Мазлум бўлсанг бўлгин, золим бўлмагин,
Узилсанг узилгин, узган бўлмагин.
Маҳшарда ҳисоби жуда ҳам оғир,
Эзилсанг эзилгин, эзган бўлмагин.

#Jaloliddin_Rumiy

Еркак учун дунё-уй
Аёл киши учун уй-дунё

*Байҳақий, Асмо бинт Зайд ал-Ансорийядан ривоят қилиб келтирадилар:

Набий соллаллоҳу алайҳи ва саллам саҳобалари билан биргаликларида у зотнинг олдиларига Асмо бинт Зайд келдилар ва шундай дедилар:
"Ота-онам сизга фидо бўлсин, ё Расулаллоҳ! Жоним сизга фидо бўлсинки, мен сизга аёллар томонидан юборилган элчиман. Шарқ-у ғарбда яратилмиш бирор бир аёл йўқки, бу гапларимга қўшилмасин:
Аллоҳ сизни ҳақ билан эркаг-у аёлга юборди. Сизга ва сизни юборган Илоҳингизга иймон келтирдик. Биз аёллар жамоаси (тўрт девор билан) ўралиб, (хатти-ҳаракатларимизда) чекланганмиз. Сиз(эркаклар)нинг уйингизда ўтирамиз. Сизларнинг шаҳватларингизни сўндирамиз. Болаларингизни кўтариб юрамиз. Сизлар бўлса, эй эркаклар жамоаси, жумъа ва жамоатлар билан, касалларни зиёрат қилиш, жанозаларга қўшилиш, ҳаж ортидан ҳаж қилиш билан бизникидан кўра кўпроқ фазилатга эга қилиндингиз. Буларнинг афзали эса, Аллоҳ йўлида жиҳод қилиш бўлади. Агар сиз эркаклардан бирингиз ҳожи бўлиб ё умрачи бўлиб ёки мужоҳид бўлиб йўл оладиган бўлса, биз сизларнинг молингизни муҳофаза қиламиз, сизларга либос тўқиймиз. Болаларингизга тарбия берамиз. Шундай экан, ажрда сизларга шерик бўлмаймизми, ё Расулаллоҳ?".

Шунда Набий соллаллоҳу алайҳи ва саллам юзларининг тамомини саҳобалари томон буриб, улардан "бирор бир аёл дини масаласида мана шу аёлнинг саволидан кўра яхшироқ сўз сўзлаганини эшитганмисизлар?", деб сўрадилар. Улар: "ё Расулаллоҳ, биз бирор бир аёл бу каби нарсага муваффақ бўлади деб ўйламагандик", деб жавоб беришди.

Сўнг Набий соллаллоҳу алайҳи ва саллам ҳалиги аёлга қараб, шундай дедилар: "эй хотин, ортингга қайтиб, орқангдаги аёлларга шуни билдир: сизлардан бирингизнинг эрига яхши турмуш ўртоқлик қилиши, эрининг розилигини исташи ва эри маъқуллаган нарсага эргашиши мана шуларнинг барига тенг келади".

Бу гапни эшитган аёл таҳлил ва такбир айтган ҳолда, хушхабар олганча ортига қайтди.

Манба: Имом Суютийнинг "ад-Дуррул мансур" тафсири, 2/518*.

Ширин ёлғондан, аччик ҳақиқат тотли

Севилмоқ учун аввало севмоқ лозим.