❔ Дапамажыце даследаваць патрэбы моладзі ў нефармальнай адукацыі!

📌 Беларускі нацыянальны моладзевы савет “РАДА” даследуе патрэбы беларускай моладзі, каб спланаваць цікавыя актыўнасці і прапанаваць вам якасныя праграмы навучання. 

📃 У гэтым камандзе “РАДЫ” дапамогуць вашы адказы. Да апытанкі запрашаюць усю беларускую моладзь – хто зараз жыве ў Беларусі ці па-за яе межамі, хто звязаны з грамадскай дзейнасцю ці не, хто працуе ці вучыцца.

🔐 Апытанка ананімная і не патрабуе вашых асабістых даных. Адказы захоўваюцца з выкананнем усіх правіл бяспекі.

🗓️🔗 Прайсці апытанку можна тут. Адказы чакаюць да 1 сакавіка.

Працяг рэпрэсій у Беларусі, прыпыненне дапамогі ЗША, сітуацыя за кратамі. Што абмяркоўвалі дэмсілы на гэтым тыдні?

📌 Ціханоўская: бязвыбары, стратэгія дэмсіл, палітвязні
Нацыянальная лідарка паразмаўляла з "Настоящим временем" наконт бязвыбараў і іх вынікаў, а таксама іх магчымага ўплыву на стратэгію дэмсіл, санкцыі і вызваленне палітвязняў.

📌 Руднік: Беларусь сёння і ў будучыні
Дырэктарка Цэнтра новых ідэй і даследчыца Леся Руднік абмеркавала з Мікітам Мелказёравым дэпалітызацыю і сітуацыю з інтэрнэт-свабодай у Беларусі. Таксама Леся падзялілася візіяй будучыні Беларусі.

📌 Баркоўскі: беларускі ўніверсітэт у выгнанні
В.а. прадстаўніка Кабінета па нацыянальным адраджэнні Павел Баркоўскі ў каментары DW з Форуму Касцюшкі ў Гданьску падзяліўся сваім бачаннем беларускага ўніверсітэта ў замежжы і расказаў пра нашых навукоўцаў у выгнанні.

📌 Лойка: трэнд на сталінізм у Беларусі
У новым выпуску аналітычнага шоу на “ТОК” журналістка Вольга Лойка абмеркавала з Настай Роўда сапраўдную вартасць сацыяльных гарантый у Беларусі, трэнд на сталінізм у Беларусі і перспектывы Пашпарту Новай Беларусі.

📌 Юрконіс: адносіны беларусаў і літоўцаў
Літоўскі палітолаг Віціс Юрконіс на “Еўрарадыё” распавёў пра стаўленне да беларусаў (-к) у Літве і – у гэтым кантэксце – пра Пашпарт Новай Беларусі. Таксама палітолаг паразважаў пра санкцыі і магчымыя мірныя перамовы па Украіне.

📌 Навоша: пра гранты і медыя
Беларускі медыяменеджэр Дзмітры Навоша для DW пракаментаваў прыпыненне амерыканскай падтрымкі замежных медыя і НДА, распавёў, чаму беларускія медыя ўсё роўна працуюць эфектыўна, і ацаніў магчымы ўплыў новай палітыкі ЗША на Беларусь і рэгіён.

📌 Судаленка і Вадзімаці: сітуацыя за кратамі
Праваабаронца Леанід Судаленка і блогер Вадзім Ермашук (Вадзімаці) у эфіры “Свабоды” абмеркавалі  становішча палітвязняў за кратамі – у прыватнасці, здзекі, з якімі сутыкаюцца вязні ў “нізкім статусе”.

📌 Шрайбман: пасля бязвыбараў
У эфіры “Свабоды” аглядальнік Арцём Шрайбман прааналізаваў, як прайшла кампанія ўнутры Беларусі, як яна можа адбіцца на дэмсілах і ці плануе Захад змяняць сваю стратэгію па Беларусі.

