الشاعر عزيز المياحي
واتــــــرك اهدوم الحرير
ارفض الــــــــدنيا بأهلها
والمهم خــــــــادم اصير
حسين ابا عبدالله ♥️
قناة لكتابة حروفي البسيطه
انال فيها رضا سادتي ال محمد ع
♥️
للتواصل :- @azizhs92
بخصوص الألحان
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated 1 year, 8 months ago
Last updated 2 months, 1 week ago
**تم التعديل عليها
٢٨ رجب سنة ٦٠ هـ خروج الإمام الحسين(عليه السلام) مع اهل بيته وبقىٰ في منزله السيده الجليله ام البنين (ع )والسيده فاطمه العليله (ع )وكل ما ابتعد الظعن عنهن تزداد الجروح 💔
"""""""""""""""""""""""""""""""""""
بأبي انتَ وامي ... يا ابا عبدالله
خــرج سبط النبي واهله
الذبح واضـح عله شكله
مثـل كوكب
بظَعن غرب
بمسافات الذبح غامر
لبست اسود لأجل ملگاه
كلت بلكي انحسب وياه
حزن دربه
والـم حبه
ومن سير بده العاشر
الجرح يحن ... على الحزن
لهذا الجرح صار هواي
الهوى الم ... واحس خيم
يحترگن ابصف الماي
طالع غــريب بعيلته وحزين
وبليل صارت طلعته الحنين
طـر البراري بـدمعته حسين
بأبي انتَ وامي ... يا ابا عبدالله
""""""""""""""""""""
ترك جـــــرحين بدياره
مشه وماعـرفن اخباره
اعله يالوعه
استقر ونهن
شوكت يرجع ولا عرفن
ام اخـــــــــوانه وبنيته
يـــمها وتنتضر جـــيته
مثل ورگه
عليه ذبلن
ومن سافر تعب حصدن
شد الرحال ... وخذه العيال
والظل شــراله تابوت
الهجر صعب ... اعلى ياگلب
البالبيت معناها يموت
كل خطوه حسبات وجرح جديد
واطفاله مــــا خــذهم سفر بعيد
بس ربعه محد طلع مـــدله ايد
بأبي انتَ وامي ... يا ابا عبدالله
""""""""""""""""""""
بلكت واحـد ايرجعه
منو يعرضله ويمنعه
سفر رايح
ولا يرجع
الحوافر تنتضر جسمه
بحسره نــــوخت نوگه
بكاع وماهـي مسحوگه
سال عنها
كرب جنها
وعليها ناصب اخيّمه
حجه وخطـب ... بأيُ ذنب
تقتلون ابـــــن الزهراء
انا الـــــذي ... جـــدي النبي
تحرموني من شرَب الماء
بكاع البله لمــــــن نـــزل غريب
مــاكو الينصره حــــاير الحبيب
جرح الغرُب ماصــح اله طبيب
بأبي انتَ وامي ... يا ابا عبدالله
"""""""""""""""""""
اســـــتقبل قبلته وصلى
بكلبه يـــسولف ويه الله
اخذ كلشي
لمن ترضه
كلبه مامشه لغيره
الـــــدين استعدل ابدمه
ستر كلشي بسلب هدمه
انتصر دمه
ولمع اسمه
وهذا العدنه من خيره
بذل جهد ... والـــه قصد
يموت ويعيش الاسلام
على الرمح ... ارتفع صرح
وراحوا هله بدرب الشام
اول ســـفينه بالعشگ نجاة
لو ما وجـودة تنتهي الحياة
وما نفترگ عـنه الى الممات
بأبي انتَ وامي ... يا ابا عبدالله
""""""""""""""""""""**#عزيز_المياحي
#قصيدة_الامام_الكاظم
اسم القصيدة ▪️نحي الزيارة سوه
اداء ▪️الرادود حمزة الرميثي
كلمات ▪️حيدر الخفاجي▪️عزيز المياحي
رابط القصيدة ….
