🔥#በዝሙት_በሽታ_የተበከለ_ትዉልድ🔥🔥

🔰 #የመጨረሻዉ_ክፍል
✍አሚር ሰይድ

ዚና ላይ ያለ ትዉልድ መጀመሪያ የሚያጣጥለዉ ትዳርን ነዉ...ከቤተሰብ ጉትጎታ ወይም ጫና ያገባ ከሆነ ደግሞ ለፍች ይቸኩላል፡፡ በተጨማሪ በሀራም ላይ መዘዉተር የአእምሮ እረፍት ስለሌለዉ ራሳቸዉን የሚያጠፉ ወጣቶች ተበራክተዋል፡፡ይህ ሁሉ ዚና ያመጣብን መዘዝ ነዉ፡፡

╔═══════════════════╗
🎖 #ጋብቻን_ማዘግየትና_ማጣጣል🎖
╚═══════════════════╝

ጥናቶች እንደሚያመለክቱት በአዳጊ ሀገራት ውስጥ ወጣቶች ወደ ትዳር የሚገቡበት አማካይ ዕድሜ ከ25-30 ዓመት ነው፡፡ ነገር ግን አንድ አዳጊ ወንድ በአማካይ በ16 ዓመቱ ለወሲባዊ ጉልምስና ይደርሳል፡፡ በተመሳሳይ ሁኔታም በዚሁ ጊዜ ወሲባዊ ኃይሉ ጣሪያ ይነካል፡፡ አንዲት ሴት ደግሞ አሁን አሁን ባለው ጥናት ከ8 ዓመት አንስቶ ለአካለ መጠን ልትደርስ ትችላለች፡፡ ታዲያ በርካታ ወጣቶች ይህንኑ ስሜታቸውን የሚያስተናግዱት የወንድ ወይም የሴት ጓደኛ በመያዝና ዝሙትን በመፈፀም ነው፡፡
#ለምሳሌ የሀይስኩል ተማሪዎችን ብናይ በአንድ ክፍል ውስጥ የወንድ ጓደኛ የማይኖራቸው ጥብቅ ሴቶች ከአስር አይበልጡም፡፡ ይህም ዝሙት ምን ያህል እንደተስፋፋ ትልቅ ማሳያ ነው፡፡

✨✨ ሌላው ሴት የኮሌጅ ተማሪዎች ዘንድ የወንድ ጓደኛ መያዝን ማበረታታትና ትዳርን ማጣጣል እየተለመደ መጥቷል፡፡ ሴት ሙስሊም የመንግስት ሰራተኞች ዘንድም ይኸው ችግር እየተወራረሰ ይገኛል፡፡ ሁሉንም የሚያመሳስላቸው ነገር ደግሞ ቦይፍሬንድ መያዝን እንደ ጤናማ የህይወት ልማድ ማየታቸው ነው፡፡ በእውነቱ ይህ ትልቅ ውድቀት ነው፡፡ ለዝሙት መስፋፋትም ትልቁን አስተዋፅኦ እያበረከተ ያለው ይኸው ቦይ-ገርልፍሬንድነት ነው፡፡ ደዌው ወደ ሙስሊሞችም ተጋብቷል፡፡

╔════════════╗
🎖  #የፍቺ_መበራከት🎖
         ╚════════════╝

በሙስሊሙ ማህበረሰብ መካከል የፍቺ መበራከት ከጊዜ ወደጊዜ እየጨመረና ከባድ ቀውስን እየፈጠረ ያለ አሳሳቢ ጉዳይ ሆኗል፡፡ በቅርቡ በተገኘው አንድ መረጃ እንኳን ከ14 ትዳሮች መካከል 12ቱ ሶስት ወር ሳይሞላቸው ፈርሰዋል፡፡ ይህ በውነቱ በጣም አስደንጋጭ ነው፡፡ አንዳንዶች ሙስሊሙ ወጣት ወደ ትዳር ሲቻኮልና በከተማዋም የሙስሊም ሰርግ በዝቶ ሲያይ ይደሰት ይሆናል፡፡ ግና በዚያው ልክ የሚፈርሱትን ትዳሮች ቢያይ በእጅጉ ያዝናል፡፡ ሙስሊሙ ወዴት እየሄደ ነው? በሚል ሀሳብም ይባዝታል፡፡ ለፍቺ መበራከት ትልቁ መንስኤ ደግሞ የተጋቢዎች ከትዳር በፊት በየፊናቸው የሚፈጥሩት ፆታዊ ግንኙነትና ዝሙት ነው፡፡

እንደሚታወቀው ከትዳር በፊት በርካታ ወጣቶች በቦይ–ገርል ፍሬንድነት (በወሲብ አጋርነት) አብረው ይቆያሉ፡፡ በዚህ ዓይነት ሁኔታ አብረው የሚቆዩቱ ግን አብዛኞቹ ግንኙነታቸው በጋብቻ አይቋጭም፡፡ ከዚህም የተነሳ ሁሉም በየፊናው ሌላ የትዳር አጋር ፍለጋ ይሄዳል፡፡ ግን ከዚህ በኋላ የሚመሰርቱት ትዳር ስኬታማ የመሆን ዕድሉ በጣሙን ዝቅተኛ ነው፤ ምከንያቱም ከትዳር በፊት ያለውን የወሲብን ሕግ ያላከበረ ከትዳር በኋላም ይህንኑ ልማዱን ይደግመዋልና ነው፡፡ ከዚያም ሁለቱም በየፊናቸው ሂያጅነትን ይጀምራሉ፡፡ ሂያጅነት ወደ ትዳራቸው ሲገባ ደግሞ ትዳሩ ወዲያው መናወጥ ይጀምራል፡፡ ቤቱ መረጋጋት ይሳነዋል፡፡ በውጤቱም ፍቺ ወሃን የመጠጣት ያህል ይቀላቸዋል፡፡ ከዚያም ወጣቱ « #ኒካህሽን_እንቺ››፣ «ትሄጃለሽ ወይስ ታድሪያለሽ በሶስት ፈትቼሻለሁ ወዘተ እያለ ትዳርን መቀለጃ ያደርገዋል፡፡ይህም ችግር ስራ የሰደደና ትልቅ ማህበራዊ ቀዉስን ፈጥሯል፡፡

እኔ ብዙ ለትዳር የደረሱትን ለምን አታገቡም?ትዳር ሲመጣላችሁ ለምን ትመልሳላችሁ?ብየ ስጠይቅ የብዙዎች መልስ ከተጋባን ቡሀላ ቢፈታንስ እያሉ በጓደኞቻቸዉ የደረሰዉን የፍች ታሪክና ሳይፋቱ ደግሞ ሴቶች ባለቻቸዉ ጋር እየኖሩ እንደሆኑ በማስረጃ ነግረዉኛል፡፡የፍች ስታቲክስ በየአመቱ የሚያሳየዉ በብዙ እጥፍ እንደሆነ ነዉ፡፡ደግሞ የሚገርመዉ በፍች ብዛት የሚያሳየዉ ሙስሊም ማህበረሰብ ቀዳሚ መሆኑ ነዉ፡፡

