدعاء
اخوكم زيد عدنان الزيدي