Абдик,одир ака шерга умиман гап йук, бундай шерларни к,айта -к,айта укиса са хам Яна укигинг келаверади омадингизни берсин

✓ Яна оппоқ туйғулар

МАЗМУН ЖОЗИБАСИ

АБДУҚОДИР ОТАнинг шеърларини имкон қадар кузатиб бораман. Янги тақдим этган шеъри фавқулодда мазмуни билан ўзига мафтун қилар экан, қувонмай иложинг йўқ.

Мана бу шеъри ҳам кўнгилларга кўтаринки кайфият бахш этади. Шеър умр мазмуни ва умр интиҳоси бўлган ажал ҳақида экан. Мазмун бир қарашда эскига ўхшайди, аслида юксак самимияти билан жозибадордир. Биронта бошқа шеърга ўхшамайди, шу жиҳати билан ушбу шеър табаррук дейишга арзийди.

Янги илҳом ҳадяси муборак бўлсин, АБДУҚОДИР ОТА.

Муаллим АСЛИЙ.

? Отам ўтинчи.

Бу дунёда боқий яшаш ёлғон экан,
Қазо қилиш боболардан қолғон экан.
Боқий яшаш сирларини топа олмай,
Қанча зўрлар хўп оввора бўлғон экан.

Дардим оғир,ўғлим тамом бўлсам керак,
Бир орзуга ета олмай,ўлсам керак.
Кетаяпман,боболаринг кетган жойга,
Дийдорлашиб,ачомлашиб юрсам керак.

Ота мерос чопонимни топиб қўйгин,
Тобутимга бир дақиқа ёпиб қўйгин,
Жоназамни ўқиб,жонсиз жасадимни,
Қабристонга кўмиб,таёқ қадаб қўйгин.

Йўқ нарсага сен ҳеч қачон интилмагин,
Ҳафа бўлиб қабримга кўп тикилмагин.
Жаннатдан жой ато эт деб ҲАҚдан сўра,
Отам ерда ётибди деб сиқилмагин.

Набирамнинг манглайидан ўпиб қўйгин,
Дўмбирамни қўлларига бериб қўйгин,
Отажоним мендан рози бўлсин десанг,
Томорқага ўн туп дарахт экиб қўйгин.

Абдуқодир Абраев.

Деҳқонобод.

11 01 2011 йил.

Гап йўқ ака
Ўтганлар руҳи шод бўлиб юрсин

Раҳмат, чарчаманг !!!
Қаламларинг толмасин ярим йўлда хеч ҳам қолмасин, манзил хали узоқ, куйлашдан ҳеч толмагин, мухлисларинг ортингдан ҳеч қолмасин.

Ассалому алайкум қадрли шоирим. Гўзал муҳаббат сатрлари бўлибди. Қаламингиз ўткир бўлсин. ОФАРИН! ????????

?
Демак,севмагансиз,
Сиз мени дилдан.

Мушоирадан.

Сездим қувониш йўқ,
Баҳра олиш йўқ,
Сизга меҳр ила,
Мен тутган гулдан.
Негадир,менинг ҳам,
Кўнглим эмас тўқ,
Демак,севмагансиз,
Сиз мени дилдан.

Оловмиз,оташмиз,
Ўн саккиз яшар,
Севгида не қилсак,
Эди ярашар,
Қиё боқмадингиз,
Битсам бир ашъор,
Демак,севмагансиз,
Сиз мени дилдан.

Баҳорда гулзорга,
Гулга интилдим,
Қувончим,бахтим деб,
Бир сизни билдим.
Кўзингизга боқиб,
Шуни ҳис қилдим,
Демак,севмагансиз,
Сиз мени дилдан.

Юрагим сиз тамон,
Талпинса нетай,
Сизни деб дунёдан,
Воз кечиб кетай.
Десам ишонмайсиз,
Қилди деб атай,
Демак,севмагансиз,
Сиз мени дилдан.

Шунчаки,ҳавасми,
Мен билан юриш,
Ёшлик даврининг бир,
Завқини суриш,
Будир қумдан устига,
Бир бино қуриш,
Демак,севмагансиз,
Сиз мени дилдан.

Шоирда пул кўп деб,
Ўйлайсизми ё,
Муҳаббат дегани,
Эканми рўё,
Сизда йўқ,ишқ йўлин,
Ёритар зиё,
Демак,севмагансиз,
Сиз мени дилдан.

Менинг юрагимда,
Бордир бир ўкинч,
Ундан чиқиб кетинг,
Энди қўйинг тинч,
Сўниб бораяпди,
Охирги илинж
Демак,севмагансиз,
Сиз мени, дилдан.

