**🔥*Келгин Она қўлларингдан ўпиб қўяй...

Бешигимда бармоқларинг изи қолган,
Юргунимча минг эгилиб белинг толган,
Ўзинг эккан райҳонларинг бўса олган
Келгин Она қўлларингдан ўпиб қўяй...

Тандирларда оташ ичра нонлар ёпиб,
Кулча берсанг қувонганман учиб-чопиб,
Ўша олов куйдирган у жойин топиб,
Келгин Она қўлларингдан ўпиб қўяй...

Бола эдим, чарчашингни билмаганман,
Тинмай йиғлаб ухлатмасдан қийнаганман,
Улғайгунча қучоғингда ўйнаганман,
Келгин Она қўлларингдан ўпиб қўяй...

Жолаларим киприкларга ўзин осиб,
Уҳлай дейман кафтларинга юзим босиб,
Тиллоларга тўлдираман бир кун насиб,
Келгин Она қўлларингдан ўпиб қўяй...

Кимга бахту кимга ғавғо дунёсида,
Кема бўлдинг менга ҳаёт дарёсида,
Исинаман сенинг меҳринг зиёсида,
Келгин Она қўлларингдан ўпиб қўяй...

Дунёсини ташлаб келдим кўргин ана,
Ҳаммасини тушуняпман энди мана,
Аллоҳ сенга ўхшаганин бермас яна,
Келгин Она қўлларингдан ўпиб қўяй...

Бешигимда бармоқларинг изи қолган,
Юргунимча минг эгилиб белинг толган,
Ўзинг эккан райҳонларинг бўса олган,
Келгин Она қўлларингдан ўпиб қўяй...

📝 Муаллиф: Зоҳид Зиё...

➪ @ONAMGAA 🍂Ота онасига мехрибонлар канали

Яқинларингизга улашинг, обуна бўлишни унутманг!!!***

**🔥*Кўз ёшингиз қолдими Она...?

Баъзан кўрдим кўзингизда нам,
Армон раҳна солдими Она...
Бизлар кутган бахтли кунга ҳам,
Кўз ёшингиз қолдими Она...

Сабрингизнинг чеки йўқ қаранг,
Мен йиғламай турибман аранг,
Кўзингиздан яна бир сўранг,
Кўз ёшингиз қолдими Она...

Дардингизни айтдингиз тунга,
Гувоҳ бўлдим неча бор бунга,
Дуоингиз ижобат кунга,
Кўз ёшингиз қолдими Она...

Аламларнинг кўксини тиғланг,
Армонларнинг кўксини тиғланг,
Йиғласангиз бахтлардан йиғланг,
Кўз ёшингиз қолдими Она...

Оҳ волидам қаранг қошимда,
Омад турар, ҳумо бошимда,
Бахтни тутдим айни ёшимда,
Кўз ёшингиз қолдими Она...

Ҳаёт сизни йиғлатди кўп бор,
Синовлардан чекдингиз озор,
Ғамлар учун ясар эдим дор,
Кўз ёшингиз қолдими Она...

Баъзан кўрдим кўзингизда нам,
Армон раҳна солдими Она...
Бизлар кутган бахтли кунга ҳам,
Кўз ёшингиз қолдими Она...

📝 Муаллиф: Зоҳид Зиё...

➪ @ONAMGAA 🍂Ота онасига мехрибонлар канали

Яқинларингизга улашинг, обуна бўлишни унутманг!!!***

**🔥*Меники бўлмаган фақат сен қолдинг...

Юракни озорлаб тўймайди фироқ,
Манзиллар яқину кўнгиллар йироқ,
Мен нени хоҳласам эришдим бироқ,
Меники бўлмаган фақат сен қолдинг...

Дилимга ҳаваслар тўлдирди дунё,
Гуллатди гоҳида сўлдирди дунё,
Бўлмаган ишимни бўлдирди дунё,
Меники бўлмаган фақат сен қолдинг...

Эсласам кўзимда пайдо бўлар нам,
Ичимни ёритмас ёқилса ҳам шам,
Ҳамма нарсам бору ҳаётда эркам,
Меники бўлмаган фақат сен қолдинг...

Ишқимни сойларга сўзлаб ўтяпман,
Висолинг ҳаёлда кўзлаб ўтяпман,
Йилларки кечалар бўзлаб ўтяпман,
Меники бўлмаган фақат сен қолдинг...

