#qonunbilan **?‍?‍?Ota-onalik majburiyatlarini bajarishdan bo‘yin tovlashlik deganda** — ota-onalik burchlarini uzluksiz ravishda bajarmaslik, o‘z bolalariga qanday bo‘lmasin g‘amxo‘rlik qilmaslik tushuniladi. Bolalarning yoshlariga qarab ota (ona)ning har bir aniq holatdagi harakati (harakatsizligi) bola uchun uni halokatga olib keladi. Masalan, chaqaloqni taomlantirmaslik, och saqlash.

**?Aliment to‘lashdan bosh tortganda** bu fakt sudning hukmi bilan tasdiqlanishi shart emas. Aliment to‘lash, o‘z bolalarini moddiy ta’minlashdan doimiy ravishda qochishga uringanligiga ishonch hosil qilishlikning o‘zi kifoyadir. Xulosa esa sudning hukmisiz ham alimet to'lamagan ota yoki ona ota-onalik huquqidan mahrum qilinishi mumkin.

**?*?‍?Uzrsiz sabablarga ko‘ra bolasini tug‘uruqxonadan va boshqa bolalarni davolash profilaktika va o‘quv-tarbiya muassasalaridan olishdan bosh tortganlik tug‘uruqxona va bolalarni davolash profilaktika va o‘quv-tarbiya muassasasi komissiyalari tomonidan tegishli tartibda rasmiylashtirilgan bo‘lishi lozim. Ya'ni tegishli tartibda rasmiylashtirilmagan va amalga oshirilmagan tashrif natijasida huquqiy oqibat yuzaga kelmaydi deyishimiz mumkin.***

**?‍?‍?Ota-onaning o‘z majburiyatlarini bajarishdan bo‘yin tovlaganliklari** ularning bolalarining ma’naviy tarbiyasi, jismoniy rivojlanishi, ta’limi, ijtimoiy foydali mehnatga tayyorgarligi to‘g‘risida g‘amxo‘rlik qilmaganligida namoyon bo‘ladi.

**?‍?Ota-onalik huquqini suiiste’mol qilish deganda** — bu huquqlardan bolalarning manfaatlariga zid ravishda foydalanishni, masalan, o‘qishiga, jamoat topshiriqlarini bajarishiga to‘sqinlik qilishni, tilanchilikka undashni, uni spirtli ichimliklar va narkotik moddalar iste’mol qilishga o‘rgatish, jinoyat qilishda, jinoiy yo‘l bilan daromad topishda voyaga yetmagandan foydalanishni tushunmoq kerak. Ayniqsa bugungi kunda tilanchilikka jalb etish holatlari amaliyotda juda ko'p uchramoqda. Statistikasi esa mavjud emas yoki men topa olmadim. Sizda mavjud bo'lsa yuboring. Biz uchun qiziq.

**?‍♀️Bolalar bilan shafqatsiz muomalada bo‘lish** jismoniy va ruhiy qiynashda, tarbiyalashning yo‘l qo‘yib bo‘lmaydigan usullarini qo‘llashda, bolalarining insoniy g‘ururlarini kamsitishda va hokazolarda ifodalanishi mumkin.

Agar bolalarga nisbatan ota-ona emas, balki oila a’zolari shafqatsiz muomalada bo‘lsalar, bolaning ota va onasi bunga qarshilik qilmasalar, bunday ota-onalarning ota-onalik huquqlari Oila kodeksining 83-moddasiga muvofiq cheklanishi mumkin.

**?Ota-onaning surunkali ichkilikbozlikka yoki giyohvandlik kasaliga uchraganligi tegishli tibbiyot xulosasi bilan tasdiqlangan bo‘lishi kerak.** E'tibor qarating, tibbiy xulosa mavjud bo'lmasa huquqdan mahrum qilinmaydi. Bunday asos bilan ota-onalik huquqidan mahrum qilish javobgarni muomalaga layoqati cheklangan deb topilganligidan qat’i nazar, amalga oshirilishi mumkin.

**?Bolaning hayoti va sog‘lig‘iga qarshi ota-ona tomonidan qasddan jinoyat sodir qilish o‘ta og‘ir va jamoat uchun xavfli hisoblanadi. Bunday asoslarga ko‘ra ota (ona)ni ota-onalik huquqidan mahrum qilishga faqat *sudning hukmi bo‘lgandagina yo‘l qo‘yiladi.

Unutmang, farzand - eng oliy ne'mat!***@MuniskhonLawyer

#savolimbor ***1. Assalomu alaykum! Ota-onalik huquqidan mahrum qilish tartibini tushuntirib bera olasizmi?

