🔴 “Бора- бора ўзбек амалдорлари Швейцариядан туриб Ўзбекистонни бошқаради”

🎥 Тўлиқ видео

Тошкентнинг ҳавосининг ифлосланиши юзасидан “Ватандош” интеллектуал клубида муҳокама бўлиб ўтди. Унда йиғилган тадқиқотчилар аксар экологик масалаларнинг ҳал этилиши маблағга бориб тақалишини қайд этишди ҳамда айни дамда маблағ етишмовчилиги масаласи кўндаланг турганини билдиришди.

Бироқ, Uzdiplomat 2024 йилнинг ўзида экологик вазиятни яхшилаш бўйича ташқаридан олинган кредитлар миқдори 300 миллион АҚШ долларидан ортиқроқ эканлиги эълон қилинган эди.

Йиғилишда қатнашган Uzdiplomat муҳаррири Анора Содиқова Тошкент шароитининг табақалашгани юзасидан ҳам фикр билдирди.

“Ҳукуматнинг айнан юқори вакиллари яшайдиган туман ва маҳаллаларда дарахтлар кесилмайди, кўчалар тоза сақланади, йўллар эса равон”, дейди журналист.**

Мутахассис ҳам айнан ҳукумат кўчиб ўтиши режалаштирилган “Янги Ўзбекистон” ҳудудлари айнан экологик мақбул жойлар эканлигини айтади.

Халққа эмас, ўзигагина яхши шароитни кўзлайдиган амалдорлар бора-бора Ўзбекистонни Швейцариядан туриб бошқаришса ажаб эмас, дея киноя қилади журналист.

Telegram | Instagram | You Tube | Facebook | X

МДҲ давлатларининг яна бирида сайловлар амалдаги президентни ўзгартира олмади

@anora_sodiq

"Ўзбекистонда чангга қарши курашиш вазирлиги очилади"

🎥 Тўлиқ видео

Тошкентнинг ҳавоси ифлосланиши юзасидан “Ватандош” интернет нашри жамоаси масъуллар ва тадқиқотчиларни бир жойга йиғди.

Муҳокамада сўзга чиққан сиёсатшунос Ҳамид Содиқ Тошкент ҳавосининг ифлосланиши ва уни олдини олиш юзасидан тадқиқот ва ечимлар борлигига ишора қилди. У масала депутатлар томонидан сиёсийлаштирилмас экан, ҳал бўлмаслигини айтди.

БАТАФСИЛ

Telegram| Instagram | You Tube | Facebook | X

Маънавият экспертизаси Усмон Носир, Абдулла Қодирий, Фитратларни ўлдирганди
Абдулла Орипов ёзади:

“Йўлчиман манзилим уфқдан нари
Ложувард денгизнинг тубига яқин.
Шу сатрлар делосида ёзилган, ложувард денгизнинг тубида нима бор? Америка! Усмон Носир Америкага кетяпти.
Мана шунақа хулоса чиқарган.”
Даҳшат?!

Энди янги тузилаётган маънавият экспертизаси ҳам ҳар бир ижод намунасидан кир ахтарадими? Ёки бўлмаса 10 кишининг маънавият призмаси орқали 37 млн аҳоли учун ижод намуналарини танлаб, хулоса бериладими?! Аввалги даврдагидек тепага ёқмаган одамлар “маънавият экспертизаси” баҳона четлатиладими?! Қора рўйхатлар тузиладими.

Ҳуддики, бу ғоя янги эркин фикрлайдиган ёшлардан эмас, эски Султонлардан чиқаётгандек. Балки шундайдир.
Энди фикр эгаларининг қотиллари кимларни йўқ қилади, ўлдиради. Ўлмасак кўрармиз, Келажак авлод буларга баҳосини беради. Биргина умидимиз шу.

@anora_sodiq

Ўзбекистонда ҳатто ҳоким ўринбосарининг уйидан чиқадиган 3 миллион АҚШ доллар маблағини ўзини энг ривожланган давлатлар қаторида кўрадиган Жанубий Корея бутун бошли 55 млн.дан кўп аҳолига эга Марказий Осиёга хайрия қилмоқчи. Жуда катта маблағ ўтказаяпман, деб ўйласа керак-а?! Билмайдики, бундай маблағлар ўзбекистонлик энг қуйи поғонадаги амалдорларининг чўнтагида ҳам юришини.
@anora_sodiq

Ҳар даврнинг мустақил, урф-одатларга бўйсунмаган, барқарор аёллари бўлганлигига ишонаман. Шу жумладан Ғарбий Туркистонда ҳам.

Шиша ушлаган Бухоролик аёл
XIX Аср

@anora_sodiq

"Тарихий бойликларимиз ҳозир ишончли жойларда турибди, Уларни Ўзбекистонга қайтарсак яна мутасаддилар сотиб юбориши мумкин". Тарихий бойликларимизни Ўзбекистонга нега қайтармаймиз, деб тарихчимизга савол билан юзлангандим. Ярим ҳазил, ярим чин қилиб шу юқоридаги жавобни берди.

Суратларда XIX Асрлардаги Ғарбий Туркистон аҳолиси акс эттирилган. Бу суратлар махсус Санк-Петербургдан келтирилган. Шу кунларда Тошкент фотосуратлар уйида Ўрта Осиё фотосуратчиси В.Орденнинг кўргазмаси давом этмоқда.
Бизни тарихимизга тегишли кўп ноёб бойликлар афсуски, четда сақланмоқда. Уларни нусхасини сотиб олиб бизга тақдим этувчилар ҳам ҳозирча ўзимизникилар эмас.

@anora_sodiq