تم فتح التسجيل المسبق لجميع المواد الدراسية للعام الدراسي 2025/2026، وذلك لكافة الأساتذة. يمكن للطلبة حجز مقاعدهم مبكرًا لضمان الانضمام إلى الدورات المطلوبة، بنظام الحضور الفعلي . يُنصح بالتسجيل المبكر لتجنب اكتمال المقاعد، ولمزيد من التفاصيل يمكن التواصل مع الإدارة و الاتصال على الارقام

☎️☎️07705350750
07708834301
07711625354

نماذج لاسئلة نصف السنة اختبر نفسك واحصل على ١٠٠

شويه حجي للطلاب….

ترا ماكو طالب ظروفة تمام 100%!
لا تحس نفسك انت الوحيد اللي الحياة شوية صعبة عليك ومشوشة تفكيرك وَمجاي تخليك تدرس ع راحتك !
_انت مو وحدك!
رسائلكم توصلني ….
طالب يكول اني مريض وجاي ادرس…
طالب يكول اني اشتغل ومعين لأهلي وادرس….
طالب يكول اني ما عندي مكان ادرس بي…..
طالب يكول اني ما عندي فلوس ملزمة ومدبر نفسي وجاي ادرس!
طالب يكول امي وابوي مرضى واني ادرس وبنفس الوقت اساعدهم بكلشي!
هي هاي الحياة مشاكلها ما تخلص، حتى بعد السادس بالكلية إن شاء الله، هم راح تجيك نفس الضغوطات والمتاعب وبعد اكثر!
_زين شنو الحل؟

الحل إنه تتكيف وياها وتمارس حياتك بشكل طبيعي، هي صح صعبة بس ماكو غير حل، الحل انه تكعد وتستسلم وهاي هيه؟ هذا ابد مو حل! لابد انه تقاوم ظروفك مهما كانت الظروف!
بالنهاية المريض راح يشفى، والتعب راح ينتهي، والفقير راح يصير غني، كل هاي الأمور راح تتعدل، لكن إذا استسلمت لظروفك وما درست! وقتك منو راح يرجعة إلك؟
وبكيفك بعد ❤️
#صح لو مو صح ….

لكي تحقق كل أهدافك وطموحاتك؟! ?⛓️

1_ابتعد عن المبايل أثناء دراستك??
2 _ثابر وواصل ولا تستسلم??
3_ إعرف ان النجاح لآ يأتي من دون جهد (من جد وجد)✨✨
4 _خلي عندك عزيمة وإصرار وارده⛓️?
5 _وأهم نقطه التوكل على الله?✨
6 _ابدأ دراستك اول بأول ?? لكي تحقق حلمك … انت بطل مجرد مسألة وقت .

المماطلة والتسويف….. أعذار واهية ليس لها معنى
باجر ادرس، بعد وقت، ليش ادرس من هسه... وغيرها من هاي المصطلحات والسوالف.
هي براسك براسك، محد راح يمتحن عنك ولا احد راح يدخل القاعة الامتحانية مكانك... وتالي انت تمتحن تمتحن، على شنو تماطل وتسوف وكل شويه تكول هسه ادرس؟ شمنتظر؟ شتريد يعني ينطونك معدل 99.26 بدون تعب ويكلولك هاي هيه وروح مبارك عليك!
الحرص على المستقبل وينه؟ يعني انت ما تريد تبني مستقبلك؟ وتصير فدشي مميز بين اهلك وناسك؟ انت تكون فدشي مميز لنفسك؟ مو كافي تماطل؟!
المماطلة ماكو شي وراها غير حصرة راح تنحصرها ليلة الامتحان، تبقى تأجل بدراستك وتماطل وكل شويه تكول هسه واليوم وباجر أدرس.. طببب وصلت الامتحان وما راح يفيدك الندم!
كافي تماطلون، استغل كل دقيقة ولا تبقي تخلق الأعذار والاكاذيب في سبيل حتى ما تدرس وتقنع نفسك.!
انتو مرحلة مصيييرية... ذب كل جهدك واستغل كل دقيقة حتى توصل لشي زين يخلدك مستقبلًا….

كل التوفيق حبايب قلبي

اسئلة المراجعة المركزة للفصل الثالث للفائدة حبايب