Мени суйганларга менинг хушим йўқ,
Оҳ сени кўрмаган бирор тушим йўқ,
Қўлимда нима бор бунга ишим йўқ,
Меники бўлмаган фақат сен қолдинг...

Бахтлиман деб қўяр гоҳида тилим,
Инкор қилаверар барчасин дилим,
Борлиги қувончим бўлган севгилим,
Меники бўлмаган фақат сен қолдинг...

Юракни ҳар кеча қийнайди фироқ,
Манзиллар яқину кўнгиллар йироқ,
Мен нени хоҳласам эришдим бироқ,
Меники бўлмаган фақат сен қолдинг...

📝Муаллиф: Зоҳид Зиё...

➪ @ONAMGAA 🍃Ота онасига мехрибонлар канали

Яқинларингизга улашинг, обуна бўлишни унутманг!!!***

**?*Дадамга ўхшайман дадамга...

Эголмас бошимни синовлар,
Шерикмас юрагим аламга...
Мен учун ўрнакмас бировлар,
Дадамга ўхшайман дадамга...

Омадни қидирсам ёнда бор,
Шижоат дадиллик жонда бор,
Қонда бор биродар қонда бор,
Дадамга ўхшайман дадамга...

Осмонга илганман шаънимни,
Буколмас душманлар танимни,
Нигоҳим титратар ғанимни,
Дадамга ўхшайман дадамга...

Менда бир яхшилик кўрсангиз,
Ким экан бу дея сўрсангиз,
Айтайми? Билмоқчи бўлсангиз,
Дадамга ўхшайман дадамга...

Ҳикмати дилимга мисли шам,
У борки енголмас мени ғам,
Замоннинг энг зўри бўлсам ҳам,
Дадамга ўхшайман дадамга...

Эголмас бошимни синовлар,
Шерикмас юрагим аламга...
Мен учун ўрнакмас бировлар,
Дадамга ўхшайман дадамга...

?Муаллиф: Зоҳид Зиё...

➪ @ONAMGAA ?Ота онасига мехрибонлар канали

Яқинларингизга улашинг, обуна бўлишни унутманг!!!***

**?*Ишқимнинг уволи тутмаса бўлди...

Йўлингни армонлар кутмаса бўлди,
Юрагинг фиғонлар ютмаса бўлди,
Бахтли бўлишингни тилайман лекин,
Ишқимнинг уволи тутмаса бўлди...

Озоринг оғритди жисму -жонимни,
Қарғайми сени илк кўрган онимни,
Муҳаббат бир куни, олиб ёнимни,
Ишқимнинг уволи тутмаса бўлди...

Хотиржам юрибсан бир қалбни эзиб,
У қалб туйғулардан қолдику безиб,
Кўнглинг меникидай оғриқни сезиб,
Ишқимнинг уволи тутмаса бўлди...

Нолалар айланар унсиз кўз ёшга,
Наҳот юрагимни берганман тошга,
Неларни солдинг-а бир мағрур бошга,
Ишқимнинг уволи тутмаса бўлди...

Одамлар вафони унутган ё Раб,
Алдайди кўзинга жилмайиб қараб,
Сенинг ҳам ёнингни андуҳлар ўраб,
Ишқимнинг уволи тутмаса бўлди...

Биламан бу шеърга тушмайди кўзинг,
Балки исмимни ҳам айтмайди сўзинг,
Эҳ алдаб юрибсан ўзингни-ўзинг,
Ишқимнинг уволи тутмаса бўлди...

Бахтли бўлишингни тилайман лекин,
Ишқимнинг уволи тутмаса бўлди...

?Муаллиф: Зоҳид Зиё...

➪ @ONAMGAA ?Ота онасига мехрибонлар канали

Яқинларингизга улашинг, обуна бўлишни унутманг!!!***

✨ ???????? | ??YAQINLARIMGA TABRIKLARIM??

???????????

Kutilmagan qoʻngʻiroq tarzida
Yana bir insonning qalbiga
Quvonch ulashdik ??

Azizlarim siz xam ??
biz orqali oʻz yaqinlaringizga
Tabriklaringizni yoʻllang

#Boshlovchi
? #Manzura_Egamovna

?? TABRIKNOMA ??

? MUROJAAT UCHUN ?
@ALHAMDULIIILAH

✨ ???????? |
??TABRIKLAR ??

+998338554225
??????????