📌 Кванталіяні: лічбавая бяспека
Пасля навіны пра ўцечку даных “Беларускага Гаюна” ў каментары для “Свабоды” эксперт па лічбавай бяспецы Мікалай Кванталіяні расказаў, якія захады варта зрабіць, каб абараніць сябе.

#што_кажуць_дэмсілы

Магчымасці для адукацыі і даследаванняў у краінах ЕС – паказваем ⬇️**

? Праграма Advanced Master of Arts у Каледжы Еўропы
Каледж Еўропы ў Натоліне (Варшава) запрашае на праграму, якая дае глыбокія веды ў палітыцы, эканоміцы, праве і міжнародных адносінах. Для беларусаў (-к) даступны поўныя стыпендыі, якія пакрываюць навучанне, пражыванне і выдаткі на жыццё. Далучайцеся да вэбінару, дзе раскажуць пра ўмовы паступлення. Вэбінар (як і навучанне ў Каледжы) – на англійскай мове.
? Вебінар пройдзе ўжо сёння – 17 снежня – а 20:30 (па Мінску).
⏳ Заяўкі на праграму будуць прымацца да 15 студзеня 2025 года. *? Kirkland Research Scholarships 2025
Польска-амерынканскі фонд аб'явіў адкрыты конкурс на атрыманне стыпендыі для даследчыкаў (-ц) у сферах эканомікі, права, сацыяльных і палітычных навук, экалогіі, бяспекі і аднаўлення зон пасля ваенных канфліктаў. Праграма прадугледжвае чатыры месяцы даследавання ў Польшчы са штомесячнай стыпендыяй у 2500 злотых. Магчымае фінансаванне і самога даследавання. Для ўдзелу трэба ведаць англійскую ці польскую мову на ўзроўні В2 ці вышэй. Да ўдзелу запрашаюцца людзі ва ўзросце да 45 гадоў. ⏳ Заяўкі чакаюць да 1 сакавіка 2025 года.
? SAFE Fellowships для даследчыкаў (-ц) у краінах ЕС
Праграма SAFE прапануе 60 цалкам аплочваемых стыпендый для дактарантаў і постдактрарантаў (-к), якія сутыкнуліся з рызыкамі ў сваёй краіне. У межах праграмы можна вучыцца ў краінах ЕС на працягу 24 месяцаў (ці менш). Для ўдзелу трэба пацвердзіць свой узровень адукацыі і дасягненні, рызыку для працягу сваёй дзейнасці на радзіме і веданне мовы на ўзроўні, дастатковым для навучання. ⏳* Падача заявак – праз прымаючыя ўстановы ў ЕС.
#адукацыя #магчымасці

Дзе правесці наступнае лета? Паглядзіце на гэтыя адукацыйныя праграмы і стажыроўкі ў розных краінах ⬇️**?? Навуковая стажыроўка ў Тайвані*
У межах Тайваньскай праграмы міжнародных стажыровак прапануецца стажыроўка для студэнтаў (-к) і выпускнікоў (-ц), якія хочуць працаваць над сваімі праектамі з навуковым кіраўніцтвам у Тайвані. Праграма пакрывае пералёт, пражыванне і штомесячную стыпендыю $1000. Удзел даступны студэнтам (-кам) апошняга курсу бакалаўрыяту або любога курсу магістратуры – ці людзям, у якіх ужо ёсць ступень бакалаўра ці магістра (але без аспіранцкай ступені).
? 2 месяцы ў перыяд з 1 траўня да 31 жніўня 2025 года.
⏳* Дэдлайн падачы заяўкі: 15 студзеня 2025 года.

