𝑨𝑺𝑺𝑨𝑳𝑶𝑴𝑼 𝑨𝑳𝑨𝒀𝑲𝑼𝑴...
𝑺𝑨𝒀𝒀𝑰𝑫𝑼𝑳 𝑨𝒀𝒀𝑶𝑴 𝑱𝑼𝑴'𝑨𝑵𝑮𝑰𝒁 𝑴𝑼𝑩𝑶𝑹𝑨𝑲 𝑫𝑼𝑶𝑳𝑨𝑹𝑰𝑴𝑰𝒁𝑫𝑨
𝑨𝑳𝑩𝑨𝑻𝑻𝑨 𝑩𝑰𝑹 𝑱𝑼𝑴𝑨𝑵𝑮𝑰𝒁 𝑴𝑨𝑫𝑰𝑵𝑨𝑰 𝑴𝑼𝑵𝑨𝑽𝑽𝑨𝑹𝑨𝑫𝑨 𝒀𝑨𝑵𝑨 𝑩𝑰𝑹 𝑱𝑼𝑴𝑨𝑵𝑮𝑰𝒁 𝑩𝑨𝒀𝑻𝑼𝑳𝑳𝑶𝑯𝑫𝑨 𝑩𝑶𝑳𝑺𝑰𝑵 𝑫𝑬𝒀𝑨 𝑸𝑶𝑳 𝑶𝑪𝑯𝑨𝑴𝑰𝒁 𝑺𝑰𝒁𝑮𝑨 𝑺𝑰𝑿𝑨𝑻 𝑺𝑨𝑳𝑶𝑴𝑨𝑻𝑳𝑰𝑲 𝑶𝑰𝑳𝑨𝑽𝑰𝒀 𝑩𝑨𝑿𝑻 𝑻𝑰𝑵𝑪𝑯𝑳𝑰𝑲 𝑻𝑶𝑻𝑼𝑽𝑳𝑰𝑲 𝑻𝑰𝑳𝑨𝒀𝑴𝑰𝒁 𝑺𝑰𝒁 𝑫𝑼𝑶𝑳𝑨𝑹𝑵𝑰𝑵𝑮 𝑬𝑵𝑮 𝑮𝑼𝒁𝑨𝑳𝑳𝑨𝑹𝑰𝑮𝑨 𝑳𝑶𝒀𝑰𝑸𝑺𝑰𝒁.....
𝑨𝑺𝑺𝑨𝑳𝑶𝑴𝑼 𝑨𝑳𝑨𝒀𝑲𝑼𝑴 𝑽𝑨 𝑹𝑶𝑿𝑴𝑨𝑻𝑼𝑳𝑳𝑨𝑯𝑰 𝑽𝑨 𝑩𝑨𝑹𝑶𝑲𝑨𝑻𝑼𝑯....

*?ДОНО БОЛА
(Жуда таъсирли воқеа)   

Бир неча асрлар олдин Боғдод ислом тараққий этган шаҳарлардан бири бўлиб, у ерда жуда кўп мусулмон уламолари яшаган.
Шу сабабли шаҳар Ислом динининг илм маркази ҳисобланган. Кунлардан бир кун Рум подшоҳи Боғдод мусулмонларига уч савол бериш амри билан ўз элчисини жўнатди. Элчи шаҳарга етиб боргач, халифага подшоҳнинг истагини билдирди. Шунда халифа шаҳар уламоларини саройга йиғишни буюрди.

Элчи минбарга чиқиб:
— Мен сизларга подшоҳимнинг уч саволини бераман. Агар унга тўғри жавоб бера олсангиз, у сизларга кўп мол-мулк ваъда қилмоқда. Саволлар қуйидагича:

Аллоҳдан аввал нима бўлган?

Аллоҳ бир лаҳзада ҳамма ёққа назар сола оладими?

Ҳозир Аллоҳ нима қиляпти?

Уламолар орасида сукунат чўмди. Тўсатдан оломон ичида майин овоз эшитилди:
— Дадажон, рухсат беринг, мен унинг саволларига жавоб берай!
Бу овоз отасига эргашиб келган ёш боланики эди. Халифадан рухсат сўралгач, болакайга гапиришга изн берилди. Рум элчиси ёш мусулмонга мурожаат қилиб, биринчи саволини такрорлади:
— Аллоҳдан аввал нима бўлган?
Бола саволга савол билан жавоб берди:
— Санашни биласизми?
— Ҳа, - деди элчи.
— Унда ўндан пастга қараб сананг!
Элчи "ўн, тўққиз, саккиз, дея санай бошлади ва ниҳоят "бир" деб тўхтади.
— Нега тўхтадингиз?, деди бола.
— Бир сонидан олдин бошқа сон йўқ-ку?!, — деди ҳайронлик билан элчи.
— Оддий бир сонидан олдин ҳеч нарса йўқ экан, қандай қилиб Якка бўлган Аллоҳдан аввал бир нарса бўлиши мумкин?! У Аввал ва Охир, Зоҳиру, Ботиндир.

Элчи бу жавобга ҳеч қандай эътироз билдира олмади ва иккинчи саволни берди:
— Аллоҳ бир лаҳзада ҳамма ёққа назар сола оладими?
— Шам келтириб ёқинг, - деди бола. — Энди эса унинг нури қаерга қараб таралаётганини айтинг.
— Аммо, шамнинг нури ҳар тарафга таралади: шарққа, ғарбга, шимолга, жанубга... Аниқ бир томонни айтиш мушкул, - дея ҳайрати ортди элчининг.
— Агар яратилган нур ҳар томонга таралар экан, унинг Яратувчисидан нимани кутмоқдасан?! «Аллоҳ осмонлар ва ернинг нуридир...» (Нур, 35) хитоб қилди бола.

Элчи ўз кўзларига ишонмасди. Қаршида турган бу кичкина болакайнинг донолик билан бераётган жавоблари уни лол қолдирди. Тушкунликка тушган элчи охирги саволни беришга оғиз жуфтлар экан, болакай унга:
— Тўхтанг, сиз менинг ўрнимга тушиб, мен эса минбарга чиқишим адолатлироқдир. Саволингизни ҳамма эшитди, энди менинг жавобимни ҳам эшитишсин, — деди.

Элчи бу таклифга рози бўлди ва минбардан тушиб, учинчи саволни такрорлади:
— Ҳозир Аллоҳ нима қиляпти?
— Аллоҳ ҳозир минбардан бир ёлғончи, шаккокни тушириб, уни ҳаммага кулги қилди. Аллоҳнинг борлигига ва бирлигига ишонган мўминни эса юксалтириб, тилига ҳикмат солиб ҳақиқатни баён қилдирди. Аллоҳ ҳамма нарсага қодирдир.

Мағлуб элчи бу сўзлардан сўнг иснод билан ўз шаҳрига қайтиб кетди. Бола эса Ислом оламидаги энг буюк олимлардан бири бўлиб етишди.

Аллоҳ уни гўзал ҳикмат ва динни чуқур тушуниш иқтидори билан тақдирлади. Унинг исми Нўъмон ибн Собит бўлиб, у бутун дунёга Имоми Аъзам номи билан машҳурдир.
Бу  инсон "Ҳанафий"  мазҳаби асосчиси Имоми Аъзам яъни  Абу Ҳанифа роҳимаҳуллоҳдирлар

•┈┈┈┈•❈••✾••❈•┈┈┈*
https://t.me/Nematulloh

Бу Хайрли ишларинг бардавом булсин

Хаммаларингдан Аллоохим УЗИ Рози булсин.