1. Otalikdan vos kechsam bo‘ladimi? Shunda aliment to‘lashdan ozod etilamanmi?

2. Turmush o‘rtog‘im bilan ajrashganmiz. Lekin shunga qaramay chet elga sayohatga chiqmoqchi bo‘lsak, doim undan ham rozilik arizasi olishimizga to‘g‘ri keladi. Biroq u har doim ham atayin rozi bo‘lavermaydi. Rozilik olmaslikning iloji bormi?***

Yuqoridagi kabi savollar bilan so‘nggi paytlarda ko‘p murojaat qilishmoqda. Bu esa bola manfaatlariga aloqador va oilaviy nizolarning yetarlicha ekanligidan dalolat beradi.
Ota yoki onalar otalik yo onalikdan vos kecha olishmaydi. Sababi qonunchlikda bunday tushuncha mavjud emas. Ular ushbu huquqlaridan mahrum qilinishlari mumkin. Bu esa faqatgina sud tomonidan amalga oshiriladi.
Ota-ona (ulardan biri) Oila kodeksining 79-moddasiga binoan
✅ota-onalik huquqidan o‘zlarining aybli xulq-atvoriga ko‘ra, agar ular ota-onalik majburiyatlarini bajarishdan bosh tortsa,
✅shu jumladan aliment to‘lashdan bo‘yin tovlasa,
✅uzrsiz sabablarga ko‘ra o‘z bolasini tug‘uruqxona yoki boshqa davolash muassasasidan, o‘quv-tarbiya, aholini ijtimoiy himoyalash muassasasi va shunga o‘xshash muassasalardan olishdan bosh tortsa,
✅ota-onalik huquqini suiiste’mol qilsa, bolalarga nisbatan shafqatsiz muomalada bo‘lsa, jumladan jismoniy kuch ishlatsa yoki ruhiy ta’sir ko‘rsatsa,
✅muttasil ichkilikbozlik yoki giyohvandlikka mubtalo bo‘lgan bo‘lsa,
✅o‘z bolalarining hayoti yoki sog‘lig‘iga yoxud eri (xotini)ning hayoti yoki sog‘lig‘iga qarshi qasddan jinoyat sodir qilgan bo‘lsa, ota-onalik huquqidan mahrum qilinishi mumkin.

Yuqorida sanab o‘tilgan asoslardan biri mavjud bo‘lmasa, ota-ona – ota-onalik huquqidan mahrum qilinmaydi. Ota-onalik huquqidan mahrum qilinmagan ota-onalik bolalar tarbiyasida teng ishtirok etish huquqiga ega bo‘lib, farzand chet elga ota yoki onadan biri bilan chiqsa, albatta, ikkinchisidan rozilik arizasi olinadi. Ushbu amaliyot bolaning manfaatlarini ko‘zlagan holda joriy etilgan. Ba’zi ota yoki onalar bolalarini olib, doimiy yashash maqsadida mamlakatni tark etishlari va natijada davlatda qolgan ota-onadan biri bolasini ko‘ra olmay qolishi, hatto uning ketganligidan boxabar bo‘lmaslik holatlari yuzaga kelishining oldi olingan.

Ota-onalik huquqidan mahrum etilishi aliment to‘lashdan ozod etilish, - degani emas. Huquqingizdan mahrum bo‘lganingiz bilan majburiyatingizni bajarishingiz shart. Ota-onalik huquqidan mahrum qilingan shaxsga bolalari uchun tayinlangan pensiya, pul yordami va boshqa to‘lovlarni, shuningdek uning foydasiga undirilgan alimentlarni to‘lash to‘xtatiladi (masalan, xalq tilida “bolalar puli” olishdan mahrum etiladi).

?‍?‍? Ota-onalik huquqidan mahrum bo‘lgan ota-onalar qanday huquqlarini yo‘qotadilar? Ular quyidagilar:
⭐ bolasini voyaga yetguncha tarbiyalash,
⭐ uning manfaatlarini himoya etish va unga vakillik qilish,
⭐ bolasini boshqa shaxslardan talab qilib olish,
⭐ voyaga yetgan bolalaridan aliment olish,
⭐ ular vafot etgan taqdirda pensiya bilan ta’minlanish,
⭐ bolalarining mulkiga voris bo‘lish huquqlarini va boshqa huquqlarini ham yo‘qotadilar.

Eng asosiysi esa FARZAND ISHONCHI, MEHR VA MUHABBATINI YO‘QOTISHADI, O‘Z HARAKATLARI OQIBATIDA ULARDAN O‘ZLARINI MAHRUM QILISHADI!!!

