صدفة ولگيتچ بالدرب . بسلوبچ نهاريت
لا انتي زلمة ولا مرة. كلش ترة انجنيت
صوتچ مثل كل عاصفة. يجرفني تمنيت
فدوة فداوي الوجنتچ يا عمري انداريت
من شفتچ انباگ الگلب. وخل لا يرد ياريت
ما عندي غيرچ وانحسد. لمن درو حنيت
مو حقي لو احن وانجرف اي منعجب حسيت
وينة اليشبهچ بالخلگ ليهسة عالي الصيت
صافن واجاني هالشعر. ردت اكتبة وضليت
شحچي وشگولن يا ترة. وبعطرچ تنخيت
شفتچ مثل قبلة عشگ. الصورتچ صليت
ما داعي ماي الما جرة بدمعتي توضيت
ياهي المثل صيتچ تضل بالشارع وبالبيت
مدري انتي يا نوع وصدگ يل وجنتچ چكليت
اختم كلامي بلا وصف شيوصفچ مليت
كل هذا وأنتي اكبر بعد يا شمعة تزهي البيت

فارغ كل مكان بهالاصابيع
مو لازم حضرتچ تترسة اورود
ما داعي الحچي اتعلمنا عالعين
عارف بس ضحكتچ تنحسب جود
مو كلمن يعزب من عرب هاذ
اهواي امن الأجانب تلگة بي زود
ياهي اللي تشبهچ بالنساوين
غير انتي الملاك البينة موجوود
شاعر بس كتاباتي القديمات
كلهن فارگتهن وهسة رديت
يا محلة الكتب من تكتب اعليچ
سافر لو عباية انتي صايوود
صادت كل گلب بس نظرة وتگول
يا صايود مثلي ابصيدتة ايعود
اسف ما اوصفچ اني غلطان
يا وصفة طبيب التغلة وتزود
كل الناس تعرف غالي بس غير
بس يمة الشفاء ويبقة مريوود
شالت نظرتچ عدت براهيين
مو من النساء أعيونچ السود
صارت للگلب بلسم للجروح
كافي من اشوفچ ابقة محسود
ما اسولف ترة يحسدوني الناس
ساكت والمشاعر تحچي اردود
راح اختم كلامي وچلمة تنگال
اسف راح اعوفچ وابدي بالعود
يا نغمة الاحطها الهاي الالحان
اخر لحظة هاي ورايح نعود
راجع وي فراغچً وانتي هم راح
ما ترجع ضحكتچ بيها مگيود
صابر والصبر مفتاحة للگال
باچر بلكي الله الرايدة يعود

بالشيلة اشم ريحة امان
غير امي هاي ام الحنان
ماتت ولا كنها اتركت
بصمة اعلة ايام الزمان
@@@@@@@@@@'
هنيالة كلمن عندة ام وياه تكون
وامن الصبح يلگاها المنورة الاعيون
تدعيلة ما تدعي النفسها بالسكون
ما ترضة يزعل والزعل عدها يهون
مرضاها من مرضى الالاه
امي وگلبها من سواه
ياهي المثلها وما غفت
تتنطرة وبكل مكان
@@@@@@@@@@@@
يا اول احچايت بخت امي الحياة
لو لاها ما عشنة ولا شفنة امنيات
بالدنية ما نلگة المثلها التضحيات
ثابت گلبها وما رجف اصل الثبات
يوم تعنتها الوفات
وصتنا امي اعلى الاخوات
گالتلي يمة كل اخت
تحرسها من كيد الزمان
@@@@@@@@@@@@
ردينة بس ردت غريب ابلاية روح
من كل كتر تنزف بقت هاي الجروح
الما عدة ام بهالحياة ابدمه نوح
شفنة الصخر من همنا ضل هوة ينوح
اخذي الگلب شوفي الدليل
من بعدچ اني اشگد عليل
والدنية بيها اشگد متت
يل چنتي بعونچ ضمان
@@@@@@@@@@@@@
حسن جابر السعيدي