╔══════════════════════╗
🎖 #እራስን_የማጥፋት_ወንጀሎች_መበራከት
╚══════════════════════╝

ጥናቶች እንዳመለከቱት ዝሙትና እራስን የማጥፋት ወንጀሎች የተቆራኙ ናቸው፡፡ በተጨማሪም እነዚያ በወሲብ ንቁ (አክቲቭ) የሆኑ ልጆች ከነዚያ እስከ ኒካህ ድረስ ወሲብን ከመፈፀም ከሚታቀቡት ይበልጥ ከሁለት ጊዜ እጥፍ በላይ በጭንቀት የመወረር ዕድላቸው ከፍ ይላል፡፡ ጥናቶቹ አያይዘውም እንደጠቆሙት እነዚያ በወሲብ ንቁ የሆኑ አዳጊ ወንዶች ከአስር ጊዜ እጥፍ በላይ እራሳቸውን የማጥፋት ሙከራን ያደርጋሉ፡፡

📌 #ሴቶችን_በተመለከተ ደግሞ እነዚያ ከጋብቻ በፊት ወሲብ የሚፈፅሙ አዳጊና ወጣቶች ሴቶች ከነዚያ ከማይፈፅሙቱ ሶስት እጥፍ እራሳቸውን ለማጥፋት ሙከራ ያደርጋሉ፡፡ እንግዲህ የዝሙት ዋጋ ማለት ምን ማለት እንደሆነ ተመልከቱ፡፡ የዝሙት ፈጣን ዋጋው ሴሰኝነት ነው፡፡ ሴሰኝነትን ተከትሎ ደግሞ ከበሽታ ባሻገር ጭንቀት ብቅ ይላል፡፡ ጭንቀት ደግሞ ራስን ለማጥፋት ትልቅ መንስኤ ነው፡፡ ታዲያ ከዚህ በኋላ ምንድነው ይሆናል ብለህ የምትጠብቀው? አዎን! ጭንቀት እራስን ለማጥፋት ትልቁ መንስኤ ነው፡፡

✏️✏️ #ራስን_ማጥፋትን በተመለከተ በአዲስ አበባ ውስጥ ከሁለት ዓመታት በፊት በእስጢፋኖስ አበራ የተዘጋጀና በጥልቅ የዳሰሰ ጥናት የተደገፈው መጽሐፍ ላይ እንድ አስደንጋጭ እውነታን ቀርቧል፡-

ለምን እንደሆነ አላውቅም፡፡ ነገር ግን የነገሮች ግጥምጥሞሽ ሁሌም ያስደነግጠኛል፡፡ የነገሮች ግጥምጥሞሽ ሁሌም ያስጨንቀኛል፡፡ ከልጅነቴ ጀምሮ ተመሳሳይ ነገሮች በአንድ ጊዜ ሲከሰቱ ሳይ በጣም እረበሻለሁ፡፡ ለምን እንዲህ ሆነን ብዬም እራሴን ደጋግሜ እጠይቃለሁ፡፡ መልስ ፍለጋም እራሴን ብዙ ጊዜ አስጨንቃለሁ፡፡ መልስ እስከማገኝ ድረስም ስለተፈጠረው ጉዳይ ጊዜ ሰጥቼ ማሰብ እና ማሰላሰል እጀምራለሁ፡፡»የሚል አካቷል

በተጨማሪ የመፅሀፉ ርዕስ «ውስጠ አዋቂ - ከአዲስ አበባ ጓዳ እስከ አደባባይ.. የተሰኘ ሲሆን እራስን ማጥፋት ሌላኛው የአዲስ አበባ ፋሽን፡ በሚለው ንዑስ ርዕስ ሥር በአዲስ አበባ እራስን የማጥፋት ወንጀል በወጣቶች ዘንድ እጅጉን መጨመሩን ይገልፃል፡፡

✏️✏️ #ወደ_ሙስሊሞች_ስንመጣ ደግሞ በተመሳሳይ መልኩ ከኮልፌ መስጂድ ኢማም በመስጊድ ሲናገሩ እንደተሰማው እራስን የማጥፋት ወንጀል ተበራከቷል፡፡ እንደሚታወቀው በተለምዶ ኮልፌ አዲሱ መስጂድ ጀናዛ ሶላት በብዛት ይሰገዳል፡፡ በዚህም መነሻነት ለኢማሙ የሰዎችን አሟሟት አስመልከቶ በርካታ መረጃዎች ይደርሷቸዋል፡፡ የሟቾችን ሁኔታ ሲጠይቁ እራሳቸው ያጠፉ ወጣቶች እንደሚገኙባቸው ይነገራቸዋል፡

የወንጀል መጨረሻዉ ይሄ ነዉ መፍትሄዉ ከዝሙት መራቅ በዝሙት መስመርም ያለ እንደ ዉሀ ኩልል ያለ ተዉበት ቶብቶ አልቅሶ ከወንጀል ፀድቶ አዛኝ ረሂም ለሆነዉ ጀሊሉ እጅ መስጠት ነዉ፡፡ በዝሙት ላይ እገፋለሁ ያለ ምርጫዉ በእጁ ነዉ በዱንያ ደስታ ማጣት የእርዚቅ መገፋት እና አሏህ እንዳለን ለወንጀለኞች ብርቱ የሆነ ቅጣት ይጠብቃቸዋል እንዳለዉ የአሏህን ቅጣት እወጠዋለሁ ጀሀነም ይሻለኛል ያለ ምርጫዉ በእጁ ነዉ፡፡👇👇👇

እኔ በአይኔ ሁለት ልጆች ወልደው አይቻለሁ፡፡»የላይኛዉ ምንጭ መፅሀፍ ገፅ 54

🔰 እቴጌ ገረመዉ ባዘጋጀችዉ የጭን መነባንብ በሚለዉ መፅሀፏ ገፅ 98 ላይ እንዲህ ብላለች

«የኮሌጅ ተማሪዎች ድብቅ እውነታዎች ባሕር ዳር፦ የሀገራችን ተማሪዎች ከሚታሙባቸው የዩኒቨርሲቲ ሴት ተማሪዎች ይማግጣሉ ከሚባሉት ከተማ እንደመሆኗ ለመታዘብ ቸኮልን፡፡ ወሲብ ንግድ ያጧጡፋሉ የተባለላቸውን ተማሪዎቻችን አመሸሽ ለመቃኘት የሚባለውን ነገር ለመታዘብ አንድ ቤት ከ30ደቂቃ በላይ መቆየት እያስፈልግም::ግን ይህን የሚያዩ ለመጀመሪያ ጊዜ ከሆነ አፎን ከፍተው ሲመለከቱ ሊመሽብዎት ይችላል፡፡