@MuniskhonLawyer

“Ўзбошимчалик билан эгаллаб олинган ер участкаларига ҳамда уларда қурилган бинолар ва иншоотларга бўлган ҳуқуқларни эътироф этиш тўғрисида”ги қонун матни

Jamiyatdagi eng og'ir nuqtalardan biri - hali hamon ayollarning ojiz ekanligidan foydalanish holatlari ko'pligi.

Kundalik yangiliklar ayollarning maishiy zo'ravonligi, ularning qiynoqqa solinishi, o'limidan iborat bo'lib qolganday.

O'qisangiz erkak tomonidan ruhiy, ma'naviy, jismoniy va jinsiy zo'ravonlikka uchraganlarning o'zlari javobgarlikka, eng kamida esa o'z yaqinlari tomonidan ta'na va dashnomlarga uchrayotganliklarini guvohi bo'lasiz. Shunda tabiiy savol tug'iladi: har doim shunday bo'lganmi (ijtimoiy tarmoqlar rivojlangani uchun endi biz ham boxabar bo'lyapmizmi) yoki haqiqatda so'nggi yillarda bu holatlar ortdimi?!

Jamiyat erkak va ayoldan iborat. Ayollarni tarbiyalashda ota, aka, tog'a, amaki, bobo ham ishtirok etadi. Ularning ishtiroki mavjud yoki mavjud bo'lmasligi taqdiri azal deymizmi yoki ularning o'z tanlovimi? Tushundingiz degan umiddaman.

Ayol gap qaytarmasa kaltak yemasdi, ayol aqlli bo'lganda shu holatga tushmasdi, - shu kabi ayblovlar doim ayollarning zimmasida bo'lgan. To'g'ri ayol - tadbirli bo'lishi lozim. Biroq erkakchi?!
Bugungi erkaklarning ba'zilari mahramiga qo'yayotgan talablariga munosib harakatni amalga oshirishayotganmikan?! (Yangilik: er ishlamaydi, xotinini ishlatadi, biroq rashk qilib, pichoqlab o'ldiradi).

Onasiga qarab qizini ol, - degan maqol bugungi jinoyatchilar nazarida "qizini o'ldirdingmi, onasini ham o'ldir", deganday yangramoqdami, bilmadim (Yangilik: erkak qaynonasi va xotinini o'ldirdi).

Aslida erkak bu jinoyatlarni sodir etib o'zini, o'z kelajagini o'ldiradi! Buni esa hamma ham tushunmaydi.

Yozadiganlarim ko'p, biroq hozircha bir jumlani ta'kidlamoqchiman: jajji qizingiz ham Ayol bo'ladi!

Nikoh shartnomasi va nikoh guvohnomasining farqi, er-xotinning huquqiy maqomi haqidagi video!

https://www.youtube.com/watch?v=maTXiGr8LVM

YouTube

Uy-joy bilan ta'minlash borasidagi imtiyozlar

Assalomu alaykum, Sizni qiziqtirgan barcha savollaringizni https://t.me/probonouz\_bot o'rqali TDYU Yuridik klinikasiga berishingiz mumkin! 0:00 - Kirish. 0:11 - Subsidiya nima? 0:43 - Subsidiya olish uchun murojaat. 0:59 - Subsidiya olish uchun hujjatlar.…

#ijodimdan

Moda boʻldi PhD,
Men ham bir yoqlay dedim.
Shuncha olgan bilimim
Oʻzim chun oqlay dedim.

Ilmiy ishni yozdim ham,
Kulgu ila koʻzda nam.
“Pudratchim“ yoʻq har qalay
Shunga xarajatim kam.

Kamchiliklar yetarli
Taqrizchilar koʻp boʻldi.
Va nihoyat, izlanish
Himoyaga qoʻyildi.

U kunda hayajon bor,
Hursandchilik va qoʻrquv.
Aʼzolar ham turlicha,
Biri sodda, biri quv.

Oqibatda Doktorning,
Savoliga tushunmabman.
Himoya etikasi
Nima oʻzi demabman.

Yaxshilikka hammasi
Boʻlmadi “hech” eʼtiroz.
Gapimning poʻst kallasi
Tashakkur sizga USTOZ!!!

@MuniskhonLawyer

#savolimbor
***Assalomu alaykum. Qizim boshlang'ich sinf o'quvchisi bo'lib, sinf rahbari hadeganda pul yig'averadi, remont deydi, shkaf deydi. Ta'lim berishimga aralashmanglar deydi, yoqmasam bolangizni olib keting deydi. Shunday holat qonunchilikda mumkinmi?