گمت اختنگ من رحت شسوة الزمان الفات
لا ليلي جاب الصبر لا بيه اغمض اعيون

محبوبي والمن صرت ايامك الصعبات
خلني موتي سهل كافي الهجر ميهون

قرآني بيدي اندعي ياربي بس لحظات
بس مرة خليه يمر ربي صرت مجنون

اغفة بدعاء الفجر خاتمهن الايات
خذلانك الما خلص. تخذلني بللة اشلون

كل واهسي منكسر وسط الگلب لوعات
گلبي ولا ينغوي طول العمر ميخون

يل چنة طير بغصن مثل الحمامات
من تالي خيبت امل. كل البشر يدرون

يل گتلي ما نفترك كل العمر هيهات
شبسرعة دار الوكت وابقة بگلب مطعون

محبوبي هاك الوعد. مو من فقط كلمات
ابصملك بدمي بعهد. بسمك اضل مجنون

غيروك أعلية بس نبقة اصدقاء
تبقة ذاك المانسيتة من زمان

منطي للعالم درس عن الوفاء
امي هاي البيها مزروع الحنان

زاعلتني عود ارد وانسة اللقاء
سهلة عود انمشي اعليك وتهان

والله مثلي ما يهم محلة البلاء
احچي كلشي تبقة ذاك انتة التصان

تدري يا حال الگلب گلبي وعطاء
روحة بيك وملتزم وأخذ الضمان

غيروك اشفكرو باقي الوفاء
انتة صح اتغيرت بس باللسان

گلبك الباقي الترف طول البقاء
انتة يا انسان مثلك بيك امان

يل امانك باقي لو بعد الفناء
اغلة من دم الگلب يل حبنة بان

بين اعلينة الزعل زعلك بقاء
احنة هيچ امن الطفولة وكل زمان

مشي اجروحي الى الغالي التعب راح
دواها شوفت اچفوفك هالجراح
زلم واطفال اللي تريدك يعباس
تعاينها ويرد الها القبل راح
حذفنا كلشي من عدنا بالايام
فقط بس صورتك ضلت بالأرواح
يبو فاضل ولا همانا كل داي
لان دوم بوجودك كل مرض زاح
يدكتور العلل طبعك يوفاي
ولا رديت الي بحاجة الك راح
اجينة ونرفع الراية يعباس
زلم وانطينة الاحچاية التعب طاح
ولا همنة التعب عادي والاعيون
ابد لا ما غفت لحظة يمصباح
اذا دار الوكت بينة العلل بيك
ولا نهتم لان ندريها تنزاح
عليك بزينب الحرة والاسياط
بدمع عين اليتامة وذاك الاصياح
هزل نسوة هظم طفلة دعيناك
وأعرفك ما تردني تعود الأفراح
واحلفك بالحسين وذاك جسام
بدمة نحرك حبيبي الفوگ الأرماح
طلبنة بس نظرتك وانتة رجواي
اضل دوم اعلة بابك يمك ارتاح

حي الله النشامة الراية علوها
فوگ امن الغيوم ابهمة صعدوها
هيبت موكب الزهراء. صوت الناصرية هنا
بيرغ للوفاء الخدمة خلوها
@@@@@@@@@@@@
يا گرمة بني اسعيد واهاليها
ذولة اهل الكرم والغيرة تاليها
تفضل يزاير فدوة مر بيها
نتشرف خدمتك هيبة تدريها
مو بس زلم بيها. اطفال التحييها
ذولة امجربين وما يتركوها
@@@@@@@@@@@@@@
اهل الگرمة هيبة الناصرية احزام
اهل الغيرة ذولة وما تطخ الهام
من سبعة صفر مشاية ابكل عام
دوم الخدمة رادو تستعد متنام
راية كافل الفترة. هيبة رفت الخضرة
اسم الزهرة بيها العالي يدروها
@@@@@@@@@@@@@@
متحزمة بخدمتك يا ابو الاكبر
باچر ماكو غيرك صاحب المعبر
وفقها بلواءك رأيتك تحضر
ياسيد شباب الجنة يل الازهر
ندعوك بگلب ضامي. الخدمة جوهر ايامي
كل عام وخدمتك هيبة يلگوها
@@@@@@@@@@@@@
كلمات حسن جابر السعيدي

