المبسوط بجد مش فاضي يغيظ حد ويثبت له إنه مبسوط أكتر منه
الشاطر بجد مش فاضي يحسس غيره إنه أشطر منه
اللي في علاقة حلوة بجد مش فاضي يوصل لغيره قد أيه هو مبسوط في العلاقة
اللي متونس بناسه بجد مش فاضي يوصل لباقية الناس قد ايه هو متونس
اللي فاضي ده فاضي من جواه.. مش حاسس بأي حاجة جواه.. وعشان يقنع نفسه بأي حاجة.. بيحاول يقنع غيره الأول
ماتركزش

حقيقي الواحد بيبقا مبسوط أوي وفرحان اما يلاقي ناس من غير آي سبب او مقدمات تقوله انها بتحبه وبتحب وجوده ، كلامه ، ملامحه ، صُحبته ، أو إن حد يقولك"علفكره فُلان حبك جدًا وقال عليك كذا وكذا "، أو إنك تلاقي حد بيدعيلك ويفرحك بدون أى مقابل ويتمنالك الخير ، فكره إن فيه ناس بتحبك ومتقبلاك بكل عيوبك حتى وانت فـ اسوأ حالاتك وتحاول تجبر بخاطري وتفرحك دى لطيفه أوي بجد.

**يعني ايه أمي تكون ع خلاف مع شخص وتعيط أو يتحرق دمها بسبب حد وانا اروح للشخص ده اسلم وابوس واحضن ونتكلم واضحك ف وشه!!

إزاي اشوف حد من اخواتي اتأذي جامد من شخص وهما قاطعين معاه وانا ابني صداقة وصحوبية ونخرج سوى!

حبيب حبيبي حبيبي، وعدو حبيبي أشد أعدائي، ولا يمكن أصفالك ولو جبت لي نجمة من السماء وانت مزعل حد يهمني**

فضلت تشتغل وتهلك نفسك فالشغل حياتك الاجتماعية باظت والناس اتعودت علي غيابك ومبقاش ليك حد ، طب لو حاولت تظبط اجتماعياتك هتلاقي الشغل بيبوظ منك ، احنا في مصر بقت حياتنا الاجتماعية بايظة وشغلنا بايظ ونفسيتنا بايظة ،راضيين والله بس مرهقين جدا الحمد لله .

لو بتحاسب نفسك دائماً وضميرك بيأنبك وتزعل لما تعمل حاجة غلط أو تقصر مع حد أو تزعله أو ترتكب ذنب، وتفضل تلوم نفسك وتحاول تصلح، فانت إنسان طيب قلبك حي وفيك خير كبير وصاحب نفس لوامة.
الناس اللى قلبها مات، بتبقى متصالحة مع الخطأ والظلم والضرر للغير، يرتكب جرائم طول النهار في الناس ويرجع ينام زي الجيفة مش فارق معاه ولا في دماغه.
اللى وصل للمرحلة دي، يحاول يحيي قلبه من جديد لأنه ضايع!

أبكي عليٰ نفسِي وعليٰ ما فعلَتهُ الدُنيا بِي وبقلبي، فلا أنا أنا ولا قلبي قلبي، كأنّي تجردتُ منّي تمامًا، وأصبحت إنساناً لا أعرفه .

ربك شال ناس من حياتك لانه شاف وسمع اللي انت لا شوفته ولا سمعته .

بنعيش أيام صعبة وتقيلة، تجربة نفسية وحياتية جديدة على البشر في العالم كله، الاكتئاب بيحوم حوالين معظمنا، الخوف من حوالينا متشاف كأنه خيوط سودا محاوطة البشر، الكل متوتر، حتى أكتر واحد ظاهرلك مبتسم وثابت ممكن يكون بيتحامى في الابتسامة من قلق بياكل فيه من جواه.. ده وقت مينفعش فيه تضغط على حد قُريب منك ولو بالعشم، صعب جدًا حد يقدر يستحمل إيذاء معنوي بأي شكل في الوقت الصعب ده، لو تقدر تهوِّن، تطيِّب خاطر، متبخلش.. لو متقدرش، يبقى سيب كل واحد في حاله وادعيله ربنا يقويه على شيلته.

بقيت متصالح جدا اني معنديش صحاب ، أو الاصح اني بعد ٢٥ سنه معرفتش اختار صاحب بجد أو صاحب وقت ضعفي الاقيه او حتي يسأل عليا بسؤال بسيط ، عدي شهر واهلي في الحج ربنا يجيبهم بالسلامه بس في الشهر ده بقيت خايف اموت أو اتعب محدش هيحس اني حصلي حاجه ، هو مره تعبت فعلا بس ملقتش غير ابويا وامي اللي بيكلموني ولما حاولت اخبي عرفوا عرفوا اني مش بخير وبقوا قلقانين برغم أنهم بيني وبينهم سفر بس كانوا مطمناني ، وبجد ومن كل وجعي بعد ما اهلي يرجعوا بالسلامه مش هيبقي ليا نفس اقعد مع أشباه الزملاء دول ، كانوا كل حياتي بجد كنت بنزل معاهم دايما ويوميا نخرج ونقعد علي القهوه ونلعب بلايستيشن ونتفرج ع ماتشات وكنت معاهم في كل المواقف الخاصه بيهم ، بس حاليا انا مش لوحدي انا معايا اهلي ربنا يخليهم ليا ومش محتاج حاجه من الدنيا غيرهم ، برغم كل البوستات والكلام اللي بنزله بس ده اصدق بوست خارج من قلبي بجد ، ومش عارف طيبتي ممكن تخليني اقف معاهم تاني ولا لا بس هحاول ادوس علي تربيتي وحبي ليهم ومش هيشوفوني في اي حاجه ، الواحد مش زعلان عليهم قد ما زعلان علي عمره اللي ضاع في مكان غلط .

‏ وإنما الرفيق من الرفق أُخذ و الصديق من الصّدق كان ، و إني ضامن ضمّ كلاهما فيك