Javob:O‘zbekiston Respublikasi Konstitusiyasining 50-moddasiga ko‘ra, Davlat *bepul umumiy o‘rta ta'lim va boshlang‘ich professional ta'lim olishni kafolatlaydi. Umumiy o‘rta ta'lim majburiydir. Maktabgacha ta'lim va tarbiya, umumiy o‘rta ta'lim davlat nazoratidadir.

Ushbu qoida “Ta'lim to‘g‘risida”gi Qonunda ham aks ettirilgan. Ushbu Qonunning 47-moddasida ta'lim oluvchining huquqlari keltirilgan bo‘lib, unda bepul talim olish huquqi alohida aks ettirilgan. Ko‘rishimiz mumkinki, bepul umumiy o‘rta ta'limni ta'minlash davlat zimmasida. Har bir bola umumiy o‘rta ta'limda sifatli bilib olish huquqiga egadir.

Yuqoridagi Qonunning 51-moddasiga binoan, voyaga yetmagan ta'lim oluvchilarning ota-onasi va boshqa qonuniy vakillari bolaning o‘qishi, tarbiyalanishi, jismoniy, ma'naviy va intellektual rivojlanishi uchun mas'uldir. Ushbu normada voyaga yetmagan ta'lim oluvchilarning ota-onasi va boshqa qonuniy vakillarining huquqlari keltirib o‘tilgan, ularning ba'zilarini sanab o‘tamiz:
✅ ta'limning mazmuni, qo‘llanilayotgan ta'lim va tarbiya usullari, ta'lim texnologiyalari bilan, shuningdek o‘z bolalarining o‘quv fanlarini o‘zlashtirishi natijalari bilan tanishish;
✅ ta'lim oluvchilarning huquqlari va qonuniy manfaatlarini himoya qilish;
✅ ta'lim tashkilotlari bilan hamkorlik qilish, ta'lim-tarbiya jarayonini takomillashtirish, moddiy-texnika bazasini rivojlantirish, ta'lim tashkilotlariga xayriya yordami ko‘rsatish bo‘yicha takliflar kiritish.

Yuqoridagilardan xulosa qilish mumkinki, ota-onaning o‘zi maktab uchun xayriya ?ishlarini amalga oshirish borasida taklif kiritadi. Xayriya masalasini maktab direktori yoki sinf rahbari talab qilishga huquqi yo‘q. Shuningdek, ota-onalar ta'lim jarayoni hamda ta'lim usullari bilan tanishish huquqiga ega.
“Pedagog xodimlarning maqomi to‘g‘risida”gi Qonunga ko‘ra, o‘qituvchilar quyidagi huquqlarga ega:
♻️ zamonaviy pedagogik texnologiyalarni, o‘qitish va tarbiya vositalarini hamda usullarini erkin tanlash va ulardan foydalanish;
♻️ pedagogik faoliyati davomida o‘ziga biriktirilgan ta'lim oluvchilarning bilimini mustaqil baholash;
♻️ o‘z kasbiy faoliyatiga g‘ayriqonuniy ravishda aralashuvdan himoyalanish;
♻️ ta'lim oluvchilar va ularning ota-onalari (qonuniy vakillari) tomonidan pedagogning kasbiga hurmat bilan munosabatda bo‘lishni talab qilish va boshqalar.

Shuningdek pedagoglar quyidagi majburiyatlarga ham ega:
♻️ o‘quv mashg‘ulotlarini o‘quv mashg‘ulotlari va davlat ta'lim standartlariga muvofiq sifatli o‘tkazish;
♻️ ta'lim-tarbiya jarayoni ishtirokchilarining sha'ni, qadr-qimmati va ishchanlik obro‘sini hurmat qilishi va qonunda belgilangan boshqa majburiyatlar.

**❗O‘qituvchining belgilangan majburiyatlarni bajarmaslik holatlari aniqlangan taqdirda, ta'lim oluvchilarning ota-onalari (qonuniy vakillari) maktab direktori, o‘quv ishlari bo‘yicha maktab direktori o‘rinbosari yoki pedagoglarning bilimi hamda ko‘nikmalarini baholash sho‘basi bosh metodistiga shikoyat arizasi bilan murojaat qilishlari mumkin.**@MuniskhonLawyer

Микроқарз ва кредитлар: фоизлар нега бунча юқори?
Ёхуд йиллик 65 ёки кунлик 0,3 фоиз миқдорда фоиз тўлаш шарти билан микроқарз ёки кредит ажратиш инсофданми?

? Батафсил

Сайт | Telegram