የአብዛኞቹን የሴት ልጆች አለባበስ የቡና ቤት ሴቶችም ሲሞክሩት የምንሸማቀብበት አይነት ነዉ፡፡እጆቻቸዉ እግሮቻቸዉ ሁሉ ስራ የበዛባቸዉ ናቸዉ፡፡ በአንድ እጅ ሲጋራ በአንድ እጅ ቢራ፣ መጨፈር፣ መጮኸ፤ በየሙዚቃዉ የሚያስጨፍሩት ወንድ መለያየት
ከሚያስጨፍሩት ወንድ ስልክ መቀበል፣ በሚያስጨፍሩት ወንድ አንገት ውስጥ መወሸቅ፣ በሚያስጨፍሩት ወንድ መተሻሸት፣ወዘተ ....እነዚሁ ሁሉ እጅግ አሸማቃቂ ድርጊቶች ናቸው፡፡ ይሄ ለእነሱ ጀብዱ ሁሉ የመሰላቸው ይመስለኛል፤ ያለማፈራቸውና ድንገት የሚያውቀኝ ሰው ቢመጣ ብለው ግራ ቀኝ ያለመገለማመጣቸው፡፡ ተመልካች ሆነው እንኳን ያፍራሉ፡፡ በተለይ እነሱን በማስተናገድ የሚታወቁት ቤቶችም ጢም ያሉ ናቸው:: እኛ ተማሪዎች የሚገኙበት ቤት ብለን እንደመጣን ሁሉ የመጡ ይሄኔ ስንት ይኖራሉ? በዚያ ላይ ጥሩ ዋጋ ያወጣሉ ሲሉም ሰማሁ፤ እንግሊዘኛ ይሞካከራሉና፡፡ የዚያኑ ያህል ሴቶቹ ከገንዘቡ ይልቅ የሚማርካቸው ግዳይ ጥለው ማደራቸው መሆኑ ይወራል፡፡

╔═══════════════╗
🎖 #ዲላ_ዩኒቨርሲቲ 🎖
     ╚═══════════════╝

በዲላ ዩኒቨርሲቲ ተማሪዎች ላይ የሚስተዋሉ አጓጉል ወሲባዊ ባህሪያት (ዓባይነህ አናሾ እና ታረቀኝ ታደሰ የታተመ ጥናታዊ ጽሑፍ)

እስካሁን እንደተገለፀው በዲላ ዩኒቨርሲቲ የቅድመ ምረቃ ተማሪዎች የሚታዩ ዋና ዋና አደገኛ ተያያዥ የወሲብ ባህሪያት እርስ በርስ ለወሲብ መነሳሳት።በአደባባይ መሳሳምና መተሻሸት፣ አስገድዶ መድፈር፣ ያለ ኮንዶም ወሲብ መፈፀም፣ በርካታ የወሲብ ጓደኞችን ማፍራት፣ ያልተፈለገ እርግዝና፣ ማስወረድና ከሴተ አዳሪዎች ጋር መዳራት ናቸው፡፡

አደገኛ ወሲባዊ ባህሪይ በዲላ ዩኒቨርሲቲ ተማሪዎች ላይ ብቻ ሳይሆን በሌሎች የ2ኛ ደረጃ ት/ቤት ተማሪዎች ላይ፣ በኮሌጆችና በዩኒቨርሲቲዎች፣ የ ኮሌጆችን ጨምሮ የሚስተዋል ነው፡፡

╔═════════════════╗
🎖 #ሐረማያ_ዩኒቨርሲቲ 🎖
╚═════════════════╝

ከአዲስ አበባ ከተማ 513 ኪ.ሜ ርቀት ላይ የሚገኘውና በ2010 እ.ኤ.አ ለ14ሺ ተማሪዎች የትምህርት ገበታ በዘረጋው ሐረማያ ዩኒቨርሲቲ ላይ የኤች.አይሺ ሥርጭትን የሚገመግም ጥናት ተካሂዶ በአቶ ታሪኩ ደንጌታ አማካኝነት ለሕትመት በቅቷል፡፡ በጥናቱ መግቢያ ላይ ከቤተሰቦቻቸው ርቀው በዩኒቨርሲቲ የሚኖሩ የቅድመ ምረቃ ተማሪዎች ከሌሎች ወጣቶች በተለየ መልኩ ለኤች አይ.ቪ በሚያጋልጡ አደገኛ ድርጊቶች ላይ እንደሚሰማሩ ተገልጿል፡፡

⚡️⚡️በጥናቱ ላይ ከተሳተፉት ተማሪዎች ዉስጥ  
☞ 22.8% የሚሆኑት ወሲብን ለመጀመሪያ ጊዜ የፈፀሙት ዩኒቨርሲቲ ከገቡ በኋላ መሆኑን ተናግረዋል፡፡
☞ ወሲብ የመፈፀም ልምድ እንዳላቸው ከተናገሩት ወንድ ተማሪዎች ውስጥ ግማሽ ያህሉ ከሴተኛ አዳሪዎች ጋር አንሶላ የሚጋፈፉ መሆናቸውን እራሳቸው አምነዋል፡፡
☞ እንዲሁም ኮንዶም በአግባቡ የማይጠቀሙት 60% መሆናቸው ጉዳዩን ይበልጥ አሳሳቢ ያደርገዋል፡፡

ዩኒቨርሲቲ ተማሪዎች ከሌሎች ወጣቶች በተሻለ ተምረዋል የሚባሉ ቢሆኑም ኮንዶም አለመጠቀምን ጨምሮ ሌሎች ጥንቃቄ የጎደላቸው ድርጊቶችን ሲፈፅሙ የሚስተዋሉ እነርሱ ናቸው፡፡ በተለይ ወሲብ ለመጀመሪያ ጊዜ የሚፈፅሙ ወንዶችም ሆኑ ሴቶች ኮንዶም የመጠቀም ዝንባሌያቸው በእጅጉ ያነሰ ነው፡፡ የዚህ ምክንያቱ መደብር ጎራ ብለው ኮንዶም ለመግዛት ስለሚያፍሩ ነው፡፡

╔═══════════════════╗
🎖 #አዲስ_አበባ_ዩኒቨርሲቲ 🎖
╚═══════════════════╝

እትጌ ገረመዉ የጭን መነባንብ ሌሎችም በሚለዉ መፅሀፍ ከገፅ44-45 ድረስ ስለአዲስ አበባ ዩኒቨርስቲ ተማሪዎች ይህ ሰፍሯል

(ሊሊ!) እኔ የምልሽ! የዩኒቨርሲቲ ተማሪ ወንዶች እናንተ ጋ ሊዝናኑ አይመጡም? ሊሊ ይመጣሉ፤ ግን እነሱን ሌላ ቢዝነስ መፈለጊያ ነው የምንጠቀምባቸው፡፡ የዩኒቨርሲቲ ተማሪ ከየት አምጥቶ ያወጣሻል? ማታ ቺቺኒያ አመሸሁ ለማለት ነው የሚመጡት፡፡ ለአልጋ መያዣ እንኳን ብር ስለማይተርፋቸው እስኪነጋ ድረስ ሲጨፍሩ ነው የሚያድሩት፡፡ እነሱን ለዳንስ ነው የምንጠቀምባቸው፡፡ በጣም አሪፍ ደናሾች ናቸው፡፡ ከነርሱ ጋር ሰትደንሺ የሚጎትትሽ አይጠፋም፡፡ ደግሞም የዩኒቨርሲቲ ተማሪ ቢኖረውም ማውጣት የለብሽም፤ አይፋቱሽማ፡፡ አንድ ቀን ካወጡሽ በቀን ሊያገኝሽ ይፈልጋል፤ ካልቃምን፣ ወደድኩሽ ምናምን እያሉ ይጃጃላሉ፡፡ስራ ቦታ በዚያ ምሸት ባዶ እጁን መጥቶ ውጭ አስጠርቶ እትት ሊል ይፈልጋል፡፡ አሁን አሁን ሁሉም ሴት ሰላወቀ ብር ቢኖራቸው እንኳን ማንም እሺ አይላቸውም፡፡»

