‏اشوف الفنى فيني ولكن ظاهري حي
‏و احس بغربة بصدري وأنا داخل بلادي

‏على الهون يا نفسي ترا ما معي شيء
‏يمر الكلام ولكن داخلي ساكت وعادي

‏اخاف من الفرح ياتي علي شوي شوي
‏واحصل روحي بوادي ونفسي بوادي

‏انا فيني من الوجع ماهو اقوى من الكي
‏يخلي لساني الساكت وقلبي ينادي

‏بإسمك الله يالرحمن .. ياخير منان
‏اعوذ بك من سالف اعوامي ومقبلات أيامي

‏اخاف العمر يمشي وتتبع جرته الاحزان
‏واخاف من كثر المساعي تخيب هقوة احلامي

‏وأخاف دورات الأيام تدور وتختلف معها البيبان
‏بابٍ خابره مشرع واليوم ماتاصله مساري أقدامي

لا تزعلني وتحكم علي اني زعول
‏وانت تدري مستحيل ازعل الا من بلا

‏والعذر في بعض الاحيان مايلقى قبول
‏في وسع صدر تحمل زعل لين امتلا

‏مرَّت رْيَاحك.. وهبَّت كلّ شيء إلَّا شراعي!
‏والبحر غدّار، وأنت أحلى مشاوِيْرك عنيْفة

‏ما تركْتِك في توقَّاد الهوى.. والشوق واعي!
‏كيف عاد أترك دروبك؛ والزِّمان يْحدّ سيْفه؟

‏أندفع لك من مغبّات الجَوى؛ وأنت اِندفاعي
‏قلبك إنْ ما صدِّني بَرْده؟ أبى أهْلَك في مصيْفه

‏أذكِرك، وأعْرِف تفاصيْل آخرك! وَأسمعك داعي
‏ليش وجهك يوم عاد لـْ ديْرته، ما عاد طِيْفه؟

‏فيك أحسّ بْخفَّة إحساسي، ونفسي، واِتّساعي
‏معك روحي -رغم ثِقْل الأرض وأهلها- خفيْفة.

‏والله إني أبيع سنين عمري
‏فرح و مزوح إذا كان / المقابل تباسيم وجهك

‏"البسمة اللي ترحّب بي و أنا مقبل
‏يا جعلني ماخلا من وجه راعيها"

‏"تخيلته أطيّب من إللي على الأرض لا طاب
‏و لقيته أطيّب من إللي كنت متخيلته "

‏حنا كبرنا على المشروه والانتقاد
‏سمه تغافل تجاهل سمه اللي تبيه

‏حتى الرفيق السنافي والرفيق الحشاد
‏من خيّب الظن منهم ماشرهنا عليه

‏يمرنا يعتذر عقب الزعل والعناد
‏ويروح من عندنا ماسمع شرهه وليه

‏ان قال كبوة جواد نقول كبوة جواد
‏وان قال طيحة جمل قلنا جمل ماعليه

‏لاتخليني على .. جمر الاشواق احتريك
‏والله ان كم لي وانا منتظر لحظة لقاك

‏أيه احبك واعشقك والمشاعر تهتويك
‏الله أعطاك الغلا واشهد ان الله عطاك

‏ياهوى بالي ترى .. مالك بقلبي شريك
‏مكتفي بك ياضمى روحي وروحي فداك

‏ماني عاديه لا و اللذي حطّ لي رمشٍ غفير
‏ أنا فرصة عمر يا سْعد من يحظى بها