**?*Мени қандай дуо қилдингиз Она...

Мени қандай дуо қилдингиз Она,
Омад остонамни ўйиб юборди...
Мени қандай дуо қилдингиз Она,
Аламлар қўлимдан қўйиб юборди...

Мени қандай дуо қилдингиз Она,
Тупроқни ушласам ўзгарар зарга...
Гаънимлар бошимга отган тошлари,
Етиб келгунича айланар парга...

Мени қандай дуо қилдингиз Она,
Яхшилар ўради тўртта томоним...
Аввалари бироз ҳудбинроқ эдим,
Энди сезилмайди зарра ёмоним...

Мени қандай дуо қилдингиз Она,
Ёниб-куймасам ҳам ишим юришар...
Ҳар куни кўнглимга кирмоқ исташиб,
Бахтлар эшигимда кутиб туришар...

Мени қандай дуо қилдингиз Она,
Гуллар очилади қадамим сари...
Болам деб бир кулиб қўйсангиз яна,
Ёришиб кетади юрагим қари...

Мени қандай дуо қилдингиз Она,
Андуҳдан тўкилган томчи ёшим йўқ...
Фақат шодликлардан кўзларимда нам,
Борсизки бировга эгар бошим йўқ...

Мени қандай дуо қилдингиз Она,
Омад остонамни ўйиб юборди...
Мени қандай дуо қилдингиз Она,
Аламлар қўлимдан қўйиб юборди...

?Муаллиф: Зоҳид Зиё...

➪ @ONAMGAA ?Ота онасига мехрибонлар канали

Яқинларингизга улашинг, обуна бўлишни унутманг!!!***

#Boshlovchi
#Suxandon #soʻz #ustasi
?#Manzura #Egamovna ?

???????????
Habibimga ummat bo'lgan kun
Qutlugʻ bo'lsin Muborak bo'lsin
Har oningiz xuzurla bo'lib,
Umringiz xam ziyoda bo'lsin.
???????????
Dilingizda zikru salovat,
Tilingizda Qur'on tilovat,
Hayotingiz nurlarga to'lib,
Qalbingizda  bo'lsin xalovat.
??????????

MUROJAAT QILISH UCHUN
ALOQA RAQAMLARI.
  +998338554225

https://t.me/ZohidZiyoo

✨ ???????? | ??YAQINLARIMGA TABRIKLARIM??

???????????

Kutilmagan qoʻngʻiroq tarzida
Yana bir insonning qalbiga
Quvonch ulashdik ??

Azizlarim siz xam ??
biz orqali oʻz yaqinlaringizga
Tabriklaringizni yoʻllang

#Boshlovchi
? #Manzura_Egamovna

?? TABRIKNOMA ??

? MUROJAAT UCHUN ?
@ALHAMDULIIILAH

✨ ???????? |
??TABRIKLAR ??

+998338554225
??????????

**?*Тоғлар матонатни, Отамдан олган...

Осмонни ўпади қорли чўққилар,
Чўққилар бағрига бургут, ин солган...
Тан олсин самога интилган тоғлар,
Улар, матонатни Отамдан олган...

Мағрур қадамлари манзил танламас,
Оталар олтиндир, олтин зангламас,
Ким билар, кимлардир буни англамас,
Чинорлар, савлатни Отамдан олган...

Баъзан сўз демасдан, жим қолган тили,
Бизларга сарфлаб ўтди қирқ йили,
Йўқ деса ишонманг, менман кафили,
Сабрлар, тоқатни Отамдан олган...

Мен учун дунёда энг зўри бўлди,
Талпинган жойларим қалб қўри бўлди,
Авф этсин ўхшатай, чин «Бўри» бўлди,
Бўри, жасоратни Отамдан олган...

Қай ишга қўл урса, келди ўнгидан,
Нелар ўтказади билмам кўнглидан,
Ҳеч мағлуб бўлмади, ҳаёт ўйнидан,
Омадлар, омадни Отамдан олган...

Минг-минг ҳижолатда, тебратдим қалам,
Таърифлай олмадим, қилди кўп алам,
Пойига гиламлар бўлсин-эй танам,
Шонлар ҳам, шавкатни Отамдан олган...

?Муаллиф: Зоҳид Зиё.

➪ @ONAMGAA ?Ота онасига мехрибонлар канали

Яқинларингизга улашинг, обуна бўлишни унутманг!!!***