በምን ታውቋቸዋላችሁ? ይለያሉ ማለት ነው? ልጅነታቸው፣ ሁለትና ሶስት ሆነው መምጣታቸው፤ አስሬ ብራቸውን እያወጡ መቁጠራቸው በአንድ ዕይታ ያሳልቀባቸዋል:: የሚጀምሩት በዳንስ መሆኑ መለያቸው ነው፡፡ እየደነሱ ሊገቡ ሁሉ ይችላሉ፡፡ ብታያቸው በዳንስ እና ስራችን የሆነ ቢዝነስ ማሯሯጫ በየቀኑ የምናስነካዉ እንኳን አንደርስባቸው ... የመጀመሪያ ጥያቄያቸው ፌስቡክ የለሽም? የፌስቡክ አድራሻሽን ስጪኝ ስለሆነ #ላይክ ነው የምንላቸዉ፡፡ካለ እነሱ አራዳ ያለ አይመስላቸዉም፡፡ነገ ከቤተሰብ ስለሚላከልኝ ለዛሬ ተቸገሪልኝ የሚለው ብዛቱ ቀላል እንዳይመስልሽ፤ ባለፈው ሳምንት እምቢ ብለሽው ተመልሶ እንደ ጫትና ሲጋራ ለዱቤ ጥየቃ ይንጓተትሻል፡፡ ዱቤ መጠየቅ ከልክል ነው ብለን እንነቀስላቸው እየተባለ ሙድ የሚያዝባቸው ናቸው:፡»”

✏️✏️በጥቅሉ የዩኒቨርሲቲ ተማሪዎቻችን ገመና ባጭሩ ከሞላ ጎደል እስካሁን ያየነውን  ይመስላል፡፡ የዩኒቨርሲቲዎች መብዛት ብቻውን ለምሁር መፍለቅ በቂ አይደለም፤ ምናልባትም ትምህርትን ለብዙኃን ለማዳረስ ካልሆነ በቀር፡፡ ልክ ዩኒቨርሲቲዎች የበዙትን ያህል ተማሪውን ከትምህርቱ የሚያግዱ ነገሮችም አብረው ይበዛሉ! ምናልባትም ከዚያ በብዙ እጥፍም ሊያድጉ ይችላሉ፡፡ በዚህን ጊዜ ተማሪው ከትምህርቱ ይታገዳል፡፡ ተማሪው ካልተማረ ደግሞ አስተማሪው አያስተምርም፡፡ ይህም በመሆኑም ተማሪው ትምህርቱን እንዲማር የተለያዩ ሥራዎች መሠራት አለባቸው:: በዚያው ልክ ተማሪውን ከትምህርቱ የሚያግዱ ነገሮችም እንዲጠፉ አብዝተው መሥራት ግድ ይላል፡፡

#በመጨረሻዉ_ክፍል
በዚና የተበከለ ትዉልድ የመጨረሻ ዉጤቱ
ጋብቻን ማዘግየትና ማጣጣል..የፍች መበራከት...እራስን የማጥፋት ወንጀሎች መበራከት በህብረተሰቡ ላይ ተፅዕኖ እንደፈጠረ እንዳስሳለን

join👇👇👇
t.me/IslamisUniverstiy_public_group
t.me/IslamisUniverstiy_public_group

✨ #አላህን_የት_ትወነጅለዋለህ??
✍አሚር ሰይድ

ከዕለታት አንድ ቀን እንድ ሰው ወደ ኢብራሃም ኢብኑ አድሀም( አላህ ይዘንላቸውና) በመምጣት ለመፈፀም የሚፈልገውን የኃጢአት ዓይነት ጠቀሰላቸው፡፡
....እሳቸውም “አላህን ለመወንጀል ከፈለግክ እሱ በፈጠራት ምድር ላይ እንዳትኖር፤ እሱ በፈጠራት ሰማይ ሥርም አትቁም' አሉት፡፡

ሰውየውም በመገረም “አላህ ከፈጠራት ምድር ሌላ ምድር አለን? እንዲሁም ከፈጠራት ሰማይ ሌላ ሰማይ አለን?" ሲል ጠየቃቸው፡፡ እሳቸውም “ታዲያ ይህን ካወቅክ በእሱ መሬት ላይ እየኖርክ በርሱ ሰማይም ስር እየተጠለልክ ልትወነጅለው ይቻልሃልን?!' አሉ፡፡ ሰውየውም ፈፅሞ አይቻለኝም በማለት በሁለተኛ ደረጃ የሚሰጡትን ምክሮ አዲለግሱት ጠየቀ፡፡

እሳቸውም “አላሁን ለመወንጀል ከፈለግክ ከሲሳዩ አንዳች ነገር አትመገብ አሉት፡፡ ሰውየው እንደገና በመልሳቸው በጣም በመገረም “ለአላህ ጥራት ይገባው! ከአላህ ሲሳይ ውጭ ሌላ ሲሳይ ይገኛልን?” ሲል ጠየቃቸው፡፡
.....እሳቸውም በምድሩ ላይ እየኖርክ፤ በሰማዩም እየተጠለልክ፤ ከሲሳዩም እየተመገብክ ልትወነጅለው ይቻልሃልን?!' አሉት::

ሌላ ምክር ይጨምሩልኝ አላቸው፡፡
....እሳቸውም ምክራቸውን ቀጥለው "አላህን (ሱ.ወ) ለመወንጀል ከፈለግክ መለከል መዉት ወደ አንተ ሲመጣ ንስሀ እስከማደርግ ድረስ ትንሽ ጊዜያት ጠብቀኝ" በለው ወይም ከርሱ አምልጥ" አሉት።

ሰውየውም  በጣም  የሚገርም ነው! የሰው ልጅ የሕይወት ፍፃሜ ሊዘገይ ይችላል?! ፍፁም የማይመስል ነገር ነው:። ምክንያቱም አላህ (ሱ.ወ) እንዲህ ብሏል አይደለምን?

فَإِذَا جَاۤءَ أَجَلُهُمۡ لَا یَسۡتَـٔۡخِرُونَ سَاعَةࣰ وَلَا یَسۡتَقۡدِمُونَ

"ጊዜያቸውም በመጣ ወቅት ጊዜ አንዲትን ሰዓት ‎ አይቆዩም አይቀድሙም(አን ነህል 61)

“አራተኛውን ምክርዎትን ይጨምሩልኝ" አላቸው፡፡ እሳቸውም "በአላህ (ሱ.ወ) ምድር ላይ እየኖርክ በሰማዩም እየተጠለልክ ሲሳዩንም እየተመገብክ እሱን ልትወነጅል ይቻልሃልን!? ካሉት በኋላ "አላህን (ሱ.ወ) ለመወንጀል ከፈለግክ የጀሀነም ዘበኞች ወደ ጀሀነም እሳት ይዘውህ ሊሄዱ ሲሉ ከነርሱ አምልጥ ወይም ወደ ጀነት ሽሽ አሉት፡፡ ሰውየውም “ለአላህ ጥራት ይገባው! እነሱ እኮ

عَلَیۡهَا مَلَـٰۤىِٕكَةٌ غِلَاظࣱ شِدَادࣱ لَّا یَعۡصُونَ ٱللَّهَ مَاۤ أَمَرَهُمۡ وَیَفۡعَلُونَ مَا یُؤۡمَرُونَ
በእርሷ ላይ ጨካኞች፣ ሀይለኞች የሆኑ መላእክት አሉ፡፡ አላህን ያዘዛቸውን ነገር (በመጣስ) አያምፁም፡፡ የሚታዘዙትንም ሁሉ ይሠራሉ(አት ተህሪም6)