نحي الطشت يحسين اختك واختي
تصعب عليها العين. اختك واختي
تبچي وتصب ادموم چبد الاخو المسوم
@@@@@@@@@@@@@@@@
نحي الطشت گلب الأخت لا ينصاب
زينب ترة الشافت مصايب الاحباب
چم لوعة ببها وچم اثر دم الاصواب
فگد الاخو ماهو سهل مر الأغياب
تصعب عليه تنوح. اختك واختي
نار الاخت متروح. اختك واختي
يبن امي اختك واختي
ما تنسة زينب دوم چبد الاخو المسموم
@@@@@@@@@@@@@@@@@
اني الحسن حان الوعد الراح يكون
ليل الاموادع صعب لا ميهون
لا تبچي عينك لو رحت دم الاعيون
هذا الامر لابد بعد امرة ايكون
اختي وصيتي هاي اختك واختي
هية السند كل دنياي اختك وأختي
يبن امي اختك واختي
نار الگلب تلهب دوم. چبد الاخو المسموم
@@@@@@@@@@@@@@@@@@
ترمي السهام اعلة النعش هاي اعداي
ما تقبل ابگبري ويضل هم دنياي
صبرك عليهم والقدر يل وفاي
يوم العطش انتة تضل أبلا ماي
بيوم الوعد وتذوب. اختك واختي
تبچي بگلب مصيوب. اختك واختي
يبن آمي اختك واختي
أصعب وداع يحوم . چبد الاخو المسموم
@@@@@@@@'@@@@@@@@@@
درب السبي صعبة اهواي حرمة تروح
وي الغرب سوط المتن. لا ميروح
ما ترضة تبچي وتنتحب أعليك تنوح
فوگ الرمح راسك يضل يمها يلوح
شيصبر التنگاد. اختك واختي
بين الغرب واحقاد. اختك واختي
يبن آمي اختك واختي
ضل الگلب مالوم. چبد الاخو المسموم
@@@@@@@@@@@'@@@@@@
كلمات حسن جابر السعيدي

يا ميت هلا زواري گصدوني
الما كفاها صحني اتكفي اعيوني
@@@@@@@@@@@@
اعرفكم علية وعن اهل بيتي
شريفة امن الحسن متعلمة تربيتي
جدي المرتضى وكلها اعرف بصيتي
والجدة الزچية المنها حرموني
@@@@@@@@@@@@@
كلمن طبني زاير حاجتة بعينة
واسمع من شكالي ما تردينة
دعيت الله بگلب ما خلص اونينة
يگضي حاجتة وي اليزوروني
@@@@@@@@@@@@@
٢٠ بمحرم خلصت ايامي
بس ضيم وحزن والدمعة والامي
يسموني الشريفة وام گلب ضامي
طفلة امن المآسي وضيمي دفنوني
@@@@@@@@@@@@@@@
شريفة وبنت ابوي اليكرم ضيوفة
تعرفوني الحزينة بحزني معروفة
طفلة امن السباية ورحنة مچتوفة
السوط الهسة بعدة يوجع امتوني
@@@@@@@@@@@@@@@
چم لوعة وحزن واشگد الم شفتة
عمي الاعلى الترب يا حسرتي عفتة
رحت واوية السبايا وحيلي ضيعتة
دفنوني بهظم وابلوعة عافوني
@@@@@@@@@@@@@@@
كلمات حسن جابر السعيدي