Ахсикент - Шарқ гавҳари, минг йиллар давомида Буюк Ипак йўлининг энг асосий шаҳри мақомини ўзида сақлаб турган кўҳна манзил.

Бугун бу маскан археологик қазишмалар ҳамда кенг кўламли бунёдкорлик қайнаган нуқтага айланди.

Туркиянинг Yediyıldız компанияси, TourismLab маркази, Германия халқаро ҳамкорлик ташкилоти - GIZ билан биргаликда қатор истиқболли лойиҳалар амалга оширилмоқда

1 июнь - Халқаро болаларни ҳимоя қилиш куни. Бу байрам бутун дунёда 1950 йилдан бери нишонланади.

Ўзбекистонда болаларни ҳар томонлама, ҳам жисмоний ҳам интеллектуал етук инсонлар бўлиб ўсишини таъминлаш мақсади - республиканинг устувор вазифалари қаторига киритилган.

Тўрақўрғон туманида ана шу сана муносабати билан байрам тадбири ўтказилди. Унда туман ҳокими Аҳрорбек Мансуров, сектор раҳбарлари, нуронийлар, таълим-тарбия муассасалари вакиллари иштирок этишди.

Бугунги кунда туманда 3-7 ёшлиларнинг 8350 нафари 43 та давлат, 10970 нафари 450 та нодавлат мактабгача таълим муассасаларига қамраб олинган бўлиб, бу боғча ёшидаги болаларнинг 90 фоизини ташкил этади. 2 ҳамда 21-кўп тармоқли махсус ДМТТлардан 70 нафардан имконияти чекланган ўғил-қизлар бор.

Байрам тадбири ана шу махсус боғчаларнинг тарбияланувчиларини йўқлашдан бошланди. Уларнинг бадиий дастурдаги чиқишлари олқишлар билан кутиб олинди. Сўнгра тумандаги муассасалар болалари қўшиқ, рақс, спорт, расм чизиш бўйича иқтидорларини намойиш этишди. Барчаларига ҳокимлик ва ҳомийларнинг ажойиб совғалар топширилди.