የተባሉት መላእክት ናቸው" አላቸው፡፡ እሳቸውም “በርሱ ምድር ላይ እየኖርክ፣ በሰማዩ እየተጠለልክ፤ የመሞቻ ቀን እየተቃረበ መሆኑን እያወቅክ፤ ከጀሀነም ዘበኞች ማምለጥ እንደማትችል እየተረዳህ አላህን (ሱ.ወ) ልትወነጅል ይቻልሃልን?" አሉት፡፡ ሰውየውም “ፍፁም አይቻለኝም ካላቸዉ ቡሀላ በዚህ የኢብራሂም ኢብኑ አድሀም ምክር ወደ አላህ(ሱ.ወ)ተዉባህ አድርጎ አላህ(ሱወ)በመታዘዝ ላይ በርትቶ ብዙ አመታት ከቆየ ቡሀላ ሞተ፡፡

⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️

#አላህን_ምህረት_ጠይቅ

አንድ ሰው ወደ ሐሰነ-ል-በስሪይ (ረ.ዐ) መጥቶ የዝናብ መቋረጥን በምሬት ነገራቸው እሳቸውም “አላህን ምሕረት ጠይቅ" አሉት፡፡
....ሌላ ሰው መጣና የውሀ ማነስን በምሬት ነገራቸው፡፡ ለእሱም “አላህን ምሕረት ጠይቅ” አሉት፡፡
......ሶስተኛ ሰው መጣና የልጆቹ ቁጥር ማነስ በምሬት ነገራቸው፡፡ ለእሱም እንደሌሎቹ "አላህን ምሕረት ጠይቅ" አሉት፡፡
.....አራተኛ ሰው መጣና “ምድሪቱ ምርት ከመስጠት ደርቃለች" በማለት በምሬት ነገራቸው፡፡ እሱንም ለአንደኛው ለሁለተኛውና ለሶስተኛው ሰው እንዳሉት “አላህን ምሕረት ጠይቅ" አሉት፡፡

ሰዎቹ ከሄዱ በኋላ አብረዋቸው የነበሩት “ሐሰነል-በስሪይ ሆይ! የሚጠይቅዎት ስው በመጣ ቁጥር “አላህን ምሕረት ጠይቅ" ይላሉን?" በማለት በግርምት ጠየቋቸው፡፡ እሳቸውም ይህ የአላህ ቃል አልገባችሁምን? ብለው የሚከተለውን የቁርአን አንቀጽ ለሰዎቹ አነበቡላቸው፡፡

‎
{ فَقُلۡتُ ٱسۡتَغۡفِرُوا۟ رَبَّكُمۡ إِنَّهُۥ كَانَ غَفَّارࣰا }{ یُرۡسِلِ ٱلسَّمَاۤءَ عَلَیۡكُم مِّدۡرَارࣰا
{ وَیُمۡدِدۡكُم بِأَمۡوَ ٰ⁠لࣲ وَبَنِینَ وَیَجۡعَل لَّكُمۡ جَنَّـٰتࣲ وَیَجۡعَل لَّكُمۡ أَنۡهَـٰرࣰا }

አልኳቸውም፡- ጌታችሁን ምሕረትን ለምኑት፡፡ እርሱ በጣም መሐሪ ነውና፡፡በእናንተ ላይ ዝናምን ተከታታይ አድርጎ ይልካል፡፡በገንዘቦችና በልጆችም ይለግሰላችኋል፡፡ ለእናንተም አትክልቶችን ያደርግላችኋል፡፡ ለእናንተም ወንዞችን ያደርግላችኋል፡፡»(ኑህ10-12)

ወንድሜ እህቴ ሆይ አላህን ምህረት መጠየቅ እናብዛ

join???
t.me/IslamisUniverstiy_public_group
t.me/IslamisUniverstiy_public_group

? #ሀቢቡና_ሙሀመድ ﷺ

✍አሚር ሰይድ

ኢብኑ ኢስሀቅ እንደዘገቡት ሐሊመንት ቢንት አል ሀሪስ ስለ ሀቢቡና ሙሀመድ ﷺ አስተዳደግ እንዲህ ሰትል አስተላለፈች

«ድርቅ በሆነበት ዓመት ከሌሎች የበኒ ሰዕድ እንስቶች ጋር ሆኜ የማደጎ ልጅ ፍለጋ ወደ መካ መጣን፡፡ ከደከመች ነጭ አሀያ ላይ ሁኜ ነበር የመጣሁት። ልጄ እና አንዲት ያረጆች ግመል አብራን ነበረች። ምንም ወተት አትታለብም ነበር። ልጃችን ሲርበው ስለሚያለቅስ ሌሊቱን ሙሉ እንቅልፍ የለንም። ጡቴ ምንም ነገር የለውም፡፡ ግመሌም ጋቷ ደርቋል" አላህ ከዚህ ጭንቅ እንደሚገላግለን ተስፋ እናደርግ ነበር።

መካ ደረስን። የአላህ መልዕክተኛ ﷺበማደጎ ልጅነት ቀርበውላት አልወስደውም ያላለች ሴት አላውቅም። የቲም ነው ሲባሉ ሴቶች ሁሉ ይተዉታል። «እናቱ ምን ታደርግልኛለች?» በማለት። ምክንያቱም የማደጎ ልጅ የምንወስደውም ከአባቱ አንዳች በጎ ነገር ፍለጋ ነው፡፡

ሁሉም ባልንጀሮቼ የማደጎ ልጅ አገኙ። እኔ ብቻ ቀረሁ። ከነቢዩ ውጭ ሌላ አጣን። ባዶ እጃችንን ልንመለስ ስንል ባሌን ሁሉም ባልንጀሮቼ የማደጎ ልጅ አግኝተው እኔ ባዶ እጄን አልመለስም» አልኩት፡፡ እናም ይህን የቲም ልጅ ለመውሰድ መወሰኔን ነገርኩት።

«ጥሩ አስበሻል። ምናልባትም አላህ በርሱ ስበብ በረከትን ይስጠን ይሆናል» አለ። ሄድኩና ያዝኩት። ሌላ ልጅ ስላጣሁ ብቻ ነው ይህን የቲም ለመውሰድ የተገደድኩት። ይዤው ወደ መኖሪያዬ ስሄድ ጡቴ ወተት ቋጠረ። ይህ ልጅ እስኪጠግብ ጠጣ። ወንድሙም እንዲሁ ጠጣ። ባለቤቴ ወደ ግመሏ ሄደ። ጋቷ ሞልቶ አገኘው፡፡ አለባትና ለኔም ለርሱም ጠጣን።

ጥሩ ሌሊት አሳለፍን። ሲነጋ “ሐሊማ ሆይ! የተባረከ ልጅ ያገኘሽ ይመስለኛል። እርሱን ካገኘን በኋላ እንዴት ዓይነት ደግና በረከታማ ሌሊት እንዳሳለፍን አላየሽምን?» አለኝ።

አላህ በረከቱን ያክልልን ጀመር። ወደ አገራችን ስንመለስ አህያዬ ጉልበት ጨመረች። ፈጥና ትገሰግስም ገባች። ባልንጀሮቼL «ይቺ የመጣሽባት አህያ አይደለችምን?» ይሉኝ ነበር። እርሷው መሆኗን ስነግራቸው አንዳች ነገር እንዳገኛት ይነግሩኛል። በዚህ ሁኔታ ከበኒ ሰዕድ ምድር ደረስን አገራችንን ገባን"

