التوبة
- شنو التوبة؟ التوبة هيه أنهُ ترجع لله عز وجل أو تقلع عن المعاصي بتاتا أو تندم على المعصية، أو من تنوي توب توبة تامة لازم تكون بگلب صافي وصادق مو توب يوم يومين وترجع على المعاصي لا هاي مو اسمها توبة، خلي بالك مهما تكون ذنوبك چبيرة أو آثمها چبير لا تكول ذنوبي هواي ذنوبي ما تُغتفر لا أنت غلطان رب العالمين غفور رحيم يغفر الك ذنوبك مهما تكون المهم تكون بـ نية صادقة، حاول بفترة توبتك تكثر من الاستغفار قراءة القرآن أو صلاتك بوقتها بعدين أنت لا أراديا راح تتعود على هذا شي، بهاي الفترة راح تحس نفسك مثل الضايع أو خايف أنهُ رب العالمين ما يغفر الك أرجع واكول رب العالمين غفور رحيم لا تخاف من هاي الناحية أبداً، الناس راح تستهزئ بيك كلامهم المعتاد هاي صاير متدين ها أنت يلي چنت هيچ انت انت اووو محد يخلص من كلام الناس، المهم لا تهتم أبداً لأن محد يفيدك غير صلاتك أو رب العالمين.

الصراحة
_ هيه الصراحة حلوه مثلاً لمن تكون بوجه واحد أو بدون تصنع لكن أنت تجي تحجي أو تكول وجهك مو حلو طالع تخرع أو ملابسك مو حلوه عليك والله شنو أنت صريح لا أبويه أنت فاهم موضوع الصراحة غلط أنت جاي تتنمر عليه وتكسر خاطره بصراحتك هاي،ذي وقاحة مو صراحة، اني ما أكلك جامل الكل لا بس اثناء تحجي أنتبه لكلامك لا يجرح المقابل أو يضل أثر مو حلو منك، مرات يكون الشخص الصريح مو محبوب لهواي أسباب البعض حتلو هما على خطأ يريدون الناس تجاملهم وطبعاً هذا غلط حاول تكون صريح قدر الإمكان لكن بحدود لا تخبط بين الصراحة والوقاحة ترا اكو فرق شاسع بينهما بس ركز تعرف وخليك نَبه.

يَاصَاحِبُ الرُوَّح
كل عامٍ ونَحن بِأنتظَارُك.

"**التسخيت"

_ أول شغله تسويها تبعد التلفون عنك يعني تبعده عنك اثناء تقرأ لان راح يشغلك يجيك اشعار على اشعار على ريلز خو اذا دخلت الانستا بعد ساعة ما تطلع فـ نقطة كلش مهمه هاي، حاول تكعد الصبح من وقت مثلاً بـ ٧ او تبلش صباحك بقراءة زيارة عاشوراء من كعدت الصبح من وقت راح يكون عقلك صافي بسرعة تحفظ او الجو هدوء او تاخذ راحتك او اطول وقت هو الصبح والله اني مجربته هاي النقطة كلش مفيدة او لسه ملتزمه بيها، لا تخلي يومك كله مدنك بالكتاب اكيد راح تمل نوع يومك مثلاً تاخذلك فد ربع ساعة ريست تسمع بيها باسم الكربلائي أو تسوي اكله تحبها أو تاكل أو تسوي كهوه وكذا اشياء، نظم وقتك سوي جدول مثلاً يوم كذا اني اكمل مواد كذا او اكتبهن بورقة او كل مادة كملها خلي عليها علامة صح فعلاً راح تسويلك واهس تقرأ او تشوف انجازاتك يلي أنجزتها بهذا اليوم، حاول تقرأ بمكان تحب اجواءه خليك بعيد عن الهوسه او الضوضاء او خلي بالك دائماً يم دراسة لا تضل تصفن لو يخليك قلق بختصوص الامتحان خاف ما أجاوب خاف انسى خاف كذا أنت اجتهد أو سوي يلي عليك أو اتعب والله عند رب العالمين ميضيع دقيقة من تعبك، لا تخلي واحد يأثر عليك مثلاً انت اليوم ممجاوب أو باجر عندك امتحان أو ضايج أو مالك خلك تقرأ لا عيناي شد حليك بالامتحان ثاني علمود تعوضه بالثاني، اعرف صعبة عليكم تطبقون هاي الاشياء لان اني طالبة مثلك او اعرف التعب يلي جاي تمرون بي ختصوصي بهل الفترة او يلي قادمة بس حاول قدر الإمكان ما تسخت او انتبه على دراستكم، موفقين أن شاء الله.**

