ЯХШИ  ВА  ЁМОНЛуқмоннинг хожаси жонлиқ қурбонлик қилиб, сўйилган қўйнинг энг яхши аъзосини пишириб келишни буюрибди.

Луқмон қўй юраги ва тилидан таом тайёрлаб келибди.

Эртасига хожаси унга энди қўйнинг энг ёмон аъзоларидан пишириб келишни айтибди. Луқмон бу гал ҳам унинг олдига пиширилган юрак ва тилни қўйибди.

- Айтганим ёдингдан кўтарилганга ўхшайди, - аччиғи чиқибди хожасининг. - Нега менга яна қўйнинг кечаги аъзоларини пишириб келдинг?

- Йўқ, нима буйруқ қилганингиз яхши эсимда, - жавоб қилибди Луқмон. - Юрак беъмани феъл атворга изн бермаса, ножўя сўз тилга олинмаса, улардан яхши аъзони топа олмайсиз. Агар бунинг тескариси бўлса, булардан ёмон аъзо йўқ.

Жалолиддин РУМИЙ.

Сиз бу каналга обуна бўлдингизми?  👉@pophayoti

ҲАЁТ, БУ...

*Ҳаёт бамисоли гугурт қутиси. Унга жиддий муносабатда бўлиш ўтакетган бемаънилик, писанд қилмаслик эса —хавфлидир.

Ҳаёт — варағи йиртиб олинган китобга ўхшайди. Уни тўкис деб бўлмаса-да, у барибир тугал.

Ҳаёт — мураккаб. Фақат зўравонликкина мураккаб ҳаётни оддий қила олади. Шу боис ҳам маданий одам, башарти тош асри кишисидек ўйласа, баҳс-мунозарадан куч ишлатишни афзал кўради. Ҳокимият, асли, қонуний зўравонлик. Одамларга ҳукмронлик қилишга, эҳтимол, зарурият бордир. Эҳтимол, йўқдир.*

*© Акутагава Рэюноскэ*

Сиз бу каналга обуна бўлдингизми?  👉@pophayoti

#Мулоҳаза

Тошдек мустаҳкам дўстлик

Икки дўст саҳрода кетиб боришарди. Бир пайт дўстлар баҳслашди ва улардан бири иккинчисига тарсаки туширди. Дўстининг юзи оғриди, лекин ҳеч нарса демади, қумга ёзди: "Бугун менга энг яхши дўстим тарсаки туширди". Улар йўлда давом этдилар. Анҳорга етишди ва у ерда чўмилишди. Тарсаки олган чўкишига оз қолди, дўсти уни кутқарди. У ўзига келгандан кейин тошга: "Бугун энг яхши дустим ҳаётимни сақлаб қолди", деб ўйиб ёзди.
  Тарсаки туширган сўради:
- Мен сени хафа қилганимда сен уни қумга ёздинг, энди эса тошга ўйдинг, нега ?
  Дўсти жавоб берди:
  - Агар кимдир бизни хафа қилса, биз буни қумга ёзишимиз керак, шамоллар уни ўчиради. Лекин кимдир қандайдир яхшилик қилса, ҳеч қандай шамол уни шчиролмаслиги учун, биз уни тошга ўйиб ёзишимиз керак. Хафагарчиликларни қумга, ҳурсандликларни тошга ёзишни ўрганинг.

"Ҳикматлар жавоҳири"  китобидан.

Сиз бу каналга обуна бўлдингизми?  👉@pophayoti

#ибрат

• ҲАҚИҚИЙ ЭРКАК - ҳеч қачон онасини хотинига хор қилдириб қўймайди;
• ҲАҚИҚИЙ ЭРКАК - ҳеч қачон оиласидаги гапларни кўчада гапирмайди;
• ҲАҚИҚИЙ ЭРКАК - ҳеч қачон опа-сингилларига эътиборсиз бўлмайди;
• ҲАҚИҚИЙ ЭРКАК - ҳеч қачон ожиза жуфти ҳалолини оёқ ости қилиб хўрламайди;
• ҲАҚИҚИЙ ЭРКАК - ҳеч қачон оиласи муҳтож бўлиб қолганда уйда ўтирмайди;
• ҲАҚИҚИЙ ЭРКАК - ҳеч қачон кўчадаги аёлларга ёмон кўз билан қарамайди;
• ҲАҚИҚИЙ ЭРКАК - ҳеч қачон нафси йўлида виждонини сотмайди.

@pophayoti

Бир атеист донишмандга савол берибди:
— Худо борми? Бор бўлса, унинг шаклини кўрсатинг. Тақдир нима? Агар шайтон оловдан яралган бўлса, нега охиратда у дўзахда оловга ташланади? Бу унга азоб бермайди-ку, шуни Худо олдиндан ўйлаб кўрмаганми?