በአላህ እምላለሁ በዚሀች ምድር ላይ እንደቀያችን ደረቅ ወይም ምድራ በዳ የሆነ ምድር ያለ አይመስለኝም። ይህም ሆኖ ግን ፍየሎቼ ውለው ሲገቡ ጠግበውና ወተታቸው ሞልቶ ነው፡፡ በዙሪያችን ያሉ ሰዎች የፍየሎቻቸው ጋቶች ደርቀው ጠብታ ወተት እንኳ በማይሰጡበትና በሚራቡት ሁኔታ የኔ ፍየሎች ይጠግባሉ፡ ይታለባሉ፡፡ ከኔ ፍየሎች ጋር እንዲያሰማሩ ይመክሯቸው ነበር"

እረኞችም ፍየሎቻቸውን ከኔ ፍየሎች አጠገብ ያሰማራሉ። ግን የነርሱ ተርበው ይመለሳሉ" ጠብታ ወተት እንኳ አይሰጡም። የኔዎቹ ግን ጋቶቻቸው ሞልተውና ጠግበው ይመለሳሉ፡፡አላህ የተለያዩ በረከቶችን እያሳየን ይህ ልጅ አደገ"

አስተዳደግ ከሌሎች ልጆች የተለየ ነው። ሁለት ዓመት ሲሞላው ምግብ መመገብ የሚችል ሆነ። ጡት መጥባቱን አቆመ። ልጁን ባየንበት በረከት የተነሳ በጣም ብንፈልገውም ለእናቱ መመለስ ስለነበረብን ይዘነው ሄድን።
.... እናቱ ስታየው ሌላ አንድ ዓመት ከኛ ጋር ይቆይ ዘንድ ፍቀጅልን! የመካ ወረርሽኝ እንዳያገኘው እንሰጋለታለን» አልናት። በአላህ እምላለሁ! ደጋግመን ጠየቅናት። በመጨረሻ ፈቃደኛ ሆነች። መልሼ ወሰድኩት። ሦስት ወራት ያህል ቆየን።

አንድ ቀን ከቤታችን ጀርባ ከልጅ ጋር በመጫወት ላይ እያለ ልጁ በድንጋጤ ተዉጦ መጣ...ሙሐመድን ሁለት ነጭ ልብስ የለበሱ ሰዎች መጥተው ካስተኙት በኋላ ሆዱን ቀደዱት» አለ።
....እኔና ባሌ ደንግጠን ወደርሱ በረርን። ቆሞ አግኘነው። ገፅታው ተለውጧል።ባሌ አቀፈውና ምን አገኘህ?» ሲል ጠየቀው፡ ነጭ ልብስ የለበሱ ሁለት ሰዎች መጡና

አስተኝተውኝ ሆዴን በመቅደድ አንዳች ነገር አውጥተው ጣሉት። ከዚያ በኋላ እንደነበር መለሱለት» አለን። ወደቤት መለስነው።
....ባሌም ሐሊማ ሆይ! ልጁ አንዳች ነገር አግኝቶት እንዳይሆን እሰጋለሁ» አለኝ። የምንፈራው ነገር ከመከሰቱ በፊት ለቤተሰቦቹ ልንመልሰው ተስማማን። ተሸከመን ወሰድነው፡፡ ከእናቱ ዘንድ ስንደርስ፣ ምን ሆናችሁ አመጣችሁት? ከናንተ ጋር እንዲቆይ ጓጉታችሁ አልነበረምን?» አለችን።

«አዎ፣ በእርግጥ ብለን ነበር። አላህ ፍላጎታችንን ሞልቶልናል። አንዳቸ ክፉ ነገር ሳያገኘው በፊት ወደናንተ እንመልሰው ብለን ነው» አልን።
«ምን ሆናችሁ ነው? እውነቱን ንገሩኝ?» አለች። እንድንነግራት አጥብቃ ጠየቀችን። የሆነውን ነገርናት። «ሰይጣን ሰግታችሁለት ነውን? ይህን ልጅ ሰይጣን አያገኘውም። የተለየ ተሰጥኦ ያለው ልጅ ነው.

በማለት በእርግዝናዋ ወቅት ያጋጠማትን አጫወተችን «እርግዝናዬ በጣም ቀላል ነበር። አንድ ቀን በሕልሜ አንዳች ብርሃን ከኔ ዘንድ ወጣ። የሻምን ሕንፃዎች ሲያበራ አየሁ፡፡ አወላለዱም ከሌሎች ልጆች የተለየ ነው፡፡ እጆቹን ተመርኩዞና ራሱን ወደሰማይ አቅንቶ ነበር» አለችን።»

ሀቢቡና ሙሀመድ ሶለሏሁ አለይሂ ወሰለም

ይህ ሐዲስ በበርካታ የሐዲስ መስመሮች ተላልፏል። እጅግ ሰፊ ተቀባይነት ካላቸው ሐዲሶች መካከል አንዱ ነው፡፡

join???
t.me/IslamisUniverstiy_public_group
t.me/IslamisUniverstiy_public_group

#ትልቅ_አስተምህሮ
✍አሚር ሰይድ

ዐብዱረሕማን ኢብኑ ሰሙራህ (ራዐ) እንዳስተላለፉት የአላህ መልዕክተኛ ﷺአንድ ቀን ወደኛ መጥተው የሚከተለውን ነብያዊ ንግግር አደረጉልን። እንዲህም አሉን-

“ዛሬ ቀን አንዳች የሚገርም ሕልም አይቻለሁ እርሱም

➊. ከሕዝቦቼ መካከል አንዱ የሞት መልአክ ሕይውቱን ሊነጥቀው ወደርሱ _ መጣ _ ለወላጆቹ የነበረው ቅን ታዛዥነት ወደርሱ በመምጣት የሞት መልአክ የሰውየውን ሕይወት እንዳይወስድ ሲከለክልለት ተመልክቻለሁ !

➋. ከሕዝቦቼ መካከል አንዱ ሰይጣኖች ከበውት ሳለ የአላህ ማስታወስ ወደርሱ በመምጣት ሰይጣኖችን ከርሱ አባረረለት፤

➌. ከሕዝቦቼ መካከል አንዱ የጀሀነም መላእክት ከበውት ሳለ የሚሰግዳት ሰላት ወደርሱ በመምጣት ከእጃቸው ስትነጥቀው ተመልክቻለሁ

➍. ከሕዝቦቼ መካከል አንዱ በጥም ሳቢያ ከአንድ ኩራ አጠገብ ሊጠጣ ሲል ተባረረ፡፡ ጾም ወደርሱ በመምጣት ሲያጠጣው ጥሙንም ሲያረካለት ተመልክቻለሁ

➎. ከሕዝቦቼ መካከል አንዱ ነብዮች በቡድን በቡድን ተቀምጠው ሳለ ወደ አንድ ቡድን በሄደ ቁጥር እንዳይቀመጥ ይከለከልና ይበረር ነበር፡፡ ለጀናባ ያደረገው ትጥበት ወደርሱ በመምጣት ከኔ ጐን ሲያስቀምጠው ተመልክቻለሁ !