Қўлимда сиз билан,
Тушган суратим,
Йиртиб ташлай дейман,
Етмас журъатим,
Парво қилмаяпсиз,
Оғрир юрагим,
Демак,севмагансиз,
Сиз мени дилдан.

Сездим қувониш йўқ,
Баҳра олиш йўқ,
Сизга меҳр ила,
Мен тутган гулдан.
Негадир,менинг ҳам,
Кўнглим эмас тўқ,
Демак,севмагансиз,
Сиз мени дилдан.

Абдуқодир Абраев.

? Нима қиламан.

Манман бўлиб юрсам кеккайиб,
Шайтонга қул бўлганим бўлар.
Тўғри йўлдан сирпаниб,тойиб,
Аллақачон ўлганим бўлар.
Эртаси кун эл менга айтар,
Маломатни нима қиламан.

Бойлик ҳисси кўр қилар экан,
Вақтинчалик зўр қилар экан.
Сўнг ёстиққа текканда бошинг,
Бир меҳрга зор қилар экан.
Сохта роҳат ортидан келар,
Қиёматни нима қиламан.

Заҳмат чекиб,илм ўрганиб,
Элим дея яшасам ёниб.
Яхшиларга ойдин йўл тилаб,
Ташвиш чекмай юрсам қувониб.
Сохта фолбин йўқдан бор қилар,
Кароматни нима қиламан.

Атлас кўйлак,зар дўппи кийиб,
Юртга баҳор келса жилмайиб.
Дориломон кунлар кўрдим деб,
Бир лаҳзада кетсам гар бойиб.
Бедил киши менга кўрсатар,
Ҳашаматни нима қиламан.

Шаклланди мустаҳкам оила,
Худойим дер шуларни ўйла.
Сенга бердим меҳр ва кўнгил,
Фарзандларни ҳамиша қўлла.
Агар фарзанд бўлмаса сиҳат-
Саломатни нима қиламан.

Меҳнат қилиб топса обрў шон,
Ҳеч қачон кам бўлмайди инсон.
Эътиқоди мустаҳкам бўлса,
Унга яқин келмайди шайтон.
Шундай экан,нокас яратар,
Аломатни нима қиламан.

Етим ҳаққин еяр ғар нокас,
Пайғамбарнинг уммати эмас.
Вақти келиб,дунёдан ўтса,
Ҳеч ким уни жаннати демас.
Дақиқалик зув этиб ўтар,
Даромадни нима қиламан.

Чора топиб қуёшга учсам,
Омонлик деб,қучоқлаб қучсам.
Баланд қилиб Ўзбек байроғин,
Равнақига ҳиссамни қўшсам,
Юртга нафи тегмас беғам нор,
Азаматни нима қиламан.

Таҳликани буткул қилиб йўқ,
Мустақиллик берди тенг ҳуқуқ.
Бир ўзининг манфаатин кўзлаб,
Ҳеч ким менга беролмас буйруқ.
Айёр туллак,сохта дўст қўллар,
Марҳаматни нима қиламан.

ҲАҚга шукур,ҳамма нарса бор,
Шукуҳли кун толе бўлди ёр.
Ўзбекистон жаннатмакон юрт,
Замини тинч,осмон беғубор.
ҲАҚдир эгам,мен ундан бошқа,
Валломатни нима қиламан.

Абдуқодир Абраев.

Абдалбулоқ.

Инсонлар бир-бирларини тушунгунча ярим умри ўтар экан. Бир-бирининг қадрига етганда эса умри тугаб қоларкан.

?

Хотира

04 09 2023 йил.
Ўзбекистон халқ артисти Шерали Жўраев вафот этди.

Шералижон қилибди қайтиш,
Бандаликни этибди бажо.
Осон эмас ўлди деб айтиш,
Қўшиқлари дилга бўлган жо.

Санъатимиз қолди мунғайиб,
Қулагандай бўлди бир устун.
Ўксиб қолди,дил бўлди майиб,
Барги ҳазон қоплар ер юзин.

Нола қилди бугун тонг саҳар,
Бўлибди деб,софдил эл маҳзун.
Йиғлаб келар бўлди деб баҳор,
Ҳофизига айтолмай таҳсин.

Бир дам бошин эгар бўлди гул,
Бу гал бўлмас дея яйрашим.
Шодлик куйин чалмайди булбул,
Энди ғамгин дея сайрашим.

Қувонч солар эди албатта,
Овозлари эди ширали.
Жойи бўлсин мудом жаннатда,
Қалбимизда яшар Шерали.

Абдуқодир Абраев.

05 09 2023 йил.

ЧОРВОҚ.