خلــف قضبانك قضيه
واضــحه لكـــل البريه
يالصــمودك زينبي
بصبرك تعادل نبي ... يا ابو الرضا
__
يــــــزود الينتمي لعلمك حــــگه ابأسمك ايفاخر
بسجدتك تكتل الشيطان يم راسك وحي حاضر
الناس تغمض مـــــــــــن تنام وانتَ لربك اتسافر
يشايل هيبة الكـــــرار بحكمتك سيـــدي امغامر
اليطب يمك يطلع عالم
ابدع الله بخلق الكاظم ... سبحان الله
انطلقت من سجنك حريتك
واترست الكون ابذريتك .. ما شاء الله
تحملت ضـيم واذيه
يا امـــــام الجعفريه
ثوره انته لچم إبي
بصبـرك تعادل نبي ... يا ابو الرضا
_____
چــنت بالسجن تتعبد وبـــــس ربــك الك صاحب
على عروش الضلم صاعد بعلمك لاوي جم شارب
بـــــزمانك تشبهْ ابراهيم هـــارونك رجـع خايب
گــــدام الظــلم مـــولاي تصديت وصــــرت راهب
لسانك سيفك جان بوكته
والحاكم مرك ضوكته ... بس جلمة لا
احتار وياك شلون يعذبك
من سجن لطاموره يذبك ... اه واويلاه
كظمت غيضك للمنيه
حته تحيي الرافضيه
يالشموخك طالبي
بصبرك تعادل نبي ... يا ابو الرضا
______
صدگ مُعتقل يامــــــولاي بـــس ما حــصّلوا تهمه
بمتاهات السجــــــــن عاقوك وانتَ مرافگ الضلمه
كطـــعو غصنك وضــموك نـــــــورك وهـجّ شيضمه
الوادم بـــره ينتضرون وشــوگك كلـــــي شيكظمه
من سجنك شاعت اخبارك
الجمعه الجمعه ترد لدارك ... لا حول الله
مايدرون تموت الجمعه
والشيعه هناك تهل دمعه ... تلگوك ابـ اه
عالجسر جثتك رميه
مثل مــــاسوت اميه
الفرق بس مامش سبي
بصبرك اتعادل نبي ... يا ابو الرضا
______
چثتك عالجسر شاخــص حتـــى تخزي دولتهم
اســـم الله اعــله وجهْ الكاع بيّن كــــل فعايلهم
ناس اتســــترت بالدين مــا فـــاقت ضــمايرهم
مـــثل جــدك ثلث تيام غــــريب ودايــرك كلهم
دكتورك ضل دمعه يهله
ضل يتسآئل جا وين اهله ... محد وياه
هذا الميت جرحه الغربه
چن حسين الجارح كلبه ... ومات بطرواه
هذا ابن حامي الحميه
وجدته الزهره الزجيه
مات ابن بنت النبي
بصبرك تعادل نبي ... يا ابو الرضا
-------------------
خادم القصيدة
عــــزيــز المياحي**
**عليه حنين حبيبي حسين
ينبضي واحس بوريدي تعيش بدونك اضيع
اخذت القرار نهيت الحوار
تظل بخدمتك حياتي سبيل واظلن مطيع
انتَ انتَ احلـه حُب : وجـرحك بصدري عمَ
مـــن تجـــيله الگلب : چنــــه جمره ابخيم
انتَ تســـوىٰ التعــب : يابــــــــــو كل الخدم
عمري دونــك صعب : يصبـــح من العدم
يا ابا عبدالله وياك اخـذ روحي
يا ابا عبدالله مـحضر جـروحي
يا ابا عبدالله ويــــه آلامــــــك
يا ابا عبدالله ماســكـت نوحي
-----------**
بدونه الغرام ابد مو غرام
يمن كلشي بيه ايدور عليك يمسك الختام
اموت بهواك وادور رضاك
احس گلبي كله حلالك يصير وبدونك حرام
ماكو غــيرك حزن : مشـرعّ بكــلـبي باب
انه اريـــدك وطن : ومــــــــا ادور ثواب
من تبعــدني اضن : روحـي تــصبح سراب
عمري اخلصنه اون : وياك احـب العذاب
يا ابا عبدالله خذني لسهامك
يا ابا عبدالله لوعتي ايامك
يا ابا عبدالله رايد جروحك
يا ابا عبدالله جرني لخيامك
-------------**
لهتني الذنوب برحمتك بقيت
بعد ما ازلّن وعد للممات عبد من اجيت
جبرت الكسير حنانك جبير
قبلت الذنوبه تهد الجبال بدَيك اهتديت
شـــگد لذيذ الدمع : لحــــضرتك والجروح
عمــري كله انفجع : چـــي حبيبي مذبوح
كون اكـسره الضلع : وابقــــه لأجلك انوح
فـــدوه الك انوجع : يابو وجـهْ السموح
يا ابا عبدالله مــــركبك رحمه