➏. ከሕዝቦቼ መካከል አንዱ ከፊት ለፊቱም፣ ከጀርባውም፤ ክቀኙም ከግራውም _ ከሁሉም : አቅጣጫው : ጨለማ አካብቦት ነበር፡፡ ያደረጋቸው ሐጅና ዑምራ መጥተው ከጨለማ አውጥተው ወደ ብርሃን ሲያስገቡት ተመልክቻለሁ

➐. ከሕዝቦቼ መካከል አንዱ በእጆቹ የእሳት ነበልባልን ሲከላከል የሰጣት ምጽዋት ወደርሱ መጥታ በእሱ ላይ ጥላ ስትሆን ተመልክቻለሁ

➑. ከሕዝቦቼ መካከል አንድ ሙእሚኖችን ሲያናግር እነሱ ግን አያናግሩትም ነበር። ሲቀጥለው የነበረው ዝምድናን የመቀጠል ተግባር ወደርሱ በመምጣት ሙእሚኖች ሆይ! እሱ ዝምድናውን ሲቀጥል የነበረ ሰው ነውና እናግሩት ጨብጡትም ሲላቸው ተመልክቻለሁ

➒. ክሕዝቦቼ መካከል አንዱ የጀሀነም ዘበኞች አዋክበውት ላለ ሲፈፅመው የነበረው በመልካም የማዘዝና ከመጥፎ የመከልከል ተግባር ወደርሱ በመምጣት አከዘበኞቹ እጅ ነፃ ሲያደርገውና ወደ እዝነት መላእክት ሲያስረክበው ተመልክቻለሁ!

➓.ከሕዝቦቼ መካከል አንዱ ከፊት ለፊቱ አንዳች ግርዶሽ ኖሮ ሳለ መልካም ሥነ-ምግባሩ ወደርሱ በመምጣት እጁን ይዞ ወደ ጌታው ሲያስገባው ተመልክቻለሁ

➊➊.ከሕዝቦቼ መካከል አንዱ የሠራው ሥራ መዝገብ በግራ እጁ መጣለት፡፡ ለአላህ ያለው ፍራቻ ወደርሱ በመምጣት መዝገቡን በቀኝ እጁ ሲያደርግለት ተመልክቻለሁ፤

➊➋.ከሕዝቦቼ መካከል አንዱ የመልካም ሥራዎቹ ሚዛን ክብደት ሲያንስ ከአብራኩ የተገኙት ልጆቹ ሲሞቱ ያደረጋቸው ትዕግስቶች ወደርሱ በመምጣት ክብደቱ ከፍ እንዲል አደረጉ፡፡ በዚህም ከቅጣት ሲድን ተመልክቻለሁ፤

➊➌.ከሕዝቦቼ መካከል አንዱ በእሳት ላይ ሲንሳፈፍ አላህን ፈርቶ ያፈሰሳት እንባው ወደርሱ መጥታ ያለበትን እሳት በማጥፋት ከእሳት ነፃ ስታወጣው ተመልክቻለሁ፣

➊➍.ከሕዝቦቼ መካከል እንዱ በጀሀነም አፋፍ ላይ ሳለ አላህን በፅኑ የመፈለጉ ባሕሪው ወደርሱ  በመምጣት ከጀሀነም እንዲርቅ ሲያደርገው ተመልክቻለሁ፤

➊➎.ከሕዝቦቼ መካከል አንዱ በሲራጥ ላይ ልክ ኃይለኛ ነፋስ ሲመጣ ከወዲያ ወዲህ እንደምትወዛወዝ የቴምር ዛፍ እሱም ሲንቀጠቀጥ በአላህ ላይ ያለው መልካም ጥርጣሬ ወደርሱ በመምጣት እንዲረጋጋና ባለበት እንዲረጋ ሲያደርገው ተመልክቻለሁ፤

➊➏.ከሕዝቦቼ መካከል አንዱ ሲራጥ ላይ በደረቱ ሲሳብና ሲድህ በኔ ላይ ያደረገው ሶላት (አላሁመ ሶሊ ዐላ ሙሐመድ) ወደርሱ በመምጣት በትክክል በሲራጥ ላይ እንዲሄድ ስታደርገው ተመልክቻለሁ፤

➊➐.ከሕዝቦቼ መካከል አንዱ ከፊት ለፊት የጀነት በሮች ሲዘጉ በእርግጥ ከአላህ በስተቀር አምልኮ የሚገባው አምላክ የለም እኔም የአላህ መልዕክተኛ መሆኔን አረጋግጦ የሰጠው ምስክርነት ወደርሱ በመምጣት የጀነት በሮችን ከፍታ ጀነት እንዲገባ ስታደርገዉ ተመልክቻለሁ ብለዉ ተናግረዋል፡፡

ይህ ነብያዊ ሐዲስን አቡ ሙሳ አል-መድየኒይ (ረ.ዐ) “አት-ተር ጊቡ ፈር-ል- ኺሷል አል-መንጂይያህ" በተሰኘው መፅሀፋቸው የዘገቡት ሲሆን ኢብኑ ተይሚይያህ (ረ.ዐ) ይህን ነብያዊ ሐዲስ ትልቅ ቦታ ከመስጠታቸው ባሻገር "ለትክክለኛነቱ በርካታ ማስረጃዎች አሉ'' በማለት ተናግረዋል፡፡

ለሌሎች ያካፍሉ
join???
t.me/IslamisUniverstiy_public_group
t.me/IslamisUniverstiy_public_group

የረመዳን ተአምራት እና ዮሺኖሪ

በ አውሮፓያኑ አቆጣጣር 2016 የ አለማችንን ትልቁን ሽልማት Nobel Prize in Physiology or Medicine ሽልማት ያሸነፈው ፊዚዮሎጂስት Yoshinori Ohsumi ነው። ያሸነፈውም የ ሰውነትን controlled autophagy “የጽዳት ዘመቻ” ሳይንስ በድንቅ ምርምር ከደረሰበት በኋላ ነው። ታድያ ይህ ድንቅ ሰው የሰራው ስራ ስለ ረመዳን ጾም የተለየ ግንዛቤን የፈጠረ ነበር። እናብራራው...

የሰው ልጅ ለ 12 ሰአትና ከዚያም በላይ ብቻ ከጾመ "ኦቶፋጂ" (autophagy) በመባል የሚታወቀውን የሴል ሂደት ለመጀመር ያስችለዋል። ይህን ሂደት "የ ሰውነት የጽዳት ዘመቻ" በማለት ልንጠራው እንችላለን። እናም በዚህ የ "ኦቶፋጂ ጽዳት ዘመቻ በ ሰውነት በየቦታው የወዳደቀ ፕሮቲን (Damaged protein) የተበላሹ ሴሎችን ሳይቀር በሙሉ ጠራርጎ በማቃጠል ያስወግዳል።