*?? Навуковая стажыроўка ў Швейцарыі*Для студэнтаў (-к) фізікі, інфарматыкі, матэматыкі і інжынерных навук прапануецца летняя стажыроўка ў CERN, Жэнева. На працягу 8–13 тыдняў вы зможаце працаваць над канкрэтнымі праектамі. Праграма пакрывае пералёт, штодзённыя выдаткі і медыцынскую страхоўку. Для ўдзелу трэба быць студэнтам бакалаўрыята або магістратуры (не менш за 6 семестраў) і свабодна валодаць англійскай мовай.
*? Лета 2025 года.
⏳ Заяўкі прымаюцца да 26 студзеня 2025 года.*

*?? Летняя праграма ў Нарвегіі*Універсітэт Осла прапануе правесці 4 тыдні летам у Нарвегіі, вывучаючы тэмы на ваш выбар. Прапануюць курсы па архітэктуры, гендары, гісторыі, устойлівым развіцці і інш. Таксама можна вывучаць нарвежскую мову. Праграма пакрывае навучанне, пражыванне, мясцовы транспарт, а таксама ёсць магчымасць атрымаць грант на пералёт. Для ўдзелу трэба мець ступень бакалаўра і свабодна валодаць англійскай мовай. *? Лета 2025 года.
⏳ Заяўкі прымаюцца да 1 лютага 2025 года.*

#адукацыя #магчымасці

У дэмсупольнасці працягваюць абмяркоўваць міжнародную працу дэмсіл і становішча беларусаў і беларусак у кантэксце міжнародных падзей. Паглядзіце гэтыя інтэрв'ю, якія выйшлі цягам мінулых тыдняў⬇️**

?** Ціханоўская: палітвязні і сітуацыя ў краіне
Святлана Ціханоўская ў інтэрв'ю эстонскаму выданню ERR.ee падзялілася бачаннем сітуацыі ў Беларусі і распавяла пра стаўленне людзей у Беларусі і ў эміграцыі да вайны і да рэжыму. 

*?*** Латушка: пазоў у МУС і Стратэгічны дыялог
У інтэрв’ю “Свабодзе Premium” намеснік кіраўніцы Кабінета Павел Латушка распавёў, калі можа з’явіцца ордар на арышт Лукашэнкі і як прайшоў другі Стратэгічны дыялог дэмсіл з ЗША.

*?*** Цесакова: "справа двароў" і актыўнасць унутры Беларусі
Экс-дэпутатка Мінгарсавета і экспертка па мясцовым кіраванні Вольга Цесакова на "Еўрарадыё" расказала пра “раскулачванне” прадпрымальніцтва ў Беларусі, магчымасці ўзаемадзеяння з чыноўнікамі і ўплыву грамадзян на бюджэт, а таксама пракаментавала “справу двароў”.

*? Юрконіс, Жукаў, Гнёт: дзе беларус(к)ам яшчэ рады
У кантэксце экстрадыцыі Васіля Верамейчыка, пагаршэння ўмоў легалізацыі ў Літве, нестабільнасці ў Грузіі і агульных антымігранцкіх настрояў у ЕС дырэктар вільнюскага Freedom House Віціс Юрконіс, прадстаўнік польскага ЦБС Антон Жукаў і рэжысёр Андрэй Гнёт абмеркавалі на DW, як беларусам і беларускам заставацца ў бяспецы.
?*** Базар: сітуацыя жанчын у Беларусі і эміграцыі
На “Свабодзе Premium” гендарная актывістка Наста Базар, якая разам з праваабарончай арганізацыяй “Прававая ініцыятыва” зрабіла справаздачу пра сэксуалізаваны харасмэнт у беларускім грамадcтве ў эміграцыі, распавяла пра вынікі гэтага даследавання.

*?*** Лявончык vs Кавалеўскі: санкцыі – здымаць ці захоўваць?
Сузаснавальнік BYSOL i BYHELP Аляксей Лявончык і дырэктар Агенцтва еўраатлантычнай інтэграцыі Валер Кавалеўскі паспрачаліся на DW наконт уплыву санкцый на звычайных беларусаў (-к) і магчымасці іх зняцця ў абмен на саступкі з боку рэжыма.

#што_кажуць_дэмсілы