يا ابا عبدالله الدمعه الك نعمه
يا ابا عبدالله المامشــه بدربك
يا ابا عبدالله يبقى مـــــو زلمه
---------------**
عليه قريب رغم ما غريب
اذا عندي شده اصيحك واشوف اليه مجيب
بوصالّك اعيش واشوفك حياة
وگفت اعله بابك شفت چم عليل يجيك ويطيب
واليجيـــلك يــــــشوف : انـتَ تنطي الحنان
اليدخل بصدره خوف : تـــرزقه چفك امان
يظل جوارك يطـــوف : يشم ضريحك جنان
منتصر عــــــالسيوف : رغـــــمَ انف الزمان
يا ابا عبدالله مـــا ترد سائل
يا ابا عبدالله لكل بشر قابل
يا ابا عبدالله بابـــك مـشرع
يا ابا عبدالله للـسمه واصل
--------------
خادم الزهراء ع
عزيز المياحي
**هـــنيال گلبه اليظل ويـــه روحه
اليعـــوفه حـــبيبه تغلبه جروحه
علي ابيته صـاير حـــزن ماكو منه
دمعته عله خده انذبح كل طموحه
علــي گلبه أنجوه ،،، بجرح ماله دوه
ترس عينه الضلام ،،، بقه ايدور ضوه
وشما گـام تلزمه الحسره … يافاطمه
يخلص عمره الدافن زهره … يافاطمه
بين ضلوعه اتعيش الكسره .. يافاطمه
،،،،،1،،،،،،
ما نام ليله الحزن غـــاطي ليله
الشلع باب خيبر ضلع اذه حيله
العمر راده يگضي بكثر مــا تألم
وداع الزجيه اعله حــــيدر ثگيله
انقفل باب الفرح ،،، عله ابو وجه السمح
يميل ابمشيته ،،، بكثر ضيم الجرح
خالي يحس من دونج داره … يافاطمه
خلافج المن يحجي اسراره … يافاطمه
موصى بقتلج يترك فقاره … يافاطمه
،،،،،،،،2،،،،،،،،،
الفكد شي يحبه صعب من يرجعه
وبعــد تاذي گلبه اذا مــــا يودعه
علي يعينه الله فگــــد ام ابـــوها
ومشت عنه غفله وكسرها يوجعه
شيْداوي يا وجع ،،، انهدم من الضلع
ضناه هم ما سلم ،،، يتچوله رجع
دافن روحه ورد متألم … يافاطمه
هم فراگج مامثله هم … يافاطمه
بسمارج ليهسه يصب دم … يافاطمه
،،،،،،3،،،،،،،،
يصبر عياله ويــــرد يبجـــي سكته
الجرح من يضمه شيضم البصفنته
ابتسامه ابــوجهه وعطـرها اليحبه
خلـّه بيته منهن الحنينه جــفتّه
الــــ يوزع امل ،،،، عليها شگد زعل
تيتم من مشت ،،،، بقه يتاني الاجل
كلشي ينساه الا مصابج … يافاطمه
ويصلي ويتفكد محرابج … يافاطمه
گلبه يشب چن شبت بابج .. يافاطمه
،،،،،،،4،،،،،،،
خادم القصيده
عزيز المياحي**
**من ابــوه وراث شجـاعة يخوف
نفس هيبة حيــــــــــدره وترتيبه
شد لثامه ونــوىٰ عالحومة يطب
وراس اكبـــــر راس ناوي ايجيبه
يا اول بــــــشر عاشــگ للحرب
يلكدها الفـرس لو شد وغضب
تدخن ريــشته ويــــــذل الزلم
چن حيدر علي عاد اعله العرب
الله الله … ايد الله فوگ ايده
الله الله … ويســــوي اليريده
الله الله … ليـــث ودخل غابه
الله الله … عنده الـزلم صيده
ابن البواسل … ابو فاضل
"" "" "" "" "
مبتـــسم والجيش خايـف منه
سيفه يجــدح نار طـب الكافل
يدوي موت الله عله هيئة بشر
تصـــطر ايــده وبجسـاره نازل
بركان وطفــــح ضـل يذب حمم
يخطف چن برق مــن شافو هجم
طب الهم رعب قــــائدهم شرد
تتوســـل بقـت گـــــدامه الزلم
الله الله … مـــــن جـرة اعنانه
الله الله … مـــا تخطي ذرعانه
الله الله … صـــاح ابعلو صوته
الله الله … غـــــــــير الگمر انه
ابن البواسل … ابو فاضل
"" "" "" "" ""
هب عجاج اخيولهم يـم الفرات
الـشرده مـــا كفتها ذيج الحومة
ادب الطف ابــــن حمّاي الدخيل
شافو انجـوم الظهر مــــن يومة
يانعم الاخــــــو صـابر محتسب
يــم ذاك الجرف ذل ماي الشرب
ذل حته الضمه بگلبه المـحترگ