Кутилмаганда олим йигитнинг бетига шапалоқ тортиб юборибди. Ҳалиги йигит кутилмаган зарбадан ўзини йўқотиб қўйибди ва:
— Нега урдингиз? Саволларимдан шунчалик аччиқландингизми? — деб, сўрабди.
— Йўқ, ўғлим, хафа бўлмадим, — жавоб берибди олим, бу шапалоқ сенинг учала саволингга жавобдир
— Тушунмадим
— Ҳозир сени урганимда оғриқ ҳис қилдингими? — деб, сўрабди донишманд.
— Албатта, ҳис қилдим
— Демак, сенингча, оғриқ мавжуд, шундайми?
— Ҳа
— Ундай бўлса, унинг шаклини кўрсата оласанми?
— Йўқ, кўрсата олмайман.
— Бу менинг биринчи жавобим. Биз Аллоҳнинг шаклини англай олмасак ҳам. Унинг борлигини ҳис қиламиз. Кеча кечқурун, мен сени уришимни тасаввур қилганмидинг?
— Йўқ.
— Умуман, бирор кун менинг сенга айнан бугун шапалоқ уришимни билганмидинг ёки ўйлаганмидинг?
— Йўқ.
— Бу тақдир, — давом этибди донишманд, — сени шапалоқ билан урган қўлим нимадан иборат?
— Теридан
— Сенинг юзинг-чи?
— У ҳам теридан.
— Теридан иборат бўлган қўлим билан, сенинг теридан иборат юзингга урганимда нимани ҳис қилдинг?
— Оғриқни
— Демак, агар Аллоҳ хоҳласа, оловдан иборат бўлган дўзах ўти оловдан яралган шайтон учун оғриқ беришга қодир бўлади, — деб сўзини тугатибди донишманд.

@pophayoti

​​Ҳаёт.

София турмушга чиқди. Ёш нарса келинлик эмас, зулм-зўравонлик даврини сура бошлади. Бир ёнда ўғлини қизғанаверадиган қайнона, бир ёнда укаси ва келинини холи қўймайдиган опа-сингиллар, бир ёнда София учун қалқон бўлмайдиган эр... Уйдаги минғир-синғирлардан, жанжаллардан тўйиб кетган Ўктам ажрашиб кетди. Ажрашиб кетди-ю, лекин кейинги уйлангани билан ҳам кўп яшолмади. Ўктам жиззаки, асабий бўлиб қолганди. У Софияни қўмсарди, соғинарди... Бировга айтмасди, ичини ит тирнаганча яшашда давом этарди.

Ўктам уйланди... Яна ажрашди... Яна уйланди... Кўп ўтмай, фарзанд кўрди. Фарзандлари тўрттага етди. Оиласи, аёл, бола-чақаси ҳам биринчисини унуттиролмади.
Бу йиллар давомида (13 йил) София ҳам турмуш қурган, фарзанд кўрмагани учун ажрашиб кетган эди.
Ўктам София билан кўришишга қарор қилиб, уни кўчиб кетган жойидан суриштириб топди. Ва қарорини айтди. Ёшликдаги кибр, ёш катталашгач анча синган эди, СубҳанАллоҳ...

Софи... Шунча йил сенсиз сабр билан яшадим... Энди яшолмайман... Кўрасан, энди аввалгидек бўлмайди... Хоҳласанг мен томондан ҳеч ким билмайди, хоҳласанг айтамиз...
Сен нима десанг шу! Фақат "йўқ", демасанг бўлди. Сени қанчалар соғинганимни билсанг эди, сенсиз йиллар менга фақат дарс бўлди...

София ҳам кўз очиб кўрганини соғинарди, дард-у-аламлари ичида йиғилиб қолган, ўша пайтлар жаҳл қилиб ажрашиб кетганига кўп пушаймонлар еган... Ўктамни эса ялиниб келиши етти ухлаб тушига кирмаган эди. Икки тараф ҳам бир марта хато қилган, энди яна хато қилишдан қўрқувда эдилар. София Ўктамга розилик берди. Софиянинг ота-онаси оқ фотиҳа беришгач, Ўктам уни олиб, яшамаган ёшлигини яшаш учун, тўйишга улгурмаган бахтига тўйиш учун, ҳаёт сафарига йўл олди..

Зулфия Махмуд 

@pophayoti

#OAVda_biz

Namanganda Respublika Ma’naviyat va ma’rifat markazi, O‘zbekiston mahallalari uyushmasi, Namangan viloyati hokimligi hamkorligida “Mahallalarda ma’naviy-ma’rifiy ishlarni tizimli tashkil etish” mavzusida Respublika seminari o‘tkazildi.

Batafsil "O‘zbekiston24" telekanali nigohida

Rasmiy sahifalarimiz👇

Telegram | Facebook | YouTube| Instagram