**"الثقة "

- حاول لا تثق بكل شخص تقابله قبل ما تعرف شنو هوه، الأشخاص الوحيدين يلي تثق بيهم بدون ما تشيل هم هما امك ابوك اختك او اخوك، أما الصديق مو گبل تثق بي لا عاشره عرفه زين مو زين، شلون تعرف زين؟ ها اذا چان قريب من رب العالمين أو متعبد عن سوالف البنات أو متبعدة عن سوالف الولد لأن حاليا كلش منتشرة سالفة العلاقات المحرمة أو الابتزاز أو هاي السوالف، هسه تكلي كل واحد عليه بنفسه لا عيني مع مرور الوقت يغيرك او يطلعك من طريقك، أو مو تصاحب واحد يغار منك أو ما يتمنى الك الخير لأن راح يحاول يتقرب منك او يعرف كلشي عنك او بعدين يستعملهن ضدك عني نفسي شعرت هاي التجربة فعلاً لسه ما اكدر اتخطئ الصدمة يلي عشتها يوميه اعيش نفس الشعور اتمنى ما يتعرض أي كائن لهذا الشعور لان شعور مقزز بشكل لا يوصف لذلك اني ما عدتت اثق بأي شخص لحد ما رب العالمين عوضني بأصدقاء ليل او نهار من اشكر ربي قليلة، لذلك تدير بالك من اصدقاء السوء، موضوع اصدقاء الالكتروني هذا شي ما لازم تثق بي لحد ما تشوفه انت بعينك، ها نقطة كل مهمه اذا الوالد او الوالده حذرتك من صديق او كالوا لا تمشي وياه مو خوش شخص فلان نصيحةة من شخص يريد مصلحتك مباشر اسحبك نفسك من هذا الصديق او ابتعد عنه قدر الإمكان بدون ما تخلي يحس بأي شي، ديرو بالكم على أنفسكم لا تكون هواي صداقات، أما من ناحية الحبيب أو هاي السوالف هذا الشيء أصلاً حرام لذلك ماله داعي احجي عنه.**

**" الثقة بنفسك "

- خليك ثقتك بنفسك قوية، شلون؟ لا تركز على أراء الناس لانه كلام الناس محد يخلص منه لا الزين ولا الموزين لذلك انت بكل حالاتك الناس متسكت بعدين انت اذا تضل وره كلام الناس اذا هوه كل واحد يحجي شكل هنا راح انت بنفسك تتدمر او ما راح يكون عندك شخصية او رأي خاص بيك، اذا چان الشخص يلي انطه رأيه بيك بشكل سلبي ما يعرفك ولا معاشرك مثلاً يكلك اسلوبك مو حلو لا تهتم لرأيه بتاتا ليش؟ لان هو لا يعرفك ولا معاشرك ولا يعرف اسلوبك اما اذا چان شخص قريب عليك او ما عاشرك مثلاً يكلك انت اسلوبك او تصرفاتك مو لائقة مثل قبل او انت متغير والخ.. لا هنا انت اخذ رأيه بعين الاعتبار او حاول تعدله لان هذا يريد مصلحتك لذلك نبهك بهذا الشي، او شغلة ثانيه لا تحاول تعدل صورتك بعيون الناس خيلك انت نفسك طالما اسلوبك أو شخصية عاجبتك او ها لازم تكون بطريق الصح يعني رب العالمين راضي عنك بعض الناس تحاول تنصح يلي بطريق الخطأ اخذ بالنصيحة اذا جنت بالطريق الغلط حاول تعرف نفسك اذا انت صح او غلط ابحث أو اعرف ليش انت غلط او شنو السبب بأول اعرف شنو غلطك بعدين تعلم الصح، حاول تبني نفسك على اساس ثقتك بنفسك، لا تتأثر او تضل طول اليوم ضايج او ينكسر خاطرك بسبب رأي واحد ماعنده ذوق او مايخجل.**