ياسيـــــد الوفه بتاريخه انكتب
الله الله … عـ المشرعه واگف
الله الله … حــته النهر خايـف
الله الله … ضل العذب يرجف
الله الله … مثـــــله ولا شايف
ابن البواسل … ابو فاضل
"" "" "" "" ""
الشده بيدك حلها لو ضاگت اكيد
واستجار حســـــين بالطف بيدك
عم رقية وتــــــوگف لكلمن اجاك
عـــ القبايل كلها فــــارض صيتك
يا بـــــــــاب الفرج كضاي الشدد
الصاح اسمك نجه وتزوده بمــدد
اليوصل حـضرتك يرجع مبتسم
عـــــــــباس الكفو للوادم سند
الله الله … ادخيل الله وادخيله
الله الله … يجلـــي الكرب حيله
الله الله … كـــــافلنه بــــــالشده
الله الله … بــكل ضيجه نشكيله
ابن البواسل … ابو فاضل
"" "" "" "" "
خادم القصيده
عزيز المياحي**
**ياكربله /گلبج اشـــــد مـــن الحجر
ياكربله /واكسرتي چم ضهر وضهر
ياكربله /نــار العطش تچوي الـگلب
ياكربله /وبحرها طفت چــــم بصر
اللهُ اكـــــبر كــــــربله شمــــسويه بالســاده
وحسين مــاراد العـــطش بس العطش راده
شسوالج وسويتي اله كل هــ ذبح والضــيم
وأكسرتي ضهره بچم اخو وچم اخ الج ناده
صاح /وريــــــــجه انسمع من العطش
صاح / مــن جرحه طـف الله ارتعش
حسين /مــحترگ گـــلبه ومنــــــجرح
صاح /ناصـــــــر ولا واحـــــد غبش
بيج هيبة الله ذبــحوها
واخت احسين ضربوها
كربلاء حُسين
"""'"'"'"'"'"'''"'''''''''
ياكربله /الطاح علــه وجـهه منسحگ
ياكربله /وخيــــــامه بچفوف الحرگ
ياكربله /ورد للخــــيم يزحف زحــف
ياكربله /وضلــوعه مـــطبوگه طبــگ
اذيــــتي چم طفله وطفل واحرگتي دلاله
ويـــنوخذ لـــونه اليدخلج و يـــعثر بخياله
ماضل ابو ولا ضل اخو جا بس حرم ضلن
وكافلهن بصــــف الجرف متگطعه اوصاله
طاح /بصـــف النهر جاسه الألم
طاح /وبريته يـــــشهگ بالخيم
حيل /متأذي گلبه امن الجرح
طاح /وفـــــوگـه يهوسون الزلم
وين ذبحتي كل محاجيهم
وضلـــت بـــــس طواريهم
كربلاء حُسين
"'"'"''''''''''''''''''''''''''''
ياكربله /شو انتــي ماعــندج نـعش
ياكربله /للجــسمه طـــايح مـنفرش
ياكربله /وملوحة الگاع او جــــــرح
ياكربله /ومـــــن القفه شال اثنعش
لــيطـيح بيــــج بخنگته بس الألم حصته
شـايل تسعـــميه والف والخيل جــارحته
تعبان ينــــهت ع التــــرب وعيونه ذبلانه
ويدير وجــهه مــن يعاين حــــافيه اخته
ويـن /تــرابج دفـــن شـكل الورد
وين /وافـــجعتي چــــم ام بولد
بيج /جــرح الله مـــــنانه ابــتده
وين /وبـــس السبي عـنــدج بعد
ذيج اشوف رماحهم تعله
وذبحتي حــلم چم طفله
كربلاء حُسين
"''''''''''''''''''''''''''''''''''''
ياكربله /طارف مـــره انــشـد بمـره
ياكربله /وع النوگ صـعـدوهن سره
ياكربله /ويحــجون يمهـــن بالـذبح
ياكربله /وچـــــــتال رافـــــگهن تره
راح الـسـتر فوگـ الهـزل والـــهزل تعبانه
والعفــــه كـلهه مچتـفه والروح خلصانه
الضرب يبدي من الصبح لليل مايخـلص
والـــنوم اشبه بالحــلم للعــــينه سهرانه
ليل /بس هوه صـار الهن سـتر
ليل /ياكـــــربله لــسانج جمـــر
اه /من يحجي يحـرگ عاطفه
ليل /ويـــــخلي نسـوان اتعــثر
ضاع حلمهن وندفن كله
وحزنهن بالگـــــلب يعله
كربلاء حُسين
''''"''''''''"''''''"'''''''''''''
خادم القصيده
عزيز المياحي**
**لسان حال العليله (ع)
"" "" "" "" ""
روحي من الصبر طلعت وراهم
وعلاج لگلبي مايحّصل ورآهم
تره خلاف الاهل ضل هم وره الهم
يطگني وزادت العله عليه
..
