**MENGA QIZIN BERMAGANLAR

Sovchi borsa dedi dadang,
U kambagʻal bola satang.
Bugun esa qilar attang,
Menga qizin bermaganlar.

Boy koʻnglini toʻqladilar,
Menga esa doʻqladilar.
Mana bugun yoʻqladilar,
Menga qizin bermaganlar.

Uchramadi koʻngli kengi,
Yoqasiga tushmas yengi.
Boʻlolmadi ular tengi,
Menga qizin bermaganlar.

Ado boʻldim ex rostimda,
Ishqim uchun yoʻl bostimda.
Endi yurar qoʻl ostimda,
Menga qizin bermaganlar.

Nomim bilan koʻksin kerar,
Ex ortimdan rizqin terar.
Soyam koʻrsa salom berar,
Menga qizin bermaganlar.

Qiz koʻngliga qarashmadi,
Roziligin soʻrashmadi.
Yaxshilikka yarashmadi,
Menga qizin bermaganlar.

Tegib ketdi buzib ahdin,
Boy qilmada boyni taxtin.
Koʻrmadilar qizin baxtin,
Menga qizin bermaganlar.

✍ Odilbek Qodirov**

@Qaysar_gulimm

**ЎКИНЧ...

Ўкинч тўла қалбда қилади исён
Туйғулар, жунбушга келади ҳиссиз.
Ишқим гирён бўлса тордир бу жаҳон
Юрган йўлларим ҳам тор эрур сенсиз !

Ҳисларимни кўзларингга кўмиб қўй...

Чаманзор, гулбоғлар бир кун сўлади,
Тоғлар ҳам қулайди, кун келиб бир кун !
Меҳринг тафти ила қалбим тўлади,
Севгимни ҳис қилгин, айтаман беун !

Ҳисларимни кўзларингга кўмиб қўй...

Оқар сувлар айтар, соғинганимни,
Сайроқи қушлар ҳам айтар куйида.
Айтади, сен томон чоғланганимни,
Севишган икки жуфт висол тўйида... 

Ҳисларимни кўзларингга кўмиб қўй...

Ҳижрон ғолиб келди, парда осдилар
Эҳ сени кўрмасин дея, кўзимга.
Сен эса сезмадинг, тамға босдилар,
Ишқимизнинг тиниқ, оппоқ юзига !

Ҳисларимни кўзларингга кўмиб қўй...

✍️ МУРОДУЛЛА

? УМИДА ТУРСУНОВА**

@Qaysar_gulimm

@Qaysar_gulimm

@Qaysar_gulimm