በተፈጥሮ ያረጁ ሴሎች በ ህይወት እያሉ በምትካቸው ወጣት ሴል አይመረትም። ለምሳሌ ይህንን ሁኔታ በ መከላከያ ሴሎች (Immune system) አንጻር ብናይ የሰውነት ባረጁ ሴሎች መሞላት ተጸኖው ቀላል አይደለም። ሽማግሌ ፖሊስ ከሌባ እንደማያስጥለው ሁሉ ሽማግሌ የ መከላከያ ሴልም ከ በሽታ አያድንም። አንድ ሰው 12 ሰአት ጾም ሲጾም ሰውነት የ ምግብ ጉድለቱን ለመሙላት ሲል ሽማግሌ ሴሎችን ገድሎ ለምግብነት ይጠቀማቸዋል (ይበላቸዋል) (ሰው በተፈጥሮ የሚከሳው የራሱን አካል በልቶ ነው)። ሆኖም ስናፈጥር (ስንበላ) አዲስ ንቃት ያለው ወጣት ሴል እንዲፈጠር እድል ይሰጣል (immune cell recycling) ። በዚህም ሂደት ሁሉም ሴል ሲታደስ በዛውም የመከላከያ ሚኒስተር ታደሰ ማለት ነው። ያማለት የበሽታ መከላከል አቅም በ ጾም ምክኒያት ተሻሻለ ማለት ነው።

ይህ ሂደት ሴሎች የራሳቸውን ክፍሎች የሚያድሱበትና እንደገና ጥቅም ላይ እንዲውሉ የሚያደርግም የተፈጥሮ አሠራር ነው።ይህ ሂደት በተለይ ኒውሮዲጀነሬቲቭ ሁኔታዎችን ካንሰርን ጨምሮ ገዳይ በሽታዎችን በመከላከል ረገድ ከፍተኛ ሚና ሊጫወት ስለሚችል ለሰው ልጅ እጅጉን አስፈላጊ ነው ።ይህም ሴሎችን ለመጠገንና ለማጽዳት የሚረዳ ከመሆኑም በላይ ለረጅም ዕድሜና እርጅናንም ለመከላከል ተጽእኖ አለው።
እጅግ የሚገርመው ሰውነት autophagyን ለመጀመር በትንሹ ለ12 ሰዓት እና በላይ ያህል ይፈልጋል። ከሃይማኖት ጾም አንጻር ስናየው ከእስልምና ጾም ጋር ብቻ ትይዩ ነው (ፊጥራ)።

ዛሬ ላይ ፈረንጆች እንደ ጤናማ ባህል promote እያደረጉት ነው።ዩሽነሪ በሽልማቱ ለጋዜጠኞች ስለ autophagy ሲያብራራ ጾሙ ለ4 ሳምንት ሲተገበር እጅግ የተዋጣለት ይሆናል።
እናም አላህ ሱብሃነሁ ወተዓላ በጤና እንድንከርም በ ፊጥራ ይህንንም ሲስተም በዓመት አንድ ጊዜ ሰውነት ላይ ለአንድ ወር እንዲካሄድ የወሰነለት ሀቅ ይሆን እያልን ተገረምነ ??? “ተባረከላሁ አህሰኑል ካሊቂን” አልን።

ፎቶው የ ፕሮፌሰር Yoshinori Ohsumi ነው።

ፌሚኒስቶችን ጠይቃቸው ፦

«አይፎንን በአንድሮይድ የአጠቃቀም መመሪያ (Manual) ወይም አንድሮይድን በአይፎን (አይ ኦ ኤስ)  Manual መጠቀም እንችላለን? »

መልሳቸው አጭር ነው ፦ «አንችልም» ።

ሁለቱም የስልክ ምርቶች ለተመሳሳይ አላማ የተፈበረኩ መሆናቸውን ያምናሉ።ነገር ግን አፈጣጠራቸው የተለያየ የአጠቃቀም መመሪያ እንዲወጣላቸው አስገድዷል። ፌሚኒስቶች ይህን ሐቅ ለአላህ ሲሆን የማይቀበሉበት ምክንያት አይገባኝም።

አላህ ጀለ ጀላሉህ ወንድና ሴትን በተስተካከለ ቁመና ላይ ለአንድ አላማ ፈጥሯቸዋል። በአፈጣጠራቸውም ልክ መብትና ግዴታቸውን አለያይቶ ደንግጓል።

የአንዱን መብትና ግዴታ  ለሌላው መስጠት በደል ነው። ለተለያዩ አፈጣጠሮች ተመሳሳይ ማንዋል እንጠቀም ማለትም ነው። ሴት ልጅ ከወንድ እኩል ናት በሚለው መፈክራቸው መብቷን እንዳስከበሩላት ይሞግታሉ። ነገር ግን ከወንድ ልጅ እኩል ነች ሲሉ የወንድን ግዴታም እያሸከሟት መሆኑን መቀበል አይፈልጉም።

ለዚህም በሴት ላይ የሆነ በደል ሲከሰት «እንዴት ሴት ላይ ይህ ይፈፀማል?!» በማለት መልሰው ይጮሃሉ። ውስጣቸው በውጭ የሚያስተጋቡትን አቋም መልሶ ስለሚፃረረው ነው። እኩል ናቸው ብለው ካመኑ «እንዴት በሴት ላይ?» ብለው መጮህ አልነበረባቸውና! 

ፌሚኒዝም ሀሰትን እውነት በማስመሰል እልኸኝነት ላይ የተመሰረተ ቆሻሻ እምነት ነው። የሰው ልጅ ያመረተውን እቃ ካምራቹ በላይ ስሪቱን አናውቅም በማለት ማኑዋሉን አክብረው ይጠቀማሉ። በትንሹ በሳምሰንግ ኬብል አይፎንን ቻርጅ አያደርጉም፤ አይሞክሩትምም።ስለማይሆንም ስህተት ነው ብለው ያምናሉ።

የሰው ልጅን አስተካክሎ የፈጠረው አላህ ለፈጠራቸው ፆታዎች ያስቀመጣቸው መብትና ግዴታዎች ላይ ግን ጥያቄ ያነሳሉ፤ ይከራከራሉ!
ለመሆኑ አላህ ወይስ እናንተ ናችሁ አዋቂዎች?
አላህን ስለፈጠረው ነገር ልትከራከሩት ትፈልጋላችሁ? 

«እናንተ ታውቃላችሁን? ወይንስ አላህ?» በላቸው፡፡
(አልበቀራህ 140)

ነገሩ  ያለው ወዲህ ነው። እርሱም አላህ ወንድን ሲፈጥረው በጥንካሬ፣ በብርታትና ልፋትን በመቻል (በመቋቋም) ላይ እንዲሁም በማስተዳደር ሃላፊነት ሹመት ላይ ነው። ሴትን ደግሞ በልስላሴና በድካም ላይ ነው። ለዚህም አላህ ወንድን በሴት ላይ አብልጦታል። አላህ በተከበረ ቃሉ እንዳለው ፦

«ወንዶች በሴቶች ላይ ቋሚዎች (አሳዳሪዎች) ናቸው፡፡ አላህ ከፊላቸውን በከፊሉ ላይ በማብለጡና (ወንዶች) ከገንዘቦቻቸው (ለሴቶች) በመስጠታቸው ነው፡፡» (አን ኒሳእ 34)

የአላህ መልእክተኛ (ሰዐወ) እንዲህ ይላሉ፦

« አላህ ሆይ!  የሁለቱን ደካሞች ሐቅ ማጓደልን ወንጀል አድርጌያለሁ ፤ የቲምና ሴትን»
(ነሳኢይ)

ይህን የአላህ ህግ የጣሰ ፍልስፍናና አስተሳሰብ ሁሉ ውድቅና የጥመት አስተሳሰብ ነው። ፌሚኒዝምን ኢስላማዊ አድርገው በሚያቀርቡ ደናቁርቶች ልንሸወድ አይገባም ። አላህ ይምራን!

Ismaiil Nuru