عليله: اريد امشي اودع حسين
اصدله ويقره جرح العين … وبگلبي انصّب جادر
عليله: گلتله وياكم اسرج خيل
وامّـد فراشكم باليل … ولا تتركني وتسافر
مبين من حمّل الضعون سفرتكم طويله
واليودع اخيار الناس لازم يگضي حيله
تعد بأهلي بــويه حسين وانه وياك اعدن
گلت اسماء كل البيت ومــــا كلت العليله
راح تروح … مكانك يبقه بس جروح
واعيشن عيشة المذبوح
وبيدي افتحت صفحة نوح
"" "" "" "" ""
صادر راح بـس مارد وآردكم
بعازة ماي من رحتو ورّدكم
اتمنه البچي إيرّجع وأردكم
وعليه گالو احچاية خطيه
..
ذبحني: حنين وخذه وياه الحنِان
من شبانها ورضعان … وياهم راحت البسمه
ذبحني: اخذ عبدالله من حضني
ومن شاله كبر حزني … وابالي بقه رسمه
زغيره ومو الي الفراگ فرگتكم جبيره
على الحيطان اتچه و البعمري زغيره
عله اصابيعي وگفت يحسين بلكت تلتفتلي
كـــــل مايبتعد ظعنك بيه اتزيد حيره
تمر شمات … تگلي ماخذاج وياه
وقبل لا احجي تطلع اه
روحي راحت بمگفاه
"" "" "" "" "" ""
ونيني هـــــــدم الحيطان يارح
طواحين الحزن بضلوعي يآرِح
اليجيب اخبار ظعنك گلي ياريح
الرسايل بالدمع موش ابــ اديه
..
عگبهم: بقيت اتلمس الحيطان
واشم بكل اثر نيشان … عطرهم ماهو بمجانه
عگبهم: العرب ماشرعت بيبان
طفه من راحو الديوان … ووجعهم باقي ويانه
شيخ الطايفه مســــافر بعد يا باب نفتح
على ياضيم اگل للناس خلها بگلبي تجرح
احس الريح هيج يگول ابوكم ماله رجعه
الهوه متكسر بصدري و گـام بريتي يذبح
اه يالريح … ما وصلت رسايلنه
ماكو اخبار والدنه
منه نگطع الضنه
"" "" "" "" ""
كل ما اگرب اعله الماي ها مآي
اختنگ يمك ويكبر ليش هماي
ابوي بعطش وايدي فوک هآماي
توذر چنه بأرض الغاضريه
..
سمعته: الناعي يصيح ابوكم راح
الطف ماخله احد يرتاح … اليرضع ماسلم منه
سمعته: يأهل يثرب يصيح بصوت
انسبت نسوان بعد الموت … واخذو كل حرمنه
البي ريحة هلي بيا حال هسه الله واعلم
جايب عطر من عدهم لـو بي ريحة اخيّم
عمتي البيها وجه حسين هسه حسين ذبحوه
اذا اصدلها من اشتاگ اشوفن خنصر ودم
مايرتاح … الرافگ بالدرب ذباح
ما تبراله بس الرماح
راح يعيش عمره جراح
"" "" "" "" "" ""
خادم القصيده
عزيز المياحي**
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated 1 year, 8 months ago
Last updated 2 months, 1 week ago