ركزو فيها

تفرجو على الفيديوهات ☝?☝?هاذم قصيرات وفيهم افكار على اسئلة ممكن تجيكم في الامتحان و شارحة ليكم كل شي مهم وافكار جديده حتى اسئلة الباب شارحتها ?

شوفوهم وشوي تاني نديرلكم كويز على سريع ??

1|الاكسدة والاختزال ركزو ع التعريفات متعم عاودوهم مرة اتنين عشرة مش للحفظ ...لا افهموه لان هو الاساس ويلي بتحلو بيه
______

2|وعندكم اعداد التأكسد اهني هلبا يخافو منهم
دقيقة اوخيي/ وخيتي تعالو نبيكم??‍♀️
راهو لو تبو تمشو صح فيهم اعرفو التكافؤات لكل عنصر وهادو يبو حفظ" والباقي معادلة رياضية عادية وتطلع رقم تأكسد العنصر .
وحاجة نبي انبهكم عليها ان يعطيك مركب ويبي فيه عنصر معين وح يقولك وينه ليبيه ف السؤال نفسه.
اهني العنصر المطلوب لما بتجي تكتب المعادلة نزله بالرمز متعه وباقي العناصر نزلهم حسب حفظك لأرقام تأكسدهم. وعندكم كذلك لما المركب زي (mno مثلا) تكتب الابلة في نهايته تكافؤ سواء -2-/1 الخ...
اهني راهو هيا مش عاطياتك عدد تكافؤ لواحد من العناصر الموجودة اهني قصدها ان المعادلة كلها =-2 ع سبيل المثال
ولما مانلقو شئ ح نديرو =صفر
_____

3|الاكسدة عامل مختزل والاختزال عامل مؤكسد ماتجيش تتلخبطو فيهم وتقولو ان اكسدة ف اكيد هيا عامل مؤكسد من اسمها ووو ?
مستحييل مش ح تمشو كودام هكي ?
اعرفوهم ان عكس بعض وخلو الدرجة في الجيب?
___

4|المعادلة الايونية امشو ب مبدأ خط الاعداد يسااعد هلباا من النص صفر ع يمين موجب وع يسار سالب➡️⬅️
من سالب للصفر يعني كان مكتسب الكترون ورجع عنصر في حالته العادية (عملية فقد e) على طول ديروها اكسدة
لو من الصفر للسالب كان في حالته العادية واكتسب (عملية اكتسابe) ديروها اختزال
من موجب للصفر كان فاقد ورجع على ماعطاه ربي?(لحالته الاولى) اهني (اكتسبe) وعملية اختزاال ?
من الصفر للموجب لابيه لاعليه لقي روحه مفلس(فاقد e) عملية اكسدة
___

5|جتنا معادلة اكسدة واختزال واحني نبو نكتبو فوقها ياصفر يا +2 +1 وهكدا
كيف نعرفو نرقمو مش نحلوها؟!
اول شي ف اي معادلة ح تلقو ف المتفاعلات عنصر بروحه مكسد وتلقو مركب يعني زوز عناصر صحاب جنب بعض والنواتج نفس الفكرة
يلي بروحه?‍♂️معناها نديرو عليه صفر
ويلي صحاب? يشبهو بعض "كيف يايقين؟! لان لو عرفت واحد ح تعرف تلقائيا التاني مثلا الاول +1 التاني على طول -1 لان اي مركب لازم مايطلع بصفر واهني سلمولي ع المعلومة هادي لو نسيتو شن تكافؤ واحد منهم?
___